флаг сша

Назарсанҷии Sputnik: чоряки амрикоиҳо намедонанд ИМА дар Ҷанги Дуюми Ҷаҳон бо кӣ ҷангид

43
(Таҷдидшуда 11:21 25.06.2020)
Муайян гардидаст, ки чоряки шаҳрвандони Амрико бехабар аз онанд, ки ИМА дар Ҷанги Дуюми Ҷаҳонӣ бо кӣ ҷангид

ДУШАНБЕ, 22 июн — Sputnik. Тибқи як назарсанҷии Sputnik, аз даҳ як амрикоӣ бар ин назар аст, ки Русия душмани Иёлоти Муттаҳида дар Ҷанги Дуюми Ҷаҳонӣ буд.

Ҳудуди 77 ва 67 дарсади мусоҳибон бар инанд, ки рақибони калидии ИМА дар солҳои 1941-45 -  Олмон ва Ҷопон буд.

Ҳамзамон, 11 дарсади пурсидашудагон гуфтаанд, ки Амрико бо Русия ҷанг кардааст ва танҳо 5 фисад аз ҷанги АмрикобоЧин ҳарф заданд.

Гузашта аз ин 8 дарсади пурсидашудагон гуфтаанд, ки бехабра аз онанд, ки ИМА бо кадом давлатҳо ҷангид.

Ба мусоҳибон инчунин дар бораи ҷашн гирифтани 8 май дар кишварашон - Рӯзи Ғалаба дар Аврупо (V-E Day) пурсида шуд. Дар натиҷа, 69дарсади мусоҳибон инро намедонанд (42%) ё ба савол нодуруст ҷавоб доданд (27%).

Ҳамзамон, 63фисад Ҳолокостро ҳамчун генотсиди яҳудиён дар ҷанги дуввуми ҷаҳонӣ арзёбӣ намуданд, аммо 12 дарсади дигар умуман дар бораи ин калима маълумот надоранд.

Ҳимояти Лавров аз RT ва Sputnik - видео

Назарпурсии мазкур барои Sputnik News дар Амрико аз 22 то 25 майи соли ҷорӣ сурат гирифт, ки дар он ҳудуди 11 004 нафар аз 18 сола боло иштирок намуданд.

Лоиҳаи байналмилалии таҳқиқоти афкори ҷомеа моҳи январи соли 2015 оғоз ёфт. Шарикони лоиҳа ширкатҳои машҳури таҳқиқоти Populus, Ifop ва Forsa мебошанд. Ҳамчун як қисми лоиҳаи Sputnik.Андешаҳо, дар Аврупо ва ИМА мунтазам оид ба масъалаҳои мубрами иҷтимоӣ ва сиёсӣ пурсишҳои афкори умум гузаронида мешаванд.

Sputnik яке аз бузургтарин расонаҳои байналмилалӣ буда, сайтҳои интернетии чандрасонаиро бо 33 забон, пахши аналогӣ ва рақамӣ дар зиёда аз 90 шаҳри ҷаҳон дар бар мегирад. Хабарҳои Sputnik дар тӯли шабонарӯз маълумотро ба нашрияҳои пешрафтаи ҷаҳон бо забонҳои англисӣ, арабӣ, чинӣ, испанӣ ва форсӣ мерасонанд.

Теъдоди шунавандагони манбаъҳои иттилоотии Sputnik дар як моҳ беш аз 80 миллион нафарро ташкил медиҳад, шумораи умумии муштариёни шабакаҳои иҷтимоии Sputnik аз 20 миллион нафар зиёд аст. Зиёда аз 24,000 нафар даҳҳо миллатҳо дар 24 маркази таҳририя дар саросари ҷаҳон аз Бишкек то Кишинёв ва аз Пекин то Монтевидео кор мекунанд. Sputnik узви гурӯҳи расонаҳои "Россия сегодня" аст. Идораи марказии Sputnik дар Маскав ҷойгир аст.

43
Барчаспҳо:
ИМА, Ҷанги дуюми ҷаҳонӣ, Sputnik, назарсанҷӣ
Заправочная колонка на автозаправочной станции

Чаро нархи газ дар Тоҷикистон рӯз ба рӯз боло меравад?

37
(Таҷдидшуда 14:43 11.07.2020)
Арзиши гази моеъ умдатарин маводи ҳаракатдиҳандаи воситаи нақлиёт дар Тоҷикистон ба 4 сомонӣ дакка хурдааст, ки ин назар ба як моҳи пеш 45 % баланд гуфта мешавад

ДУШАНБЕ, 11 июл – Sputnik. Тайи як ҳафтаи охир қимати фурӯши гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон то ба 4 сомонӣ баробар шудааст. Масъулони нуқтаҳои фурӯши сӯзишворӣ, 50 дарсад гарон шудани нархи газро дақиқан шарҳ намедиҳанд.

