Абдулло Давлатов

Доктор Абдулло Давлатов ба коронавирус сироят ёфт: ӯ роҳи табобатро ба дигарон ҳам гуфт

3187
(Таҷдидшуда 02:47 19.05.2020)
Доктори номии тоҷик, ки муқими Маскав аст, аз сироят ёфтанаш ба коронавирус хабар дод. Ӯ ба дигарон маслиҳат дод, ки дар роҳи мубориза бо ин вируси "маккор" кадом шеваро бояд истифода бурд

ДУШАНБЕ, 18 май – Sputnik. Доктор Абдулло Давлатов, пизишки тоҷик ва раҳбари пешини Иттиҳодияи тоҷикистониёни Русия аз сироят ёфтанаш ба вируси корона хабар дода, ба корбарони Фейсбук маслиҳат додааст, ки дар мубориза бо КОВИД-19 бояд чӣ кор кард.

Ба қавли Давлатов, ӯ ҳангоми табобати гирифторони коронавирус дар яке аз дармонгоҳҳои Москав худ ба ин маризӣ печидааст.

"Бистуми апрел шӯъбаи терапиро давр задам ва онҷо 3 беморе буданд, ки дар якеаш плеврит ташхис кардему ҳамон рӯз фавран пунктсия карда 1.5 литр моеъ аз пардаҳои шуши чапаш гирифтему ба лаборатория фиристодем. COVID-19 ёфтанд. Боз 2 нафари дигар аз ҳамон шӯъба сироят шуда будаанд. Шӯъбаро фаврӣ карантин кардему мо ҳама муоина шудему ба карантини хонагӣ рафтем", - менависад доктор.

Давлатов афзудааст, "дар аввал ҳеҷ шикояте надоштам ва ягон аломат пайдо набуд. Вале, ба тадриҷ дар нафаскашӣ мушкилӣ пайдо шуд. Пулсоксиметрия нишон дод, ки О2 дар хун 95% аст. Ин ҳушдорӣ буд, агарчӣ бонги хатар ҳам набуд. Рӯзи 15 натиҷа маълум шуд - COVID-19. Фаврӣ бистарӣ карданд."

Пизишки тоҷик гуфтааст, ки дар бемористон табобаташ 3 рӯз идома ёфт ва аллакай мураххас шудааст.

Табиб маслиҳат додааст, ки бо ду дору метавон ин вирусро табобат кард, ки яке Гидроксихлорохин ва дигаре  Азитромитсин аст.

"На зарурати чак-чак асту на сӯзандоруву на ғайраи зараровар", - менависад вай.

Албатта, ин ду дорӯ бо тавсияи духтур бояд истифода шаванд, таъкид мекунад Абдулло Давлатов.

Натарсед! ифшогариҳои зодаи Тоҷикистон, ки дар Русия бар коронавирус пирӯз шуд

3187
Самолет авиакомпании Уральские авиалинии, архивное фото

ВУХ Тоҷикистон: давоми 11 рӯз 680 тоҷикистонӣ ва 58 тобут аз Русия ба ватан интиқол ёфт

586
(Таҷдидшуда 15:59 31.05.2020)
Ширкати ҳавопаймоии "Уралские авиалиния" боз 49 шаҳрванди Тоҷикистонро аз Федератсияи Русия ба ватан интиқол дод

ДУШАНБЕ, 31 май— Sputnik. Ширкати "Уралские авиалиния" шаби 29 ба  30 - юми  май парвози махсус аз Русия ба Тоҷикистонро анҷом дод, хабар медиҳад Вазорати умури хориҷии Тоҷикистон.

Ба иттилои манбаъ, ҳавопаймои ин ширкат 49 шаҳрванди Тоҷикистонро, ки тайи чанд моҳи охир дар марказҳои нигоҳдории муваққатии шаҳрвандони хориҷӣ дар Русия қарор доштанд, аз Москва ба Душанбе интиқо дод.

Гузашта аз ин, 13 тобути шаҳрвандони кишвар низ ба Тоҷикистон интиқол ёфт.

Манбаъ тавзеҳ медиҳад, ки сар аз 19 то 30 майи соли ҷорӣ дар ҳамоҳангӣ бо ҷониби Русия аз марказҳои нигаҳдории муваққатии ин кишвар ба Тоҷикистон дар маҷмӯъ 680 шаҳрванди Тоҷикистон, ки ҳуҷҷатҳои омодашудаи зарурӣ барои сафарро доштанд, инчунин ҷасадҳои 58 ҳамватан баргардонида шуданд.

Сатторов: дар фурудгоҳҳои Маскав дигар шаҳрвандони Тоҷикистон намондаанд

Вазорат иттилоъ медиҳад, ки ҷиҳати иҷрои дастури роҳбари давлат оид ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус ба Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон бояд таъкид кард, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити лозим, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

586
Барчаспҳо:
Русия, шаҳрвандони тоҷик, интиқол, ВУХ ҶТ
Пустые улицы города Душанбе

Бозорҳо ва кошонаҳои ҳусн дар Душанбе то 15 июн баста мемонанд

662
(Таҷдидшуда 14:03 30.05.2020)
Мақомоти шаҳри Душанбе мегӯяд фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо то 15 июни соли 2020 маҳдуд боқӣ мемонад

ДУШАНБЕ, 30 май — Sputnik. Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт аз пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд.

11 супориши муҳлатноки Раҳмон ба Ҳукумат ва вазоратҳо барои пешгирии COVID - 19

"Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд", - омадааст дар хабарномаи шаҳрдорӣ.

Қарори нави Рустами Эмомалӣ: омодагӣ ба зимистони 2020-2021 ва супоришҳо ба масъулин

Мақомоти шаҳри Душанбе ҳамчунин хабар медиҳад, ки бо мақсади дастгирии соҳибкорӣ раиси шаҳри Душанбе ҷиҳати мусоидат намудан дар масъалаҳои қарзию фоизии бонкии соҳибкорон ба унвони Бонки миллии Ҷумҳурии Тоҷикистон мактуби расмӣ ирсол намудааст.

Ёдрас мешавем, ки мақомоти Тоҷикистон барои пешгирӣ аз паҳншавии коронавирус фаъолияти бозорҳои бузурги шаҳри Душанбе аз ҷумла "Корвон", "Саховат" ва кошонаҳои ҳусну нуқтаҳои фурӯши телефонро боздошт.

То 29 майи соли равон дар Тоҷикистон, 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

662
Барчаспҳо:
маҳдудият, маҳдуд, сартарошхона, бозор, Душанбе
Мавзуҳо:
Пайомадҳои COVID-19 дар Тоҷикистон ва ҷаҳон

Донишманд: гармо метавонад сирояти вируси коронаро коҳиш диҳад

0
(Таҷдидшуда 03:31 01.06.2020)
Донишманди ӯзбекистонӣ эълом кардааст ҳавои гарм метавонад сирояти COVID-19-ро коҳиш диҳад

ДУШАНБЕ, 1 июн - Sputnik. Сарходими илмии Пажӯҳишгоҳи илмию тадқиқотии вирусологияи вазорати тандурустӣ Хайрулло Мустафоев, эълон кардааст, ки ҳавои гарм метавонад пеши коронавирусро гирад, иттилоъ додааст рӯзномаи “Ҷумҳурият” дар истинод ба “Правда Востока”.

Вай афзудааст, ки ҳавои Ӯзбекистон торафт гарм мешавад ва дар чунин шароит вирус инкишоф ёфта наметавонад.

Карантин дар Ӯзбкистон тамдид шуд: то 15 июн

Хайрулло Мустафоев, таъкид доштааст, ки беҳтарин ҳарорат барои мавҷудияти коронавирус 5 – 8 дараҷа селсия ва на камтар аз 60 дарсад намӣ ба ҳисоб меравад.

“Дар кишвари мо иқлим хушку гарм аст. Умуман, ҳама бемориҳои шамолхӯрӣ дар давраи гармо ҳамеша аз байн мераванд”, - афзуд вирусшинос.

Ёдрас мешавем, ки тибқи омори ахири вазорати тандурустии Ӯзбекистон, дар давоми як рӯзи охир дар ин кишвар 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

0
Барчаспҳо:
коҳиш, вирус, гарм, гармо, ҳаво, донишмандон, Ӯзбекистон