Сокини Хуҷанд пули Ҳаҷро барои мубориза бо COVID -19 дод

406
Исохӯҷа Каримхӯҷаев, сокини шаҳри Хуҷанд, маблағи барои зиёрати Ҳаҷ пардохтнамудаашро, барои мубориза бо бемории коронавирус ё COVID -19 гузарондааст

ДУШАНБЕ, 8 май – Sputnik. Ба далели хуруҷи COVID -19 имсол маросими Ҳаҷ лағв гардиданд ва бархе аз зоирини тоҷик тасмим гирифтаанд, маблағи ҷамъовардаашонро барои корҳои савоби дигар сарф намоянд.

Исохӯҷа Каримхӯҷаев, яке аз ҳазорон сокини Тоҷикистон аст, ки барои зиёрати хонаи Худо имсол ҳудуди 60 ҳазор сомонӣ пардохт кардааст.

Маъмури Юсуфзод, котиби матбуоти ҳукумати Хуҷанд, гуфт, Каримхӯҷаев, бо назардошти вазъи феълӣ тасмим гирифтааст, маблағи барои ҳаҷ пардохтнамудаашро барои мубориза бо вируси корона гузаронад.

“Алҳол 20 ҳазор сомонии худро ба суратҳисоби махсуси Ситод оид ба пешгирии бемории COVID- 19 гузаронидааст. Дар давоми ҳафта низ азм дорад 40 ҳазор сомонии дигарро интиқол бидиҳад”, - иттилоъ  дод Юсуфзод.

Исохӯҷа Каримхӯҷаев ҳоло 75 сол дорад ва дорои унвони шаҳрванди фахрии шаҳри Хуҷанд аст. Ӯ собиқ корманди соҳаи тиб буда, ҳудуди 60 сол ба сифати духтур ва дорусоз дар муассисаҳои тандурустии ҳудуди вилояти Суғд фаъолият намудааст.

 Соли гузашта ҳудуди 6 ҳазор сокини Тоҷикистон сафари Ҳаҷ карда буданд ва имсол ҳам ба ҳамин теъдод сокинон аз шаҳру навоҳии кишвар азми зиёрати хонаи Худоро доштанд.

Имсол қиммати сафари Ҳаҷ барои сокинони Тоҷикистон 60 ҳазор сомонӣ, муодили бештар аз 5,5 ҳазор доллари амрикоӣ муқаррар шуда буд.

406
Жители города Душанбе в медицинских масках на улице

Бидуни фавт: Вазорати тандурустӣ омори ҷадиди коронавирус дар Тоҷикистонро эълон кард

2477
(Таҷдидшуда 19:32 25.05.2020)
Вазорати тандурустии Тоҷикистон тозатарин маълумот дар мавриди теъдоди шифоёфтагон, гирифторон ва қурбониёни маризии коронавирусро нашр намуд

ДУШАНБЕ, 25 май – Sputnik. То 25 майи соли равон дар мамлакат 2773 нафар зери назорати табибон қарор доранд, хабар медиҳад Вазорати тандурустии Тоҷикистон.

Ба иттилои манбаъ, дар як шабонарӯзи охир 232 нафар пас аз шифо ёфтан ба хонаҳояшон рухсат дода шудаанд.

Ҳамзамон, манбаъ ба Sputnik Тоҷикистон таъйид намуд, ки  то соати 19:00 дақиқаи 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Фаврӣ: шумораи гирифторони коронавирус дар Тоҷикистон зиёд шуд - омори нав

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

2477
Барчаспҳо:
маризон, омор, Вазорати тандурустии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон
Доллары в кармане, архивное фото

Қаллоби доғи судӣ дошта боз ба даст афтод: 7 ҳазор доллар гирифту ғайб зад

503
(Таҷдидшуда 13:46 25.05.2020)
Нисбати номбурда парвандаи ҷиноятӣ бо моддаи 247 қисми 3 Кодекси ҷиноятии Ҷумҳурии Тоҷикистон оғоз гардида, тафтишот идома дорад

ДУШАНБЕ, 25 май — Sputnik. Кормандони пулис дар ноҳияи Мастчоҳ нафареро дастгир намуданд, ки ба гумони даст доштан дар қаллобӣ муттаҳам мешавад.

