Ҳақ надорем: чаро ба ҳавопаймоҳои Русия дар Чин ба шаҳрвандони Тоҷикистон роҳ намедиҳанд?

236
(Таҷдидшуда 20:58 04.02.2020)
Шаҳрвандони кишварҳои ИДМ, аз ҷумла Тоҷикистон натавонистанд ба воситаи ҳавопаймоҳои ширкатҳои русӣ аз Чин ба Русия парвоз анҷом диҳанд

ДУШАНБЕ, 4 фев — Sputnik. Дар шабакаҳои иҷтимоӣ наворе чарх мезанад, ки дар он як гурӯҳ ҷавонон, аз ҷумла шаҳрвандони Тоҷикистон шикоят мекунанд, ки онҳоро дар Чин ба ҳавопаймоҳои ширкати "Уральские авиалинии" роҳ намедиҳанд.

Ба гуфтаи ҷавонон, онҳо дар даст чиптаи парвоз доранд, аммо бо сабабҳои номаълум ҳавопаймо ба рӯйи онҳо баста аст. Бархеҳо чанд рӯз ташнаву гушна дар фурудгоҳ мондаанд.

Ширкати "Уральские авиалинии" ба РИА Новости қазияи пешомадаро тавзеҳ додааст. Далели ин амали кормандони ширкат дастури ҳукумати Русия таҳти рақами 140 аз 30 январи соли ҷорӣ будааст.

"Аз имрӯз сар карда, ширкати ҳавоӣ танҳо парвозҳои махсус анҷом медиҳад. Маҳз мақомоти Чин аз Русия хоҳиш карданд, ки ба ин восита шаҳрвандонамонро берун аз Чин кунем.  Мувофиқи иҷозатномае, ки ба даст овардаем, ҳуқуқ дорем, ки танҳо шаҳрвандони Русияро интиқол диҳем", - афзудааст аз "Уральские авиалинии".

Дар ҳамин ҳол, тавзеҳ дода намешавад, ки чаро чиптаҳо ба шаҳрвандони хориҷӣ фурӯхта шудаанд. Аммо гуфта мешавад, ки шаҳрвандони Тоҷикистон пули чиптаро баргардонида метавонанд.

236
Сотрудники МЧС РФ проводят дезинфекцию

Собянин гуфт, кай карантинаи Маскав қатъ мешавад

76
(Таҷдидшуда 13:20 05.06.2020)
Шаҳрдори Русия Сергей Собянин қатъ гардидани карантина дар ҳамаи бахшҳои зиндагии мардуми Маскавро шарҳ дод

ДУШАНБЕ, 5 июн — Sputnik. Мири шаҳри Маскав Сергей Собянин дар суҳбат бо шабакаи "Россия" гуфт, ҳамаи чораҳои маҳдудкунанда дар бахшҳои зиндагии бошандагони Маскав то 1 июли соли ҷорӣ бардошта хоҳад шуд.

"Марҳила ба марҳила то 1 июл ҳамагуна маҳдудиятҳое, ки имрӯз ҷорӣ аст, бардошта мешавад", - гуфт ӯ.

Ба гуфти Собянин реҷаи бардошта шудани маҳдудияти марҳилавӣ то рӯзи 8 июн маълум мешавад.

Шаҳрдори Маскав мегӯяд, тақрибан пас аз ду-се ҳафта, беморхонаҳои шаҳр ба реҷаи муқаррарии корӣ мегузаранд ва ба беморон хизмат мекунанд. 

Ӯ ҳамчунин иттилоъ дод, ки дар ояндаи наздик беморхонаҳои касбӣ маризони коронавирусро табобат хоҳанд кард. Дар баробари ин беморхонаҳои муваққатӣ фаъол хоҳанд буд.

Тибқи иттилои ситоди фаврӣ, то 4 июни соли равон дар Русия 441 ҳазор кас гирифтори коронавирус шудаанд.

Собянин: корхонаҳои саноатию сохтмонҳо кушода шаванду аҳолӣ дар хона монад

Теъдоди бештарини маризон дар Маскав - 190 ҳазор кас - сабт шудааст.

 

Дар баробари ин суръати афзоиши гирифторӣ ба ин беморӣ дар Маскав паст шудааст.

76
Барчаспҳо:
вируси нав, Сергей Собянин, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Эмомали Рахмон подписывает документы на заседание глав государств СНГ в Душанбе

Фармони президент: киҳо аз андоз озод шуданд?

1517
(Таҷдидшуда 13:29 05.06.2020)
Президенти Тоыикистон Эмомалӣ Раҳмон дар робита бо ҳамагирии коронавируси навъи COVID - 19 барои якқатор соҳаҳо имтиёзҳо дод

ДУШАНБЕ, 5 июн — Sputnik. Тибқи фармони Эмомалӣ Раҳмон аз 5 июни соли 2020 аз 1 апрел то 1 сентябри соли 2020 ба иншоотҳои соҳаи сайёҳӣ, меҳмонхонаҳо, ташкилотҳои хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсия таътили пардохтҳои андозӣ пешбинӣ менамояд ва ҳисобкунии фоизҳоро барои сари вақт пардохт нагардидани андозҳо барои ҳамин давра манъ менамояд.

Дар фармони президенти Тоҷикистон Эмомалӣ Раҳмон омадааст:

  • аз 1 май то 1 августи соли 2020 субъектҳои соҳибкории хурду миёнаро, ки бо сабаби паҳншавии бемории сироятии СOVID-19 пурра аз фаъолият бозмондаанд, аз пардохти маблағи иҷораи моликияти давлатӣ озод намояд;
  • аз 1 май то 1 сентябри соли 2020 барои субъектҳои хоҷагидорие, ки дар муҳлати муқарраршуда андози иҷтимоиро пардохт накардаанд, татбиқи чораҳои ҷавобгарии андозиро манъ намояд;
  • аз 1 май то 1 августи соли 2020 соҳибкорони инфиродие, ки тибқи патент дар бозорҳо, марказҳои савдо ва нуқтаҳои хизматрасонии маишӣ, аз ҷумла сартарошхонаҳо, кошонаҳои ҳусн, ателеҳои мӯд ва дӯзандагӣ фаъолият менамоянд, аз ҳисоб ва пардохти андозҳо озод намояд;
  • аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар намояд;

Ҳамчунин аз 1 июл то 1 сентябри соли 2020 воридоти маводи барои истеҳсоли маҳлулҳои безараргардонӣ, доруворӣ ва либосҳои муҳофизаткунанда, инчунин таҷҳизот, асбобу анҷом, таҷҳизоти озмоишгоҳҳои тиббӣ ва маводи барои муайян намудани бемории сироятии СOVID-19 заруриро аз пардохтҳои гумрукӣ (андоз аз арзиши иловашуда, аксиз ва боҷҳо) озод намояд;

  • фаъолияти муассисаҳои тиббӣ, меҳмонхонаҳо ва осоишгоҳҳоро вобаста ба ройгон ҷойгир кардани шаҳрвандон барои таҳти муоинаи тиббӣ қарордошта ва ё табобат аз бемории сироятии СOVID-19 ба муҳлати дахлдор аз андозбандӣ озод намояд;
  • бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст намояд;
  • нархҳои молҳои ниёзи мардум, аз ҷумла доруворӣ ва маводи тиббӣ, ниқоб, антисептик, инчунин орд ва маҳсулоти нонӣ, шакар, равғани растанӣ, маҳсулоти лӯбиёгӣ, картошка, собун ва сӯзишвориро дар кишвар танзим намояд;
1517
Барчаспҳо:
имтиёзҳо, Эмомалӣ Раҳмон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
(0:00 / .00Mb / просмотров видео: 2)

Намози ҷумъа дар масҷиди Ал-Ақсо - пахши мустақим

0
(Таҷдидшуда 14:01 05.06.2020)
Дар масҷиди Ал-Ақсои Иерусалим аз имрӯз 5 июн, расман мусалмонон ба хондани намози ҷумъа оғоз карданд

Мусалмонони кишварҳои гуногуни олам бо тадриҷ ба зиндагии маъмулӣ бармегарданд. 

Ҳамин тавр, рӯзи ҷумъа дари масҷиди Ал-Ақсои Иерусалим пас аз чанд муддати таваққуф барои пешгирӣ аз паҳншавии коронавирус, аз сар ба рӯи намозгузорон боз шуд.

Ёдрас мешавем, ки масҷиди Ал-Ақсо 22 марти соли равон ба хотири пешгирӣ аз паҳншавии коронавирус баста шуда буд.

Масоҷиди Маскав боз мешаванд: пӯшидани ниқобу дастпӯшӣ ва риояи фосилаи иҷтимоӣ ҳатмист

Бояд гуфт, дар масҷиди ҷомеъи Маскав имрӯз намози ҷумъаро танҳо имомхатибон бидуни ҳузури намозгузорон хоҳанд хонд. Ва бояд гуфт, ки  намозгузории имомон тариқи пахши мустақим нашр карда мешавад.

0
Барчаспҳо:
намози ҷумъа, Иерусалим
Мавзуҳо:
Пайомадҳои COVID-19 дар Тоҷикистон ва ҷаҳон