Муаррифии тарҳи нави Бунёди Оқохон дар Хоруғ

Муаррифии тарҳи нави Бунёди Оқохон дар ВМКБ

137
(Таҷдидшуда 20:48 10.12.2019)
Лоиҳа аз ҷониби Иттиҳоди Урупо маблағгузорӣ шуда, дар беҳтар намудани сифати зиндагии мардуми шаҳри Хоруғ саҳмгузорӣ хоҳад кард

ДУШАНБЕ, 10 дек — Sputnik. Дар мақомоти Вилояти Мухтори Кухистони Бадахшон бо ширкати раиси вилоят Ёдгор Файзов муаррифии тарҳи "Мусоидат ба сулҳу субот тавассути сохтмони инфросохтори муҳим дар шаҳри Хоруғ" - и Вилояти Мухтори Кӯҳистони Бадахшон баргузор гардидааст.

Бино ба гузориши мақомоти ВМКБ, Бунёди тоҷикистонии Оқохон оид ба макони зист ва Барномаи Ҷонибдории Инкишофи Иҷтимои Манотиқи Кӯҳистон дар ҳамкории зич бо мақомоти иҷроияи ҳокимияти давлатии ВМКБ барномаи мазкурро дар шаҳри Хоруғ амалӣ карда истодаанд.

Тарҳ аз ҷониби Иттиҳоди Урупо маблағгузорӣ карда шудааст. Давомнокии лоиҳа 18 моҳ идома меёбад.

Тибқи иттилои манбаъ, ҳадафи лоиҳа ин бунёд намудани инфросохтори иҷтимоӣ, ӣарои эҳтиёҷоти мардум мебошад.

"Ин фаъолиятҳо дар нигоҳ доштани сулҳу субот саҳми босазо гузошта, хизматрасониҳо ва инфрасохторҳои ҷамъиятиро беҳтар менамоянд ва имконияти ташкил намудани ҷойҳои кории муваққатӣ барои ҷавононро тавассути корҳои сохтмонӣ фароҳам меоваранд", - омадааст дар хабарнома.

Дар умум лоиҳа дар беҳтар намудани сифати зиндагии мардуми шаҳри Хоруғ саҳмгузорӣ менамояд.

Фаъолиятҳои мушаххаси барнома аз қисматҳои зерин иборат аст:

  • Беҳтар намудани шароити таълим барои хонандагони мактаб тавассути сохтмони бинои муассисаи таҳсилоти умумии рақами 5 дар кӯчаи Саидмир Абдураҳмонови шаҳри Хоруғ;
  • Муҳайё сохтани шароити дастрасӣ ба марказҳои варзишӣ барои кӯдакон ва ҷавонони шаҳри Хоруғ тавассути бунёди шаш адад майдончаи варзишӣ дар Хоруғ;
  • Таъмин намудани аҳолии маҳаллаи Бизмич бо оби нӯшокӣ тавассути сохтмони системаи оби нӯшокӣ ва пайваст намудани ҳар як хоҷагии алоҳида ба системаи обтаъминкунӣ аз тариқи ҳисобкунак барои истифодаи самараноки об;
  • Коҳиш додани таъсири офатҳои табиӣ тавассути амалӣ намудани лоиҳаи хурди соҳилмустаҳкамкунӣ дар маҳаллаи Шарифободи шаҳри Хоруғ;
  • Ҷалб намудани гуруҳҳои ҷавонон ва шарикони лоиҳа ба чорабиниҳои гуногун, аз қабили гузаронидани маҷлисҳои ҳамоҳангсозӣ, омӯзишҳо, чорабиниҳои варзишӣ ва фарҳангӣ воқифгардонӣ оиди беҳдошт, таъмин намудани нигоҳубин ва идоракуни пойдори инфросохторҳои бунёдшуда, ки таъсири лоиҳаи мазкурро беҳтар менамояд.
137
Барчаспҳо:
Бунёди Оқохон, Хоруғ, ВМКБ
Церемония вручения российского паспорта

Путин рӯзи нави овоздиҳӣ барои ислоҳи конститутсияро эълон кард

166
(Таҷдидшуда 19:29 01.06.2020)
Пештар президенти Русия Владимир Путин рӯзи гузашти низомӣ ба муносибати Рӯзи Пирӯзиро 24 июн эълон карду имрӯз рӯзи овоздиҳиро ҳам дақиқ кард

ДУШАНБЕ, 1 июн — Sputnik. Президенти Русия Владимир Путин рӯзи овоздиҳӣ барои ислоҳи қонуни асосии кишвар - конститутсияро 1 июл эълом кард.

"Якуми июл рӯзи мувофиқ аст. Аз нуқтаи назари ҳуқуқӣ ин таърих бенуқсон аст", - гуфт Путин.

Рӯзи 1 июлро раиси Комиссияи марказии интихоботии Русия Элла Памфилова пешниҳод кардааст.

Ба гуфти ӯ рӯзи 1 июл мувофиқ аст, чун аз 3 июл имтиҳоноти сартосарии синфҳои 11 оғоз мешавад ва бештари марказҳои овоздиҳӣ дар макотибҳо ҷойгир шудааст.

Раҳбари Роспотребнадзора Анна Попова рӯзи 1 июлро тасдиқ карда гуфт, овоздиҳӣ дар рӯзи 1 июл барои шаҳрвандон бехатар хоҳад буд.

Пасон президенти кишвар Владимир Путин аз шаҳрвандони Русия даъват кард, ки дар маъракаи овоздиҳӣ фаъолона иштирок кунанд.

Кишвардор фармон дод, ки овоздиҳӣ аз 25 июн то 1 июл баргузор карда шавад.

Ӯ гуфт рӯзи асосии овоздиҳӣ- рӯзи 1 июл истироҳат эълон мешавад.

 

166
Барчаспҳо:
Конститутсия, овоздиҳӣ, Русия, Владимир Путин
Помощь Эмомали Рахмона для врачей ГБАО

Кумаки Эмомалӣ Раҳмон ба 166 хонаводаи пизишкони ВМКБ - аксҳо

273
(Таҷдидшуда 14:08 01.06.2020)
Президенти Тоҷикистон Эмомалӣ Раҳмон ба табибони Вилояти Мухтори Кӯҳистони Бадахшон кумаки озуқаворӣ равон кард

ДУШАНБЕ, 1 июн – Sputnik. Эмомалӣ Раҳмон ба 166 хонаводаи табибони ВМКБ кумак кард, хабар медиҳад мақомоти ҳокимияти давлатии вилоят.

Бино ба иттилои манбаъ, кумаки навбатии президент, барои дастгирии намудани табибони Вилояти Мухтори Кухистони Бадахшон, ки дар ин рӯзҳои мушкил бо бемории сироятии короновирус ё худ COVID - 19 мубориза бурда истодаанд дастрас гардид.

"Кӯмак аз қабили пиёз, сабзи, картошка, орд, шакар ва дигар маҳсулоти хӯрокворӣ иборат буда, тавассути кормандони масъули дастгоҳи раиси вилоят дастраси 166 хонаводаҳои табибон гардид", - омадааст дар хабарнома.

Эмомалӣ Раҳмон ба ВМКБ 20 тонна кумаки башардӯстона равон кард - аксҳо

Ёдрас мешавем, ки пештар ҳам президент ба Вилояти Мухтори Кӯҳистони Бадахшон 20 тонна кумаки иборат аз доруворӣ, либосҳои фардии муҳофизатӣ барои табибон, ниқоб, маҳлулхои безараргардонӣ ва маводи озуқаворӣ кумак карда буд.

Кумаки Эмомалӣ Раҳмон ба сокинони ВМКБ: 45 мошин маводи ғизоию тиббӣ фиристод

273
Барчаспҳо:
пизишкон, кумак, Эмомалӣ Раҳмон, ВМКБ
Мавзуҳо:
Пайомадҳои COVID-19 дар Тоҷикистон ва ҷаҳон
Кобилчон Гиёев

Вазифаи баланд ё шикояти раис? Сабабҳои барканории Қобилҷон Гиёев

278
Мақомот барканории Қобилҷон Гиёев, акнун собиқ сардухтури ноҳияи Раштро шарҳи яксон намедиҳанд. Ба қавли яке, бар асоси шикояти раиси ноҳия барканор шудааст, дуввумӣ мегӯяд, ӯ вазифаи баландтар хоҳад гирифт

ДУШАНБЕ, 2 июн – Sputnik. Маркази матбуоти вазорати тандурустӣ ва ҳифзи иҷтимоии аҳолии Тоҷикистон дар як шарҳи кӯтоҳ ба Sputnik Тоҷикистон гуфт, ки барканории сардухтури ноҳияи Рашт ибтикори вазорат нест.

“Ӯ бар пояи шикояти раиси ноҳияи Рашт аз вазифа барканор шудааст. Шикоят ҳам ин аст, ки Қобилҷон Гиёев ба ҷуз сардухтур буданаш, муовини раиси Ситоди ноҳияи Рашт барои ҷилавгирӣ аз густариши “вируси корона” низ будааст ва дар ҷои кор ҳам ҳузур надоштаасту дар ҷаласаҳои ситод низ ширкат накардааст”, - гуфтанд дар Маркази матбуоти вазорати тандурустӣ ва ҳифзи иҷтимоии аҳолӣ.

Зимнан, рӯзи гузашта, 1 июн, Қобилҷон Гиёев ба Sputnik Тоҷикистон низ далели барканориашро шикояти Раҳимҷон Муқимӣ, раиси ноҳияи Рашт ба вазорати тандурустӣ ва ҳифзи иҷтимоии аҳолӣ гуфта буд.

