Женщина за рулем, архивное фото

"Мошини гул" и БДА ба занони ронанда: як ҷаҳон ташаккур!

360
(Таҷдидшуда 16:53 07.03.2020)
"Як ҷаҳон ташаккур!" – мегӯяд як ронандаи зан, ки дар оғоз аз таваққуфи мошинаш аз сӯи корманди БДА ба ташвиш афтод, аммо сипас натавонист шӯру эҳсоси хушиашро пинҳон дорад

ДУШАНБЕ, 6 март – Sputnik. Мадина Сафарова, сокини шаҳри Душанбе, мегӯяд, субҳи имрӯз, 7 март, дар назди Қасри Миллат корманди Бехатарии давлатии автомобилӣ (БДА) мошини ӯро таваққуф доданд.

"Фикр кардам, чӣ иштибоҳе кардаам, чун нав ронандагӣ мекунам. Сахт ба ташвиш афтодам. Аммо вақте аз мошин поин шудам, дар рӯ ба рӯям як корманди БДА бо табассум бар лаб ва гул дар даст маро истиқбол гирифт. Ростӣ, шок шудам ва надонистам аз хурсандӣ чӣ гӯям. Як ҷаҳон ташаккур!", - гуфт Мадина Сафарова ба Sputnik Тоҷикистон.

Зимнан, ин бори аввал нест, ки дар арафаи 8 март – рӯзи зан - модар дар шаҳри Душанбе Вазорати корҳои дохилии Тоҷикистон даст ба ҳамчунин иқдомҳо мезанад.

Нусратулло Маҳмадзода, сардори Маркази матбуоти ВКД ба Sputnik Тоҷикистон гуфт, солҳои гузашта кормандони милиса ба занони тоҷик дар кӯчаву хиёбонҳо ва мусофиркашонҳои шаҳрӣ гул тақдим мекарданд.

"Имсол раёсати Бехатарии давлатии автомобилии вазорати корҳои дохилии Тоҷикистон тасмим гирифт, ки ба ронандагони зани шаҳри Душанбе гул тақдим кунад. Субҳи имрӯз як мошин гул дар ихтиёри кормандони БДА аз сӯи сардори раёсат гузошта шуд, то онҳоро ба занони ронанда тақдим кунанд", - гуфт Нусратулло Маҳмадзода.

8 март ҳамчун Рӯзи зан – модар дар Тоҷикистон таҷлил мешавад.

Имсол он ба рӯзи якшанбе рост меояд. Тибқи қонунгузории Тоҷикистон, рӯзҳои ид аз ҳисоби рӯзҳои корӣ ҷуброн мешаванд. Ҳамин тавр, рӯзи душанбе низ рӯзи истироҳат хоҳад буд.

360
Барчаспҳо:
Рӯзи модар, гул, ВКД, Тоҷикистон
Пожилой человек на турнире бузкаши в Таджикистане, архивное фото

Зиёд шудани нафақа то 50 дар сад - аз киҳо?

948
(Таҷдидшуда 14:38 26.01.2021)
Раисҷумҳури Тоҷикистон Эмомалӣ Раҳмон дар паёми солонааш хабар дод, ки дар Тоҷикистон ҳаҷми нафақа боло рафта, аз бархе гурӯҳҳо то 50 дарсад зиёд мешавад

ДУШАНБЕ, 26 янв — Sputnik. Тавре президент гуфт, нафақаи маъюбони гурӯҳи якум, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин гардидааст, ба андозаи 50 фоиз баланд бардошта шавад.

Ӯ пешниҳод кард, ки аз 1 сентябри соли 2021 нафақаи маъюбон аз синни кӯдакӣ, ки дар асоси қонунҳои Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" ва "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз зиёд карда шавад.

"Нафақаи кӯдакони маъюби то 18 - сола, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз, зиёд карда шавад", - гуфт Эмомалӣ Раҳмон. 

Эмомалӣ Раҳмон таъкид кард, ки ин иқдом имкон медиҳад, ки шароити иҷтимоии қариб 100 ҳазор нафар шаҳрвандон аз гурӯҳҳои осебпазири зикршуда беҳтар гардад. 

Супоришҳои Раҳмон ба раисони Ҳисор ва Рашт барои таъмини саривақтии маошу нафақа

Ба қавли кишвардор, дар соли 2020 ба зиёда аз 700 ҳазор нафар сокинон аз гурӯҳҳои осебпазири ҷомеа ба маблағи беш аз 250 миллион сомонӣ кумакҳои иловагии иҷтимоӣ пардохта шуданд. 

948
Барчаспҳо:
Эмомалӣ Раҳмон, зиёд шуд, нафақа
Праздничный намаз на Иди Курбон в Душанбе

Президент гуфт, дар кадом ҳолат масҷидҳо дубора баста мешаванд

812
(Таҷдидшуда 14:30 26.01.2021)
Эмомалӣ Раҳмон, раисҷумҳури Тоҷикистон ба сокинони кишвар ҳушдор дод, ки ҳангоми таҷаммӯъ эҳтиёткор бошанд, то коронавирус дубора паҳн нагардад

ДУШАНБЕ, 26 янв — Sputnik. Эмомалӣ Раҳмон ҳангоми ироаи паём аз нест шудани COVID-19 дар кишвар ёдрас шуд ва ҳушдор дод, ки сокинон ҳангоми дар як мавзеъ ҷамъ омадан, чораҳои беҳдоштиро қатъиян риоя кунанд.

Ӯ ёдрас шуд, ки ахиран дар кишвар масҷидҳо низ пас аз чанд моҳи масдуд будан, боз шуданд. 

Намоз бо ниқоб: қоидаҳои масҷидравӣ дар Тоҷикистон

Вай таъкид кард, ки намозгузорон қоидаҳои беҳдоштиро ҳатман риоя кунанд, дар акси ҳол, макони ибодатгузорӣ дубора баста мегардад.

"Бояд дар масҷидҳо эҳтиёт кард. Хусусан ҳангоми адои намози ҷумъа. Буданд ҳолатҳое, ки дар тӯйҳо ё ҷанозаҳо чандин нафарон аз коронавирус сироят меёфтанд", - таъкид кард раисҷумҳур.

Вай афзуд, "агар намозгузорон қоидаҳои беҳдоштро риоя накунанд, масҷид дубора баста мешавад".

Ёдовар мешавем, Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар бораи бозкушоии масҷидҳо қарор қабул кард

Расман: рӯзи бозкушоии масҷидҳо дар Тоҷикистон эълон шуд

Ҳамин тариқ, бо қарори ситоди мазкур сар аз 1 феврал дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад.

Ситод ҳушдор дод, ки "дар масҷидҳое, ки талаботи гигиенаи шахсию ҷамъиятӣ вобаста ба пешгирии бемориҳои сироятӣ риоя намегардад, фаъолияташон манъ карда мешавад".

812
Барчаспҳо:
Эмомалӣ Раҳмон, боз, масҷид, президент
Мавзуҳо:
Пайомадҳои COVID-19 дар Тоҷикистон ва ҷаҳон
Российский миротворец на блокпосту №6 на въезде в город Шуши на дороге из Степанакерта в Лачин

Ин ғайри қобили қабул аст: Қарабоғи Кӯҳӣ аз ҳамроҳ шудан бо Озарбойҷон сарпечӣ кард

0
Мақомоти Қарабоғи Кӯҳӣ дар бораи вазъи кунунии ҷумҳурии эътирофнашуда шадидан сухан гуфтанд

ДУШАНБЕ, 26 январ - Sputnik. Президенти Қарабоғи Кӯҳӣ Араик Арутунян дар мулоқот бо ҳайати шахсии Вазорати корҳои дохилии минтақа дар бораи сарнавишти минбаъдаи ҷумҳурии эътирофнашуда ҳарф зад.

Вай изҳор дошт, ки мавҷудияти Қарабоғ дар дохили Озарбойҷон ғайриимкон ва ғайри қобили қабул аст.

"Роҳи душвор ва тӯлоние моро барои барқарорсозӣ ва тақвияти кишвар интизор аст, ки дар он тамоми мардуми Артсах имкони зистан ва эҷод карданро доранд", - таъкид кард Арутунян.

Ба гуфтаи раҳбари минтақа, бо вуҷуди шароити душвор, Қарабоғи Кӯҳӣ муборизаро барои эътирофи байналмилалии истиқлолият идома хоҳад дод.

Ин масъала, ба гуфтаи Арутунян, бояд дар Гурӯҳи Минскии САҲА матраҳ шавад. Ҳамзамон, президенти Қарабоғи Кӯҳӣ гуфт, ки кишварҳои миёнарав дар ин созмон мавқеи ӯро ҳамроҳӣ мекунанд.

Арманистон сабаби шикасташ дар Қарабоғи Кӯҳиро гуфт

Дар ҷараёни мулоқот Арутунян сардори нави департамент Карен Саркисянро ба кормандони Вазорати корҳои хориҷӣ муаррифӣ кард, ки қаблан вазифаи сардори Хадамоти давлатии фавқулодаи минтақаро ба ӯҳда дошт, 

Низоъ дар Қарабоғи Кӯҳӣ

Амалиёти мусаллаҳона дар Қарабоғи Кӯҳӣ аз соли 1987 инҷониб сар мезанад. Ин муноқишаи сиёсию қавмӣ байни озарбойҷониҳо ва арманиҳо мебошад.

Бори охир он 27 сентябри 2020 дигарбора сар зад. Ҳанӯз маълум нест, ки кадом кишвар аввалин шуда тиркушоиро оғоз кардааст, дар ҳоле ки Арманистон ва Озарбойҷон дар тирборон ҳамдигарро айбдор карданд.

Муноқиша беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шудааст. Аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Миёни ҷангу сулҳ: гузориши аксӣ аз Қарабоғи куҳӣ

Шартҳои риояи созишномаҳоро посдорони сулҳи Русия назорат мекунанд. Онҳо инчунин ба гурезагон кӯмак мерасонанд, корҳои тоза кардани минаҳоро анҷом медиҳанд ва инфрасохтори шаҳрҳои маҳаллиро барқарор мекунанд.

0
Барчаспҳо:
ҷанг дар Қарабоғ, Русия, низоми оташбас, ҷанг, Арманистон, Озарбойҷон