День 13 апреля

Ҷашнҳои рӯзи 13 апрел дар Тоҷикистон ва ҷаҳон

100
(Таҷдидшуда 21:18 12.04.2020)
Рӯзи сенздаҳуми апрел Рӯзи умумиҷаҳонии рок буда дар Тайланд Соли нав мебошад. Дар ин рӯз, соли 1932 дар Тоҷикистон обсерваторияи астрономӣ кушода шуд

Рӯзи 13 апрел дар ҷаҳон чӣ рух дод

Соли 1814 дар Донишгоҳи Гиссенс унвони номзади илмҳои фалсафиро писарбачаи 13-сола Карл Витте соҳиб гашт, ки дар илми ҷаҳонӣ ҷавонтарин олим маҳсуб меёбад.

День 12 апреля
© Sputnik / Стас Этвеш / Вишнякова Мария

Соли 1925 Кушодашавии аввалин ҳавопаймои боркаш ба самти   Детрой — Чикаго (ИМА) ифтитоҳ ёфт.

Соли 1902 дар Петербург озмоиши нахустин троллейбус дар Россия доир гардид.

Рӯзи 13 апрел дар Тоҷикистон чӣ рух дод

Соли 1932 – Дар Тоҷикистон обсерваторияи астрономӣ кушода шуд.

Соли 2000 «Хонаи савдои Тоҷикистону Беларус» ифтитоҳ гардид.

Соли 2003 дар Душанбе нишасти Шӯрои Хазинаи байналмилалии наҷоти баҳри Арал доир гардид.

Соли 2007 дар шаҳри Душанбе бахшида ба 15-умин солгарди барқароршавии муносибатҳои дипломатии миёни Ҷумҳурии Тоҷикистон ва Иёлоти Муттаҳидаи Америка бо иштироки муовини ёвари Котиби давлатии ИМА Эвана Фейгенбаума конфронс таҳти унвони «Имрӯз ва ояндаи муносибатҳои Тоҷикистону Америка» баргузор гардид.

Соли 2010 — Дар шаҳри Душанбе Намоишгоҳи миллии Ҷумҳурии Исломии Эрон доир гардида, аз рӯи натиҷаҳои он дар бораи таъсиси 5 корхонаи муштараки Тоҷикистону Эрон созишномаҳо ба имзо расиданд.

День 11 апреля
© Sputnik / Стас Этвеш / Вишнякова Мария

Соли 2015 дар шаҳри Сеул Президенти Ҷумҳурии Тоҷикистон Эмомалӣ Раҳмон бо Раиси Парлумони Ҷумҳурии Корея Чон Йихва мулоқот намуданд.

Соли 2015 Президенти Ҷумҳурии Тоҷикистон  Эмомалӣ Раҳмон бо донишҷӯёни тоҷики дар муассисаҳои таҳсилоти олии Ҷумҳурии Корея таҳсилкунанда мулоқот намуданд.

Соли 2016 дар Душанбе  ҷаласаи даҳуми Шӯрои ҳамоҳангсоз оид ба мавзӯи «Муколамаи миллӣ оид ба захираҳои об дар самти идоракунии захираҳои обии Идоракунии ҳамгирои захираҳои об (ИУВР)  дар Тоҷикистон дар доираи Ташаббуси Иттиҳоди Аврупо оид ба об» баргузор шуд.

Ҷашнҳои рӯзи 13 апрел

  • Рӯзи умумиҷаҳонии рок.
  • Дар Тайланд Соли нав.

Рӯзи 13 апрел дар Тоҷикистон кӣ ба дунё омадааст

Соли 1896 – Зодрӯзи муборизи барқарор намудани ҳокимияти Шӯравӣ дар Осиёи Миёна, Комиссари халқии корҳои дохилии ҶМШС Тоҷикистон (солҳои 1924-1926) Абдулло Ёрмуҳаммедов.

100
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 7 апрел дар Тоҷикистон ва ҷаҳон
Ҷашнҳои рӯзи 6 апрел дар Тоҷикистон ва ҷаҳон
Ҷашнҳои рӯзи 8 апрел дар Тоҷикистон ва ҷаҳон
Ҷашнҳои рӯзи 9 апрел дар Тоҷикистон ва ҷаҳон
Ҷашнҳои рӯзи 11 апрел дар Тоҷикистон ва ҷаҳон
Ҷашнҳои рӯзи 12 апрел дар Тоҷикистон ва ҷаҳон
Ҷашнҳои рӯзи 10 апрел дар Тоҷикистон ва ҷаҳон
Такси в Душанбе

Ҷаримабандии ронандаи ширкати "Olu4a Taxi": ҷавондухтари велоспедронро таҳқир кард

423
Раёсати умури дохилии Тоҷикистон аз ҷаримандӣ шудани ронандаи ширкати "Olu4a Taxi" хабар медиҳад, ки ҷавондухтари велосипедронро мавриди таҳқир қарор додааст

ДУШАНБЕ, 27 май — Sputnik. Кормандони Раёсати умури дохилӣ дар шаҳри Душанбе дар асоси шикояти як ҷавондухтар ронандаи ширкати "Olu4a Taxi" - ро боздошт намуданд.

Ба иттилои котиботи РВУД дар шаҳри Душанбе, духтар бо ирсол намудани  расми автомашинаи тамғаи Хундай рақамҳои қайди давлатиаш 1953 ТТ 05 мусофирбари ширкати "Olu4a Taxi" аз кормандони милитсия хоҳиш намуд то нисбати ронандаи автомашинаи мазкур чораҳои қонунӣ андешида шавад.

"Ба иттилои муроҷиаткунанда санаи 22-юми майи соли 2020 ҳангоми дар кӯчаи Н. Муҳаммад, назди собиқ бозори Шоҳмансури шаҳри Душанбе тариқи велосипед ҳаркат доштанаш, ронандаи автомашинаи мазкур монеи ҳаракати ӯ шуда, ҳамзамон нисбаташ ҳаракати таҳқиромез нишон дода, шаъну шарафашро паст задаст", - таъкид мешавад дар хабар.

Ирина барои кӯфтани муҳоҷирзани тоҷик ҷаримабандӣ шуд: ҷабрдида ба кумак ниёз дорад

Зимнан, муайян карда шуд, ки ронандаи автомашинаи мазкур шаҳрванд Самадзода Сомон Шарофатулло, соли таваллудаш 1989, истиқоматкунандаи шаҳри Душанбе мебошад.

Нисбати Самадов бо моддаи 460 Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, барои баррасӣ ба суди ноҳияи Шоҳмансури шаҳри Душанбе ирсол гардид.

Суд дар нисбаташ ҷазои маъмурӣ дар намуди ҷарима ба андозаи 7 нишондиҳанда барои ҳисобҳо татбиқ намуд.

423
Барчаспҳо:
такси, ронанда, ҷарима
Эмомали Раҳмон, раисиҷумҳури Тоҷикистон, акс аз бойгонӣ

Қарори Ҳукумат барои пардохти кумакпулиҳо ба мардум: киҳо ва чанд сомонӣ мегиранд?

3480
(Таҷдидшуда 17:27 27.05.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат, тартиби нави пардохти кумакпулиҳои иҷтимоӣ ба оилаҳои камбизоатро тасдиқ карда, барои иҷрои он дастур додааст

ДУШАНБЕ, 27  май — Sputnik. Тибқи тартиботи нав, кумакпулиҳои иҷтимоӣ ба камбизоатон аз буҷаи давлат дар ҳаҷми 116 сомонӣ ҳар чормоҳа, дар маҷмуъ соле 464 сомонӣ пардохт мегарданд.

Бар асоси қарор, ки Эмомалӣ Раҳмон, 14 май имзо кардааст, кумакпулиҳо ба бархе шаҳру навоҳӣ аз 1 июл пардохта мешаванд.

Таъйину пардохти кумакпулиҳо аз 1 июл барои оилаҳо ва шаҳрвандони камбизоат дар навоҳии Вахш, Восеъ, Данғара, Дӯстӣ, Кӯшониён, Носири Хусрав, Мир Сайид Алӣ Ҳамадонӣ, Қубодиён, Хуросон, Ҷайҳун ва Абдураҳмони Ҷомии вилояти Хатлон амалӣ мешавад.

Кумакпулиҳо барои камбизоатон инчунин дар шаҳру навоҳии Гулистон, Исфара, Истиқлол, Ашт, Мастчоҳ, Ҷаббор Расулов, Бобоҷон Ғафуров, Деваштич ва Спитамени вилояти Суғд, шаҳру навоҳии тобеи марказ – Варзоб, Ваҳдат, Роғун ва Турсунзода таъйину пардохт мешаванд.

Дар қарор инчунин омадааст, ки аз 1 июл кумакпулиҳо барои камбизоатон дар навоҳии Сино, Фирдавсӣ, Шоҳмансур ва Исмоили Сомонии шаҳри Душанбе низ пардохт мегарданд.

Бар асоси тартиби муқарраршуда, барои дастрас кардани пардохту кумакпулиҳои иҷтимоӣ афроду оилаҳои камбизоат бояд дар мақомоти маҳаллии ҷои истиқоматашон ба қайд гирифта шаванд.

3480
Барчаспҳо:
камбизоат, кумакпулӣ, Тоҷикистон
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2563
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2563
Барчаспҳо:
хайрхоҳӣ, Русия, Тоҷикистон