Дастшӯӣ дар оби тоза, акс аз бойгонӣ

Тасвиби созишномаи 58 миллион долларӣ барои таъмини Хатлон бо оби тоза

63
(Таҷдидшуда 17:22 23.10.2019)
Маҷлиси намояндагони Тоҷикистон имрӯз созишномаи грантӣ бо Ассотсиатсияи Байналмилалии Рушд дар бораи обтаъминкунӣ ва беҳдоштро ба тасвиб расонд

ДУШАНБЕ, 23 окт — Sputnik. Файзиддин Қаҳҳорзода, вазири молияи Тоҷикистон зимни шарҳи созишномаи мазкур ба вакилони парлумон гуфт, маблағи умумии он 58 миллион доллари амрикоиро ташкил медиҳад.

Манбаъ афзуд, ки лоиҳаи "Обтаъминкунӣ ва беҳдошт дар деҳот" аз се қисмат иборат буда, навоҳии вилояти Хатлонро фаро мегирад.

"Давоми солҳои татбиқи лоиҳа корҳои зиёде, ба монанди бо оби ошомиданӣ таъмин намудани 426 маҳалли аҳолинишини дар гурӯҳи ноҳияҳои минтақаи Вахш тавассути сохтмони 445 километр шабакаи обрасонӣ, таъмин намудани 54 маҳали аҳолинишини ноҳияи Восеъ бо оби тоза тавассути барқарорсозии зиёда аз 150 километр шабакаи обтаъминкунӣ, инчунин сохтмони иншооти беҳдошти санитарӣ ва утоқҳои санитарию гигиенӣ дар 150 муассисаи таълимӣ ва 50 муасисаи тандурустӣ пешбинӣ шудааст", - хабар додааст “Ховар” аз қавли Файзиддин Қаҳҳорзода.

Радабандии кишварҳои ҷаҳон аз рӯи камбуди об: Тоҷикистон дар кадом зина аст?

Манбаъ афзуд, ки бо татбиқи ин лоиҳа дастрасии аҳолии шаҳру ноҳияҳои Кӯшониён, Вахш, Ҷалолиддини Балхӣ, Леваканд, Дӯстӣ, Ҷайҳун ва Восеи вилояти Хатлон бо оби ошомиданӣ ва хизматрасонии обу беҳдошт таъмин мегардад.

Татбиқи лоиҳаи мазкур соли 2019 оғоз гардида, то соли 2025 идома меёбад ва дар назар аст, ки тайи ин муддат дастрасии беш аз 1 миллион нафар аҳолии Хатлон ба оби ошомиданӣ таъмин гардад.

63
Барчаспҳо:
грант, созишнома, об, Хатлон, Тоҷикистон
Пыльная буря в Душанбе

Тӯфони сахт ва чангу ғубор: ҳушдори КҲФ аз ҳавои номусоид дар Тоҷикистон

477
(Таҷдидшуда 14:43 10.07.2020)
Кумитаи ҳолатҳои фавқулодаи Тоҷикистон аз тӯфони сахт ва чангу ғубор ҳушдор дода гуфт, чӣ гуна бояд худро аз хатар эмин нигоҳ дошт

ДУШАНБЕ, 10 июл — Sputnik. Кумитаи ҳолатҳои фавқулоддаи Тоҷикистон бо истинод ба маълумоти Ожонси ҳавошиносии Тоҷикистон ба таваҷҷуҳи шаҳрвандон ва меҳмонони кишвар мерасонад, ки шабонарӯзи оянда дар як қатор ноҳияҳои ҷанубии кишвар ва навоҳии тобеъи марказ шамол шиддат мегирад.

"Суръати вазиши он аз 15 то 20 метр дар як сония мерасад. Маъмулан ин гуна вазъ метавонад сабабгори сар задани тӯфон аз чангу ғубор шавад", - омадааст дар хабарнома.

Дар ҳамин иртибот Кумитаи ҳолатҳои фавқулодда аз аҳолӣ даъват мекунад ба беморони гирифтори рагу дил, қанд, фишори хуни ҳадди боло бештар диққат диҳанд.

Кумита ҳамчунин ба ронандагон ва кӯҳгардон ёдовар мешавад, ки ҳангоми ҳаракат аз маконе ба макони дигар қоидаҳои техникаи бехатариро риоя намоянд, фосилаи байни мошинҳоро ҷиддан риоя кунанд ва аз сангрезиши эҳтимолӣ ҳушёр бошанд. 

Дар ин гуна рӯзҳои чӣ бояд кард? Чанд тавсия ба сокинон ва меҳмонони кишвар

  • Бештар об бояд нӯшид, ҳатто на камтар аз 2 – 2,5 литр дар як рӯз ва ба қадри имкон то 0,5 литр оби минералӣ.
  • То имкон доред, тирезаҳои хонаҳоятонро пӯшида нигоҳ доред. Агар шумо мехоҳед ҳавои хонаро тоза кунед, пас бидонед, ки бадтарин ҳолат дар соатҳои аввали субҳ аст. Ин замонест, ки моддаҳои ҳалношудаву муаллақ дар фазои атроф мутамарказ мешавад. Наздики нимирӯзӣ қисмати болоии замин гарм мешавад ва ин ҳама модаҳои муаллақи ҳалношуда зери фишори  дамои гарм ба боло меравад. Дар ин ҳолат метавон тирезаи бозро бо дока ва ё тӯр пӯшонд, вале фаромӯш накунед, ки он бояд дар ҳолати намӣ нигоҳ дошта шавад.
  • Дар хона бояд рубучини банам гузаронед, талош кунед ҳавои он ҳамеша тоза бошад.
  • Дар ин гуна рӯзҳо духтурон ба хотири мушкилот барои чашмон истифодаи ҳар гуна айнакҳои иртиботиро иҷозат намедиҳанд. Чашмонатонро ҳам эҳтиёт кунед. 

Тавсия барои онҳое, ки бемории зиққи нафас доранд ва ё аз аз касалиҳои шуш ранҷ мебаранд:

  •  меъёри доруҳои мавриди истеъмолро кам накунед,
  • ҳамеша бо худ ингляторҳо дошта бошед,
  • агар талабот ба истифодаи ингляторҳо аз 4 то 6 маротиба дар рӯз беш шавад, ҳатман ба духтур муроҷиат намоед. 

КҲФ ҳамчунин даъват карда, ки дар ҳоли ба вуҷуд омадани ҳолати фавқулода шаҳрвандон бо телефони 112 ва ё ба Қисми навбатдории КҲФ бо шумораҳои 223-13-11, 93 880 28 19 муроҷиат намоед.

477
Барчаспҳо:
чангу ғубор, борону чангу ғубор, Тоҷикистон, КҲФ ҶТ
Кадры разрушенных домов после землетрясения в Раштском районе

Заминҷунбӣ дар Тоҷикобод 100 манзилро хароб кард: хисорот ҳисоб шуду кумак баррасӣ мешавад

178
(Таҷдидшуда 12:25 10.07.2020)
Хисороти заминҷунбӣ дар Тоҷикобод муайян шуда, феълан масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад

ДУШАНБЕ, 10 июл — Sputnik. Гурӯҳи кории байниидоравӣ хисороти заминҷунбӣ дар деҳоти ноҳияи Тоҷикободро муайян намуд. Дар ин хусус АМИТ "Ховар" бо такя ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттилоъ медиҳад. 

"Ба асари заминҷунбӣ 26 манзили истиқоматӣ қисман зарар дидаанд, 85 хонаи истиқоматӣ ва биноҳои ёрирасони воқеъ дар деҳаҳои Ганишоб, Сафедоб, Дараи Назараки ҷамоати деҳоти Қалъаи Лаби об, Себистон, Ширинчашма, Сари Най ва Полезаки ҷамоати деҳоти Ширинчашма, Нушори ҷамоати деҳоти Нушор, Зарафшон ва Шаҳристони ҷамоати деҳоти ба номи М. Шогадоев каму беш осеб дидаанд", — омадааст дар хабарнома.

Гуфта мешавад, санҷиш нишон дод, ки хонаҳои аз заминҷунбӣ зарардида дар солҳои 70-80-уми асри гузашта бидуни риояи қойидаҳо ва меъёрҳои сохтмонӣ бо истифода аз масолеҳи сохтмонии маҳаллӣ бунёд шудаанд. Заминҷунбӣ талафоти ҷонӣ ба бор наовардааст.

Айни замон масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад.

Барои муайян кардани хисороти заминларза гурӯҳи корӣ ба Тоҷикобод рафт

Хотирнишон менамоем, ки 4 июл дар Ҷумҳурии Тоҷикистон заминдарза ба кайд гирифта шуд. Маркази заминларза 201 километр дуртар аз самти шимолу шарқии Душанбе, дар ҳудуди ноҳияи Тоҷикобод воқеъ буд. Қувваи заминларза дар марказ 5 ва дар шаҳри Душанбе 3 балро ташкил дод.

Заминҷунбӣ дар Тоҷикобод: чанд манзили сокинон хароб шуд

178
Барчаспҳо:
ҳисоб, хисорот, заминҷунбӣ, Тоҷикобод
Мавзуҳо:
Заминларза дар Тоҷикистон
Премьер-министр Таджикистана Кохир Расулзода

Супоришҳои Расулзода ба масъулин барои суръатбахшӣ ба корҳои сохтмонӣ дар Балҷувон

0
Сарвазири Тоҷикистон, Қоҳир Расулзода ба масъулин ҷиҳати суръатбахшӣ ба корҳои сохтмонӣ дар иншооти ҷашнӣ, бозсозии роҳ то мавзеи Сари Хосор, тадбирҳои зиддиэпидемикӣ, таъмини шароити мусоид барои рушди сайёҳӣ дастуру супоришҳои мушаххас дод

ДУШАНБЕ, 10 июл — Sputnik.  Дар доираи  ин сафар ба вилояти Хатлон, Қоҳир Расулзода бо ҷараёни корҳои созандагӣ ва ободонӣ дар  ноҳияи Балҷувон ошно гардид.  

Дар ин бора АМИТ «Ховар» бо такя ба мақомоти иҷроияи ҳокимияти давлатии вилояти Хатлон хабар медиҳад.

Сарвазир бо ҳайати гурӯҳи корӣ бо корҳои  таъмиру навсозии роҳҳои маҳаллии деҳаи Шайдони Ҷамоати деҳоти «Сари Хосор» ошно шудааст.

Гуфта мешавад, ки навсозии ин  роҳҳо дар доираи нақша-чорабиниҳо бахшида ба 30-солагии истиқлоли давлатии Тоҷикистон амалӣ гардида, саҳми соҳибкорон  дар ин ободкориҳо зиёд аст.

"Масофаи роҳи мумфаршгардида наздики 4 км-ро ташкил дода, корҳои сохтмониро техникаҳои роҳсозии Муассисаи давлатии нигоҳдории роҳҳои автомобилгарди ноҳия анҷом медиҳанд", - омадааст дар хабарнома.

Масъулин иттилоъ додаанд, ки аз соли 2019  азнавбарқарорсозии Қаълаи таърихии Мири Балҷувон  оғоз гардида, алаккай як қисмати корҳо дар ин макони таърихӣ ба анҷом расидаанд. Қаълаи  мазкур яке аз ёдгориҳои таърихии ноҳия маҳсуб шуда, ҳамасола шумораи зиёди сайёҳони дохилию хориҷӣ аз он дидан менамоянд.

Расулзода бо ҳайати гурӯҳи корӣ аз корҳои сохтмонӣ дар бинои маъмурии бахши ҳифзи муҳити зисти ноҳия, ҷойи баргузории намоишгоҳ, литсейи касбӣ-техникӣ, майдони Парчами давлатӣ, осорхона ва варзишгоҳ дидан карданд.

Сохтмони варзишгоҳ барои 6000 ҷойи нишаст дар маркази ноҳия бо маблағгузории Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон   ҷараён  дошта, он яке аз  иншооти  ҷашнӣ маҳсуб мешавад.

Дар иншоот 35 нафар мутахассисон ба кор ҷалб гардидаанд.

Ҳамчунин дар ноҳия ҷаласаи кории назди сарвазир дар Қасри фарҳанги ноҳияи Балҷувон бо иштироки раиси вилояти Хатлон Қурбон Ҳакимзода, аъзои Ҳукумат ва фаъолони ноҳия доир гардид.

0
Барчаспҳо:
дастуру супоришҳо, масъулин, Қоҳир Расулзода, Балҷувон