Рейд по вылавливанию попрошаек и бомжей в Худжанд

Худро муҳтоҷ вонамуд мекунанд: тасмими пулиси Хуҷанд барои поксозии шаҳр аз талбандагон

625
(Таҷдидшуда 18:27 01.07.2020)
Роҳбарияти шуъбаи Вазорати корҳои дохила дар шаҳри Хуҷанд тасмим гирифтааст маркази маъмурии вилоятро аз афроди талбандаву садақаҷӯ, ки сохтакорона худро фақиру бечора вонамуд намуда рӯзгори муфтхурона пеш мебаранд тоза намояд

ДУШАНБЕ, 1 июл — Sputnik. Тибқи иттилои дафтари матбуотии ВКД ҳамчунин шахсони майзада ва беҷои зисти доимӣ, ки зиндагии хиёбониро пеша намуда, бо рафтор ва гаштугузори беадабона маданияти шаҳрдориро халалдор месозанд мавриди корбари қарор мегиранд.

Ба иттилои манбаъ, омиле ки милитсияи Хуҷандро имрӯз ба гузаронидани чорабинии ҳуқуқӣ барои монеъ шудан ба фаъолияти садақаҷӯии афроди алоҳида водор намудааст, ин пайдо шудани шахсони майли талбандагӣ дошта дар ҷойҳои ҷамъиятӣ, назди марказҳои савдою хизматрасонӣ аз ҳисоби сокинони маҳаллӣ мебошад, ки роҳрав ва саҳни даромадгоҳи назди мағоза ва марказҳои савдоро барои гадоӣ мувофиқ ҳисобида худро муҳтоҷу бечора вонамуд менамоянд.

Манбаъ мегӯяд, раҳму дилсӯзии мардуми хайрхоҳ барои зиёд шудани шахсони садақаталаб мусоидат кардааст.

“Дар ҳолеки аксарияти онҳо тану ҷисми солим дошта метавонанд ба корҳои фоиданоки ҷамъиятӣ машғул шаванд. Дар ҷараёни рейд мушоҳида мешуд, ки аксаран занҳо талабандагиро пеша кардаанд”,-афзудааст манбаъ.

Гуфта мешавад, дар ҷараёни рейд, ки ҳам шабона ва ҳам рӯзона доир гашт 20 нафар афроди талбанда зимни машғулшудан ба садақаҷӯӣ боздошт ва ҳамчунин 18 нафар шахсони оворагарду беҷои зисти доимӣ, ки дар ҳудуди гулгашти “Муҷассамаи ғалаба”-и мавзеи бозори Панҷшанбе тартиботи ҷамъиятиро халалдор мекарданд ба шуъбаи милитсия дастрас гардида, корҳои фаҳмондадиҳӣ гузаронида шуд.  .

625
Новорожденный ребенок.

Дар Ҳиндустон навзод дар маросими дафнаш ба гиря даромад

194
(Таҷдидшуда 13:05 14.07.2020)
Хонаводаи навзод пизишкони зоишгоҳро муттаҳам мекунанд, ки ба кори худ саҳлангорӣ намуданд, ки оқибат ба фавти кудаки навзоди онҳо анҷомид

ДУШАНБЕ, 13 июл — Sputnik. Навзодеро, ки пизишкони яке аз зоишгоҳҳои Ҳиндустон мурда пиндоштанд, дар маросими дафнаш ба гиря омад, хабар медиҳад Times of India.

Ҳодисаи мазкур дар шаҳри Гогунда рух додааст. Зани ҳомила рӯзи 9 - уми июл духтарчаеро таваллуд кард, аммо ҳамшираи шавқат иштибоҳан ба далели мурда будани кӯдак ӯро барои дафн намудан ба хешовандонаш супурд.

Аснои омодагӣ ба маросими дафни навзод ӯ ба гиря омадааст.

Манбаъ меафзояд, падари навзод фавран мошини Ёрии таъҷилиро даъват кард, аммо пизишкон бо гузашти як соат ба макони ҳодиса расиданд, ки духтарча аллакай ҷон дода буд.

Даҳшат: дар Қазоқистон бинобар дарёфти ҷасади навзод аз яхдон, дари зоишгоҳро бастанд

Акнун пайвандони навзод духтуронро дар марги фарзанди худ муттаҳам мекунанд. Ба изҳори онҳо, кӯдак дар асл зинда таваллуд шуд, аммо ба далели хунукназарии табибон ӯ ҷон бохт.

Дар ҳамин ҳол, духтурон гуноҳи худро рад карда, изҳор доштанд, ки хешовандон ҷасади навзодро бидуни расман эълон кардани марги ӯ гирифтаанд.

194
Барчаспҳо:
навзод, Ҳиндустон
Қурбон Ҳакимзода, раиси вилояти Хатлон, ҳангоми хонасозӣ барои зарардидагон дар ноҳияи Хуросон

Хонаи осебдидагон дар Хуросон бомпӯш шуд-акс

152
(Таҷдидшуда 19:58 13.07.2020)
Мақомоти вилояти Хатлон дар бораи ҷараёни сохтмони манзил барои осебдидагон аз офати табиӣ дар ноҳияи Хуросон гузориш дода, аксҳоро нашр намуд

ДУШАНБЕ, 13  июл — Sputnik. Котиботи ҳукумати Хатлон зикр кард, ки дар натиҷаи селбориши рӯзҳои 14-16 майи соли ҷорӣ дар ҷамоати деҳоти ба номи Садриддин Айнии ноҳияи Хуросон 67 манзили зист пурра ва қисман хароб шуда буд.

