Раджаббой Ахмадзода, глава согдийской области

Аҳмадзода: дар Бӯстон масъалаҳои ҳалталаб зиёданду фаъолияти мақомот беҳбудӣ металабад

146
(Таҷдидшуда 17:55 01.11.2019)
Ахиран Раҷаббой Аҳмадзода, раиси виллояти Суғд зимни сафари кориаш ба шаҳри Бӯстон дар толори бинои мақомоти шаҳри Бӯстон қабули шаҳрвандонро баргузор намуд

ДУШАНБЕ, 1 ноя — Sputnik.  Бино бар иттилои дафтари матбуоти ҳукумати вилояти Суғд, зимни қабули шаҳрвандон 15 сокини шаҳри Бӯстон бо масъалаҳои мухталиф ба Раҷаббой Аҳмадзода, раиси вилояти Суғд муроҷиат намуданд.

Манбаъ таъкид намудааст, ки ҳадафи қабули шаҳрвандон ин баррасии масъалаҳои муҳими сокинон ва ҳалли саривақтии онҳо мебошад.

“Дар ҷараёни қабули шаҳрвандон аз ҷониби Раиси вилоят 15 нафар  нафар сокинон бо масъалаҳои мухталиф, аз ҷумла ҷудо кардани қитъаи замини наздиҳавлигӣ, нарасидани оби нӯшокӣ,  таъмиру тармими иншооти иҷтимоӣ, кӯмаки моддию молиявӣ пазируфта шуданд”, - зикр намудааст манбаъ.

Ҳамани тавр, раиси вилоят аз қабули шаҳрвандон натиҷагирӣ намуда, ба масъулини Мақомоти иҷроияи ҳокимияти давлатии вилоят ва роҳбарияти шаҳр супориш дод, ки ба ҳалли масъалаҳои шаҳрвандон эътибори зарурӣ дода, мушкилоти онҳоро сари вақт ҳал намоянд.

Манбаъ ёдрас шудааст, ки дар давоми 9 моҳи соли равон ба мақомоти вилоят 171 нафар  сокинони шаҳри Бӯстон муроҷиат намудаанд.

Манбаъ қайд намудааст, ки ин рақам баёнгари он аст, ки дар шаҳр масъалаю муаммоҳои ҳалталаб зиёданду фаъолияти мақомоти ин минтақа ва ташкилоту муассисаҳои шаҳр дар ин самт беҳбудӣ металабад.

146
Барчаспҳо:
қабули шаҳрвандон, фаъолият, мақомот, масъала, шикоят, шаҳрвандон, Бӯстон, Раҷаббой Аҳмадзода, Суғд
певец Бахром Гафури

Парвиз Назаров дар бораи Баҳром Ғафурӣ: "инсони воқеъӣ ва мусиқачии асил буд"

1003
(Таҷдидшуда 15:16 10.08.2020)
Сарояндаи машҳури Тоҷикистон ва Қазоқистон Парвиз Назаров ба аҳли хонаводаи овозхони номдор ва ҷавонмарг Баҳром Ғафурӣ изҳори ҳамдардӣ кард

ДУШАНБЕ, 10 авг – Sputnik. Парвиз Назаров Баҳром Ғафуриро дӯст ва инсони вовеъӣ хонда, аз реҳлати ӯ изҳори таассуф намуд.

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

"Хайр дӯстам! Ту инсони заминию воқеъӣ ва мусиқачии асил будӣ. Се рӯз пеш дар инстаграмат аз нашри суруди нав хабар додӣ ва ман гуфтам, ки ин суруд албатта Хит мешавад. Ҳоло ту нестӣ, ин бароямон фоҷиаи бузург аст",  навиштааст Парвиз ва бо аҳли хонавода ва дӯстони Баҳром Ғафурӣ изҳори ҳамдардӣ кардааст.

Парвиз Назаров ҳамчунин аз овозхонии муштарак бо Баҳром Ғафурӣ ёдоварӣ карда, изҳори хушнудӣ кардааст, ки тавонистанд ҳамроҳ суруде бисароянд.

