Каримджон Ёров правозащитник

Ёров аз саҳми соҳибкори тоҷик дар интиқоли ҷасадҳо ва аввалин пешниҳоди худ гуфт

2680
(Таҷдидшуда 20:49 16.06.2020)
Каримҷон Ёров, раҳбари созмони ғайриҳукуматии "Этмос" дар Русия мегӯяд, интиқоли тобути муҳоҷирони тоҷик аз Русия ба ватанро нахуст бор ӯ пешниҳод намуда буд

ДУШАНБЕ, 16 июн — Sputnik. Шоми 15 ба 16 - уми июн  тариқи мошини боркаши яхдондор, тобути 50 шаҳрванди Тоҷикистон аз шаҳри Маскав ба ватан фиристода шуд.

Саҳнаи ба мошин бор кардани тобути муҳоҷирони тоҷикро, ҳомии ҳуқуқ ва роҳбари созмони ғайриҳукуматии "Этмос" Каримҷон Ёров дар сафҳаи худ дар Фейсбук нашр кард.

Боздошти гурӯҳии муҳоҷирон дар маркази савдои "Горбушка" дар Маскав

Номбурда тафсилоти пурраи ирсоли тобути муҳоҷиронро ба Sputnik Тоҷикистон шарҳ дод.

Ба гуфтаи Ёров, ҳанӯз чанд моҳ пеш тариқи шабакаҳои иҷтимоӣ ӯ пешниҳод намуда буд, ки тобути муҳоҷирони тоҷикро тариқи роҳи заминӣ ба Тоҷикистон бифиристанд.

Аммо пешниҳоди ҳомии ҳуқуқро дур аз ҳақиқат диданд.

"Пас аз он ки, шаҳрвандони Ӯзбекистон аз ин шеваи интиқоли тобутҳо ба ватан кор гирифтанд, тоҷикистониҳо низ қоил шуданд, ки пешниҳоди ироакардаи ман ҷон  доштааст", - изҳор дошт Ёров.

Қаблан соҳибкорон ва тоҷикони муқими Русия ба далели ҷамъоварии ҳуҷҷатҳои барзиёд барои интиқоли тобути муҳоҷирон ва мушкилот аснои аз марз убур кардан, онро ғайриимкон донистанд.

Вале баъдан маълум гардид, ки убур кардани марз барои мошине, ки ҳомили тобут аст, ягон мушкили мавҷуд надорад, "дар сурате, агар тамоми қавонини санитарӣ риоя карда шавад".

Каримҷон Ёров исрор меварзад, ки интиқоли тобути муҳоҷирон бо ташаббуси як соҳибкорӣ тоҷик дар ҳамдастӣ бо дӯстони ӯ амалӣ гардид.

Ёров мегӯяд, аз иқдоми пешгирифтаи соҳибкор тавассути як шиноси худ огоҳӣ пайдо кард.

"Он замон дӯстам гуфта буд, ки соҳибкори тоҷик дар садади интиқол додани тобути муҳоҷирон ба ватан қарор дорад, вале дар пайдо кардани мошини мувофиқ танқисӣ мекашад. Ман зуб бо ӯ дар тамос шудам, вале соҳибкор аллакай ҳамаи норасоиҳоро бартараф намудаст", - мегӯяд ҳомии ҳуқуқ.

Дар мавриди шахсияти соҳибкори саховатманд Ёров таъкид намуд, ки номбурда қатъият бар хилофи расонаӣ шудани номи ӯ ва аъмоли хайраш мебошад.

Аз шустану кафан то ҷанозаю дар қабргузории фавтида аз COVID-19: эълони Кумитаи дин

Ёдовар мешавем, ки бо авҷ гирифтани маризии сироятии коронавирус, аксар кишварҳои ҷаҳон роҳҳои заминӣ ва ҳавоиро бастанд. Фурудгоҳи байналмилалии Душанбе низ барои чанд моҳ баст буд. 

Дар замони пандемия, ки даҳҳо шаҳрвандони Тоҷикистон дар Русия бинобар оризаҳои гуногун ҷон бохта буданд, имкони интиқоли ҷасади онҳо ба ватан мавҷуд набуд.

Акнун тоҷикистониҳо дар Русия кӯшиш мекунанд, ки бо роҳи заминӣ ҳам бошад, ҷасади ҳамватанони худро барои ба хок супурдан, ба ватан интиқол диҳанд.

2680
Барчаспҳо:
интиқол, ҳомии ҳуқуқ
Мавзуҳо:
Пайомадҳои COVID-19 дар Тоҷикистон ва ҷаҳон (628)
Новорожденный ребенок.

Дар Ҳиндустон навзод дар маросими дафнаш ба гиря даромад

189
(Таҷдидшуда 13:05 14.07.2020)
Хонаводаи навзод пизишкони зоишгоҳро муттаҳам мекунанд, ки ба кори худ саҳлангорӣ намуданд, ки оқибат ба фавти кудаки навзоди онҳо анҷомид

ДУШАНБЕ, 13 июл — Sputnik. Навзодеро, ки пизишкони яке аз зоишгоҳҳои Ҳиндустон мурда пиндоштанд, дар маросими дафнаш ба гиря омад, хабар медиҳад Times of India.

Ҳодисаи мазкур дар шаҳри Гогунда рух додааст. Зани ҳомила рӯзи 9 - уми июл духтарчаеро таваллуд кард, аммо ҳамшираи шавқат иштибоҳан ба далели мурда будани кӯдак ӯро барои дафн намудан ба хешовандонаш супурд.

