Иқдоми ҳукумат барои поин овардани арзиши гӯшту шир дар Тоҷикистон
ДУШАНБЕ, 2 дек — Sputnik. Сар аз якуми январ дар Тоҷикистон ба воридкунандаҳои маҳсулоти хӯрокворӣ имтиёзҳои бештар дода мешавад, хабар медиҳад агентии ТоҷикТа.
Бар хабари манбаъ, ҳукумат барои коҳиш додани нархи маҳсулоти хӯрокворӣ дар бозорҳои Тоҷикистон тасмим гирифтааст ба воридкунандаҳои маҳсулоти хӯрокворӣ имтиёзҳои ҷадид пешниҳод намояд.
Аз ҷумла гуфта мешавад, ки воридкунандаҳои чорвои хушзот ва чорво барои гӯшт ба Тоҷикистон ба чунин имтиёзҳо соҳиб хоҳанд шуд.
Ба замми ин аз 1-уми январ воридоти ҳама гуна навъҳои хӯроки чорво аз пардохти ААИ ва боҷҳои гумрукӣ озод карда мешаванд”, - қайд кард манбаъ.
Гӯшт арзон мешавад: бо супориши Эмомалӣ аз Белорус 300 тонна гӯшт меоранд
Қобили зикр аст, ки аз нимаи соли равон нархи гӯшт, орд ва маснуоти ордӣ дар Тоҷикистон боло рафт.
Охири моҳи август, ки гӯшт 38-40 сомонӣ нарх дошт, айни замон бо арзиши 52-55 сомонӣ фурӯхта шуда, нархи як халта орд аз 170 сомонӣ ба 220 сомонӣ расид. Арзиши як литр шир дар Душанбе давоми ним сол 1,5 сомонӣ боло рафта, феълан 5 сомонист.
Ёдовар мешавем, ки чанде қабл раиси шаҳри Душанбн Рустами Эмомалӣ ба хотири таъмини бозорҳои ҷумҳурӣ аз гӯшти хушсифату арзон супориши қатъӣ дода буд.
Гузориши телевизиони давлатии Тоҷикистон аз зарари гӯшт
Бо супориши шаҳрдори Душанбе, корхонаи воҳиди давлатии "Истеҳсол, харид, захира ва фурӯши маҳсулоти ниёзи аввалия"-и шаҳри Душанбе аз ширкатҳои Беларус — "Комбинати гӯшти Слонимск" ва "Комбинати гӯшти Слутск" ба ҷумҳурӣ 300 тонна гӯшти чорвои калон ворид менамояд.
Гуфта мешавад, айни замон ба пойтахт 20 тонна гӯшти гов оварда шуда, минбаъд низ марҳила ба марҳила воридоти он меафзояд.
Барчаспҳо:
Раҳмон фармони баланд шудани маош, нафақа ва идрорпулиро имзо кард: чӣ қадар зиёд шуд?
ДУШАНБЕ, 4 авг — Sputnik. Сар аз авоили моҳи сентябри соли ҷорӣ дар Тоҷикистон маоши кормандони давлатӣ, нафақаи маъюбону пиронсолон ва идрорпулии донишҷӯён баланд бардошта мешавад.
Фармони афзун шудани маошу нафақа ва стипендияи донишҷӯёнро имрӯз, 4 - уми август, раисҷумҳури Тоҷикистон ба имзо расонд.
Тибқи котиботи раисҷумҳури Тоҷикистон, маоши вазифавии кормандони ташкилоту муассисаҳои соҳаҳои маориф, илм, фарҳанг, варзиш, ҳифзи иҷтимоӣ, соҳаҳои воқеии иқтисодиёт ва кормандони дигар ташкилоту муассисаҳое, ки аз ҳисоби буҷети давлатӣ маблағгузорӣ мешаванд, ба андозаи 15 фоиз зиёд карда мешавад.
Нафақа аз 1 сентябр 15 дар сад меафзояд
Ҳамчунин бо фармони Эмомалӣ Раҳмон маоши вазифавии кормандони ташкилоту муассисаҳои соҳаи тандурустӣ низ ба андозаи 15 фоиз зиёд шуд.
Гузашта аз ин маоши кормандони мақомоти идораи давлатӣ, мақомоти судӣ ва прокуратура, мудофиа, мақомоти ҳифзи ҳуқуқ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот низ 15 дарсад баланд бардошта мешавад.
Идрорпулии донишҷӯён ва нафақа низ ба андозаи 15 фисад афзун карда шуд.
Раҳмон рамзи таҷлили ҷашни 700 - солагии Камоли Хуҷандиро интихоб кард - акс
(Таҷдидшуда 17:14 04.08.2020)
Рамзи мазкур аз ҷониби Академияи мусаввирии Тоҷикистон, Иттифоқи рассомон ва Донишкадаи санъати тасвирӣ ва дизайн омода гардидДУШАНБЕ, 4 авг — Sputnik. Раисҷумҳури Тоҷикистон Эмомалӣ Раҳмон рамзи таҷлили ҷашни 700-солагии шоири бузурги тоҷик – Камоли Хуҷандиро интихоб намуд, хабар медиҳад котиботи Президент.
Символ празднования 700-летия великого таджикского поэта - Камоли Худжанди
Ба иттилои манбаъ, рамзи мазкур аз ҷониби Академияи мусаввирии Тоҷикистон, Иттифоқи рассомон ва Донишкадаи санъати тасвирӣ ва дизайн омода гардида, бо иштироки мутахассисони Академияи миллии илмҳо дар бахши ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа мавриди баррасӣ қарор гирифт.
"Хӯшаи гандум": рамзи нави Данғара дар даромадгоҳ чигуна аст - акс
Рамзи 700-солагии Камоли Хуҷандӣ доирашакл буда, гирдогирди рамзро се хат - сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Дар гирди рамз бо забони тоҷикӣ "Камоли Хуҷандӣ" навишта шуда, дар поёни он "700" бо рақам нишон дода шудааст.
Инчунин дар поёни акс рамзи шараф низ ҷой гирифтааст.
Барчаспҳо: