День 29 июля

Ҷашнҳои рӯзи 29 июл дар Тоҷикистон ва ҷаҳон

75
(Таҷдидшуда 20:24 28.07.2020)
Рӯзи бисту нӯҳуми июл Рӯзи байналмилалии паланг буда дар Молдавия – Рӯзи Конститутсия ва дар Руминия – Рӯзи суруди миллӣ мебошад

Рӯзи 29 июл дар ҷаҳон чӣ рух дод

Соли 1783 дар Исландия заминҷунбии харобиовар ба амал омад, ки дар натиҷа зиёда аз 9 ҳазор нафар ба ҳалокат расида, якчанд дарё самти равиши худро дигар карданд.

День 28 июля
© Sputnik / Стас Этвеш / Вишнякова Мария

Соли 1919 Ҳизби сотсиалистии ИМА таъсис дода шуд.

Соли 1930 аввалин ҳавопаймои мусофирбар аз Англия ба Канада парвоз кард.

Соли 1943 1 миллион нафар сокинон шаҳри Гамбург Олмонро тарк карданд.

Соли 1994 дар Австралия ҳарорати аз ҳама пасттарини ҳаво ба қайд гирифта шуд, ки он -23,0°С-ро ташкил дод.

Рӯзи 29 июл дар Тоҷикистон чӣ рух дод

Соли 1961 аввалин маротиба анҷумани зиёиёни тоҷик баргузор гашт.

Соли 2004 Раҷаби Мирзо, журналист дар манзили зисташ латту кӯб шуд.

Соли 2009 нахустин парвози мустақими "Сомон Эйр" дар хатсайри Душанбе - Франкфурти Олмон.

Самолет компании Сомон Эйр, архивное фото
Самолет компании "Сомон Эйр", архивное фото

Соли 2009 масъалаҳои рушди ҳамкории дуҷонибаи Тоҷикистону Афғонистон дар самтҳои иқтисод, амният ва мубориза бо гардиши ғайриқонунии маводи мухаддир баррасӣ шуданд.

Соли 2009 дар шаҳри Душанбе Эмомалӣ Раҳмон ва Президенти вақти Ҷумҳурии Исломии Покистон Осиф Алӣ Зардорӣ Эъломияи муштараки Ҷумҳурии Тоҷикистон ва Ҷумҳурии Исломии Покистон оид ба таҳкими минбаъдаи муносибатҳои дуҷонибаро имзо намуд.

Соли 2009 дар шаҳри Душанбе Меморандум оид ба ҳамкорӣ миёни Палатаи савдо ва саноати Ҷумҳурии Тоҷикистон ва Федератсияи Палатаи савдо ва саноати Покистон ба имзо расид.

Соли 2011 Ҳукумати Тоҷикистон Шӯро оид ба амнияти озуқаворӣ таъсис дод, ки сарварии он ба уҳдаи Оқил Оқилов гузошта шуд.

Раҷаббой Аҳмадзода ба аёдати Оқил Оқилов рафт
Раҷаббой Аҳмадзода ба аёдати Оқил Оқилов рафт

Соли 2014 Консепсияи миллии Ҷумҳурии Тоҷикистон оид ба солимгардонии маҳфузгоҳҳои партовҳои коркарди маъдани уран барои солҳои 2014-2024 тасдиқ карда шуд.

Соли 2014 Президент ва Роҳбари вақти Кумитаи иҷроияи Сохтори минтақавии зиддитеррористии Созмони ҳамкории Шанхай Чжан Синфэн масоили ҳамкорӣ дар самти ҳамҳангсозии мубориза бо терроризму ифротгароӣ ва дигар хатарҳои ҷаҳони муосирро баррасӣ намуданд.

Ҷашнҳои рӯзи 29 июл

  • Рӯзи байналмилалии паланг.
  • Дар Молдавия – Рӯзи Конститутсия.
  • Дар Руминия – Рӯзи суруди миллӣ.

Рӯзи 29 июл дар Тоҷикистон кӣ ба дунё омадааст

Сергей Музаффаров (1918 – 1986) – журналист, Корманди шоистаи маданияти Тоҷикистон.

Олег Солюс (1917 – 1965) – актёри театр, Ҳунарпешаи шоистаи Тоҷикистон.

Кирилл Станюкевич (1911 – 1986) – доктори илми биологӣ, профессор, узви вобастаи АИ Тоҷикистон, Ходими шоистаи илми ҷумҳурӣ.