Дар ҳамин ҳол, бегоҳи ҳамон рӯз дар як тамоси телефонӣ бо Sputnik Тоҷикистон Раҳимҷон Муқимӣ, раиси ноҳияи Рашт, ин иддаоро рад карда, гуфт, Қобилҷон Гиёев бо ариза, хоҳиш ва ихтиёри худ аз вазифа рафтааст.

“Он қадар ки мо хабар дорем, чанде пас ӯ бояд дар Душанбе ба вазифаи баландтар таъин шавад. Имрӯз ӯ назди ман омада буд. Суҳбат доштем. Ба хурсандӣ хайрухуш кардем. Ҳамаи гап ҳамин”, - гуфт Раҳимҷон Муқимӣ.

Рухсатӣ ё...?

Дар суҳбат бо Sputnik Тоҷикистон Қобилҷон Гиёев дар шарҳи гуфтаҳои вазорати тандурустӣ ва раиси ноҳияи Рашт гуфт, ӯ 27 май ба вазорат даъват шуда, аризаи аз кор рафтанашро навишт.

Вай афзуд, рӯзи дигар, 28 май, ӯро дигарбора ба вазорат даъват карда, гуфтанд, ки аризаи аз кор рафтан на, балки рухсатӣ рафтанро бинависам ва дар ҷои худ муовинамро иҷрокунандаи вазифа таъин кунам.

“Ҳоло ман дар ҳайрат уфтодаам. Ман 12 май ба Душанбе рафтам. 12 май дигарбора ба Рашт баргаштам. Ҳамон рӯз ҷаласаи ситодро баргузор кардам. Бегоҳ мустақим бо вазири тандурустӣ мулоқоти видеоӣ баргузор шуд. Субҳ боз ҷаласаи ситод буд. Пас аз он рафтам ба шифохонаҳои минтақаӣ - Ҳоит, Қалъаи Сурх, Навобод. Аз 13 то 15 пурра дар Рашт будам. Азбаски вазъи сиҳӣ дар ноҳия ба эътидол омада буд, дигарбора ба Душанбе омада, ин ҷо ба табобат машғул шудам”, - гуфт Қобилҷон Гиёев.

Бино ба иттилои ӯ, дар ноҳияи Рашт 174 нафареро, ки ҳарорат доштаанд, дар хонаҳо ва 60 нафарро бо ташхиси пневмония дар шифохонаҳо табобат кардаанду даҳҳо нафари дигар пас аз муроҷиату табобати кӯтоҳ зуд рухсат шудаанд. Вай афзуд, дар ин миён ду нафар мутаваллидони яке, соли 1940 ва дигаре, 1942 аз маризиҳои дил фавтидаанд, на пневмония ё “вируси корона”.

“Вақте вазъи сиҳӣ Рашт муътадил шуд, ман ба Душанбе рафтам. Дуюм ин, ки ман на бо хоҳиши худ, балки бо даъвати мақомот омада будам, ки дар вазорати тандурустӣ огаҳӣ доранд”, - гуфт Қобилҷон Гиёев.

Пизишки ҳайрат

Қобилҷон Гиёев пас аз он дар забони расонаҳо уфтод, ки дар оғози мубориза алайҳи “вируси корона” бо як доруи ғайримаъмулии зидди пневмонияи бузҳо дар ноҳияи Рашт, ба қавли худаш, ҳудуди 300 нафарро табобат кард.

Ин дору аз пенитсилин ва стрептамитсин иборат буда, кӯтоҳ “пенстреп” номида ва барои “вируси корона” – и ҳайвонот истифода мешавад. Баъдтар ӯ ба Душанбе омад ва дар пойтахту навоҳии атроф ва вилояти Хатлон бо табобати маризон машғул шуд.

Ӯ қаблан (23 май) дар як суҳбати ихтисосӣ ба Sputnik Тоҷикистон гуфта буд, ки дар умум беш аз 1000 нафарро табобат кардааст. Аммо ҳоло мегӯяд, теъдоди маризоне, ки ӯ табобат кардааст, аз ин ҳам бештар шудааст.

“Ҳоло бисёриҳо ба табобати ман шак доранд. Ҳақ ҳам доранд. Аммо шоҳидони ман ҳамон маризоне ҳастанд, ки шифо ёфтанд. Мегӯянд, ки ман барои рекламаи худ ва пулкоркунӣ Душанбе рафтам. Инҳоро ҳам ба Худо месупорам. Аммо ҳоло бо забони дароз мегӯям, ки ду моҳи ахир ман дар хизмати мардуму давлати худ будам ва ин корамро давом хоҳад дод”, - гуфт Қобилҷон Гиёев.

Ҳоло танҳо гуфтугузоре, ки сардухтури инак собиқи ноҳияи Раштро дар ҳайрат гузоштааст, вазифаи наваш аст. Вай мегӯяд, аз ин боб аслан хабаре ҳам надораду бо касе ҳам машварате нашудааст.

278
Барчаспҳо:
вазифа, табобат, бемор, табиб, Ғарм, Тоҷикистон