Страница социальной сети Фейсбук

Рӯихати 10 ронандае, ки пас аз шикояти корбарони Фейсбук боздошт ва ҷаримабандӣ шуданд

353
(Таҷдидшуда 16:14 25.12.2019)
Раёсати умури дохилии Тоҷикистон аз боздошти 10 ронандаи қонуншикан хабар медиҳад, ки дар асоси шикояти корбарони шабакаи иҷтимоии Фейсбук дастгир шуданд

ДУШАНБЕ, 24 дек — Sputnik. Ба иттилои дафтари матбуоти Раёсати умури дохилии Тоҷикистон, кормандони пулис дар асоси шикояти чанд нафар аз корбарони шабакаи иҷтимоии Фейсбук ронандаҳои қонуншиканро боздошт намуданд.

Гуфта мешавад, корбарон бо ирсоли расми қоидавайронкунии ронандагон аз кормандони пулис дархост намуданд, ки нисбати онҳо чораҳои қонунӣ андешанд.

Ҳамин тариқ кормандони милитсия 10 нафар аз ронандаҳо, ки аснои ҳаракат дар роҳ ба қоидавайронкунӣ даст задаанд боздошт ва ҷаримабандӣ шуданд.

ВКД донишҷӯи ДМТ- ро дар садамаи мошини Ёрии таъҷилӣ гунаҳкор намуда, ҷарима баст

Бақоев Самандар Муминович – ронандаи автомашинаи тамғаи Тайота-Кемрӣ, Ризвонов Баҳрулло Эмомович – ронандаи автомашинаи тамғаи Хундаи – Соната, Қудратуллои Ҳайдари – ронандаи автомашинаи тамғаи Опел-Астра, Раҳимов Нурали Умаралиевич – ронандаи автомашинаи тамғаи Опел – Астра, Ахмедов Алишер Каримович – ронандаи автомашинаи тамғаи Опел – Зефира, Собиров Меҳробуддин Шамсудинович – ронандаи автомашинаи тамғаи Мерседес-Бенс, Ҳоҷиев Бурҳониддин Сафаралиевич – ронандаи автомашинаи тамғаи Опел – Астра, Ҳоҷиев Бурҳониддин Сафаралиевич – ронандаи автомашинаи тамғаи Опел – Астра, Ҳоҷиев Муҳибҷон Содиқович – ронандаи автомашинаи тамғаи Хундай, Ҷабборов Абдулло Абдумаликович – ронандаи автомашинаи тамғаи Шкода аз ҷумлаи ронандагони қонуншикан мебошанд, ки кормандони милитсия онҳоро дастгир ва ҷарима бастанд.

353
Барчаспҳо:
шабакаи иҷтимоии Фейсбук, корбарон, ҷарима, ронанда
Пустые улицы города Душанбе

Бозорҳо ва кошонаҳои ҳусн дар Душанбе то 15 июн баста мемонанд

630
(Таҷдидшуда 14:03 30.05.2020)
Мақомоти шаҳри Душанбе мегӯяд фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо то 15 июни соли 2020 маҳдуд боқӣ мемонад

ДУШАНБЕ, 30 май — Sputnik. Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт аз пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд.

11 супориши муҳлатноки Раҳмон ба Ҳукумат ва вазоратҳо барои пешгирии COVID - 19

"Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд", - омадааст дар хабарномаи шаҳрдорӣ.

Қарори нави Рустами Эмомалӣ: омодагӣ ба зимистони 2020-2021 ва супоришҳо ба масъулин

Мақомоти шаҳри Душанбе ҳамчунин хабар медиҳад, ки бо мақсади дастгирии соҳибкорӣ раиси шаҳри Душанбе ҷиҳати мусоидат намудан дар масъалаҳои қарзию фоизии бонкии соҳибкорон ба унвони Бонки миллии Ҷумҳурии Тоҷикистон мактуби расмӣ ирсол намудааст.

Ёдрас мешавем, ки мақомоти Тоҷикистон барои пешгирӣ аз паҳншавии коронавирус фаъолияти бозорҳои бузурги шаҳри Душанбе аз ҷумла "Корвон", "Саховат" ва кошонаҳои ҳусну нуқтаҳои фурӯши телефонро боздошт.

