День 17 декабря

Ҷашнҳои рӯзи 17 декабр дар Тоҷикистон ва ҷаҳон

78
(Таҷдидшуда 20:03 16.12.2019)
Рӯзи ҳабдаҳуми декабр дар Белорус Рӯзи кино буда, дар Қазоқистон – Рӯзи энергетика ва дар  Бутан - Рӯзи миллӣ мебошад

Рӯзи 17 декабр дар ҷаҳон чӣ рух дод

Соли 1926 нахустин барӯйхатгирии аҳолӣ дар Иттиҳоди Шуравӣ гузаронида шуд.

Соли 1962 Конститутсияи Монако ба амал бароварда шуд.

Соли 1965 ғафстарин шумораи "Ню-ЙоркТаймс" дар ҳаҷми 964 саҳифа ва вазни 7 килограмм нашр шуд.

Газета New York Times, архивное фото
© AP / Richard Drew
Газета New York Times

Соли 1986 дар Кембриҷ аввалин маротиба ҷарроҳии дар як вақт аз як кас ба каси дигар гузаронидани дил, ҷигар ва шуш гузаронида шуд.

Рӯзи 17 декабр дар Тоҷикистон чӣ рух дод

Соли 2009 дар шаҳри Душанбе ҷаласаи комиссияи доимоамалкунандаи буҷавӣ баргузор гардид.

Соли 2012 дар Туркия Ёддошти тафоҳуми Кумитаи сармоягузорӣ ва амволи давлатии Тоҷикистон ва ширкати Кока-колаи Туркия доир ба ҳамкорӣ ба имзо расид.

Соли 2012 дар Туркия Эмомалӣ Раҳмон бо унвони доктори  фахрии риштаи робитаҳои байналмилалии Донишгоҳи Мавлоно сарфароз гардонида шуд.

Соли 2013  дар Китобхонаи миллии Тоҷикистон дар мавзӯи "Русия ва давлатҳои Осиёи Марказӣ: ҷиҳатҳои сиёсӣ ва иқтисодию башардӯстонаи ҳамгироии АвруОсиё" конфронси байналмилалӣ баргузор гардид.

Соли 2014 дар шаҳри Душанбе саҳми олимони рус дар омӯзиши таърих ва фарҳанги мардуми тоҷик муҳокима карда шуд.

Ҷашнҳои рӯзи 17 декабр

  • Рӯзи кинои Беларус.
  • Дар Қазоқистон – Рӯзи энергетика.
  • Дар  Бутан- Рӯзи миллӣ.

Рӯзи 17 декабр кӣ ба дунё омадааст

Абдуманнон Абдуллоев (1950) – доктори илми биологӣ, узви вобастаи АИ Тоҷикистон.

Григорий Горбунов (1929)- бутофори театр, Корманди шоистаи маданияти Тоҷикистон.

Гулрухсор (Сафиева) (1947) – Шоираи халқии Тоҷикистон, дорандаи Ҷойизаи давлатии ба номи Рўдакӣ.

Моёншо Назаршоев (1929 – 1994) – доктори илми таърих, профессор, Ходими шоистаи илми Тоҷикистон.

Акбар Нурматов (1942) – доктори илми тиб, профессор.

Лола Пўлодова (1954) – оҳангсоз.

Ҳаким Юсуфов (1918 – 1990) – доктори илми геологӣ.

78
Барчаспҳо:
Ҷаҳон, Тоҷикистон, 17 декабр
Мавзуъ
Ҷашнҳои рӯзи 12 декабр дар Тоҷикистон ва ҷаҳон
Ҷашнҳои рӯзи 10 декабр дар Тоҷикистон ва ҷаҳон
Ҷашнҳои рӯзи 11 декабр дар Тоҷикистон ва ҷаҳон
Ҷашнҳои рӯзи 13 декабр дар Тоҷикистон ва ҷаҳон
Ҷашнҳои рӯзи 14 декабр дар Тоҷикистон ва ҷаҳон
Ҷашнҳои рӯзи 15 декабр дар Тоҷикистон ва ҷаҳон
Ҷашнҳои рӯзи 16 декабр дар Тоҷикистон ва ҷаҳон
Гололедица , архивное фото

Ҳушдори КҲФ ба ронандаҳо: то 27 ноябр яхбандӣ ва тармафароӣ мешавад

7
(Таҷдидшуда 19:16 24.11.2020)
Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст

ДУШАНБЕ, 24 ноя — Sputnik. Кумитаи ҳолатҳои фавқулода аз яхбандӣ дар роҳҳои мошингард ва ҳамзамон тармафароӣ ҳушдор медиҳад.