Шаҳобиддин Сўҳравардӣ (1133 – 1191) – файласуфи форс – тоҷик.

Олимҷон Хўҷамуродов (1948) – доктори илми филологӣ, профессор.

Ҳасан Ҳайдаров (1957) – сароянда, Ҳунарпешаи шоистаи Тоҷикистон.

Раҳим Ҳошимов (1939) – доктори илми филологӣ, профессор.

Назири Нусрат (1983) - журналист.

75
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 23 июл дар Тоҷикистон ва ҷаҳон
Ҷашнҳои рӯзи 22 июл дар Тоҷикистон ва ҷаҳон
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Фаромӯз Иргашов, худпешбар ба мақоми президентӣ дар Тоҷикистон

Фаромуз Иргашов: "Ман ба Президент ва мардум паёмамро расондам"

2310
(Таҷдидшуда 18:48 21.09.2020)
Фаромуз Иргашов, адвокат аз шаҳри Хоруғ, танҳо нафаре буд, ки талош кард тариқи худпешбарӣ номзадии худро дар интихоботи президентии Тоҷикистон бигзорад, аммо ба ин далел ки натавонист теъдоди зарурии имзоҳоро ҷамъ орад, аз сабқат монд

ДУШАНБЕ, 21 сен — Sputnik. Дар сабқати интихоботи президентии Тоҷикистон ҳоло 5 нафар, ба шумули Эмомалӣ Раҳмон, раисҷумҳури феълӣ ва раисони чор ҳизби дигар нерӯозмоӣ мекунанд.

Дар интихоботи қаблӣ низ айни ҳамин манзара буд. Аммо ин дафъа вақте Фаромуз Иргашов, як ҳуқуқшинос ё ҳимоячии оддӣ ва он ҳам тариқи худпешбарӣ аз тасмими худ хабар дод, сару садоҳои зиёде ба миён омад. Бархе мегуфтанд, ӯ як бозигари "худӣ" – и ҳукумат аст, бархеи дигар ба ин бовар буданд, ки ӯро кадом дастҳое аз хориҷу дохил ба ин майдон партоб кардаанд.

Sputnik Тоҷикистон ба суҳбати Фаромуз Иргашов рафт, то парда аз рӯи ин ҳама гуфтугузорҳо бардорад.

- Суҳбатро аз ин сар кунем, ки бархе мегуфтанд, Шумо як тарҳи ҳукуматед, бархе ҳам ҳадс заданд, ки Шумо кадом як неруҳои хориҷӣ вориди майдон кардаанд. Шумо чӣ мегӯед?

- Мардуми мо мегӯяд: "каҷ шину рост гӯ". Маро мушкилоти мардум, қабл аз ҳама коррупсия ва қонуншиканиҳо аз сӯи як идда мансабдорон ба майдон овард. Ман дар суҳбати аввалини худам ин нуктаро гуфта будам.

Ҳизби кишоварзии Тоҷикистон: барои иштирок дар интихобот 260 ҳазор имзо ҷамъ кардем

Ҳарфи ин, ки маро хориҷиҳо ба майдон оварда бошанд, аз аввал буд. Як бор аз мақомот ба назди ман омаданд. Ташвиши онҳо ин буд, ки мегуфтанд, ҳоло бачаи ҷавонӣ, хеле чизҳоро намефаҳмӣ, дунёро бин, ки чӣ мегузарад, ба сари давлатҳо чӣ омадааст. Мепурсиданд, ки бо мухолифин дар Аврупову кишварҳои хориҷӣ тамос дорӣ, ё не.

- Шумо чӣ мегуфтед?

- Ростӣ, агар ман ҳам ба ҷои онҳо мебудам, чунин ташвиш мекашидам. Аммо ман ба онҳо гуфтам, ки фақат ба мардуми оддӣ ва давлати Тоҷикистон такя мекунам, зеро аз ҳисоби онҳо хондаму ҳуқуқшинос шудам. Ҳоло ҳам нони ин давлату мардуми худамро мехӯрам. Пас чаро хиёнат кунаму дар хизмати кадом як кишвари хориҷӣ бошам? Ҳар кишвари хориҷӣ манфиати худро дорад ва Тоҷикистон низ. Барои мо манфиати Тоҷикистон аз ҳама болост. Ман ба ягон нерӯи оппозитсионӣ дар дохил ё хориҷ аслан бовар надорам. Фақат ба мардуми худам бовар мекунам. Ҳамчун ҳимоячӣ низ дар хизмати ҳамин мардум ҳастам.