Манбаъ зикр кард, ки барои ҳамаи оилаҳои зарардида аз маҳалли бехавф 8-садякӣ қитъаи замин барои сохтмони манзилҳои нав ихтисос дода шуд. Ба ҳамаи хонаводаҳо дар баробари маводи фаровони ғизоӣ, инчунин масолеҳи сохтмонӣ кумак расонида шуд.

Боздошти ронандае, ки зани 62 - соларо пас аз пахш кардан ба бемористон бурду гурехт - акс

Носирҷон Маъмурзода, роҳбари бахши таҳлилу иттилооти Дастгоҳи раиси Хатлон имрӯз иттилоъ дод, ки то имрӯз қариб тамоми 67 хона, ки имрӯзҳо дар маҳаллаи амни Чорбоғ (Деҳқонобод) сохта мешаванд, аллакай бомпӯш шудаанд.  Алъон корҳои андовакунӣ ва рангуборсозӣ ҷараён дорад, таъкид кард Маъмурзода.

Мақомоти Хатлон мегӯянд,  таъмини ҳамаи 67 хона бо дару тиреза аз ҷониби мақомоти давлатӣ пешбинӣ гардидааст.

152
Барчаспҳо:
сел, зарар, офати табиӣ, Тоҷикистон
Раиси шаҳри Истаравшан Баҳром Иноятзода

Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

0
(Таҷдидшуда 14:45 14.07.2020)
Имрӯз зимни нишасти матбуотӣ додситони кулли Тоҷикистон таъкид дошт, ки парвандаи собиқ раиси шаҳри Кӯлоб дар ҳолли баррасӣ аст

ДУШАНБЕ, 14 июл – Sputnik. Юсуф Раҳмон, додситони кулли Тоҷикистон, имрӯз дар шаҳри Душанбе  зимни нишасти матбуотӣ таъкид дошт, ки Баҳром Иноятзода, раиси пешини шаҳри Кӯлоб барои ҷиноятҳои марбут ба замин боздошт шудааст.

“Баҳром Иноятзода, собиқ раиси шаҳри Кӯлоб барои дағалона вайрон кардани ҷиноятҳои марбут ба замин ба ҷавобгарӣ кашида шудааст”, - қайд кардааст Юсуф Раҳмон.

Дар ҳамин ҳол, прокурори генералӣ овозаҳои бо дастури Иноятзода ба фурӯш гузошта шудани кумаки башардӯстонаи ба шаҳр воридшуда, аз ҷумла маҳсулоти хӯрокворӣ ва маводи тиббиро рад кард.

Моҳи гузашта нирӯҳои амниятии Тоҷикистон Баҳром Иноятзода, собиқ раиси шаҳри Кӯлобро бо гумони "фасодкорӣ" дастгир карданд.

Рӯзи 8-уми июн Кумитаи давлатии амнияти миллии Тоҷикистон эълон кард, ки маъмуронаш Баҳром Иноятзода, раиси шаҳри Кӯлобро бо иттиҳоми "фасодкорӣ" дастгир карданд.

КДАМ хабар дода буд, ки 27-уми майи соли 2020 ронандаи автомашинаи хизматии Баҳром Иноятзода – Хуррамов Хурсандалӣ Пардаевич ва  3 июни соли 2020 мудири қабулгоҳи Раиси шаҳри Кӯлоб Қурбонов Фирӯз Давлатхоҷаевич бо ҷурми қаллобӣ ба ҳабс гирифта шуданд.

Ба иттилои манбаъ, дар рафти тафтишоти пешакӣ Хуррамов Хурсандалӣ ва Қурбонов Фирӯз нишондод пешниҳод карданд, ки онҳо ин кирдорҳояшонро бо супориши раиси шаҳри содир намудаанд.

"Ҳамчунин, аз сокинони шаҳри Кӯлоб якчанд ариза доир ба амалҳои коррупсионии раиси шаҳр Б. Иноятзода ворид гардид. Ҳангоми санҷиш далелҳои дар аризаҳо овардашудаи ҷабрдидагон тасдиқи худро ёфтанд",- хабар дода буд КДАМ Тоҷикистон.

Ҳамзамон, додситони кулли Тоҷикистон гуфт, дар шаш моҳи аввали соли ҷорӣ 513 парвандаи ҷиноӣ вобаста ба замин ва заминфурушӣ оғоз шуда, садҳо нафар барои қонуншиканӣ ба ҷавобгарӣ кашида шудаанд.

Юсуф Раҳмон, афзуд, 3248 нафар барои қонуншиканӣ ба ҷавобгарии интизомию маъмурӣ кашида шуда ва беш аз 6286 гектар қитъаи замин ба ҳолати аввал баргардонида шудааст. Зарари расида аз ин ҷиноятҳо 1,6 млн сомонӣ барқарор карда шуд.

0
Барчаспҳо:
замин, ҷиноят, баррасӣ, шаҳри Кӯлоб, парванда, додситони кулл, Тоҷикистон