Ба иттилои манбаъ, дар қитъаҳои роҳҳои мошингарди "Душанбе — Чанок", "Душанбе — Ваҳдат — Лахш", "Душанбе — Рашт", "Душанбе — Сангвор", "Душанбе — Кӯлоб", "Шоҳин — Дарвоз", "Ванҷ- Хоруғ", "Хоруғ — Ишкошим — Мурғоб" эҳтимоли яхбандӣ, тӯдашавии барф дар баъзе ҷойҳо, инчунин дараҷаи баланди хатари фаромадани тарма мавҷуд аст.

КҲФ аз сардшавии ҳаво, боришоту яхбандӣ ва лағзиши тарма ҳушдор медиҳад

Ба шаҳрвандон тавсия дода мешавад, ки дар ин рӯзҳо аз мусофират, сафарҳо ба мавзеъҳои аз лиҳози фаромадани тарма хатарнок худдорӣ кунанд, ҳушёр ва эҳтиёткор бошанд.

"Ронандагон ҳангоми ҳаракат дар минтақаҳои кӯҳӣ ё қитъаҳои дорои хатари фаромадани тарма бояд фосилаи муқарраршудаи байни мошинҳоро қатъиян риоя кунанд, дар роҳҳо бодиққат ва эҳтиёткор бошанд", - шарҳ доданд дар Кумитаи ҳолатҳои фавқулода.

Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст.

7
Барчаспҳо:
тармафароӣ, ҳушдор аз яхбандӣ, яхбандӣ, ҳушдор
Самолет авиакомпании Уральские авиалинии, архивное фото

"Уралские авиалинии" низ аз се шаҳри Тоҷикистон парвозҳои чартерӣ анҷом медиҳад

366
(Таҷдидшуда 13:47 24.11.2020)
Ширкати "Уралские авиалиние" низ иҷозати анҷом додани парвозҳои чартерӣ аз се шаҳри Тоҷикистон ба манотиқи гуногуни Русияро дарёфт кард

ДУШАНБЕ, 24 ноя - Sputnik.Ҳукумати Тоҷикистон ба як ширкати ҳавопаймоии дигари русӣ иҷозати анҷом додани парвозҳои чартерӣ аз Тоҷикистон ба Русия фароҳам овард.

Бар хабари сафорати Русия дар Тоҷикистон, ширкати ҳавопаймоии "Уралский авиалинии" ҳамакнун ҳафате панҷ маротиба парвозҳо аз Тоҷикистон ба Русияро анҷом медиҳад.

Маълум аст, ки ширкати ҳавопаймоӣ барои ташкили парвозҳо аз Душанбе, Хуҷанд ва Кӯлоб ба шаҳрҳои гуногуни Русия иҷозат гирифтааст.

Ҳамин тавр, парвозҳо дар самтҳои зерин сурат мегиранд:

  • Душанбе - Жуковский, парвоз рӯзи якшанбе;
  • Душанбе -Қазон рӯзи душанбе;
  • Душанбе - Красноярск рӯзи душанбе;
  • Душанбе - Самара рӯзи сешанбе;
  • Душанбе - Санкт-Петербург рӯзи сешанбе;
  • Душанбе - Уфа рӯзи душанбе;
  • Хуҷанд - Жуковский рӯзи душанбе;
  • Хуҷанд - Красноярск  рӯзҳои душанбе;
  • Хуҷанд - Самара рӯзҳои якшанбе;
  • Хуҷанд - Санкт-Петербург дар рӯзҳои ҷумъа;
  • Кӯлоб - Маскав рӯзи шанбе.
"Арзиши чиптаи парвозро намояндагии ширкати мазкур дар Тоҷикистон муайян мекунад".

Манбаъ меафзояд, ҳамаи ин парвозҳо барои интиқол додани шаҳрвандони Русия, инчунин шахсоне пешбинӣ шудаанд, ки мутобиқи қарори Ҳукумати Федератсияи Русия аз 16 марти соли равон барои ворид шудан ба Русия асос доранд.

Шахсоне, ки шаҳрвандии Русия надоранд, танҳо бо пешниҳод намудани маълумотномаи тиббӣ дар мавриди олудаи коронавирус набудан, ба ҳавопаймо роҳ дода мешаванд.

Таъкид мегардад, ки ин маълумотнома бояд се рӯз қабл аз сафар гирифта шавад.

366
Барчаспҳо:
Русия, Тоҷикистон, парвоз, Уралские авиалинии