прокурор Согдийской области Хабибулло Вохидов

Парвандаи антисептикҳои қалбакӣ дар Суғд: прокурор аз чанд соҳибкори судҷӯй ном бурд

816
(Таҷдидшуда 13:25 17.07.2020)
Ҳабибулло Воҳидов, прокурори вилояти Суғд дар нишасти матбуотӣ дар бораи парвандаи соҳибкороне иттилоъ дод, ки дар замони оғози хуруҷи бемории COVID-19 дар кишвар худсарона ба сохтакорӣ ва фурӯши маҳлулҳои тиббии антисептикӣ даст задаанд

ДУШАНБЕ, 17 июл – Sputnik. Прокурори вилояти Суғд иброз намуд, ки дар оғози хуруҷӣ бемории коронавирус баъзе соҳибкорон ба сохтакорӣ даст зада дар вазъияти бавуҷудомада ба судҷӯӣ машғул шудаанд.

Ҳабибулло Воҳидов аз ду соҳибкори Суғд ном бурд, ки яке дар хонаи иҷоравӣ ва дигаре дар гаражи автомобил худсарона ба сохтани маҳлулҳои антисептикӣ машғул шуда, онҳоро ба фурӯш бароварданд.

Санҷиши "Тоҷикстандарт" дар Бадахшон: соҳибкорон ҷарима шуданд

"Чунончӣ Пулотов С., сокини шаҳри Исфара дар хонаи иҷоравиаш воқеъ дар шаҳри Исфара, кӯчаи марказӣ бинои №31/ 4, бе иҷозатномаи дахлдор ба истеҳсоли маҳлули тиббии антисептикии 70% машғул шуда, санаи 22 майи соли 2020, ӯ 3200 дона маҳлули тибии тариқи қалбакӣ омоданамударо ба мағозаи бозори “Ҳоҷи Ҳайит” и шаҳри Истаравшан интиқол дода, аз фурӯши он 5760 сомонӣ фоида ба даст овардааст. Ӯ такроран 23 уми майи соли 2020, 2400 дона маҳлули тиббии антисептикии тариқи қалбакӣ омоданамудаашро ба сокини шаҳри Исфара, Ҷураев ба маблағи 4320 сомонӣ фурӯхтаас. Нисбати Пулотов С. санаи 18-уми июни соли 2020 бо моддаи 210 иловаи 1, қисми 1- и Кодекси ҷиноятӣ парвандаи ҷиноӣ оғоз карда шуд", - гуфт Воҳидов.

Бино ба гуфти прокурори Суғд дар ин давра соҳибкор Аҳадов А., сокини ноҳияи Б. Ғафуров ҳам бо истеҳсол ва фурӯши ғайриқонунии маҳлулҳои антисептикӣ машғул шудааст.

"Аҳадов А., дар нуқтаи шустушӯи автомобилҳо воқеъ дар ҳудуди ноҳияи Бобоҷон Ғафуров, ки дар ҳолати ғайрисанитарӣ қарор дошт бе гирифтани шаҳодатномаи мақомоти давлатӣ, ғайриқонунӣ ба истеҳсол ва фурӯши маҳлули шӯяндаи антисептикӣ машғул гардидааст. Дар рафти санҷиш 344 адад маҳлулҳои антисептикии ба талаботҳои стандартӣ ҷавобгуй набуда гирифта шуд. Аз натиҷаи санҷиш санаи 28-уми майи соли 2020 нисбати шаҳрванд Аҳадов А., бо аломатҳои моддаи 294 қисми 2 (фиреби истеъмолкунандагон) и Кодекси ҷиноятӣ парвандаи ҷиноятӣ оғоз карда шуд", - иттилоъ дод Воҳидов.

Дар нишасти матбуотӣ дар прокуратураи Суғд гуфтанд, ки дар давраи хуруҷи бемории COVID- 19, дар 105 ҳолат сокинон, ба ҷавобгарии маъмурӣ кашида шудааст, ки дар 18 лаҳза чунин парвандаҳо, худсарона баланд кардани нархи маводи тиббӣ муайян карда шудааст.

Ин гуна ҳолатҳо аз ҷумла дар шаҳру ноҳияҳои Исфара 2 ҳолат, Истаравшан 3 ҳолат, Хуҷанд 3 ҳолат, Гулистон 2 ҳолат, Деваштич 3 ҳолат, ноҳияи Б. Ғафуров 1 ҳолат ва шаҳри Панҷакент 1 ҳолатӣ ба қайд гирифта шудааст.

816
Барчаспҳо:
қаллоб, соҳибкор, Суғд, прокурор
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

1017
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

1017
Барчаспҳо:
кумак, хона, Тоҷикистон
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

582
(Таҷдидшуда 15:58 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "тела" мекунад, менависад MedicalXpress бо такя ба маълумоти олимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол санҷиданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

582
Барчаспҳо:
марг, фарбеҳӣ, олимон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1506
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1506