День 19 мая

Ҷашнҳои рӯзи 19 май дар Тоҷикистон ва ҷаҳон

142
(Таҷдидшуда 18:53 18.05.2020)
Рӯзи нунздаҳуми май дар Туркия иди миллӣ – Рӯзи ҷавонон ва варзиш буда дар Дания Рӯзи ибодати умум мебошад

Рӯзи 19 май дар ҷаҳон чӣ рух дод

Соли 1907 Ассотсиатсияи футболи Финландия таъсис дода шуд.

День 18 мая
© Sputnik / Стас Этвеш / Вишнякова Мария

Соли 1930 дар Африқои Ҷанубӣ ба занони сафедпӯст иҷозаи дар интихобот иштирок кардан дода шуд.

Соли 2008 дар шаҳри Москва сомонаи нави Сафорати Тоҷикистон дар Федератсияи Русия кушода шуд.

Соли 2009 дар шаҳри Мински Ҷумҳурии Беларус ҷаласаи XXIX Шӯрои байнидавлатӣ оид ба заминсозӣ, харитасозӣ, кадастр ва тадқиқи фосилавии кишварҳои иштирокдори ИДМ баргузор гардид.

Рӯзи 19 май дар Тоҷикистон чӣ рух дод

Соли 2003 Президенти Ҷумҳурии Тоҷикистон Эмомалӣ  Раҳмон дар бораи эълон гардидани соли 2004 ҳамчун Соли санъати эстрадаи муосир Фармон ба имзо расонид.

Соли 2010  дар мулоқоти Эмомалӣ Раҳмон бо Дабири кулли ҷамъияти байналмилалии ҷавонони мусулмон Муҳаммад Бодаҳдаҳ масоили мавриди таваҷҷуҳ ва тадбирҳои минбаъдаи судманд баррасӣ гардиданд.

Соли 2010 бар асоси тағйиру иловаҳо ба Кодекси оилаи Тоҷикистон синни никоҳи духтарон аз 18 муқаррар шуд.

День 17 мая
© Sputnik / Стас Этвеш / Вишнякова Мария

Соли 2011 Ваколатдор оид ба ҳуқуқи инсон дар Тоҷикистон аввалин ҳисобот ва сомонаи худро муаррифӣ намуд.

Соли 2013 дар шаҳри Чианг Майи Шоҳигарии Таиланд Форуми дуввуми об барои кишварҳои минтақаи Осиё ва Уқёнуси Ором дар мавзӯи “Амнияти вобаста ба об ва таҳдидҳои офатҳои табиии марбут ба об”  баргузор гардид.

Соли 2016 дар меҳмонхонаи "Серена"-и шаҳри Душанбе Форуми доираи соҳибкории Тоҷикистон ва Туркия баргузор гардид.

Ҷашнҳои рӯзи 19 май

  • Дар Туркия иди миллӣ – Рӯзи ҷавонон ва варзиш.
  • Рӯзи ибодати умум дар Дания.

Рӯзи 19 май дар Тоҷикистон кӣ ба дунё омадааст

Баравнӣ Салом Нуриён (1939) – шоир, адабиётшинос.

Наргис Бобозода (1975)- шоира.

Маҳмуд Исмоилов (1910- 1990)- арбоби давлатӣ.

Абдумаҷид Қодиров (1929 – 1987) – доктори илми таърих.

Абдусаттор Мирзоев (1932-2010) – доктори илми филология, дорандаи Ҷойизаи давлатии ба номи Сино.

Масъуд Миршоҳӣ (1954)- олими эронӣ, узви фахрии АИ Тоҷикистон.

Ҳайдар Раҳматов (1957)- доктори илми иқтисод.

Геннадий Селезнёв (1936) – доктори илмҳои физикаю математика, узви вобастаи АИ Тоҷикистон.

Алӣ Ҳамроев (1937)- кинорежиссёр.

Абдурауф Ҳошимов (1933-2002) – доктори илми фалсафа, профессор.