Ба иттилои котиботи Вазорати умури дохилии Тоҷикистон, кормандони милитсия марди 56 - солаи сокини ноҳияи Мастчоҳ, ки пеш бо моддаи 264 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти қаллобӣ дастгир намуданд.

Қаллобӣ: худро коргари идораи барқ гуфта, аз сокинон пул гирифтааст

"Номбурда, санаи 1-уми майи соли 2015, бо роҳи фиреб ба боварии марди 68 - солаи сокини ҷамоати деҳоти Навбаҳор, даромада, аз ӯ 7 000 доллари амрикоӣ гирифта, ба манфиати шахсиаш сарф намудааст", - таъкид мешавад дар хабар.

ВУД Тоҷикистон мегӯяд, нисбати номбурда парвандаи ҷиноятӣ бо моддаи 247 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

503
Барчаспҳо:
милитсия, боздошт, қаллоб
Арест, архивное фото

ВУД: мақомдор барои ситонидани 5 ҳазору 400-сомонӣ пора дастгир шуд

169
(Таҷдидшуда 10:55 26.05.2020)
Кормандони вазорати умури дохилаи Тоҷикистон сармутахассиси заминсози ҷамоати шаҳраки 20-солагии Истиқлолияти ҳамин ноҳияро барои ситонидани пора дастгир карданд

ДУШАНБЕ, 26 май – Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсия марди 52-солаи сокини ноҳияи Дӯстӣ, сармутахассиси заминсози ҷамоати шаҳраки 20-солагии Истиқлолияти ҳамин ноҳия бо гумони гирифтани пора дастгир намуданд.

ВУД тоҷикистон  таъкид доштааст, ки номбурда, аввалҳои моҳи ноябри соли равон, барои тартиб додани санад ва пешниҳод намудани ҳуҷҷатҳои қитъаи замини наздиҳавлигӣ ба мақомоти дахлдори ноҳияи Дӯстӣ аз марди 65-солаи ноҳияи мазкур 5 ҳазору 400-сомониро ҳамчун пора талаб карда гирифтааст.

Ҳамзамон манбаъ қайд намудааст, ки дар ҳоли ҳозир оид ба ин ҳолат нисбати гумонбаршаванда аз ҷониби Прокуратураи ноҳияи Дӯстӣ парвандаи ҷиноятӣ оғоз карда шуда, тафтишот идома дорад.

Ёдрас мешавем, ки чанде пеш Оҷонсии мубориза бо коррусияи Тоҷикистон аз боздошти як корманди ҳукумати шаҳри Кӯлоб хабар дод, ки дар фиреби 12 сокини аҳаллӣ муттаҳам мешавад.

Ба иттилои манбаъ, Саидмумин Давлатов, мутахассиси пешбари мақомоти иҷроияи ҳокимияти давлатии шаҳри Кулоб моҳҳои май-июни соли 2019 ба боварии шаҳрванд Умаров Ҷ.О. даромада аз ӯ барои аз ҳудуди заминҳои шаҳри Кулоб ҷудо карда додани 0,06 га. қитъаи замини наздиҳавлигӣ, маблағи 9000 сомонӣ талаб карда гирифта, ба фоидаи худ сарф кардааст.

“Ғайр аз ин, номбурда. бо ҳамин тарзу усул аз 12 нафар шаҳрвандони дигар дар маҷмуъ маблағи 139000 сомонӣ талаб карда гирифта тасарруф намудааст”,-афзуд Оҷонсӣ.

Гуфта мешавад, вобаста ба ин ҳолат нисбат ба Саидмумин Давлатов бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

169
Барчаспҳо:
сомонӣ, ришва, дастгир, пора, вазорати умури дохила, Тоҷикистон