Хуҷанд: Ташкили фурӯши маҳсулоти кишоварзӣ бо як қатор имтиёзот дар бозори «Суғдиён»

Бе миёнарав, арзон ва аз дасти якум: фурӯши маҳсулоти кишоварзӣ дар бозори "Суғдиён"

229
(Таҷдидшуда 12:55 10.03.2020)
Ташкили фурӯши густурдаи маҳсулоти кишоварзӣ дар бозори "Суғдиён" имкон медиҳад, ки мардум маҳсулоти тару тоза ва бо нархҳои дастрасро бидуни миёнарав аз дасти якум харидорӣ намоянд

ДУШАНБЕ, 10 мар — Sputnik. Дар бозори "Суғдиён"-и шаҳри Хуҷанд, фурӯши густурдаи маҳсулоти кишоварзӣ аз дасти аввал роҳандозӣ шудааст, хабар медиҳад хадамоти матбуотии шаҳрдории Хуҷанд.

"Дар ин бозор маҳсулоти кишоварзӣ, аз қабили картошка, сабзӣ, пиёз, шалғам, карам ва ғайра аз бозор 30-40 дарсад арзон пешниҳод шудааст", - омадааст дар хабарнома.

Деҳқонон аз шаҳру навоҳии Истаравшан, Деваштич, Спитамен, Ҷаббор Расулов, Мастоҳ молу маҳсулоти худро бо назардошти имтиёзоти маъмурияти бозор ба харидорон пешкаш намуда истодаанд.

Манбаъ таъкид намуда, ки чунин иқдом ҷиҳати пешгирии болоравии нархи маводи озуқа мусоидат хоҳад намуд. Ҳамзамон "нақш"-и ҳаннотони бозор низ аз байн хоҳад рафт.

Абдураҳим Абдуллоев мудири бозори "Суғдиён" мегӯяд, аз ҷониби маъмурияти бозор барои фурӯшандагон як қатор имтиёзҳо, аз ҷумла меҳмонхона, истгоҳ, иҷораи ройгон пешниҳод шудааст.

Эмомалӣ Раҳмон гуфт, мардум ба ҷои харидории барзиёд бояд чӣ кор кунанд

Бозор наздик 2000 нуқтаи савдо дар масоҳати 9 гектар дошта, 16 дарвоза, таваққуфгоҳи нақлиётӣ барои 1500 мошин ва дорои дигар имконоти инфрасохторӣ мебошад.

Раҳмон гуфт, чӣ гуна тони тиллоро бо орд иваз намуд: Ҳукумат бе дору ва ғизо намегузорад

Маъмурияти бозор иқдом гирифтааст, ки дар рӯзҳои наздик фуруши орд, равған ва биринҷро низ дар ин мавзеъ роҳандозӣ намояд.

229
Барчаспҳо:
арзон, маҳсулот, фурӯш, Хуҷанд

Дар Чин ягон камбизоат намонд? Син Ҷинпин аз пирӯзӣ бар фақр хабар дод

341
Кишвардори Чин мегӯяд, давоми ҳашт соли ахир тақрибан 100 миллион нафар дар ин кишвар тавонист аз фақр берун оянд

ДУШАНБЕ, 25 фев — Sputnik. Раиси Ҷумҳурии Мардумии Чин Син Ҷинпин аз пирӯзии давлаташ бар камбизоативу нодорӣ хабар дод, менависад агентии "Синхуа".

Ба иттилои манбаъ, кишвадори Чин дар ин бора зимни суханронӣ дар ҳамоиш бахшида ба натиҷаҳои мубориза бо камбизоатӣ иброз дошт.

Ба гуфтаи роҳбари Чин, дар тӯли ҳашт соли охир тақрибан 100 миллион нафар дар ин кишвар тавонистанд аз сатҳи камбизоатӣ бароянд.

"Ба туфайли саъю кӯшиши якҷояи Ҳизби коммунистӣ ва халқи Чин мо дар мубориза ба муқобили камбизоатӣ ғалабаи комил ба даст овардем", - шарҳ дод Ҷинпин.

Ӯ инчунин зикр кард, ки тайи солҳои охир 98,99 миллион нафар сокинони деҳот аз сатҳи камбизоатӣ бароварда шуданд.

Илова бар ин, ӯ хабар дод, ки 832 шаҳристон ва 128 ҳазор деҳа аз рӯйхати минтақаҳои камбизоати Чин хориҷ карда шуданд.

"Бо чунин муваффақиятҳо Чин мӯъҷизаи дигаре эҷод кард, ки дар таърих боқӣ хоҳад монд", - илова намудаст роҳбари Чин.

Бояд тазаккур дод, ки бори аввал Син Ҷинпин ғояи коҳиши мақсадноки камбизоатиро ҳанӯз соли 2013 зимни сафари санҷишӣ ба музофоти Хунан дар маркази Чин эълон карда буд.

Аз оғози сиёсати ислоҳот ва бози Ҷумҳурии Мардумии Чин, ки аз охири солҳои 70-уми асри гузашта амалӣ мешавад, 770 миллион сокини деҳот аз камбизоатӣ раҳо карда шуданд.

341
Барчаспҳо:
фақр, пирӯзӣ, Чин

Байден маҳдудиятҳоро лағв кард: соҳибони Green Card метавонанд вориди Амрикоро шаванд

625
(Таҷдидшуда 14:59 25.02.2021)
Ба изҳори Байден, маҳдудияте, ки собиқ кишвардор ҷорӣ кард, соҳибони Green Card натавонистанд вориди Амрико шаванд

ДУШАНБЕ, 25 фев — Sputnik. Раисиҷумҳури ИМА Ҷо Байден фармони Доналд Трамп собиқ кишвардор дар бораи маҳдудияти вуруд ба ин кишвар бекор кард, менависад РИА Новости.

Доналд Трамп ҳанӯз моҳи апрели соли гузашта фармонеро ба тасвиб расонд, ки вуруди шаҳрвандони хориҷ ба қаламрави ин кишварро манъ кард. Трамп тасмимашро чунин шарҳ дод, ки "шаҳрвандони хориҷ ба бозори меҳнатии ИМА хатар ворид мекунанд".

Трамп фармонашро то моҳи марти имсол тамдид карда буд, вале он акнун аз ҷониби роҳбари нави Амрико бекор шуд.

Ҷо Байден тасмими Трампро нодуруст ва мухолифи манфиатҳои ИМА арзёбӣ кард. Раисҷумҳури феълӣ мегӯяд, маҳдудияти ҷоринамудаи Трамп баръакс ба Амрико зарар расонад, зеро "аъзоёни хонаводаи шаҳрвандони Амрико аз имкони дидорбинӣ бо пайвандони худ маҳрум шуданд".

Байден чанд фармони Трампро бекор кард: ӯ ба вуруди мусалмонон иҷозат дод

Ба таъкиди Байден, аз сабаби маҳдудиятҳои Доналд Трамп шахсоне, ки дар лотереяи солона иҷозати иқомати ИМА (корти сабз) ба даст оварданд, натавонистанд вориди ин кишвар шаванд.

Бояд гуфт, ки ИМА соле барои 50 ҳазор нафар дар сартосари дунё имкони дарёфти ҳаққи иқомат ва кор дар ин кишварро тавассути корти сабз фароҳам меорад.

Қаблан, кишвардори феълӣ фармони Трамп дар мавриди манъи вуруд барои мусалмонони аксар кишварҳо ба Амрикоро лағв карда буд.

625
Барчаспҳо:
лағв, Амрико, маҳдудият, Ҷо Байден
Замерзшие яблоки, архивное фото

Коршиноси тоҷик гуфт сармо ба ҳосил чӣ гуна зарар мерасонад

0
(Таҷдидшуда 20:52 25.02.2021)
Паст шудани ҳарорати ҳаво дар мамлакат барои кишоварзон номусоид арзёбӣ мешавад. Бо сабаби якбора пастшавии ҳарорати ҳаво дар минтацащои Тоыикистоон эҳтимоли зиён дидани зироати хоҷагии қишлоқ, гулҳои ороишӣ ва дарахтони мевадиҳанда дар назар аст

ДУШАНБЕ, 25 фев — Sputnik. Директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров  дар сӯхбат бо “Ховар” иброз дошт, ки боридани барф дар ин давра ба нашъу намои кишти зироат ва авҷи боғу токзор  бетаъсир намемонад.

Ба гуфти вай, дар оғози моҳи феврал ҳарорати ҳаво баланд гардида, боиси гулкунии дарахтони донакдор ва гулу буттаҳо гардид. Аз ин рӯ ба ин дарахтон хатари камшавии ҳосил таҳдид мекунад. Аммо агар ҳавои номусоид ду ё се рӯз идома ёбад, онгоҳ зиёни бештар боқӣ намемонад.

 Ҳикматулло Назиров аз ҷумла зикр кард, ки кишоварзон бояд талош намоянд, то маҳсулоти беҳтар ба даст оранд.

“Ҳамчунин дар ин шабу рӯз, махсусан қисми шабона бояд дар майдони дарахтон бо маҳсулоти органикӣ, аз қабили хасу хошок, навдаи дарахтон дудмониро ба роҳ монанд. Дудмонӣ дар қисми шабона ба он хотир тавсия мегардад, ки шабона ҳарорат назар ба рӯзона пасттар мешавад”, - гуфт донишманд.

 Ҳамчунин вай гуфт баъд аз бартараф гардидани ҳавои номусоид навдаҳои сармозадаи боғу токзорро буридан лозим аст.

“Дар ин ҳолат барои инкишофи минбаъдаи навдаи наврӯида замина пайдо мегардад. Инчунин гирди решаи дарахт ва токи ангурро дар рӯзҳои офтобӣ бояд чанд маротиба нарм намоянд, то намии реша кам гардад”, - қайд кард Ҳикматулло Назиров. 

акс аз саҳифаи корбари Facebook Ҳаётҷон Одил

Бино ба гуфтаи донишманд дар  ин рӯзҳо дар ноҳияҳои водигии вилояти Хатлону Суғд ва ноҳияҳои тобеи марказ дарахтони мевадиҳанда, аз қабили олу, гелос, зардолу ва шафтолу аллакай гул кардаанд.

Ва илова кард, ки дарахтони тухмакдор, аз қабили себ, нок ва биҳӣ ба сармо тобовар мебошанд ва онҳо аз ин барф  зиён намебинанд.

Ҳикматулло Назиров зикр намуд, ки боридани барф ва паст шудани ҳарорати ҳаво ба зироати картошка, ки дар баъзе ноҳияҳои мамлакат дар давраи гулкунӣ ва инкишоф қарор дорад, зиён мерасонад.

“Картошка яке аз маҳсулоти мавриди ниёзи аввали истеъмолӣ ба ҳисоб меравад. Олимони соҳаи кишоварзӣ тавсия медиҳанд, ки дар рӯзҳои офтобӣ қаторҳои кишти картошкаро бояд нарм кард, то намнокии реша кам гардад. Дар сурати зиёд будани намнокӣ картошка метавонад пӯсад. Инчунин дар болои онҳо пору ва коҳ пошидан лозим аст”, - гуфт донишманди тоҷик.

0
Барчаспҳо:
зироат, сармо, дарахтон, ҳосил, Тоҷикистон