Вақте ин ҳарфҳоро гуфтаму фаҳмиданд, дигар коре бо ман нагирифтанд.

- Ин овозаҳо, ки ба Шумо мақомот фишор оварданд, сиҳат надоранд?

- Ҳамин овозаҳо маро ба ташвиш оварданд. Ягон фишору таҳдид аслан вуҷуд надошт. Ягон монеаи ҷиддӣ эҷод накарданд. Ҳаққонӣ ва мардона мегӯям. Тарс надорам. Агар мебуд, ҳатман изҳорот пахш мекардам, мегуфтам, ки фалон мақомот чунин карду чунон.

Фақат як монеа буд дар оғози кор, ки қариб даҳ рӯз натавонистам намояндаи КМИР дар Бадахшонро пайдо кунам, то масъалаи ҳуҷҷатҳоро баррасӣ кунем. Мерафтам, ки дар дафтараш нест. Мегуфтанд, ки Душанбе рафтааст. Омад. Занг зада гуфтам, ки чӣ мехоҳам. Гуфт, фардо занг зан. Фардо занг задам, тилфонашро набардошт. Ба як азоб ӯро пайдо карда, масъаларо баррасӣ кардем ва ман шуруъ кардам ба кор бо мардум. Ҳамин қадар монеа буд.

Дар як рӯз 17 ҳазор имзо

- Корро аз чӣ шурӯъ кардед?

- Дар қонун мушаххас омадааст: ҳамон рӯз, ки Комиссияи марказии интихобот ва раъйгирӣ (КМИР) санаи интихоботро эълон дошт, ҳамон рӯз сабқат шуруъ мешавад. Дар оғоз бо аъзои ситодам маслиҳат кардем, ки аввал имзо ҷамъ оварда, пас ба мардум муроҷиат кунем. Дидем, ки аз ин роҳ намешавад. Сипас ба мардум муроҷиат кардем, то барои ҷамъ овардани имзо кӯмак кунанд.

Номзадҳо дар шаҳри Душанбе ба зиёиён ва намояндагони касбу кори гуногуни чӣ ваъда доданд?

- Чӣ қадар имзо ҷамъ овардед?

- Тайи як моҳ 83 ҳазору 756 имзо ҷамъ овардем. Тими мо сахт кор кард. Аз тамоми ҷумҳурӣ – Суғд, Хатлон, Бадахшон ва муҳоҷирину тоҷикистониёне, ки дар хориҷ аз кишвар – Русия, Аврупо, Амрико ва ғайра зиндагӣ мекарданд, имзоҳо омаданд. Аз рӯи фоиз 60% имзоҳоро дар дохил, 40% аз хориҷ ҷамъ шуд.

25 то 30 нафаре пайдо шуданд, ки холисона ва бидуни музд кӯмак карданд. Дар Бадахшон худи стоди мо дастрасӣ дошт, дар навоҳиву вилоятҳои дигар аз шиносҳоямон истифода кардем. Бовар намекунед, аз ҳама зиёд аз Хатлон имзо омад. Аз Бадахшон ҳамагӣ 41, аз ҷумла зодгоҳам Хоруғ 11 ҳазор имзо ҷамъ шуд. Бақия имзоҳо ҳама аз навоҳиву вилоятҳои кишвар ва шаҳрвандони мо дар хориҷа буданд.

Як нуктаро барои онҳое, ки мардуми Тоҷикистонро ба маҳалҳо тақсим карданӣ мешаванд, бигӯям. Дар замони ҷамъ овардани имзоҳо на фақат дар Бадахшон, балки дигар гӯшаву канори Тоҷикистон тасмими маро хеле самимона қабул карданд. Чӣ дар дохил ва чӣ дар хориҷ ҳар кӣ ҳар чӣ аз дасташ омад, кӯмак кард. Ман аз ҳамаи онҳо сипосгузорам.

- Ин имзоҳо чӣ тавр ба дасти Шумо мерасиданд?

- Масалан, дар 15 варақ 2 ҳазор имзоро сканер карда фиристоданд. Бархе ҳам якнафарӣ бо вайбер ё почта ирсол мекарданд. Ном, номи хонаводагӣ, ҷои зист ва ғайра мушаххасот ҳатман зикр мешуд.