Посмотреть эту публикацию в Instagram

Прощай мой друг!Ты был настоящим,искренним человеком и прекрасным музыкантом.Три дня назад ты выставил пост в инстаграмме,о том что выходит твоя новая песня, я прокомментировал,Новый хит! Ты ответил…Спасибо Парвизджон!А сейчас тебя уже нет, это большая трагедия для нас,тех кто любил,ценил и уважал тебя!Вспоминается как мы репетировали а днем позже состоялось наше совместное выступление, где нас приветствовало 20000 человек, мы пели песню «Лове лов» тебе она очень понравилась, ты еще сказал: Она мне очень подходит…Как будто она сделана для меня..Как хорошо что мы с тобой успели это сделать!Спасибо тебе за чуткость и внимание.Скорблю вместе с твоей семьёй и твоими родными🙏!Прощай дорогой Бахром! #RIP #бахромгафури

Публикация от Parviz Nazarov|Парвиз Назаров (@parviznazarovpnf)

Ёдовар мешавем, овозхони машҳури Тоҷикистон Баҳроми Ғафуровӣ субҳи рӯзи 7 - уми август дар шаҳри Душанбе бар асари садамаи нақлиётӣ ҷон бохт.

Баҳром ҳамагӣ 44 сол дошт ва гарчанде пас аз садама фавран ба бемористон интиқол ёфт, вале пизишкон натавонистанд ҷони ӯро аз чанголи марг раҳонанд.

Ҷасади Баҳром Ғафурӣ дар қабристони Ҳазрати Мавлоно дар маҳаллаи "Нӯҳум километр"-и Душанбе ба хок супорида шуд.

Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

Суқути ситораи санъати тоҷик: даргузашти Баҳром Ғафурӣ - видео

Баҳром Ғафурӣ яке аз сарояндагони шинохта дар давоми 20 соли охир дар саҳнаи эстрадаи тоҷик ба ҳисоб мерафт. Ӯ дар байни мухлисон бо суруди “Муҳоҷирбача” ва “Орзу” машҳур гардида буд.

Дар тӯли фаъолияти эҷодиаш 10 албомро ба мухлисон эҳдо кардааст. Солҳои охир дар бандубаст ва офаридани филмҳои ҳунарӣ низ саҳм мегузошт. Яке аз қаҳрамонҳои марказии филми овозадори “Сукут” ба ҳисоб мерафт. Филми охироне, ки Баҳром дар он нақш офарида буд, филми “Риё” буд, ки соли 2019 рӯйи пардаи синамо баромад.

Чандин маротиба аз сӯи созмонҳои мусиқӣ унвонҳои “Ситораи сол” ва “Овозхони беҳтарин” – ро ба даст овардааст. Моҳи ноябри соли 2009 дар озмуни Big Apple music Awards “Овозхони беҳтарини мард” эълон шуд.

1003
Барчаспҳо:
даргузашт, сӯгворӣ, ҳамдардӣ, Парвиз Назаров
Люди в масках в городе

Ширин Исматуллозода дар бораи мубориза бо COVID - 19: "мо хотирҷамъ шудаем, ки хато аст"

314
(Таҷдидшуда 15:04 10.08.2020)
Ширин Исматуллозода мусовини сарвазири Тоҷикистон гуфт, зарур аст, мисли рӯзҳои аввали пайдоиши COVID - 19 сарҷамъона корро ба роҳ монда байни мардум корҳои фаҳмондадиҳиро бештар кунем

ДУШАНБЕ, 10 авг – Sputnik. Муовини сарвазири кишвар Ширин Исматуллозода дар доираи сафари корӣ ба вилояти Хатлон 8 август аз муассисаҳои тандурустии шаҳру ноҳияҳои Восеъ, Ҳамадонӣ, Бохтар, Кӯшониён ва Вахш дидан намуда бо раиси вилояти Хатлон Қурбон Ҳакимзода Ситоди вилоятӣ оид ба пурзӯр намудани тадбирҳои зиддиэпидемиявӣ ҷиҳати пешгирӣ аз хуруҷи бемории сироятии коронавирус (COVID-19) дар вилояти Хатлон доир кардааст.

Ширин Исматуллозода дар ноҳияи Ҳамадонӣ аз мактаби рақами 42 дидан карда, бо ҷараёни омодагии ин мактаб ба соли нави ошно шудааст. Масъулини муассиса иттилоъ доданд, ки дар назди мактаб имсол бинои нави таълимӣ мавриди истифода қарор мегирад ва ҳамзамон дар паҳлуи мактаб бунгоҳи тиббӣ ба фаъолият шурӯъ кардааст, ки барои мактаббачагон ва ҳайати омӯзгорон хизмат мекунад, хабар медиҳад АМИТ "Ховар".

Муовини Сарвазир таъкид карда, ки дар шароити пандемия мактаб низ яке аз мавзеъҳои осебпазир ба ҳисоб меравад ва ба хотири пешгирӣ аз паҳншавии  COVID-2019 тамоми чораҳои беҳдоштиро биандешанд. Аз ҷумла, пӯшидани ниқоб ва ҳар лаҳза шустани дастонро ба хонандагон таъкиду ташвиқ намоянд.

Дар шаҳри Бохтар Исматуллозода бо фаъолияти фабрикаи ресандагии ҶСШК «Ресанда», ки ба дӯхтани ниқобҳои тиббӣ, либосҳои муҳофизатии тиббӣ ва либосҳои мактабӣ машғул аст, шинос шудааст. Инчунин муовини сарвазир бо як коргоҳи дӯзандагии шаҳр ва омодагии занони бохтарӣ ба фасли зимистон шинос шудааст.

Ширин Исматуллозода боз бо дастури президент ба сафар баромад: ин дафъа ба Кӯлоб рафт

Дар беморхонаи клиникии вилоятии ба номи Бӯрӣ Воҳидови шаҳри Бохтар Ширин Исматуллозода бо табибону беморон ва наздикони онҳо суҳбат карда, ба масъулини беморхона таъкид намудааст, ки тамоми имкониятҳои худро ба хотири саломатии мардум истифода кунанд.

Дар ноҳияи Кӯшониён муовини сарвазир бо вазъи беморхонаи марказии ноҳия ва фаъолияти коргоҳи дӯзандагии ташкилоти ҷамъиятии «Наҷиба» шинос шудааст. Бино ба иттилои масъулин, соли равон коргоҳ бо чанд мактаби маркази ноҳия шартнома баста, онҳоро бо либосҳои мактабӣ таъмин менамояд.

Исматуллозода ҳамчунин аз шуъбаи қабул ва сироятии беморхонаи марказии ноҳияи Вахш дидан карда, бо кормандони ин муассиса оид ба пешгирии COVID-2019 ва сари вақт дарёфт кардану ба табобат фаро гирифтани беморон суҳбат кардааст.

Пас аз боздиду шиносоӣ бо муаасисаҳои таълимию тандурустии шаҳру ноҳияҳои болозикр, бо иштироки Ширин Исматуллозода ва Раиси вилояти Хатлон Қурбон Ҳакимзода Ситоди вилоятӣ оид ба пурзӯр намудани тадбирҳои зиддиэпидемиявӣ ҷиҳати пешгирӣ аз хуруҷи бемории сироятии коронавирус (COVID-19) дар вилояти Хатлон доир гардид.

Ширин Исматуллозода зикр намудааст, ки дар пешгирии COVID-19 аз рӯзи аввали бақайдгирияш сарҷамъона тавонистем шиддати онро дар ҷумҳурӣ паст кунем. Бо дастуру супоришҳои Президент тамоми сохторҳои давлатӣ дар ҳамбастагӣ кор карданд. 

"Мутаассифона, имрӯз як навъ хотирҷамъ шудаем, ки ин хатост. Моро зарур аст, ки боз ҳам мисли ҳамон рӯзҳои аввали пайдоиши ин беморӣ сарҷамъона корро ба роҳ монем. Байни мардум корҳои фаҳмондадиҳиро бештар кунем. Фаъолияти муаасисаҳои кумаки аввалияро тақвият бахшида, гашти хона ба хонаро аз нав эҳё карда, дар пайдо намудану сари вақт ба табобат фаро гирифтани беморон кумак намоем", — гуфт Ширин Исматуллозода.

Ӯ ҳамчунин таъкид дошта, ки дар арафаи соли нави хониш зарур аст, ки корро бо мактабҳо пурзӯр карда, хонандагонро бо ниқобҳои тиббӣ ва маводи антисептикӣ таъмин намоем.

314
Барчаспҳо:
бунёди табобатхона, мактабҳо, Хатлон, боздид
Мавзуҳо:
Пайомадҳои COVID-19 дар Тоҷикистон ва ҷаҳон
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

2143
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

2143
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед