День 23 июля

Ҷашнҳои рӯзи 23 июл дар Тоҷикистон ва ҷаҳон

80
(Таҷдидшуда 20:07 22.07.2020)
Рӯзи бисту сеюми июл Рӯзи байналмилалии наҳанг буда дар Осетияи Ҷанубӣ — Рӯзи кормандони воситаҳои ахбори омма ва дар Ҷумҳурии Абхазия — Рӯзи парчами давлатӣ мебошад

Рӯзи 23 июл дар ҷаҳон чӣ рух дод

Соли 1880 дар ИМА аввалин маротиба дар таърихи ҷаҳон неругоҳи барқи обии тиҷоратӣ таъсис дода шудааст.

Соли 1881 дар шаҳри Лежаи Белгия Федератсияи байналмилалии гимнастика таъсис дода шуд.

Соли 1993 Кумитаи байналмилалии олимпӣ Сиднейро макони баргузории Олимпиадаи соли 2000 интихоб намуд.

Соли 2000 моҳвораи нави табиӣ — бузургтарин сайёраи системаи офтобии «Муштарӣ»  («Юпитер»)  кашф гардидааст.

Первый снимок Юпитера с американского космического зонда Juno
© Фото : NASA
Первый снимок Юпитера с американского космического зонда Juno

Соли 2009 дар Қирғизистон интихоботи президентӣ баргузор гардид.

День 22 июля
© Sputnik / Стас Этвеш / Вишнякова Мария

 

Рӯзи 23 июл дар Тоҷикистон чӣ рух дод

Соли  2009 дар шаҳри Душанбе сессияи 20-уми Палатаи болоии Парлумони Тоҷикистон, даъвати сеюм баргузор гардид. Аъзои Маҷлиси миллӣ як зумра қонунҳои Ҷумҳурии Тоҷикистон оид ба ворид намудани тағйиру иловаҳо  ба қонунҳои амалкунандаро баррасӣ ва ҷонибдорӣ намуданд..

Соли 2010 таҳти раёсати Президенти Ҷумҳурии Тоҷикистон Эмомалӣ Раҳмон ҷаласаи шашуми Шўрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.

Соли 2011 дастаи миллии Тоҷикистон оид ба  футбол бо дастаи миллии Сурия дар доираи давраи дуюми бозиҳои махсуси Чемпионати ҷаҳон-2014 қувваозмоӣ намуд.

Соли 2016 Эмомалӣ Раҳмон Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон»-ро имзо кард.

Эмомали Рахмон подписывает документы на заседание глав государств СНГ в Душанбе
Эмомали Рахмон подписывает документы на заседание глав государств СНГ в Душанбе

Соли 2015 дар ҳошияи сафари расмии худ ба Чин вазири корҳои хориҷии Ҷумҳурии Тоҷикистон Сироҷидин Аслов ба маҷаллаи ҷамъиятӣ-сиёсии «Женмин жибао» мусоҳиба дод.  Худи ҳамон рӯз С.Аслов мусоҳибаи видеоӣ бо телевизиони байналмилалии «Телевизиони марказии Чин» CCTV доир намуд, ки зимни он оид ба ҳолати кунунӣ ва дурнамои равобити Тоҷикистону Чин, инчунин ҳамкории ду кишвар дар ҳошияи ибтикори нави Раиси Чин «Камарбанди иқтисодии Роҳи абрешим» изҳори назар кард.

Соли 2018 дар шаҳри Душанбе ҷаласаи Шӯрои миллии рушди маорифи назди Ҳукумати Ҷумҳурии Тоҷикистон баргузор гардид.

Ҷашнҳои рӯзи 23 июл

  • Рӯзи байналмилалии наҳанг ва делфин.
  • Дар Осетияи Ҷанубӣ — Рӯзи кормандони воситаҳои ахбори омма.
  • Дар Ҷумҳурии Абхазия — Рӯзи парчами давлатӣ.

Рӯзи 23 июл кӣ ба дунё омадааст 

1910 — Пимен (Сергей Михайлович Извеков; соли даргузашт 1990), патриархи Маскав ва Русия (1971—1990).

1915 — Михаил Матусовский (соли даргузашт 1990), шоир рус.

1968 — Стефани Сеймур, мудели амрикоӣ ва ҳунарпеша.

Рӯзи 23 июл дар Тоҷикистон кӣ ба дунё омадааст

1955 – доктори илмҳои сиёсӣ Саймумин Ятимов.

Рӯзи 23 июл кӣ вафот кардааст

1875 — Исаак (Айзек) Меррит Зингер (соли таваллуд 1811), ихтироъкори амрикоӣ, ки навъи маъмултарини мошини дӯзандагиро ихтироъ кардааст.

1926 — Виктор Васнетсов (соли таваллуд 1848), рассоми рус.

Рӯзи байналмилалии наҳанг ва делфин

Ҳамасола сайёраи мо рӯзи 23 июлро чун Рӯзи наҳанг ва делфин таҷлил мекунад (World Whale and Dolphin Day). Ин ҷашн соли 1986 созмон дода шудааст, замоне, ки Комиссияи байналмиаллии наҳангҳо пас аз 200 соли шикори бераҳмонаи наҳанг ин корро мамнӯъ кард. 

То имрӯз ҳам шикор ва фурӯши гӯшти наҳанг қатъиян манъ аст. 

Вале шикорчиён барои нестшавии наҳангу делфин хатари ягона набуда, имрӯзҳо онҳоро бештар барои сиркҳо ва океанариумҳо ба дом меандозанд.

Ба ҳамин хотир имрӯз, натанҳо рӯзи ҳифзи наҳангу делфин балки ҳамаи намуди ширхораҳои обӣ мебошад.

Далелҳои аҷиб дар бораи наҳангҳо

Наҳангҳои кабуд бузургтарин ҳайвоноти сайёраи мо ба шумор мераванд. Дарозии бадани ин навъи ҳайвон то 33 метр расида вазнаш аз 150 тонна бештар мебошад.

Наҳангҳо қодиранд дар сардтарин обҳо шино кунанд, чун равғани таги пӯсташон онҳоро гарм нигоҳ медорад.

Вақти хоб наҳангҳо бо тадриҷ ба болои об баромада, нафас мегиранд, аз ин лиҳоз танҳо нимаи мағзи сарашон хоб меравад.

Киты в океане, архивное фото
© CC0 / Pixabay
Киты в океане, архивное фото

Забони наҳанги кабуд 4 тонна вазн дорад. Забони ин ҳайвон чунон калон аст, ки метавонад то 50 кас дар он ҷой гирад.

Наҳангҳо метавонанд то 100 рӯз хоб нараванд ва то 10 моҳ чизе истеъмол накунанд.

Наҳангҳои навзод чанд тонна вазн доранд ва то 8 метр дарозӣ. Ҳар рӯз онҳо то 350-390 литр шири модарро мемаканд. Вазни наҳангҳои нимсола то 25 тонна мерасад.

80
Барчаспҳо:
ҷашн, Ҷаҳон, Тоҷикистон
Российской военно-транспортной авиации 89 лет

Субҳ аҳволаш беҳтар буд: даргузашти нобаҳангоми Маҳмуди Ашӯрмуҳаммад аз "илтиҳоби шуш"

2023
(Таҷдидшуда 16:12 24.10.2020)
Маҳмуди Ашӯрмуҳаммад, рӯзноманигори собиқадор ва муовини сармуҳаррири рӯзномаи ҳукуматии “Садои Конибодом” дар синни 66-солагӣ дунёи фониро падруд гуфт

ДУШАНБЕ, 24 окт – Sputnik. Абдусаттор Содиқов, сармуҳаррири рӯзномаи “Садои Конибодом” дар тайиди ин хабар ба Sputnik Тоҷикистон гуфт, ки ҳамкораш Ашӯрмуҳаммад дар Бемористони шаҳр аз бемории монанд ба “илтиҳоби шуш” табобат мегирифт, вале зуҳри имрӯз ҷон ба Ҳақ таслим намуд.

“Ду рӯз пеш аз интиқол ёфтанашон ба Бемористон хабар ёфта будем. Суҳбат мекардем. Саҳарӣ аз ҳамсарашон пурсида будам гуфтанд, ки хеле хуб шудаанд ва иштиҳояшон ҳам беҳтар шудааст. Ҳоло наздик ба вақти зуҳр мефаҳмем, ки бандагӣ кардаанд. Хабари даргузашти Маҳмуди Ашӯрмуҳаммад бе ихтиёр барои мо риққатбор аст. Ба аҳли хонавода ва дӯстонашон ҳамдардии худро мерасонам”, - зикр намуд Содиқов.

Ҷаноза шоми имрӯз соати 17:00 дар манзили рӯзноманигор баргузор шуда, ӯро дар қабристони ҷамоати Ортиқов ба хок месупоранд.

Маҳмуд (Қулдошев) Ашӯрмуҳаммад, 20- уми сентябри соли 1954 дар деҳаи Диловари ҷамоати деҳоти ба номи Ғафурҷон Ортиқов дар шаҳри Конибодом таваллуд шудааст. Факултаи филологияи Донишгоҳи давлатии педагоги (ҳозира Донишгоҳи давлатии Хуҷанд ба номи академик Бобоҷон Ғафуров) -ро хатм карда, аз соли 1972 фаъолияти меҳнатиашро дар коргоҳи ресандагӣ бофандагии шаҳри Конибодом шурӯъ намудааст.

Даргузашти Диловари Зуҳуриён, оҳангсози шинохта баъди тӯйаш-аксу видео

Солҳои 1982-1992 ӯ дар вазифаҳои ходими илмӣ, мудири шуъба ва муовини сармуҳарри рӯзномаи ҳизбии “Машъали комунизм” кор кардааст. Маҳмуди Ашӯрмуҳаммад як муддат раиси бахши конибодомии Бунёди забони байналмиллалии забони форсии тоҷикиро бар уҳда доштааст.

Дар солҳои 1993 - 2000 мушовири созмони вилоятии Иттифоқи журналистони Тоҷикистон дар Суғд фаъолият намуда, солҳои 2000-2011 хабарнигори ҳафтавори мустақили “Суғд” дар шаҳри Конибодом буд. Соли 2011 ба рӯзномаи ҳукуматии “Садои Конибодом” пайваст.

Дар оғоз котиби масъул буд, ва нафаси охири муовини сармуҳарри ин рӯзномаро бар уҳда дошт. Маҳмуди Ашӯрмуҳаммад аз рӯзноманигорони сермаҳсуле шинохта мешавад, ки дар инъикоси масъалаҳои муҳими ҳаёти ҷомеа нақши басо назаррасе доштааст.

Ӯ ҳамчунин дар нашри чанд китоб аз ҷумла силсилаочеркҳои “Ҳаёти одамони наҷиб” ва “Дар кӯи некномӣ” саҳм гузоштааст. Узви Иттифоқи журналистони Тоҷикистон, дорандаи унвони Аълочии матбуоти Тоҷикистон ва барандаи ҷоизаи журналистии ба номи Ҳоҷи Содиқ мебошад.

Қарор аст, имрӯз соати 17 и бегоҳ ҷанозаи Маҳмуди Ашӯрмуҳаммад дар зодгоҳаш дар деҳаи Диловарони шаҳри Конибодом баргузор гардад. Ин дуюмин мавриди даргузашти рӯзноманигорон аз бемории “илтиҳоби шуш” гуфта мешавад, ки талафоти он ҷуброннопазир аст.

Рӯзи 13 октябр Мавлуда Рофиева, хабарнигори Ожонси иттилоотии Asia - Plus ва роҳбари дафтари Анҷумани миллии расонаҳои мустақили Тоҷикистон дар вилояти Суғд дар синни 57 - солагӣ аз олам даргузашт.

2023

Ҷамъбасти мусобиқаи пахтачинӣ: Аҳмадзода ба кадом раисони навоҳӣ мукофотпулӣ дод? - акс

446
(Таҷдидшуда 18:48 24.10.2020)
Дар шаҳри Хуҷанд, даври дуюми мусобиқаи меҳнатии пахтасупорӣ бо номи "60 рӯзи зарбдор дар пахтазор" миёни шаҳру ноҳияҳои пунбапарвари Суғд ҷамбаст гардид

ДУШАНБЕ, 24 окт – Sputnik. Сарраёсати кишоварзии Суғд ва кумитаи иттифоқи касабаи коркунони комплекси агросаноатии вилоят, субҳи имрӯз ғолибони озмунро аз рӯи нишондиҳандаҳои назарраси пахтасупорӣ эълон намуданд.

 

© Sputnik / акс аз Sputnik Тоҷикистон
Ҷамъбасти озмуни пахтачинӣ дар Суғд

Бо қарори ин ниҳод ғолиби ҷойи якум ноҳияи Спитамен барои ҷамъоварии 6 ҳазору 500 тонна пахта ва иҷро намудани 49, 6 дарсади дурнамои нақшаи ҷамоварӣ дар бист рӯзаи дуюми маъракаи пахтачинӣ муаррифӣ карда шуд.

Баҳри ҳавасмандгардии моддӣ ва маънавии пахтакорон Темур Нуъмонзода, раиси ноҳияи Спитамен бо вимпели сайёр ва мукофотпулӣ ба маблағи 20 ҳазор сомонӣ сарфароз гардонида шуд.

Ҷойи дуюм ба ноҳияи Масчоҳ дода шуд, ки давоми бист рӯзи охир 12 ҳазору 228 тонна ҷамъоварӣ намуда, ҳисоби нақшаи солонаро 44, 6 фисад ба иҷро расонидааст. Ба Тоҳир Азиззода, раиси ноҳияи Мастчоҳ, баҳри ҳавасмандии модӣ ва маънавии пахтакорон ноҳия мукофотпулӣ ба маблағи 10 ҳазор сомонӣ тақдим карда гардид.

Нархи пахта 70 дирам шуд: омӯзгорону табибон ҳам ба “ҳашар” мебароянд

Дар ҷамбасти мусобиқаи меҳнатӣ байни ҷамоатҳои пахтакори вилоят, ҷамъоати Ғулакандони ноҳияи Ҷаббор Расулов бо ҷамъоварии 4 438 тонна пахта, ва иҷро намудани 106, 7 дарсади нақша ғолиби ҷои аввал эълон шуд. Баҳри ҳавасмандгардонии кишоварзон ба Акмал Мансуров, раиси ҷамоати Ғулакандоз вимпели сайёр ва маблағи 5 ҳазор сомонӣ супорида шуд.

Инчунин барои гузоштани саҳми арзанда ва иштироки фаъолона дар мавсими ҷамъоварии ҳосили пахта, чинакчиёни беҳтарин ба маблағи як ҳазор сомонӣ сарфароз гардонида шуданд.

акс аз Sputnik Тоҷикистон
Ҷамъбаста озмуни патачинӣ дар Суғд

Мукофотпулиҳоро ба раисон ва чинакчиён Раҷаббой Аҳмадзода, раиси вилояти Суғд тақдим кард. Бино ба иттилоъи расмӣ дар хоҷагиҳои пахтакори Суғд беш аз 53 ҳазор чинакчиён сафарбар шуда, аз ин ҳисоб ҳамарӯза то 2000 ҳазор тон "тиллои сафед" ҷамъоварӣ мешавад.

Имсол ҳам ба мисли солҳои қаблӣ барои ҷамъоварии ҳосили пахта кормандони соҳаи буҷҷавӣ, умдатан муаллимони макотиб ва донишкадаву омӯзишгоҳҳо фиристода шудаанд.

Аз Сарраёсати кишоварзии Суғд ба Sputnik Тоҷикистон гуфтанд, ки барои як кило пахтаи чидашуда 70 дирам ҳақмузд пардохт карда мешавад. Аммо баъзе аз ҳамсуҳбатони гуфтанд, ки аз ҳисоби чидани пахта ҳам муҳосибони хоҷагиҳо андоз медоранд ва барои онҳо 50 дирамӣ пардохт мекунанд.

Бино ба хабари Сарраёсати кишоварзӣ ба санаи 23 уми октябр, беш аз 98 ҳазор тон пахта ба хирман рехта шудааст, ки ин рақам ба 76 % и нақшаи дурнамо баробар мебошад.

Ба иттилоъи манобеъ ҳосили пахтаро хоҷагидорон ба коргоҳҳои коркарди пунба месупоранд. Коркард ва фурӯши пахта аз сӯи масъулини корхонаҳо сурат мегирад. Алҳол дар шаҳру ноҳияҳои Суғд ҳудуди 40 корхонаи коркарди пахта мавҷуд мебошад.

Ба иттилоъи масъулин, соли ҷорӣ дар майдони 58, 9 ҳазор гектор дар Суғд пунбадона кишт шудааст ва ин рақам дар муқоиса ба соли гузашта наздики 445 гектор бештар аст. Тибқи нақша аз ҷамъи майдони кишт рӯёнидани 135 ҳазор тон ҳосил дар назар дошта шудааст. Дар вилояти Суғд, маъракаи пахтачинӣ то охирҳои моҳи ноябр давом мекунад.

446
Барчаспҳо:
пахтачинӣ, Суғд

Сипоси Ҳабиб аз падараш баъди пирӯзӣ бар Гетҷи-видео

0
Қаҳрамони UFC Ҳабиб Нурмуҳаммадов пас аз шикаст додани Ҷастин Гетҷи навиштаи аввалро нашр кард

ДУШАНБЕ, 25 октябр - Sputnik. Қаҳрамони UFC дар вазни сабук, размикори ҳунарҳои муҳорибаи омехтаи Русия Ҳабиб Нурмуҳаммадов пас аз шикаст додани варзишкори амрикоӣ Ҷастин Гетҷи ба падари худ ташаккур гуфт.

“Падар ташаккур ба шумо барои ҳама чизҳое, ки дар ин зиндагӣ ба ман омӯхтед, Аллоҳ ба шумо дараҷаи баландтарини биҳиштро ато гардонад",- навиштааст Хабиб дар аккаунти худ.

Навиштаи Нурмуҳаммадов пас аз мағлуб кардани Гетҷи ва пас аз эълони хотимаи корномаи варзишияш буд.

Ёдовар мешавем, шаби гузашта Ҳабиб Нурмуҳаммадов размикори амрикоӣ Ҷастин Гетҷиро шикаст дод.

Рақобат ду давр идома карда, размикори доғистонӣ бо усули маъмулияш, буғӣ кардан, ҳарифашро шикас дод.

Пас аз пирӯзӣ ӯ эълон кард, ки ин охирин баромадаш буд. Ӯ гуфт, ба модараш ваъда додааст, ки охирин муҳорибааш аст, ва анҷоми корномаи варзишияшро эълон кард.

0