То 29 майи соли равон дар Тоҷикистон, 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

630
Барчаспҳо:
маҳдудият, маҳдуд, сартарошхона, бозор, Душанбе
Мавзуҳо:
Пайомадҳои COVID-19 дар Тоҷикистон ва ҷаҳон
Свеча

Мусибат дар хонаводаи Хуршед Атовулло: падари 71 - солаашро аз даст дод

1189
(Таҷдидшуда 16:20 29.05.2020)
Ато Карим падари сардабири ҳафтаномаи "Фараж" Хуршед Атовуллоев шаби 28 - уми май дар синни 71 солагӣ аз дунё гузашт

ДУШАНБЕ, 29  май — Sputnik. Ато Карим, падари сардабири ҳафтаномаи "Фараж" ва директори Маркази тадқиқоти журналистии Тоҷикистон Хуршед Атовулло шаби 28 май дунёи фониро падруд гуфт.

Ба иттилои сомонаи "Фараж", падари Хуршед Атовулло дар бемористони шаҳри Панҷакент бистарӣ буд. Марҳум ҳамагӣ 71 сол умр дошт.

Бобои Файз - муаллифи таронаи машҳури "Очата бугӯ" даргузашт

Ниёзов Атовулло Каримович (Ато Карим) 15-уми июли соли 1950 дар деҳаи Дашти Қозии шаҳри Панҷакент дар оилаи деҳқон ба дунё омадааст.

Баъди хатми омӯзишгоҳи педогогии шаҳри Панҷакент, чун омӯзгори синфҳои ибтидоӣ дар мактабҳои миёна кор карда, соли 1978 факултети таърихи Донишгоҳи шаҳри Хуҷандро хатм кардааст.

Марҳум  худ шоир, нависанда ва омӯзгор буда, китобҳои зиёдеро чоп намудааст. Китобҳои ӯ бо номҳои "Садо аз зиндон" (1998), "Ашки ҳасрат" (1999), "Тӯшаи ғарибон" (2009), "Фарёди дил" (2011), "Пули ҳаром", (2014), "Ашки ғам" (2018) ба таъ расидаанд ва навиштаҳояш дар чанд маҷмӯаи дастҷамъӣ нашр шудаанд.

Маросими видоъ бо шоир ва нависанда Ато Карим имрӯз, 29 май дар зодгоҳаш деҳаи Дашти Қозии шаҳри Панҷакент сурат гирифт.

1189

Афзоиши гирифторони коронавирус дар ҷаҳон: аз 6 миллион гузашт

0
(Таҷдидшуда 11:18 31.05.2020)
Теъдоди  умумии гирифторони маризии коронавирус дар ҷаҳон ба 6 миллиону 54 ҳазору 187 нафар арзёбӣ мекунад

ДУШАНБЕ, 31 мая — Sputnik. Ба гузориши охирини Донишгоҳи Ҷон Хопкинси Амрико сар аз оғози пандемия то кунан 368 711 нафар ҳалок ва 2 миллиону 562 ҳазору 191бемор шифо ёфтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Амрико(1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

Аз ҳама бештар беморон дар Амрико (390 404 нафар), Бразилия (200 892), Испания (150 376), Олмон(164 829), Русия (167 469), Италия (155 633), Туркия (126 984), Эрон (116 827), Чин (78 291) ва Ҳиндустон (86 984) шифо ёфтаанд.

Ба қатори давлатҳое, ки дар онҳо теъдоди зиёди ҳолатҳои фавт ба қайд гирифта шудааст, Амрико (105 59), Британияи Кабир (38 376), Италия (33 340), Фаронса (28 77), Испания (27 125), Бразилия (28 834), Белгия (9 453), Мексика (9 779), Олмон (8 600) ва Эрон (7 734) шомил мебошанд.

Вазорати тандурустӣ аз тадриҷан кам шудани коронавирус дар Тоҷикистон хабар дод

Дар Тоҷикистон аз бурузи маризии коронавирус ба таври расмӣ 30 - юми апрел хабар доданд.

Теъдоди гирифторон ба ин маризӣ дар кишвар ба 3807 нафар расида, 1865 нафар шифо ёфтаанд. Ҳамзамон бар асари ин маризӣ дар кишвар 47 нафар ҷон бохтанд.

0