142
Барчаспҳо:
ҷашн, Ҷаҳон, Тоҷикистон, таърих
Мавзуъ
Ҷашнҳои рӯзи 18 май дар Тоҷикистон ва ҷаҳон
Ҷашнҳои рӯзи 17 май дар Тоҷикистон ва ҷаҳон
Ҷашнҳои рӯзи 16 май дар Тоҷикистон ва ҷаҳон
Ҷашнҳои рӯзи 15 май дар Тоҷикистон ва ҷаҳон
Ҷашнҳои рӯзи 14 май дар Тоҷикистон ва ҷаҳон
Мэр города Душанбе Рустам Эмомали

Дастури Рустами Эмомалӣ барои муаянсозии реҷаи дақиқи кори бозорҳои Душанбе

1200
(Таҷдидшуда 10:29 12.08.2020)
Рустами Эмомалӣ, шаҳрдори пойтахт дар бораи муқаррарсозӣ ва мувофиқа намудани реҷаи кории ташкилоту объектҳои савдо ва хизматрасонии маишии Душанбе қарор қабул кардааст

ДУШАНБЕ, 12 авг — Sputnik.  Тибқи иттилои дафтари матбуотии шаҳрдорӣ, барои омӯзиш ва дақиқсозии реҷаи кории бозорҳои пойтахт ва марказҳои маишӣ комиссияи махсус ташкил шудааст.

Ба иттилои манбаъ,  ба ҳайати комиссия кормандони шаҳрдорӣ,  намояндагони ҷамъиятиву ниҳодҳои амниятӣ шомил шудаанд.

Тибқи дастури шаҳрдорӣ, ҳангоми таҳияи режими иншооти мазкур масъалаҳои марбут ба риояи ҳуқуқи истеъмолкунандагон ва таъмини оромии шабонаи шаҳрвандонро ба назар гиранд.

“Раёсати Вазорати корҳои дохилии Тоҷикистон дар шаҳри Душанбе бо мақсади таъмини  иҷрои қарори мазкур ва пешгирии халалдор кардани оромӣ чораҳои зарурии таъхирнопазир андешад”,-афзудааст манбаъ.

Гуфта мешавад, комиссияи мазкур бояд давоми як моҳи омӯзиш нақшаи дақиқи кории ташкилоту объектҳои савдо ва хизматрасонии маиширо барои тасдиқ ба шаҳрдори Душанбе пешниҳод намоянд.

1200
Барчаспҳо:
оромӣ, комиссия, дастур, қарор, бозорҳои пойтахт, Душанбе, Рустами Эмомалӣ
Паспорт гражданина США

Беш аз 5,5 ҳазор амрикоӣ аз шаҳрвандии худ даст кашиданд: сабаб дар чист?

338
(Таҷдидшуда 19:30 11.08.2020)
Соли гузашта, ҳамагӣ 2072 амрикоӣ аз баҳри шаҳрвандии худ гузаштанд ва шаҳрвандии дигар давлатро пазируфтанд

ДУШАНБЕ, 11 авг – Sputnik. Ширкати "Бамбриҷ" дар Ню - Йорк гузорише дар мавриди афзун шудани теъдоди шаҳрвандони амрикоӣ, ки аз шаҳрвандии худ даст мекашанд, интишор намуд.

Ба гузориши ин ширкат, дар шаш моҳи аввали соли ҷорӣ дасти кам 5800 нафар аз шаҳрвандони Амрико аз баҳри шаҳрвандии худ гузаштанд.

Дар ҳоле, ки соли гузашта ҳамагӣ 2072 нафар аз шаҳрвандии худ даст кашида будаанд.

Манбаъ меафзояд, афроде, ки тарки шаҳрвандӣ кардаанд аз иттифоқоте, ки дар давраи раёсатҷумҳурии Доналд Трамп, раиси ҷумҳурии ин кишвар рӯй додааст, аз наҳваи мудирияти ҳамагирии корона ва сиёсатгузориҳо дар Амрико хаста шудаанд.

Трамп пешниҳод намуд, интихоботи раёсатҷумҳурӣ дар Амрико ба таъхир гузошта шавад

Бар асоси ин гузориш, ҳар шаҳрванди амрикоӣ агар дар Амрико набошад ва бихоҳад шаҳрвандии амрикоии худро канор бигузорад, бояд 2350 доллар бипардозад ва шахсан дар сафорати Амрико дар кишваре, ки зиндагӣ мекунад, ҳузур пайдо кунад.

Бамбриҷ пешбинӣ кард бо вуҷуди хатарҳое, ки дар канор гузоштани шаҳрвандии амрикоӣ вуҷуд дорад, ин раванд ҳамчунон рӯ ба афзоиш хоҳад буд.

Дар ин гузориш омадааст, агар Трамп дар интихоботи раёсатҷумҳурии ноябри имсол пирӯз шавад, мавҷи наве аз шаҳрвандонеро шоҳид хоҳем буд, ки шаҳрвандии амрикоии худро канор хоҳанд гузошт.

338
Барчаспҳо:
даст кашидан, шаҳрвандӣ, Амрико
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

2293
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

2293