Таджикские деньги - сомони

Раҳмон гуфт, маош, нафақа ва идрорпулӣ зиёд мешавад: аз кӣ чанд боло меравад?

1515
(Таҷдидшуда 14:41 26.12.2019)
Дар Тоҷикистон сар аз авоили моҳи сентябр ҳаҷми маоши кормандони буҷавӣ, нафақа ва идрорпулӣ зиёд карда мешавад

ДУШАНБЕ, 26 дек — Sputnik. Шурӯъ аз 1 - уми сентябри соли оянда дар Тоҷикистон ҳаҷми маошу нафақа ва идрорпулӣ зиёд карда мешавад.

Дар ин бора имрӯз раисҷумҳури Тоҷикистон Эмомалӣ Раҳмон зимни ироаи паёми навбатӣ ба парлумони кишвар хабар дод.

Ба изҳори Эмомалӣ Раҳмон соли оянда нафақаи маъюбон 50 фисад ва нафақа аз рӯи синну сол ва нафақаи заминавӣ, инчунин, нафақаҳои меҳнатии шаҳрвандон 15 фоиз зиёд карда шаванд. 

Дар баробари ин, музди меҳнати кормандони мақомоти ҳокимият ва идоракунии давлатӣ, муассисаҳои маориф, илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ ва дигар ташкилоту муассисаҳои буҷетӣ 15 дарсад зиёд карда мешавад.

Ҳамчунин идрорпулии донишҷӯён ва дигар намудҳои идрорпулӣ ба андозаи 15 фоиз боло бурда мешавад.

Маошу нафақа дар Тоҷикистон аз 1 сентябри соли 2018 чи қадар боло меравад?

Музди меҳнати кормандони мақомоти ҳифзи ҳуқуқ ва хизматчиёни ҳарбӣ бошад 10 фоиз зиёд карда шавад.

Ёдовар мешавем, ки соли 2016 Эмомалӣ Раҳмон дар бораи баланд бардоштани музди меҳнат, нафақа ва кӯмакпулӣ қарор қабул карда буд.

Он замон ҳаҷми ҳадди ақали музди меҳнат дар Тоҷикистон 60 фоиз,  нафақа 20 дарсад ва идрорпулӣ 30 фисад зиёд карда шуд. Дар умум барои ин амалиётҳо 1 миллиарду 323 миллион сомонӣ ҷудо гардида буд.

1515
Букет гвоздик в руке, архивное фото

Набӣ Шораҳмонов даргузашт: иллати марги ӯ номаълум аст

365
(Таҷдидшуда 11:56 20.10.2020)
Дар Тоҷикистон як арбоби барҷастаи давлати шӯравӣ, собиқ раиси кумитаи иҷроияи шаҳри Душанбе Набӣ Шораҳмонов дунёи фониро падруд гуфт

ДУШАНБЕ, 20 окт — Sputnik. Набӣ Шораҳмонов ходими намоёни давлатӣ ва собиқ раиси кумитаи иҷроияи шаҳри Душанбе дар синни 82 - солагӣ вафот кард, хабар медиҳад агентии "Авеста".

Ба иттилои манбаъ, Шораҳмоновро дар яке аз қабристонҳои пойтахт ба хок месупоранд. Иллати марги ин ходими давлатӣ номаълум аст.

Набӣ Шораҳматов соли 1939 дар шаҳри Истаравшан дар оилаи ҳунарманд ба дунё омадааст.

Соли 1962 вай ба ҳайси механики маҳаллӣ дар трести "Душанбестрой" ба кор шурӯъ кард ва сипас ба Вазорати нақлиёт ва роҳҳои автомобилгарди ҶШС Тоҷикистон гузашт.

Мотам дар вазорати саноат: Содиқҷон Рустамӣ, муовини вазир даргузашт

Дар охири солҳои 70-ум Шорахмонов ба сафи Кумитаи Марказии Ҳизби Коммунистии Тоҷикистон даъват карда шуд ва дар он ҷо аввал муовини раиси Госснаб буд ва дар аввали солҳои 80-ум шӯъбаи нақлиётии КМ ПК Тоҷикистонро роҳбарӣ мекард.

Дар сессияи Шӯрои вакилони халқи шаҳр дар соли 1982 вай раиси кумитаи иҷроияи шаҳри Душанбе интихоб шуда, дар он ҷо то бозсозӣ кор кардааст.

Маълум аст, ки Шораҳмонов дар бунёди корхонаи электрохимиявии Ёвон ва меҳмонхонаи "Тоҷикистон" дар маркази пойтахт саҳм гузошта, ба унвони фахрии Корманди шоистаи Тоҷикистон сазовор шудааст.

365
Барчаспҳо:
даргузашт, Тоҷикистон

Ҷашнҳои рӯзи 20 октябр дар Тоҷикистон ва ҷаҳон

19
(Таҷдидшуда 09:56 20.10.2020)
Рӯзи 20 октябр, рӯзи умумиҷаҳонии танзимгарони ҳавоӣ, рӯзи байналмилалии ошпаз ва рӯзи умумиҷаҳонии мубориза бар зидди остеопороз мебошад

Рӯзи 20 октябр дар ҷаҳон чӣ рух дод

Соли 1714 Пётри I қарореро оид ба манъи истифодаи сангҳо дар сохтмонҳои Русия, ба истиснои Санкт-Петербург қабул намуд.

© Sputnik / Павел Балабанов
Петр Первый

Соли 1822 дар Англия шумораи нахустини рӯзномаи "The Sunday Times" ба нашр расид.

Соли 1868 дар Киев нахустин бонки хусусии тиҷоратӣ ифтитоҳ ёфт.

Соли 1945 аввалин маротиба занҳо дар Франсия ҳуқуқи дар интихобот иштирок карданро ба даст оварданд.

