День 7 декабря

Ҷашнҳои рӯзи 7 декабр дар Тоҷикистон ва ҷаҳон

105
(Таҷдидшуда 17:02 06.12.2019)
Рӯзи ҳафтуми декабр дар Тоҷикистон рӯзи кормандони мақомоти молия, рӯзи байналмилалии авиатсияи гражданӣ ва дар Арманистон рӯзи ёдбуди қурбониёни бар асари заминларза ҳалокгардида мебошад

Рӯзи 7 декабр дар ҷаҳон чӣ рух дод

Соли 1905 дар Русия сензураи пешакӣ бекор карда шуд.  

Соли 1922 Парлумони Ирландияи Шимолӣ ба муқобили  шомилшавӣ  ба ҳайати давлати озоди Ирландия овоз дод.

Соли 1987 дарозтарин ҳолати бозмондани таппиши дили одам ба қайд гирифта шуд, ки он 4 соат тӯл кашид.

Соли 1994 Конститутсияи Ҷумҳурии Удмуртия қабул карда шуд.

Соли 2011 дар идораи Минтақаи озоди  иқтисодии "Суғд" ду корхонаи дигар – ҶММ "Зарафшон" ва ҶММ "Равзана Пластик" ба қайд гирифта шуданд.

Рӯзи 7 декабр дар Тоҷикистон чӣ рух дод

Соли 2005  бо ширкати президент ва ҳукуматҳои 54 кишвари олам, аз ҷумла Тоҷикистон дар шаҳри Маккаи Мукаррамаи Арабистони Саудӣ иҷлосияи фавқулодаи Созмони Конфронси Исломӣ баргузор гардид.

Дар хотимаи мулоқоти сарони давлатҳои аъзои Созмони мазкур санади ниҳоии он бо номи рамзии "Баёнияи Макка" қабул гашт.

Соли 2009 аввалин маротиба хатсайри нави "Душанбе–Оренбург–Душанбе" ба роҳ монда шуд.

Аэропорт в Душанбе ночью, архивное фото
© Sputnik / Амир Исаев
Аэропорт в Душанбе ночью, архивное фото

Соли 2009 дар шаҳри Душанбе рӯнамоии филми ҳуҷҷатии "Тоҷикистон - муқобили маводи мухаддир" баргузор гардид.

Соли 2011 дар идораи Минтақаи озоди  иқтисодии "Суғд" ду корхонаи дигар – ҶММ "Зарафшон" ва ҶММ "Равзана Пластик" ба қайд гирифта шуданд.

Соли 2012 Эмомалӣ Раҳмон барои ширкат дар ҷаласаи Шӯрои генералии Созмони Умумиҷаҳонии Савдо оид ба масъалаи дохилшавии Тоҷикистон ба он, ба шаҳри Женеваи Конфедератсияи Швейтсария сафар кард.

Президент Республики Таджикистан Эмомали Рахмон
Президент Республики Таджикистан Эмомали Рахмон

 

Соли 2012 дар Муассисаи давлатии "Маркази худогоҳии бонувони шаҳри Душанбе" -и назди ҳукумати шаҳри Душанбе консерти "Душанбе – шаҳри амн ва дӯстдоштанӣ" доир шуд.

Соли 2017 ҳайати расмии Тоҷикистон бо гурӯҳи калони соҳибкорони соҳаи тибби Арабистони Саудӣ мулоқот ва вазъи ҳамкории дуҷонибаи соҳавиро баррасӣ намуд.

Ҷашнҳои рӯзи 7 декабр

  • Дар Тоҷикистон — Рӯзи кормандони мақомоти молия.
  • Рӯзи байналмилалии авиатсияи гражданӣ.
  • Дар Арманистон – Рӯзи ёдбуди қурбониёни бар асари заминларза ҳалокгардида.

Рӯзи 7 декабр дар Тоҷикистон кӣ таваллуд шуд

Соли 1924 – ҳунарманди театр Тӯйдӣ Бобиева.

Соли 1936 – олими риёзидон Разиюлло Атохонов.

