Ярмарка бахшида ба “Рӯзи Модарон”

Милисаҳо гӯштро 40 дарсад арзон ва тухмро ройгон гирифтанд

3615
(Таҷдидшуда 15:38 06.03.2020)
Вазорати умури дохилаи Тоҷикистон бахшида ба "Рӯзи Модарон" барои кормандонаш ярмаркаи маҳсулоти арзон баргузор кард

ДУШАНБЕ, 6 март – Sputnik. Бо ибтикори роҳбарияти Вазорати корҳои дохилӣ дар арафаи фарорасии ҳама гуна иду ҷашнҳо ярмаркаи молу маҳсулоти хӯрокворӣ баргузор мегардад.

Бино ба гузориши ВКД, рӯзи 6 март бахшида ба "Рӯзи Модарон" дар шафати бинои Вазорати корҳои дохилӣ, бо ширкати хоҷагиҳои ёрирасон ярмаркаи фурӯши хоҷаги қишлоқ доир шудаасат.

Тибқи иттилои манбаъ, дар ярмаркаи мазкур хоҷагиҳои ёрирасон аз ноҳияҳои тобеи марказ, шаҳру ноҳияҳои вилояти Хатлон, ноҳияҳои минтақаи Рашт, маҳсулоти худро бо нархҳои дастрас: аз 30 то 40 фоиз, нисбат ба бозор арзонтар ба фурӯш гузоштаанд.

"Дар ин чорабинӣ хоҷагиҳои ёрирасон ба харидорон гӯшт, пиёз, тухм, картошка, нахуд, сабзӣ, карам ва дигар сабзавотҳо ва мевагиҳоро пешкаши харидорон намуданд", - омадааст дар хабарнома.

Манбаъ афзуда, ки ҳамчунин аз ҷониби хоҷагиҳои ёрирасон каду, карам, тухм ва як қатор маҳсулотҳо ройгон ба мизоҷон дода шудааст.

3615
Барчаспҳо:
Рӯзи модарон, гӯшт, арзон, ярмарка, Душанбе
Зонтик, архивное фото

Дар ВМКБ борон : пешгӯии дақиқи ҳавошиносон барои имрӯз

11
Имрӯз дар Тоҷикистон ҳаво камабр мешавад. Ҳарорати ҳаво дар шаҳри Душанбе то 37 дараҷа гарм шуда, дар баъзе навоҳии ВМКБ борони кутоҳмуддат меборад

ДУШАНБЕ, 10 июл – Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст. Шамол аз самти шарқ бо суръати 2-7 метр дар як сония мевазад.

Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 1+6 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабри бебориш  мешавад. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 18+23 ва рӯзона 32+37  дараҷа гарм  мешавад. Дар ноҳияҳои кӯҳӣ ҳаво шабона 8+13 ва рӯзона 18+23 дараҷа гарм мешавад.

Дар вилояти Хатлон ҳаво камабри бебориш мешавад. Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 20+25 ва рӯзона 37+42 дараҷа гарм мешавад. Дар доманакӯҳҳо ҳаво шабона 15+20 ва рӯзона 30+35 дараҷа гарм мешавад.

Дар шаҳру ноҳияҳои тобеи марказ ҳаво камабри бебориш мешавад. Шамол аз самти шарқ бо суръати 3-8  метр дар як сония  мевазад.  Ҳаво  дар водиҳо шабона 15+20 ва рӯзона 33+38 дараҷа гарм мешавад. Дар ноҳияҳои кӯҳӣ ҳаво шабона 10+15 ва рӯзона 26+31 дараҷа  гарм мешавад.

Дар шаҳри Душанбе ҳаво камабри бебориш мешавад. Шамол аз самти шарқ бо суръати 3-8 метр дар як сония мевазад. Ҳаво шабона 17+19 ва рӯзона 35+37 дараҷа гарм мешавад.

11
Барчаспҳо:
ҳушдори ҳавошиносон, Боду ҳаво, Тоҷикистон
Приветственная арка перед въездом в город Куляб. архивное фото

Мансурҷон Умаров ва Ҳикматулло Фаттоҳов маҳаллаи Лоҳутиро бо об таъмин карданд

232
(Таҷдидшуда 23:49 09.07.2020)
Зодагони шаҳри Кӯлоб Мансурҷон Умаров ва Ҳикматулло Фаттоҳов, ки феълан дар шаҳри Душанбе фаъолият доранд, як маҳалларо бо оби нӯшокӣ таъмин кардаанд

ДУШАНБЕ, 9 июл – Sputnik. Сокинони маҳаллаи Лоҳутии шаҳри Кӯлоби вилояти Хатлон солҳо аз норасоии оби тозаи нӯшокӣ танқисӣ мекашиданд ва маҳаллаҳои дигар рафта, об меоварданд, хабар дод нашрияи “Ҷумҳурият”.  

“Бо саҳми  зодагони шаҳри Кӯлоб - Мансурҷон Умаров ва Ҳикматулло Фаттоҳов, ки айни замон сокинони шаҳри  Душанбе мебошанд, ба маҳаллаи Лоҳутӣ хати нави оби тозаи ошомиданӣ кашида шуд”, - омадааст дар иттилоия.

Манбаъ таъкид кард, ки сокинони маҳалла аз Мансурҷон Умаров ва Ҳикматулло Фаттоҳов миннатдоранд, ки ин мушкили онҳоро осон гардониданд.

Ҳукумат ба ширкати “Элит-Строй-Сервис”-и Иззатулло Давлатов сабукӣ дод

Нашрия афзудааст, ки ба амалҳои хайру ватандӯстона даст задани  соҳибкорону афроди саховатпеша вусъат меёбад, ки он ба беҳтар гардидани сатҳи зиндагии мардум мусоидат менамояд.

232
Барчаспҳо:
об, шаҳри Кӯлоб, Тоҷикистон