Несколько врачей в карантинной зоне Пекинской больницы, архивное фото

Муроҷиати Шӯрои иттифоқи касабаи Суғд ба соҳибкорон: кормандони тибро дастгирӣ кунед

159
(Таҷдидшуда 13:01 07.05.2020)
Шӯрои иттифоқҳои касабаи вилояти Суғд, кумитаҳои соҳавӣ ва фаъолони иттифоқҳои касабаи вилоят музди меҳнати якрӯзаи худро барои дастгирии кормандони соҳаи тиб ҳазина карданд

ДУШАНБЕ, 7 май — Sputnik. Шӯрои иттифоқҳои касабаи вилояти Суғд, кумитаҳои соҳавӣ ва фаъолони иттифоқҳои касабаи вилоят иқдом гирифтаанд, ки музди меҳнати якрӯзаи худро барои дастгирии кормандони соҳаи тиб ва пешгирӣ аз коронавирус ба суратҳисоби "Фонди хайрия" ирсол намоянд.

Бино ба гузориши мақомоти вилояти Суғд, Шӯро ба аъзои иттифоқҳои касабаи вилоят, соҳибкорон ва коргарони тамоми соҳаҳои гуногуни иқтисодиёти вилоят муроҷиат намуданд, ки ин иқдомро дастгирӣ намоянд.

Матни пурраи муроҷиатномаи Раёсати Шӯрои иттифоқҳои касабаи вилояти Суғдро пешкаши хонандагон мегардонем:

Ба ҳамагон маълум аст, ки дар охирҳои соли 2019 бемории сироятии вируси тоҷдор (COVID-19) пайдо гардид, ки имрӯз ҷомеаи ҷаҳониро ба ташвиш овардааст. Ҷумҳурии Тоҷикистон ҳамчун як узви ҷомеаи ҷаҳонӣ дар пешгирии паҳншавии ин беморӣ саҳмгузор мебошад.

Ҳифзи саломатии шаҳрвандон дар мадди назари Ҳукумати Ҷумҳурии Тоҷикистон қарор дошта, тамоми тадбирҳоро барои пешгирии паҳншавии ин беморӣ меандешад.

Мусаллам аст, ки дар сатҳи Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояту шаҳр ва ноҳияҳо вобаста ба паҳншавии бемории коронавирус ва илтиҳоби шуш Ситоди доимамалкунанда фаъолият дорад ва аз рӯи нақшаи хоса амал мекунад.

Дар ин самт тамоми тадбирҳои зарурӣ роҳандозӣ гардидаанд. Барои аҳолии мамлакат ҳаҷми зарурии маҳсулоти ғизоӣ ва маводи беҳдоштиву доруворӣ захира карда шудааст ва бовар дорем, ки ин бемории сироятиро бо зарари кам аз сар мегузаронем. Аз ин рӯ, қабл аз ҳама, аз кулли ҳамкорону ҳамсафон ва мардуми вилоят хоҳиш дорем, ки пеш аз ҳама, қоидаҳои беҳдошти шахсиро қатъиян риоя намоянд. Аз волидайн даъват мекунем, ки ба фарзандони худ назоратро дучанд намоянд то дар ҳама ҷо, чӣ дар хона ва чӣ берун аз тозагиву қоидаҳои беҳдоштӣ ҳатман риоя гардад.

Кормандони соҳаи тиб дар сафи пеши мубориза барои пешгирӣ, муолиҷа ва аз байн бурдани ин бемории хавфноки сироятӣ қарор доранд. Илова бар ин тибқи иттилои расмӣ, дар маркази вилоят ва тамоми шаҳру ноҳияҳои вилоят муассисаҳои соҳаи тандурустӣ омода гардида ба қабул ва муолиҷаи беморон шабонарӯзӣ машғул мебошанд.

Мо итмонони комил дорем, ки бо раҳнамоии Ҳукумати Ҷумҳурии Тоҷикистон ва кӯшишҳои шабонарӯзинаи мақомоти иҷроияи ҳокимияти давлатии вилояти Суғд ин душворӣ сарбаландона бартараф карда мешавад. Ҳама гуна душворӣ мардумро муттаҳид менамояд ва маҳз   дар чунин ҳолатҳо дароз намудани дасти мадад анъанаи неки аҷдодонамон мебошад.

159
Барчаспҳо:
тиббӣ, соҳибкорон, музди меҳнат, "Профсоюз" Иттифоқи касаба, Суғд
Мавзуҳо:
Пайомадҳои COVID-19 дар Тоҷикистон ва ҷаҳон (469)
День 2 июня

Ҷашнҳои рӯзи 2 июн дар Тоҷикистон ва ҷаҳон

61
(Таҷдидшуда 20:40 01.06.2020)
Рӯзи дуюми июн дар Русия – Рӯзи ғизои солим ва даст кашидан аз исрофкорӣ буда дар Озарбойҷон — Рӯзи кормандони авиатсияи шаҳрвандӣ мебошад

Рӯзи 2 июн дар ҷаҳон чӣ рух дод

Соли 1896 Гулелмо Маркони итолиявӣ дар ИМА оид ба ихтирои радио аввалин патент ба даст овард.

Соли 1946 дар Италия оид ба сохти давлатдории ояндаи  ин мамлакат раъйпурсии умумихалқӣ баргузор гардида буд, ки дар он қариб ҳамаи шаҳрвандони кишвар иштирок намуданд.

Соли 1963  дар Тоҷикистон шумораи нахустини  ҳафтаномаи "Ин ҷо Душанбе" (ҳоло "Ҷаҳони паём") нашр шудааст.

Соли 1975 аввалин маротиба дар таърихи Лондон дар моҳи июн барф боридааст.

Снег в Воркуте
© Sputnik / Алексей Резниченко
Снег в Воркуте

Соли 1981 рӯзномаи «Правда» (нашрияи марказии КМ КПСС) ҳукумати Полшаро дар беамалӣ нисбат ба коммунизм душман эълон кард.

Рӯзи 2 июн дар Тоҷикистон чӣ рух дод

Соли 2004  Парлумони Тоҷикистон Қонуни Ҷумҳурии Тоҷикистон «Оид ба бекор намудани ҳукми қатл дар Ҷумҳурии Тоҷикистон»-ро қабул кард.

© Sputnik / Стас Этвеш / Вишнякова Мария

Соли 2009 аввалин намояндагии бонки Русия дар Тоҷикистон «Росселхозбанк» ба фаъолият шурӯъ намуд.

Соли 2009 миёни Душанбе ва Рига (пойтахти Латвия) хатсайри нави ҳавоӣ роҳандозӣ гардид.

Соли 2012 Президенти Ҷумҳурии Тоҷикистон Эмомалӣ Раҳмон дар ҷараёни сафари давлатӣ ба Чин ба Маркази байналмилалии намоишгоҳҳо ва конфронсҳои шаҳри Сямэн ташриф оварда, дар форуми «Тоҷикистон: имконоти сармоягузорӣ» иштирок ва суханронӣ намуданд. Барои иштирок дар ин ҳамоиш шумораи зиёди соҳибкорону тоҷирон ва сармоягузорони Тоҷикистону Чин ҷамъ омада буданд.

Соли 2012 дар ҷараёни сафари давлатӣ  ба Чин Эмомалӣ Раҳмон аз  Донишгоҳи Сямэни музофоти Фуҷиан дидан намуд. Бо қарори Шӯрои илмӣ  ба Раҳмон барои хизматҳои шоён дар таҳким ва густариши муносибатҳои дӯстона ва ҳамкории пурсамар бо Ҷумҳурии Мардумии Чин, аз ҷумла, дар соҳаи илму маориф унвони профессори фахрии илмҳои иқтисодии Донишгоҳи Сямэн дода шуд.