Харҷ, шикоят ва шахсияти Эмомалӣ Раҳмон

- Фаромуз, ин ҳама даводавҳо дар маъракаи интихоботӣ харҷ мехоҳад. Харҷи Шумо, ба истилоҳ, аз кисаи кӣ буд?

- Ҳама ройгон буд. Масалан, як нафар мошин дошт, дигарӣ барои он сӯзишворӣ мехарид ва нафарони дигар фикри хӯроку хобу хези гуруҳи кориро мекарданд. Бовар кунед, дар се рӯз 17 ҳазор имзо ҷамъ шуд.

Интихоботи президенти Тоҷикистон: муҳиммот

Ман фақат як манбаъи даромад дорам, ки он ҳам маошам аст. Дар сурати гузаштан аз сабти ном дар КМИР ба шуъбаи молияи вилоят муроҷиат мекардам, зеро тибқи қонун, харҷи маъракаи интихоботии як номзад аз ҳисоби буҷаи давлат аст.

- Ҳоло Шумо, ки номзад нестед, ягон шикоят надоред?

- Чаро шикоят кунам? Агар метавонистам, ки тамоми имзоҳоро ҷамъ кунам, ҳатман аснодамро барои номзадӣ пешниҳод мекардам. Аммо чаҳорчӯби қонун ҳамин аст. Агар КМИР номзадии маро бо вуҷуди ин ки тамоми ҳуҷҷатҳоро доштам, рад мекард, он гоҳ асос мешуд, ки боз ҳам дар чаҳорчӯби қонун ба тамоми зинаҳои судӣ муроҷиат кунам. То СММ менавиштам. Ором наменишастам. Аммо асос, ки нест, наметавонам, ки аз чаҳорчӯби қонун бароям ва қонунро нақз кунам.

- Барои бисёриҳо ин нукта ҷолиб аст, ки Шумо чӣ тур бо Эмомалӣ Раҳмон, як шахсияте, ки тайи қариб 30 соли ахир дастоварди зиёду гузаштаи хеле дурахшони сиёсӣ дорад ва дар сатҳи минтақаву ҷаҳон низ шинохта шудааст, чӣ тавр мехостед рақобат кунед?

- Агар воқеӣ бинем, шансу имкониятҳои банда нисбати Пешвои миллат, президенти муҳтарам Эмомалӣ Раҳмон хеле кам буданд. Ман ба шахсияти он кас эҳтироми бузург қоилам. Ҳадафи ман ҳатман президент шудан ё пирӯз омадан набуд. Ман шансҳои худро дуруст муҳосаба карда будам. Аммо ду паём доштам бо ин тасмиме, ки гирифтам: аввал, садои дили худро ҳамчун як адвокат ва шаҳрванд ба мардум ва пеш аз ҳама ба Президент мехостам расонам ва гӯям, ки чӣ қадар ватани моро коррупсияву қонуншиканиҳои бархе мансабдорон азият медиҳаду беобрӯ мекунад. Мехостам ҳамин садои дили ман ба Президент бирасад. Дуюм, созмонҳои байнулмилаливу хориҷӣ Тоҷикистонро танқид мекунанд, ки ин як кишвари диктаторӣ асту озодӣ надорад. Ман ба онҳо собит карданӣ будам, ки чунин нест ва Тоҷикистон як давлати демокративу ҳуқуқбунёд аст. Масалан, ман як адвокати оддӣ метавонам, ки номзадии худро пешниҳод кунам. Ҳамин ду ҳадаф буд, ки умедворам, то ҷое ба онҳо расидам.

Ба ҷавони президентшав роҳ надоданд: КМИР номзадии Фаромӯз Иргашовро сабт накард

- Аз ин ба баъд бо фаъолиятҳои сиёсӣ машғул хоҳед шуд?

- Ман хатмкардаи факултаи ҳуқуқшиносӣ ҳастам, на санъату мусиқӣ. Ҳуқуқшинос ва ҳимоячӣ ҳастам. Ҳуқуқи мардумро ҳимоят мекунам. Кори ман ба таври табиӣ бо сиёсат гиреҳ мехӯрад. Ҳоло ки натавонистам дар интихобот ширкат кунам, ба хондану таҷрибаомӯзӣ, ҳар коре, ки қонунгузорӣ иҷозат додааст, машғул хоҳам шуд.