Аснои омодагӣ ба маросими дафни навзод ӯ ба гиря омадааст.

Манбаъ меафзояд, падари навзод фавран мошини Ёрии таъҷилиро даъват кард, аммо пизишкон бо гузашти як соат ба макони ҳодиса расиданд, ки духтарча аллакай ҷон дода буд.

Даҳшат: дар Қазоқистон бинобар дарёфти ҷасади навзод аз яхдон, дари зоишгоҳро бастанд

Акнун пайвандони навзод духтуронро дар марги фарзанди худ муттаҳам мекунанд. Ба изҳори онҳо, кӯдак дар асл зинда таваллуд шуд, аммо ба далели хунукназарии табибон ӯ ҷон бохт.

Дар ҳамин ҳол, духтурон гуноҳи худро рад карда, изҳор доштанд, ки хешовандон ҷасади навзодро бидуни расман эълон кардани марги ӯ гирифтаанд.

189
Барчаспҳо:
навзод, Ҳиндустон
Қурбон Ҳакимзода, раиси вилояти Хатлон, ҳангоми хонасозӣ барои зарардидагон дар ноҳияи Хуросон

Хонаи осебдидагон дар Хуросон бомпӯш шуд-акс

152
(Таҷдидшуда 19:58 13.07.2020)
Мақомоти вилояти Хатлон дар бораи ҷараёни сохтмони манзил барои осебдидагон аз офати табиӣ дар ноҳияи Хуросон гузориш дода, аксҳоро нашр намуд

ДУШАНБЕ, 13  июл — Sputnik. Котиботи ҳукумати Хатлон зикр кард, ки дар натиҷаи селбориши рӯзҳои 14-16 майи соли ҷорӣ дар ҷамоати деҳоти ба номи Садриддин Айнии ноҳияи Хуросон 67 манзили зист пурра ва қисман хароб шуда буд.

Манбаъ зикр кард, ки барои ҳамаи оилаҳои зарардида аз маҳалли бехавф 8-садякӣ қитъаи замин барои сохтмони манзилҳои нав ихтисос дода шуд. Ба ҳамаи хонаводаҳо дар баробари маводи фаровони ғизоӣ, инчунин масолеҳи сохтмонӣ кумак расонида шуд.

Боздошти ронандае, ки зани 62 - соларо пас аз пахш кардан ба бемористон бурду гурехт - акс

Носирҷон Маъмурзода, роҳбари бахши таҳлилу иттилооти Дастгоҳи раиси Хатлон имрӯз иттилоъ дод, ки то имрӯз қариб тамоми 67 хона, ки имрӯзҳо дар маҳаллаи амни Чорбоғ (Деҳқонобод) сохта мешаванд, аллакай бомпӯш шудаанд.  Алъон корҳои андовакунӣ ва рангуборсозӣ ҷараён дорад, таъкид кард Маъмурзода.

Мақомоти Хатлон мегӯянд,  таъмини ҳамаи 67 хона бо дару тиреза аз ҷониби мақомоти давлатӣ пешбинӣ гардидааст.

152
Барчаспҳо:
сел, зарар, офати табиӣ, Тоҷикистон
Рогунская ГЭС

Ҳодисаҳои нохуш дар саноат: ҳалокати 1 ва ҷароҳати 9 кас ҳангоми сохтмони "Роғун"

0
Дар умум, дар кори ширкату сохтмонҳои Тоҷикистон 3 нафар ба ҳалокат расида, 13 тани дигар ҷароҳатҳои гуногун гирифтаанд

ДУШАНБЕ, 14 июл — Sputnik. Санъат Раҳим, раиси Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Тоҷикистон зимни нишасти матбуотии ин ниҳод бо эълони ин омор гуфт, аксари ин мурдану ҷароҳатбардориҳо дар пайи беэҳтиётӣ ва риоя накардани қоидаву техникаи бехатарии кор рух додааст.

“Бештарин маворид ба кори ширкатҳое, ки дар сохтмони нерӯгоҳи барқи обии Роғун рост меояд. Худи коргарон ё раҳбарони онҳо аз ин ки ғайриҳирфаӣ будаанд, аз қоидаву техникаи бехатарии кор хабар надоштаанд ё беэҳтиётӣ кардаанд. Коргарон ва омилони дигари ин ҳодисаҳои нохуш муҷозот шуда, ба ниҳодҳои ҳифзи ҳуқуқ пешниҳод шуд, ки афроди ғайриҳирфаӣ аз вазифа барканор шаванд”, - гуфт Санъат Раҳим.

Тибқи иттилои Хадамоти назорати давлатии бехатарии корҳо дар саноат ва соҳаи кӯҳкорӣ, дар сохтмони нерӯгоҳи Роғун ҳангоми кор як нафар ба ҳалокат расида, 9 нафари дигар захмӣ шудаанд. Бино ба ин манбаъ, дуввумин ширкате, ки ҳамчунин маворидро таҷриба кардааст, ширкати кӯҳии Тоҷикистону Хитой аст. Ҳангоми кор дар ин ширкат ду нафар ба ҳалокат расида, ду нафари дигар ҳам ҷароҳат гирифтаанд.

Ба ҳамин минвол, тайи ним соли равон аз ҳодисаҳои нохуш ҳангоми кор якнафарӣ коргарони ширкатҳои “Талко”, Маркази илмӣ – техникии Ҳуавей дар Зарнисор ва “Анзоб” низ захмӣ шудаанд.

 

0