Рӯзи 7 декабр дар Тоҷикистон кӣ даргузаштааст

Соли 2007 — пас аз бемории тӯлонӣ Ҳунарманди шоистаи Тоҷикистон Дилбар Қосимова дар синни 70-солагӣ аз олам даргузашт.

105
Барчаспҳо:
ҷаҳон, ҷашн, Тоҷикистон
Свеча

Мусибат дар хонаводаи Хуршед Атовулло: падари 71 - солаашро аз даст дод

1148
(Таҷдидшуда 16:20 29.05.2020)
Ато Карим падари сардабири ҳафтаномаи "Фараж" Хуршед Атовуллоев шаби 28 - уми май дар синни 71 солагӣ аз дунё гузашт

ДУШАНБЕ, 29  май — Sputnik. Ато Карим, падари сардабири ҳафтаномаи "Фараж" ва директори Маркази тадқиқоти журналистии Тоҷикистон Хуршед Атовулло шаби 28 май дунёи фониро падруд гуфт.

Ба иттилои сомонаи "Фараж", падари Хуршед Атовулло дар бемористони шаҳри Панҷакент бистарӣ буд. Марҳум ҳамагӣ 71 сол умр дошт.

Бобои Файз - муаллифи таронаи машҳури "Очата бугӯ" даргузашт

Ниёзов Атовулло Каримович (Ато Карим) 15-уми июли соли 1950 дар деҳаи Дашти Қозии шаҳри Панҷакент дар оилаи деҳқон ба дунё омадааст.

Баъди хатми омӯзишгоҳи педогогии шаҳри Панҷакент, чун омӯзгори синфҳои ибтидоӣ дар мактабҳои миёна кор карда, соли 1978 факултети таърихи Донишгоҳи шаҳри Хуҷандро хатм кардааст.

Марҳум  худ шоир, нависанда ва омӯзгор буда, китобҳои зиёдеро чоп намудааст. Китобҳои ӯ бо номҳои "Садо аз зиндон" (1998), "Ашки ҳасрат" (1999), "Тӯшаи ғарибон" (2009), "Фарёди дил" (2011), "Пули ҳаром", (2014), "Ашки ғам" (2018) ба таъ расидаанд ва навиштаҳояш дар чанд маҷмӯаи дастҷамъӣ нашр шудаанд.

Маросими видоъ бо шоир ва нависанда Ато Карим имрӯз, 29 май дар зодгоҳаш деҳаи Дашти Қозии шаҳри Панҷакент сурат гирифт.

1148

Пизишкон роҳи сироят нашудан ба коронавирус дар ҷойҳои ҷамъиятиро гуфтанд

887
(Таҷдидшуда 14:44 29.05.2020)
Бо сабук шудани маҳдудиятҳое, ки барои пешгирӣ аз паҳншавии маризии коронавирус ҷорӣ гардида буданд, хатари сироят шудан ба ин беморӣ мавҷуд аст

ДУШАНБЕ, 29 май – Sputnik. Пизишкони рус бар ин назаранд, ки хатари сироятшавӣ ба коронавирус дер боз боқӣ мемонад. Аз ин рӯ риояи оддитарин қоидаҳои бехатарӣ шарт ва зарур аст.

Номзади илмҳои тиб Андрей Кондрахин дар мусоҳиба бо "Вечерний Маскав" изҳор дошт, ки бо сабук шудани маҳдудиятҳои қаблан ҷорӣ шуда, эҳтимол хатари сироятшавӣ ба ин маризӣ афзоиш ёбад.

Даргузашти Ҳоҷӣ Эҳсоншо, президенти “Ванҷ Фуд” аз коронавирус-акс

Ба тавсияи мутахассис, минбаъд дар ҷойҳои ҷамъиятӣ ҳатман бояд ниқоб ва дастпӯшӣ пӯшид, то аз авҷи дигарбораи ин маризӣ пешгирӣ кард.

Зимнан, Кондрахин мегӯяд бо кушода шудани дари театру кино муштариён бояд аз гирифтани нӯшокиҳо ва ҷуворипақак (попкорм) бо худ даст кашанд.

Ба гуфтаи вай, дар марказҳои "фитнес" бояд нигоҳ доштани масофаи иҷтимоӣ ҳатман риоя гардад, ва пас аз ҳар як меҳмон таҷҳизоти машқӣ безарар гардонда шавад. Кондрахин ба варзишгарон пӯшидани дастпӯшакҳои пахтагинро маслиҳат медиҳад.

Гузашта аз ин, Кондрахин мағозаҳои ороиширо аз умдатарин макони сироятшавӣ ба коронавирус гуфт.

"Хатари асосӣ мағозаҳои атрфурӯшӣ мебошанд. Ҳангоми пошидани атр аз бӯйи он нафаскашии мо тезтар мешавад ва агар дар наздикӣ бемори COVID -19 қарор дошта бошад, эҳтимолияти сироятшавӣ аз ӯ ба таври назаррас меафзояд", - гуфт мутахассис.

Ҳамчунин ба гуфтаи ӯ муштариёни кошонаҳои ҳусн бояд бо асбобҳои худ биёянд ва дар ҳеҷ сурат, ҳангоми қабули онҳо ниқобашонро накашанд.

887
Барчаспҳо:
пешгирӣ, сироят, маризӣ, тавсия, пизишкон
Мавзуҳо:
Пайомадҳои COVID-19 дар Тоҷикистон ва ҷаҳон
Президент Республики Таджикистан Эмомали Рахмон

Боздиди Эмомалӣ Раҳмон аз кишти 100-гектарии гандум дар Данғара

0
Деҳқонон ба ғайр аз гандум дар майдони 80 гектар замин пахта, дар боқимондаи он дигар намуди зироати кишоварзӣ аз қабили, картошка, пиёз ва полезиҳо кишткардаанд

ДУШАНБЕ, 30  май — Sputnik. Имрӯз раисҷумҳури Тоҷикистон Эмомалӣ Раҳмон дар ноҳияи Данғараи вилояти Хатлон аз нашъу намои замини гандуми Кооперативи истеҳсолии тухмипарварии "Муҳсинҷон" боздид кард, гузориш медиҳад дафтари матбуоти президент. 

"Самти асосии ширкати "Муҳсинҷон" ба парвариши тухмии навъҳои маҳаллии ҳосилдеҳи гандум нигаронида шуда, хоҷагидорон дар ин самт таҷрибаи бой доранд", - тавзеҳ медиҳад манбаъ.

Гуфта мешавад, соли ҷорӣ деҳқонон дар майдони зиёда аз 100 гектар гандум кишт кардаанд, ки ҳоло нашъу намои он хуб ба назар мерасад. Дар майдони 80 гектар замин пахта, дар боқимондаи он дигар намуди зироати кишоварзӣ аз қабили, картошка, пиёз ва полезиҳо кишт шудааст.

Қариб 200 гектар замини  "Муҳсинҷон"-и ноҳияи Данғара обӣ буда,  асосан навъҳои гандуми маҳаллии серҳосили ба иқлими ноҳияи калони ғаллакори мамлакат-Данғара кишт карда шудааст.

"Мувофиқи иттилоъи масъулон соли равон дар майдони 50 гектар аз тухми гандуми ҳосилдеҳи "Фарҳоди", ки маҳсули офаридаи олимони соҳаи кишоварзии мамлакат мебошад, кишт карда шудааст", - менависад дафтари мутбуот.

Хадамот: масъалаи гандум ҳал шуд, чанд рӯз пас картошка ҳам фаровону арзон мешавад

Гуфта мешавад, ҳосили интизории имсолаи ғаллазори замини Кооперативи истеҳсолии тухмипарварии "Муҳсинҷон"-и ноҳияи Данғара, ки ҳоло нашъу намои хуб дорад 60 сентнерро ташкил хоҳад дод.

 Эмомалӣ Раҳмон ҳангоми боздид ва шиносоӣ аз нашъу намои замини ғалла ба масъулон чиҳати гирифтани ҳосили фаровони гандум, таъмин кардани ҳама хоҷагиҳои ғаллакори ҷумҳурӣ бо тухмиҳои ба иқлим мутобқи ҳосилдеҳ маслиҳатҳо дод, афзудааст манбаъ.

0