Верблюды в пустыне, архивное фото

Ҳиҷрати Ҳазрати Муҳаммад (с) : оғози таърихи нав дар ҷаҳони Ислом

985
(Таҷдидшуда 17:23 25.10.2019)
Ҳиҷрати Ҳазрати Муҳаммад (с) оғози таърихи нав дар ҷаҳони ислом буд ва сулҳофарин будани дини исломро исбот кард

Шаби ҳиҷрати Ҳазрати Муҳаммад (с)

Ҳиҷрати Ҳазрати Муҳаммад (с) - шаби 27-уми моҳи сафар, рухдодест, ки паёмбари Худо Ҳазрати Муҳаммад (с) шаҳри Маккаро тарк карда бо ёру пайравонаш ба шаҳри Ясриб (Мадина) кӯчид. Ин рухдод оғози таърихи нав дар ҷаҳони Ислом ба ҳисоб меравад. Тамоми мусалмонони ҷаҳон имрӯз ҳиҷрати паёмбарро ёд мекунанд.

Чаро Ҳазрати Муҳаммад (с) ҳиҷрат кард 

Ашрофи қабилаҳои араб ба даъвати Муҳаммад (с) барои парастиши Худои ягона - Аллоҳ нобоварона назар мекарданд ва аз дину худоҳои сершумори авлодию қабилавии худ даст намекашиданд. Қурайшиҳо ҳатто қасд доштанд, Муҳаммад (с) ва пайравони ӯро ба қатл расонанд. Барои ҳамин Ҳазрати Муҳаммад (с) соли 622 аз ҷониби Худо огоҳ карда шуд, ки душманон дар паи куштораш ҳастанд ва паёмбар бояд ба пайравонаш, ки то он дам бештари онҳо ба Мадина кӯчида буданд, ҳамроҳ шавад.

Два верблюда
© Sputnik / Сикорский
Два верблюда

Ҳамин тавр, Ҳазрати Муҳаммад (с) аз Макка ба шаҳри дигари арабии Ясриб сафар, яъне ҳиҷрат мекунад, ки ин сафар дар таърихи дини ислом ҳамчун "ҳиҷрат"-и Муҳаммад (с) пайғамбар аз Макка ба Мадина машҳур аст.

Баробари ба Ясриб ҳиҷрат кардани Муҳаммад (с) обрӯю эътибори паёмбар дучанд шуд. Ҳазрати Муҳаммад тавонист қабилаҳои муқобилро дар Ясриб оштӣ диҳад ва пешвои дини ислом дар шаҳри Мадина гардад. Ҳамин буд, ки шаҳри Ясриб номи "Мадина ан-Набӣ", яъне "шаҳри Пайғамбар"-ро гирифт.

Шаби ҳиҷрати Ҳазрати Муҳаммад (с) дар соли 2019

Соли ҳиҷрати Муҳаммад (с) - оғози зуҳури дини ислом ва солшумории нав - солшумории мусулмонии хиҷрӣ (шамсӣ ва қамарӣ) муқаррар гардид. Расман солшумории ҳиҷрии мусулмонон аз соли 637 пас аз даргузашти Муҳаммад (с) дар давраи хилофати халифаи дуюм - Умар ва бо қарори ӯ оғоз шуд, ки мувофиқи маохизи таърихӣ, ба 16 июли соли 622 рост омад.

Город Медина в Саудовской Аравии, архивное фото
© AP / Hadi Mizban
Город Медина в Саудовской Аравии, архивное фото

Шаби ҳиҷрати Ҳазрати Муҳаммад (с) ба рӯзи 26 октябри соли 2019 баробар аст. Соли 2019 мувофиқи солшумории ҳиҷрии шамсӣ соли 1397-1398 ва мувофиқи солшумории ҳиҷрии қамарӣ соли 1436-1437 мебошад.

Дар Мадина ба Ҳазрати Муҳаммад (с) даст дод, ки мардуми зиёдро мусалмон кунад. Пас аз чанде ҳатто паёмбар бо ҳамроҳии ёронаш ба Макка лашкар кашида, онро ҳам ба худ тобеъ кард. Ашрофони қурайшиҳои Макка илоҷи дигар наёфта, ба Муҳаммад (с) пайғамбар таслим шуданду се талаби худро бар ивази қабули дини Ислом, ироа карданд.

  • Шаҳри Макка маркази дини ислом бошад.
  • Хонаи Каъба ва Санги Сиёҳ муқаддасоти ислом эълон карда шаванд.
  • Зиёрати Макка, ё худ адои маросими ҳаҷ барои ҳар як мусулмон ҳатмӣ гардад.

Пайғамбари ислом ин пешниҳодоти қурайшиҳоро қабул кард. Баъди ин қурайшиҳо ва қабилаҳои дигари Макка дини исломро қабул намуданд.

Дини исломро қабул кардани мардуми Макка ғалабаи муҳимтарини Муҳаммад ва ёрони ӯ - муҳоҷирҳо, ансорҳо ва умми мусулмонон буд.

Шаби ҳиҷрат чигуна таҷлил мешавад

Шаби ҳиҷрати паёмбари Худо Ҳазрати Муҳаммад (с) дар ҷаҳони ислом чун ҷашн таҷлил намешавад. Балки дар ин рӯз мусалмонон дар масҷидҳо ва ҷамоатхонаҳо ҷамъ омада дар бораи зиндагии пурибрати паёмбари Худо меомӯзанд ва дар ҳаққи Ҳазрати Муҳаммад (с) ва аҳли байти ӯ дуо мекунанд.

Ҳиҷрат дар дини ислом чӣ рухдоде ҳаст

Хусусияти фарқкунандаи дини ислом, пеш аз ҳама, дар он зоҳир мешавад, ки пайғамбари баргузидаи он Муҳаммад ибни Абдуллоҳ (с) шахсияти воқеии таърихӣ буда, тамоми  зиндагиномаи ӯ дар китобҳои сершумори сирату ансоб, таърихнома ва тафсирҳову маҷмӯаи аҳодис возеҳу равшан баён гардидааст.

Ҳиҷрати Ҳазрати паёмбар (с) дар таърихи дини Ислом рухдоди муҳим аст. Ҳиҷрати паёмбар анҷоми давраи ҷоҳилият, ки давраи пеш аз ислом буд, ба ҳисоб меравад.

Нахустин бор мусалмонон соҳиби давлат бо марказаш дар шаҳри Мадина гардиданд. Арабҳо ҷанги ҷидоли миёни қабилаҳоро як сӯ гузошта ба парастиши Худои ягона оғоз карданд ва дини Ислом дар Шарқи Наздик ва баъдтар дар Осиё ва дигар манотиқи ҷаҳон паҳн шуд.

985
Барчаспҳо:
Ҷаҳон, ислом, таърих, паёмбар, Муҳаммад (с)
Пожилой мужчина в кепке

Шифо ёфтани пирамарди 109 сола дар Эрон аз коронавирус

60
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

60
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон

Таъсири COVID -19 ба туйҳои арӯсию домодӣ дар Хуҷанд

529
(Таҷдидшуда 16:38 11.07.2020)
Зарфи як моҳ, яъне аз замоне, ки Ситоди ҷумҳурӣ оид ба пешгирӣ ва мубориза бо бемории COVID-19 ба баргузории маъракаҳои туйи домодию арӯсӣ иҷоза дод, дар шаҳри Хуҷанд 47 ҳолати бастани ақди ниқоҳ сабт шудааст

ДУШАНБЕ, 11 июл – Sputnik. Масъулони Идораи сабти асноди ҳолати шаҳрвандӣ (ЗАГС) дар шаҳри Хуҷанд мегуянд, бемории COVID - 19 ҳатто ба баргузории маросимҳои ақди никоҳ таъсири худро расондааст.

Фирӯза Раҳимӣ, мудири хонаи ақди никоҳ дар Хуҷанд гуфтааст, ки танҳо дар як моҳи охир аз замоне, ки Ситоди мубориза бо COVID – 19 барои баргузории туйҳои арӯсию домодӣ иҷоза дод, дар шаҳри Хуҷанд дар умум 47 мавриди бастани ақди ниқоҳ доир шудааст. Бино ба гуфтаи Раҳимӣ, ин теъдод назар ба моҳҳои гузашта ба маротиб кам будааст.

Ду тӯй дар як хонавода: арӯс ва 12 меҳмон мубталои коронавирус шуданд

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқарраротҳои нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам бо иштироки то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Абдуғаффор Ҷабборов, сардори Маркази назорати давлатии санитарию эпидемологии Суғд чанде пеш дар суҳбат ба Sputnik Тоҷикистон гуфт, ки риояи ин муқарраротҳо дар вақти баргузории маъракаҳо, аз сӯи кормандони ин ниҳод дар шаҳру ноҳияҳо назорат мешавад.

"Ба ҳамаи роҳбарони туйхонаҳо пешниҳод дода шудааст, ки баргузории маъракаҳоро дар доираи муқарраротҳои Ситоди ҷумҳуриявӣ оид ба мубориза бо COVID-19 доир намоянд. Даромад бо ниқобҳои муҳофизатӣ барои ҳар як иштирокчии туй, ҳатто арӯсу домодро назорат кунанд, фосилаи ҷои нишаст барои иштирокчиёнро нигоҳ доранд. Инчунин дар даромадгоҳҳо бояд дастгоҳҳои ҳароратсанҷ (тепловизор) фаъол карда шуда, маводи антисептикӣ, дастмолҳои яккарата ва маводи дастшӯӣ (собун) таъмин карда шавад", - гуфт Ҷабборов.

Ҳоло волидоне, ки барои баргузории туйи фарзандонашон зарурат доранд, тибқи муқарраротҳои Ситоди пешгирии COVID – 19 дар доираи маҳдуд баргузор мекунанд. Аммо бархеи дигар интизор доранд, ки “вируси корона” ба пуррагӣ маҳв гардад ва онҳо туйи аъзои хонаводаи худро дар доираи васеъ ва бидуни ниқоббандӣ доир кунанд.

Дар Тоҷикистон ҳамасола то 60 ҳазор бастани ақди никоҳ ба қайд гирифта мешавад, ки аз ин шумор бештар аз 23 ҳазор маврид ба вилояти Суғд рост меояд.

529
Барчаспҳо:
тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон