Специалисты министерства здравоохранения в аэропорту Ташкента

Кумаки миллиардер Шодиев ба 1,5 ҳазор хонаводаи ниёзманди Ӯзбекистон

1173
(Таҷдидшуда 15:50 29.03.2020)
Боркашҳо аллакай бо 13 номгӯи маводи ғизоӣ ва доруворӣ ба минтақаҳои гуногуни Ӯзбекистон равон шудаанд

ДУШАНБЕ, 29 мар — Sputnik. Бунёди байналмилалии миллиардери қазоқистонӣ - зодаи вилояти Ҷиззахи Ӯзбекистон Фаттоҳ Шодиев дар робита ба паҳншавии густурдаи коронавирус дар кишвар,  ба 1,5 ҳазор оилаҳои ниёзманди Ӯзбекистон кумаки башардӯстона равон кард, хабар медиҳад Sputnik Ӯзбекистон бо такя ба Вазорати адлия.

Бино ба гузоришҳои ахир то рӯзи 29 март дар Ӯзбекистон 133 нафар гирифтори коронавирус шудааст.

"Бунёди байналмилалии Шодиев барои дастгирии ибтикороти ҳукумати Ӯзбекистон дар робита бо паҳншавии коронавирус, тасмим гирифтааст, саҳми худро дар кумак ба оилаҳои ниёзманд гузорад", - омадааст дар хабарнома.

Ҳамкорӣ бо бунёди байналмилалӣ дар доираи тарҳи Вазорати адлия "Мо якҷо" роҳандозӣ мешавад.

Боркашҳо аллакай бо маводҳои ғизоӣ ва доруворӣ ба минтақаҳои алоҳидаи Ӯзбекистон равон шудаанд. Ба яку ним ҳазор оилаҳои ниёзманд 13 номгӯи маводи ғизоӣ ва маводҳои доруворӣ равон шудааст.

Карантини Усмонов дар Тошканд: суҳбаташ аз пулу ҷон ва дуои миллиардер

Фаттоҳ Шодиев - соҳибмулки ERG (Гурӯҳи УрОсиёӣ) ва IMR (International Mineral Resources), бунёдгузори Бунёди байналмилалии Шодиев, узви Шӯрои МГИМО ва хатмкунандаи факултаи ҳуқуқи байналмилалии МГИМО дар соли 1976, мебошад.

Бино ба гузоришҳои ахир, дар Ӯзбекистон 7 гирифтори коронавирус комилан сиҳат шуданд.

Дар баробари ин тайи як шабонарӯзи охир 29 ҳолати нави мубталошавӣ ба коронавирус дар Ӯзбекистон ба қайд гирифта шудааст.

Тибқи омори расмӣ, ба ҳолати 29 март дар Ӯзбекистон 133 нафар гирифтори коронавирус мебошанд.

Нахустин гирифтори вируси COVID-19 санаи 15 март ошкор шуда буд, ки аз Фаронса ба Ватан баргашта буд.

Мақомоти Ӯзбекистон феълан барои ҷилавгирӣ аз паҳншавии коронавирус ҳаракати нақлиёти мусофирбарро дар шаҳрҳо мамнӯъ кардаанд. Парвозҳои байналмилалӣ мутваққиф шудаанд.

Миёни ҳолатҳои нави сироятшавӣ ба коронавирус шаҳрвандоне будаанд, ки тоза аз шаҳри Маскав ва Истанбул озими Ӯзбекистон шуданд. То ҳол дар Ӯзбекистон аллакай ду нафар аз бемории коронавирус ба ҳалокат расидаанд.

Миёни кишварҳои Осиёи Марказӣ ва ИДМ, Тоҷикистон ягона давлатест, ки коронавирус дар қаламраваш ба қайд гирифта нашудааст.

1173
Барчаспҳо:
вирус, кумак, кумак, миллиардер, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (436)
Такси в Душанбе

Ҷаримабандии ронандаи ширкати "Olu4a Taxi": ҷавондухтари велоспедронро таҳқир кард

697
Раёсати умури дохилии Тоҷикистон аз ҷаримандӣ шудани ронандаи ширкати "Olu4a Taxi" хабар медиҳад, ки ҷавондухтари велосипедронро мавриди таҳқир қарор додааст

ДУШАНБЕ, 27 май — Sputnik. Кормандони Раёсати умури дохилӣ дар шаҳри Душанбе дар асоси шикояти як ҷавондухтар ронандаи ширкати "Olu4a Taxi" - ро боздошт намуданд.

Ба иттилои котиботи РВУД дар шаҳри Душанбе, духтар бо ирсол намудани  расми автомашинаи тамғаи Хундай рақамҳои қайди давлатиаш 1953 ТТ 05 мусофирбари ширкати "Olu4a Taxi" аз кормандони милитсия хоҳиш намуд то нисбати ронандаи автомашинаи мазкур чораҳои қонунӣ андешида шавад.

"Ба иттилои муроҷиаткунанда санаи 22-юми майи соли 2020 ҳангоми дар кӯчаи Н. Муҳаммад, назди собиқ бозори Шоҳмансури шаҳри Душанбе тариқи велосипед ҳаркат доштанаш, ронандаи автомашинаи мазкур монеи ҳаракати ӯ шуда, ҳамзамон нисбаташ ҳаракати таҳқиромез нишон дода, шаъну шарафашро паст задаст", - таъкид мешавад дар хабар.

Ирина барои кӯфтани муҳоҷирзани тоҷик ҷаримабандӣ шуд: ҷабрдида ба кумак ниёз дорад

Зимнан, муайян карда шуд, ки ронандаи автомашинаи мазкур шаҳрванд Самадзода Сомон Шарофатулло, соли таваллудаш 1989, истиқоматкунандаи шаҳри Душанбе мебошад.

Нисбати Самадов бо моддаи 460 Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, барои баррасӣ ба суди ноҳияи Шоҳмансури шаҳри Душанбе ирсол гардид.

Суд дар нисбаташ ҷазои маъмурӣ дар намуди ҷарима ба андозаи 7 нишондиҳанда барои ҳисобҳо татбиқ намуд.

697
Барчаспҳо:
такси, ронанда, ҷарима
Эмомали Раҳмон, раисиҷумҳури Тоҷикистон, акс аз бойгонӣ

Қарори Ҳукумат барои пардохти кумакпулиҳо ба мардум: киҳо ва чанд сомонӣ мегиранд?

4941
(Таҷдидшуда 17:27 27.05.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат, тартиби нави пардохти кумакпулиҳои иҷтимоӣ ба оилаҳои камбизоатро тасдиқ карда, барои иҷрои он дастур додааст

ДУШАНБЕ, 27  май — Sputnik. Тибқи тартиботи нав, кумакпулиҳои иҷтимоӣ ба камбизоатон аз буҷаи давлат дар ҳаҷми 116 сомонӣ ҳар чормоҳа, дар маҷмуъ соле 464 сомонӣ пардохт мегарданд.

Бар асоси қарор, ки Эмомалӣ Раҳмон, 14 май имзо кардааст, кумакпулиҳо ба бархе шаҳру навоҳӣ аз 1 июл пардохта мешаванд.

Таъйину пардохти кумакпулиҳо аз 1 июл барои оилаҳо ва шаҳрвандони камбизоат дар навоҳии Вахш, Восеъ, Данғара, Дӯстӣ, Кӯшониён, Носири Хусрав, Мир Сайид Алӣ Ҳамадонӣ, Қубодиён, Хуросон, Ҷайҳун ва Абдураҳмони Ҷомии вилояти Хатлон амалӣ мешавад.

Кумакпулиҳо барои камбизоатон инчунин дар шаҳру навоҳии Гулистон, Исфара, Истиқлол, Ашт, Мастчоҳ, Ҷаббор Расулов, Бобоҷон Ғафуров, Деваштич ва Спитамени вилояти Суғд, шаҳру навоҳии тобеи марказ – Варзоб, Ваҳдат, Роғун ва Турсунзода таъйину пардохт мешаванд.

Дар қарор инчунин омадааст, ки аз 1 июл кумакпулиҳо барои камбизоатон дар навоҳии Сино, Фирдавсӣ, Шоҳмансур ва Исмоили Сомонии шаҳри Душанбе низ пардохт мегарданд.

Бар асоси тартиби муқарраршуда, барои дастрас кардани пардохту кумакпулиҳои иҷтимоӣ афроду оилаҳои камбизоат бояд дар мақомоти маҳаллии ҷои истиқоматашон ба қайд гирифта шаванд.

4941
Барчаспҳо:
камбизоат, кумакпулӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (436)
Президент Кыргызской Республики Сооронбай Жээнбеков

Сооронбой Жээнбеков барои таҷлили Рӯзи Пирӯзӣ ба Маскав меравад

0
(Таҷдидшуда 18:43 28.05.2020)
Гузашти низомӣ ба муносибати Рӯзи Пирӯзӣ дар Маскав рӯзи 24 июн баргузор мешавад. Рӯзи таҷлили ид дар Маскав чораҳои амниятӣ шадид мешавад

ДУШАНБЕ, 28  май — Sputnik. Президенти Қирғизистон Сооронбой Жээнбеков дар гузашти низомӣ ба муносибати 75-умин солгарди Рӯзи Пирӯзӣ ширкат хоҳад кард, хабар медиҳад Sputnik Қирғизистон.

Ин хабарро раҳбари хадамоти матбуотии президент, Толгонай Стамалиев таъйид кардааст.

Ёдрас мешавем, ки имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дақиқаи хомӯшӣ барои поси хотири қурбониёни Ҷанги Бузурги Ватанӣ

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

0
Барчаспҳо:
ҷашни рӯзи Ғалаба, Маскав, сафар, Сооронбой Жээнбеков, Маскав
Мавзуҳо:
Пайомадҳои COVID-19 дар Тоҷикистон ва ҷаҳон (436)