2310
Барчаспҳо:
Тоҷикистон, Интихоботи президентӣ, мусоҳиба
Блюдо из жареного риса

Ғизошиносон мегӯянд, истеъмоли биринҷи қаҳваранг маризии қалб ва саратонро коҳиш медиҳад

397
(Таҷдидшуда 18:10 21.09.2020)
Истеъмоли биринҷи қаҳваранг хатари мубталошавии инсонро ба маризиҳои саратону қалб коҳиш медиҳад. Ғизошиносон тарзи дуруст истеъмол кардани ин навъ биринҷро шарҳ доданд

ДУШАНБЕ, 21 сен — Sputnik. Бар тибқи таҳқиқоти мутахассисони хориҷӣ, селен ва магний, ки дар таркиби ин навъ ғалладонагӣ мавҷуд аст, аз ҷамъшавии холлестирин дар рагҳо пешгирӣ мекунад, менависад FoodNews.

Гузашта аз ин, антиоксидантҳо, ки дар таркиби биринҷи қаҳваранг мавҷуданд, таъсири зиддиилтиҳобӣ доранд ва хавфи сар задани саратони сина ва рӯдаи ғавсро коҳиш медиҳанд.

Олимон: риш одамро аз саратон муҳофизат мекунад

Ба гуфтаи мутахассисони ғизошинос, таркиби ин навъ биринҷ аз сафеда ва минералҳо бой аст, ки дар нигоҳ доштани кори дурусти рӯдаҳо, меъёри қанд дар таркиби хун мусоидат мекунад.

Ғизошиносон тавсия медиҳанд, ки биринҷи қаҳварангро ҳамчун гарнир ва ё дар таркиби хӯрокҳои обдору хӯришҳо истифода кард.

397
Человек пишет в блокноте, архивное фото

Бори нахуст дар Колумбия шеъри тоҷикӣ садо дод

0
(Таҷдидшуда 18:03 22.09.2020)
Дар озмуне дар ин кишвар бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд

ДУШАНБЕ, 22 сен — Sputnik. Бори нахуст дар Фестивали адабии байналмилалии Меделин шеъри тоҷикӣ садо дод, гузориш медиҳад Вазорати фарҳанги Тоҷикистон.

Бино бар иттилои манбаъ, дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта мешавад, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд. 

Имсол дар Фестивал 180 нафар шоирону олимони маъруф ва 20 дорандаи мукофоти алтернативии Нобел аз 103 давлати дунё ширкат намуданд.

Фестивали мазкур соли 1991 аз ҷониби шоир, файласуф ва арбоби ҷамъиятӣ Фернандо Рендон таъсис дода шуда, соли 2006 ба Ҷоизаи алтернативии Нобел – “Барои ҳақиқат,  сулҳ ва адолати иҷтимоӣ” сазовор гаштааст.

Инчунин Фестивали адабии байналмилалии Меделин аз ҷониби ЮНЕСКО ҳамчун мероси фарҳангии Колумбия эътироф гардидааст.

Абдуқаҳҳори Қосим дар суҳбат бо "Ховар" иброз намуд, ки “фестивал аз  моҳи октябри соли 2019 оғоз гардида, шоирону нависандагон маҳсули эҷоди худро тавассути сабти видеоӣ пешниҳод намуданд. Ман 15 шеъри худро, ки тараннумгари сарзамини Тоҷикистон, модар, ишқу муҳаббат ва Ватан буданд, қироат намудам”.

Сабти қироати муаллиф бо забони тоҷикӣ ва бо тарҷума ба забони испанӣ тӯли як соат дар ин фестивал тариқи сомонаҳои Ютуб, Зум, Фейсбук ва ғайра намоиш дода шуд. Инчунин аз ҷониби тарҷумонҳо маълумот дар бораи сарзамини Тоҷикистон  ва аксҳои табиати дилрабои мамлакатамон бо забони испанӣ пешниҳод гардиданд.

Эрдуғон дар маросими кушоиши масҷиди Аёсофия ба забони форсӣ шеър хонд- видео

Хусусияти дигари ҳамоиш он аст, ки намояндаи ҳар миллат бо забони худ суханронӣ ва шеър қироат мекунад.

Фестивали адабии байналмилалии Меделин то 10 октябр идома меёбад. То имрӯз дар ин фестивал зиёда аз 1800 шоир аз 170 давлати панҷ қитъаи рӯи дунё ва 165 миллат ширкат варзидаанд. Имсол ҳамоишро дар сомонаҳои иҷтимоӣ зиёда аз 350 ҳазор нафар тамошо кардаанд.

0