Соли 2014 дар мулоқоти Эмомалӣ Раҳмон бо Ёвари котиби давлатии Иёлоти Муттаҳидаи Амрико доир ба масоили Осиёи Марказӣ ва Ҷанубӣ Ниша Десай Бисвалро, ки барои иштирок дар машваратҳои сиёсии солона миёни Тоҷикистону Амрико ба шаҳри Душанбе омада буд, масоили вобаста ба рушди муносиботи ҳасана ва густариши ҳамкории судманди ду кишвар дар бахшҳои сиёсат, амнияти минтақавӣ, иқтисод ва тиҷорат, сармоягузорӣ ва илму техника баррасӣ шуданд.

Соли 2014 дар шаҳри Душанбе масъалаҳои ҳамкории дуҷонибаи иқтисодӣ-тиҷоратии Тоҷикистон ва Гурҷистон баррасӣ гардида, барои  мустаҳкам намудани ҳамкории мутақобилан судманди ду кишвар таваҷҷуҳи махсус зоҳир карда шуд.

Ҷашнҳои рӯзи 2 июн

  • Дар Русия – Рӯзи ғизои солим ва даст кашидан аз исрофкорӣ.
  • Дар Озарбойҷон — Рӯзи кормандони авиатсияи шаҳрвандӣ.
61
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 1 июн дар Тоҷикистон ва ҷаҳон
Церемония вручения российского паспорта

Путин рӯзи нави овоздиҳӣ барои ислоҳи конститутсияро эълон кард

230
(Таҷдидшуда 19:29 01.06.2020)
Пештар президенти Русия Владимир Путин рӯзи гузашти низомӣ ба муносибати Рӯзи Пирӯзиро 24 июн эълон карду имрӯз рӯзи овоздиҳиро ҳам дақиқ кард

ДУШАНБЕ, 1 июн — Sputnik. Президенти Русия Владимир Путин рӯзи овоздиҳӣ барои ислоҳи қонуни асосии кишвар - конститутсияро 1 июл эълом кард.

"Якуми июл рӯзи мувофиқ аст. Аз нуқтаи назари ҳуқуқӣ ин таърих бенуқсон аст", - гуфт Путин.

Рӯзи 1 июлро раиси Комиссияи марказии интихоботии Русия Элла Памфилова пешниҳод кардааст.

Ба гуфти ӯ рӯзи 1 июл мувофиқ аст, чун аз 3 июл имтиҳоноти сартосарии синфҳои 11 оғоз мешавад ва бештари марказҳои овоздиҳӣ дар макотибҳо ҷойгир шудааст.

Раҳбари Роспотребнадзора Анна Попова рӯзи 1 июлро тасдиқ карда гуфт, овоздиҳӣ дар рӯзи 1 июл барои шаҳрвандон бехатар хоҳад буд.

Пасон президенти кишвар Владимир Путин аз шаҳрвандони Русия даъват кард, ки дар маъракаи овоздиҳӣ фаъолона иштирок кунанд.

Кишвардор фармон дод, ки овоздиҳӣ аз 25 июн то 1 июл баргузор карда шавад.

Ӯ гуфт рӯзи асосии овоздиҳӣ- рӯзи 1 июл истироҳат эълон мешавад.

 

230
Барчаспҳо:
Конститутсия, овоздиҳӣ, Русия, Владимир Путин
Медсестра ухаживает за пациентами в больнице

Фавти як дардманди дигари коронавирус дар Қирғизистон: шумораи қурбониён ба 17 расид

0
Дар Қирғизистон фавти нав аз маризии коронавирус сабт шудааст. Бо иловаи фавти ҷадид теъдоди қурбониёни ин маризӣ ба 17 нафар баробар шуд

ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.

Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.

Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.

"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.

Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.

Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.

Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.

0
Барчаспҳо:
маризӣ, фавт, Қирғизистон
Мавзуҳо:
То кай?: танишҳои марзӣ миёни Тоҷикистону Қирғизистон