Соли 1982 дар Лужники фоҷиа рух дод: дар натиҷаи танбашавӣ 66 нафар ҷони худро аз даст доданд.

Рӯзи 20 октябр дар Тоҷикистон чӣ рух дод

Соли 2006 оғози бунёди нақби Шар-Шар.

Соли 2009 бо ширкати Президенти Ҷумҳурии Тоҷикистон Эмомалӣ Раҳмон дар Театри опера ва балети ба номи Садриддин Айнии пойтахт бахшида ба 110- солагии зодрӯзи Қаҳрамони Тоҷикистон Шириншо Шотемур ҷамъомади тантанавӣ баргузор гардид.

© Sputnik / Стас Этвеш / Вишнякова Мария

Соли 2009 дар шаҳри Душанбе ҷаласаи комиссияи байниҳукуматии Тоҷикистону Русия оид ба ҳамкории тиҷоратию иқтисодӣ баргузор шуд.

Соли 2010 дар мулоқоти Эмомалӣ Раҳмон бо мудири Раёсати кор бо муассисаҳои молиявии Бонки аврупоии таҷдид ва рушд Ник Тессиман масоили ҳамкории дуҷониба баррасӣ гардиданд.

Соли 2011 масоили тавсеаи ҳамкории дуҷониба ва бисёрҷонибаи Тоҷикистону Ҷопон баррасӣ гардид.

Соли 2011 дар шаҳри Душанбе муносибатҳои Тоҷикистону Туркия муҳокима шуданд.

Соли 2014 Эмомалӣ Раҳмон бо истифода аз ҳуқуқи конститутсионии худ дар рӯҳияи инсондӯстӣ, раҳму шафқат ва бо мақсади бахшидани гуноҳҳо дар арафаи 20-солагии қабули Конститутсияи Ҷумҳурии Тоҷикистон лоиҳаи Қонуни Ҷумҳурии Тоҷикистон "Дар бораи авф"-ро ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод намуд.

Ҷашнҳои рӯзи 20 октябр

  • Рӯзи умумиҷаҳонии танзимгарони ҳавоӣ.
  • Рӯзи байналмилалии ошпаз.
  • Рӯзи ҷаҳонии мубориза бар зидди остеопороз.

Рӯзи 20 октябр дар Тоҷикистон кӣ ба дунё омадааст

Соли 858-941 – асосгузори адабиёти тоҷику форс Абуабдуллоҳ Рӯдакӣ.

Памятник Рудаки в Душанбе, архивное фото
Памятник Рудаки в Душанбе, архивное фото

Соли 1924 – доктори илмҳои тиббӣ Саъдинисо Ҳакимова.

Соли 1933 – муаллими хизмтнишондодаи ИҶШС Идӣ Халифаев.

Соли 1950 – рӯзноманигор Қурбон Мадалиев.

Соли 1953 – файласуф Рустам Назаров.

Соли 1959 – Қаҳрамони Иттиҳоди Шӯравӣ Александр Мироненко.

Открытие памятника А.Г. Мироненко в Душанбе
© Sputnik
Открытие памятника А.Г. Мироненко в Душанбе
19
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Медики транспортируют пациента с подозрением на коронавирусную инфекцию

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

0
(Таҷдидшуда 13:08 20.10.2020)
Теъдоди дардмандони нави коронавирус дар Русия давоми як шабонарӯзи ахир наздик ба 16 ҳазор расидааст

ДУШАНБЕ, 20 окт — Sputnik. Шабонарӯзи гузашта дар Русия 15 982 мавриди нави гирифторшавии шаҳрвандон ба маризии коронавирус сабт гардид, хабар медиҳад Ситоди фаврии коронавирус дар ин кишвар.

Ба ҳамин минвол, ҳоло теъдоди умумии мубталоёни ин дард дар Русия ба 1 415 316 нафар баробар шудааст. Аз ин миён 1 075 904 нафар шифо ёфта, 24 366 мариз ҷон аз даст доданд.

Манбаъ меафзояд, шаҳри Маскав аз лиҳози шумораи бештари маризон дар ҷойи аввал қарор дошта, дар як рӯз ахир 5 376 нафар тоза ба коронавирус мубтало гардиданд.

Зимнан, давоми як шабонарӯзи ахир дар Русия 179 бемор ба ҳалокат расиданд.

Омори нави коронавирус дар Тоҷикистон: 80 қурбонӣ ва бештар аз 10 ҳазор мубталошуда

Дар робита ба авҷ гирифтани ин беморӣ, ҳукумати Русия аз тамоми сокинони кишвар даъват мекунанд, ки ба риояи чораҳои пешгирикунанда, аз ҷумла пӯшидани ниқобу дастпӯш, бодиққат бошанд.

Гузашта аз ин, дар аксар манотиқҳои Русия маҳдудиятҳо ҷорӣ гардиданд. Аз ҷумла дар вилояти Тулский баргузории тамоми чорабиниҳо танҳо бо ҳузури 20 нафар иҷозат дода шудааст. Дар Курган бошад, кӯдакони ноболиғ бидуни калонсолон наметавонанд савори нақлиёти ҷамъиятӣ шаванд.

Бо қарори раиси шаҳри Маскав, ҳудуди 30 дарсади кормандони идораҳо ба реҷаи дуркорӣ фиристода шуданд.

Дар макотибҳо бошад хонандагони синфҳои миёна ва боло низ ба таҳсили фосилавӣ фаро гирифта шуда, танҳо толибилмони аз синфи 1 то 5 таҳсилашро дар синфхонаҳо идома ммедиҳанд.

0
Барчаспҳо:
маризӣ, омор, Русия
Мавзуҳо:
Пайомадҳои COVID-19 дар Тоҷикистон ва ҷаҳон