Далер Назаров, архивное фото

Мусибат дар хонаводаи Далер Назаров: "монанди падарамон буд"

4924
(Таҷдидшуда 14:04 14.06.2020)
Дар хонаводаи ҳунарманди номӣ, мусиқачии машҳури тоҷик Далер Назаров мусибат аст. Амаки сароянда Аскар Абдураҳмонов даргузашт

ДУШАНБЕ, 14 июн – Sputnik. Амаки Далер Назаров -  Аскар Абдураҳмонов, номзади илмҳои санъатшиносӣ, Ходими хизматнишондодаи маданияти Ҷумҳурии Тоҷикистон, професссор рӯзи 9 июн дар паи бемории тӯлонӣ аз олам чашм пӯшид.

Назаров амакашро инсоне дарёдил, сулҳофар ва хандонрӯй тасвир кардааст.

Посмотреть эту публикацию в Instagram

Ушел из этой жизни дорогой наш дядя Аскар Абдурахманов. Мне очень хочется поделиться тем, что это для меня такое. Я думаю, что все можно описать только через саму Жизнь, то, как выражала себя Жизнь через этого человека. Мир много веков пытается решить проблему того, чтобы жизнь стала удобной для всех. Ищет разные варианты того, чтобы все перестало самоуничтожаться. В это же время есть люди, которые своим существованием и всеми делами несут мир всем. Просто живут так, что при виде этих людей все проблемы мира куда-то исчезают. Мой дядя Аскар был как раз таким человеком. Он настолько естественно прожил свою жизнь, конечно, очень непростую, с большим количеством проблем, как и у всех. Но его улыбка невероятная всегда была при нем, а вместе с ней и шутки, и какая-нибудь песня красивая народная. Все это точно так же, как у его старшего брата, нашего папы Мехрубона. Когда я был маленьким, то первая гитара, к которой я прикоснулся, была его гитара. Красивая и большая, необычная. Всю жизнь он был рядом и освещал путь моего творчества своим благословенным присутствием. Никогда он меня не воспитывал или не наставлял. Он был невероятно открыт, как настоящий друг. Я его только в последние годы стал называть дядя, а всю свою молодость – просто Аскар. В нем жили все таланты и актерские, и певческие, но самое главное – это человеческие, простые и очень понятные качества. Я спросил его недавно: «Дядя, как ты так делаешь, что всегда, сколько помню, никогда не видел, чтобы у тебя настроения не было?» А он просто сказал: «А что настроение, это же ничего такого» Я поразился естественности для этого человека быть просто радостным и открытым, в мире непростых событий и человеческих отношений. Это именно то, чем хотел поделиться со всеми….. Мы можем жить и не зависеть от настроений! Потому что любовь к Жизни намного сильнее того, что способно омрачить сердце такого человека, потому что он любит других и любит себя, в этой благодарности, за то, что все мы друг у друга есть. Что есть этот мир, есть родная земля, родной народ и прекрасный Рушан, откуда текут эти светлые и чистые настроения, переплетенные с песнями и невероятным чувством юмора. Сегодня мы в разных точках Земли в связи с к

Публикация от Daler Nazarov Studio (@dalernazarovstudio)

"Ҳастанд инсонҳое, ки бо ҳастии худ ба дигарон сулҳ меоваранд. Чуноне зиндагӣ мекунанд, ки бо дидани онҳо ҳамаи мушкилиҳо бартараф мешавад. Амакам Аскар аз чунин шахсиятҳо буданд. Табассумашон доим бо ӯ буд. Ҳамаи ин хислатҳо монанди бародари бузургаш - Меҳрубон - падарамон буд", - навиштааст Далер Назаров.

Аз замони хурдсолӣ ёд карда Далер Назаров навиштааст, ки аввалин гиторе, ки ӯ ба даст гирифта буд, аз они амакаш буд. 

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

"Он гитори зебо ва бузурге буд. Ҳамаи умр амакам бо вуҷуди мубораки худ зиндагии маро рӯшанӣ мебахшид. Ӯ боре ҳам маро насиҳат накардааст. Бо ман чун дӯст доим ошкоро буд. Ӯ ҳамаи ҳунарҳоро дошт, вале муҳимтар аз ҳама ӯ инсони комил буд", - навиштааст маэстро.

"Боре ман аз ӯ пурсидам. "Амак, ман ҳеҷ гоҳ туро бе табъ надидаам. Чӣ гуна ин ба ту даст медиҳад? - дар посух ӯ гуфт: "ин кӣ чизе нест", - ба ёд меорад Далер Назаров ва мегӯяд аз чунин посухи амакаш ба ваҷд омад.

Аскар Абдураҳмонов, номзади илмҳои санъатшиносӣ, Ходими хизматнишондодаи маданияти Ҷумҳурии Тоҷикистон, професссор пас аз хатми Институти давлатии санъати театрии ба номи А. В. Луначарскийи Маскав тамоми кӯшишу ғайраташонро барои кушодани Институти давлатии санъати Точикистон ва пойдор гардондани кафедраи маҳорати актёрӣ бедарег ба роҳ мемонданд.

Имрӯз дар тамоми театрҳои касбии Тоҷикистон шогирдони Аскар Абдураҳмонов анъанаи неки театрии кишварро пойдор мегардонанд.

Аҳли фарҳангу ҳунар бо хонаводаи Аскар Абдураҳмонов изҳори ҳамдардӣ кардаанд.

4924
Барчаспҳо:
хонавода, даргузашт, Далер Назаров
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

17
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

17
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон
Заправочная колонка на автозаправочной станции

Чаро нархи газ дар Тоҷикистон рӯз ба рӯз боло меравад?

83
(Таҷдидшуда 14:43 11.07.2020)
Арзиши гази моеъ умдатарин маводи ҳаракатдиҳандаи воситаи нақлиёт дар Тоҷикистон ба 4 сомонӣ дакка хурдааст, ки ин назар ба як моҳи пеш 45 % баланд гуфта мешавад

ДУШАНБЕ, 11 июл – Sputnik. Тайи як ҳафтаи охир қимати фурӯши гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон то ба 4 сомонӣ баробар шудааст. Масъулони нуқтаҳои фурӯши сӯзишворӣ, 50 дарсад гарон шудани нархи газро дақиқан шарҳ намедиҳанд.

Як фурӯшандаи нуқтаи сӯзишворӣ дар ҳудуди ноҳияи Варзоб гуфт, сабаби баланд рафтани нархи газро дақиқан шарҳ дода наметавонад.

"Мо коргари оддӣ ҳастем. Ҳисобу китоби хариди фурӯш дар ихтиёри роҳбарият аст, чи хел нархро муқаррар кунанд, мо аз рӯи ҳамон ба фурӯш мегузорем", -  гуфт ҳамсуҳбати мо.

Корманди як таъмингоҳи маводи сӯзишворӣ дар ноҳияи ба номи Ҷаббор Расулов дар вилояти Суғд таъкид намуд, ки болоравии нархи газ ба ҳаҷми воридоти он вобаста аст.

Ин ҳамсуҳбати мо гуфт, ки ворид намудани газ ба Тоҷикистон кам шуда ва аз ҳамин лиҳоз нархи он баланд рафтааст.

Аммо Усмон Раҳматов, коршиноси умури иқтисодӣ мегӯяд, баланд бардоштани нархи газ дар рӯзҳои охир, ба афзоиши гаштугузори мошинҳо дар роҳу ҷодаҳои Тоҷикистон пас аз замони хатми қарантинаи хонагӣ аст.

Чаро дар нархи нафту газ мувозинат дида намешавад

"Агар нархи навъҳои дигари сӯзишворӣ масъалан бензин ва дизел ҳам дар баробари газ то 50 % боло мерафтанд, гуфтан мумкин буд, ҳаҷми воридоти маводи сӯхт дар Тоҷикистон кам шуда, ин ба болоравии нарх бетаъсир намондааст. Аммо тавре мебинед, танҳо газ боло рафтааст. Ин аз он сабаб, ки ҳоло бештари воситаҳои нақлиёт дар Тоҷикистон бо газ ҳаракат мекунанд", - афзуд коршинос.

Тибқи мушоҳидаҳо ҳоло қимати 1 литр гази моеъ ба 3, 9 то 4 ва дар баъзе ҷойҳо 4, 2 сомонӣ расидааст. Ин дар ҳолест, ки дар моҳҳои май ва июн, арзиши он аз 2, 5 то ба 2, 8 сомонӣ фурӯхта мешуд.

Ронандаҳои таксӣ дар Тоҷикистон мегӯянд, болоравии нархи газ дар замони хуруҷи пандемияи COVID-19 ба ҷайби сокинон таъсир мерасонад.

"Ҳоло барои як нуқтаи сафар 10 сомонӣ муқаррар шуда буд, аз сабаби қимат шудани нархи газ, ҳеҷ ронанда бо ин нарх мусофир намекашонад. Зеро нархи хизматрасонӣ, хароҷоти хариди сӯзишвориро намебарорад", - гуфт як ронандаи таксӣ.

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст.

"Фароз”, "Газпром", "Газойл", "Роҳи Сомон" аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

83
Барчаспҳо:
қиматшавӣ, газ, нарх, Тоҷикистон