Як фурӯшандаи нуқтаи сӯзишворӣ дар ҳудуди ноҳияи Варзоб гуфт, сабаби баланд рафтани нархи газро дақиқан шарҳ дода наметавонад.

"Мо коргари оддӣ ҳастем. Ҳисобу китоби хариди фурӯш дар ихтиёри роҳбарият аст, чи хел нархро муқаррар кунанд, мо аз рӯи ҳамон ба фурӯш мегузорем", -  гуфт ҳамсуҳбати мо.

Корманди як таъмингоҳи маводи сӯзишворӣ дар ноҳияи ба номи Ҷаббор Расулов дар вилояти Суғд таъкид намуд, ки болоравии нархи газ ба ҳаҷми воридоти он вобаста аст.

Ин ҳамсуҳбати мо гуфт, ки ворид намудани газ ба Тоҷикистон кам шуда ва аз ҳамин лиҳоз нархи он баланд рафтааст.

Аммо Усмон Раҳматов, коршиноси умури иқтисодӣ мегӯяд, баланд бардоштани нархи газ дар рӯзҳои охир, ба афзоиши гаштугузори мошинҳо дар роҳу ҷодаҳои Тоҷикистон пас аз замони хатми қарантинаи хонагӣ аст.

Чаро дар нархи нафту газ мувозинат дида намешавад

"Агар нархи навъҳои дигари сӯзишворӣ масъалан бензин ва дизел ҳам дар баробари газ то 50 % боло мерафтанд, гуфтан мумкин буд, ҳаҷми воридоти маводи сӯхт дар Тоҷикистон кам шуда, ин ба болоравии нарх бетаъсир намондааст. Аммо тавре мебинед, танҳо газ боло рафтааст. Ин аз он сабаб, ки ҳоло бештари воситаҳои нақлиёт дар Тоҷикистон бо газ ҳаракат мекунанд", - афзуд коршинос.

Тибқи мушоҳидаҳо ҳоло қимати 1 литр гази моеъ ба 3, 9 то 4 ва дар баъзе ҷойҳо 4, 2 сомонӣ расидааст. Ин дар ҳолест, ки дар моҳҳои май ва июн, арзиши он аз 2, 5 то ба 2, 8 сомонӣ фурӯхта мешуд.

Ронандаҳои таксӣ дар Тоҷикистон мегӯянд, болоравии нархи газ дар замони хуруҷи пандемияи COVID-19 ба ҷайби сокинон таъсир мерасонад.

"Ҳоло барои як нуқтаи сафар 10 сомонӣ муқаррар шуда буд, аз сабаби қимат шудани нархи газ, ҳеҷ ронанда бо ин нарх мусофир намекашонад. Зеро нархи хизматрасонӣ, хароҷоти хариди сӯзишвориро намебарорад", - гуфт як ронандаи таксӣ.

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст.

"Фароз”, "Газпром", "Газойл", "Роҳи Сомон" аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

37
Барчаспҳо:
қиматшавӣ, газ, нарх, Тоҷикистон

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

188
(Таҷдидшуда 13:57 11.07.2020)
Созмони ҷаҳонии беҳдошт тозатарин гузориш дар мавриди фавт, сироят ва шифоёбӣ аз маризии коронавирусро мунташир кард

ДУШАНБЕ, 11 июл – Sputnik. Созмони ҷаҳонии беҳдошт мегӯяд, шумораи умумии гирифторони маризии коронавирус дар ҷаҳон ба беш аз 12 миллион нафар расид.

Ба иттилои манбаъ, дар ҷаҳон 12 631 067 ҳолати сироятёбӣ ва 562 889 фавт ба қайд гирифта шудааст. Танҳо шабонарӯзи гузашта  236 918 нафар тоза ба ин маризӣ гирифтор шуда, ҳамзамон 5 416 бемор ҷони худро аз даст доданд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 223 640 ҳолати сироятёбӣ ва 5 400 фавт ошкор гардида буд.

Дар Русия 40% муҳоҷирон бо сабаби коронавирус бекор мондаанд

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 291 786 нафар), Бразилия (1 804 338), Ҳиндустон (822 603), Русия (13 936), Перу (319 646), Чили (309 274), Испания (300 988), Мексика (289 174), Британияи Кабир (288 133) ва Эрон (252 720) дохил мешаванд.

188
Барчаспҳо:
маризӣ, омор, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон