Планетарий Худжанда

"Абр"-е, ки панҷ моҳ боз аз Осмони ситоразори Хуҷанд раҳо намешавад

950
(Таҷдидшуда 20:55 18.08.2020)
Гумбази осмони ситоразор, ё Планетарияи шаҳри Хуҷанд, ки дар канори боғи ба номи Абӯмаҳмуди Хуҷандӣ ҷойгир аст, ҳудуди панҷ моҳ боз фаъолият намекунад. Бо вуҷуди шурӯъи таҳсил дар мактабҳо, ҳамоно дарҳои Планетария баста аст

ДУШАНБЕ, 18 авг – Sputnik. Муҳиддин Қосимов, директори Планетарияи ба номи Абӯмаҳмуди Хуҷандӣ дар суҳбат ба Sputnik Тоҷикистон сабаби баста будани дарҳои гумбази ситоразорро шарҳ дод.

"Дар пардохти маблағи соҳибкор – воридкунандаи таҷҳизотҳои Планетария аз ҷониби ҳукумати шаҳри Хуҷанд мушкил ба миён омадааст. Аз ин лиҳоз ширкати "Мерос и К" дарҳои гумбази осомони ситоразорро муҳрбандӣ намудааст", - гуфт Қосимов.

Планетарияи ба номи Абӯмаҳмуди Хуҷандии Раёсати маорифи Суғд дар шафати боғи фароғатии ҳамном бо ин олими соҳаи физика баъди навсозӣ, ахиран санаи 27 - уми марти соли гузашта дар доираи Ҷашни Наврӯзи байналмиллалӣ бо иштироки раисиҷумҳур Эмомалӣ Раҳмон дар маҳаллаи 32 уми Хуҷанд мавриди баҳрабардорӣ қарор дода шуд.

Аммо бо гузашти як моҳ, пеши ин Осмони ситоразор ва ё Планетарияро "абр" - е фаро гирифту панҷ моҳ боз ҳамчунон дур намешавад. Ҳукумати Хуҷанд барои ворид намудани таҷҳизоти оптикии Планетария ба ширкати "Мерос и К" розигӣ додааст, аммо ҳоло барои пардохти маблағ ба ҷониби ширкат мушкил ба вуҷуд омадааст.

Бино ба иттилоъи манбаъ, пурра пардохт нашудани маблағи соҳибкор аз ҷониби ҳукумати Хуҷанд, сабаби баста шудани дарҳои ин ягона Планетарияи Хуҷанд шудааст.

Маҳви 9 шағол дар Хуҷанд: амалиёт алайҳи ҳайвонҳои ваҳшӣ идома дорад

Дар гузашта Планетарияи Раёсати маориф дар канори бозори "Панҷшанбе" воқеъ буд ва охирҳои соли 2018 ҳукумати шаҳри Хуҷанд замини онро барои бунёди бинои истиқоматӣ бисёрошёна ба як ширкати сохтмонӣ вобаста намуда, роҳбари ширкатро барои сохтмони бинои нави Планетария дар маҳаллаи 32 уми Хуҷанд дар дохили боғи ба номи Абӯмаҳмуди Хуҷандӣ муваззаф намуд.

Соҳибкор биноро бунёд кард, таҷҳизоти Планетария аз ҳисоби ҳукумати Хуҷанд хариддорӣ шудааст. Аз ин рӯ ҳоло шуъбаи фарҳанг иддао дорад, ки дар баробари боғ, Планетария ҳам ба зимаи ин ниҳод гузаронида шавад. Аммо масъулони Планетария мегуянд, фаъолияти ин соҳа ба шуъбаи фарҳанг ҳеҷ алоқамандӣ надорад, чунки кайҳоншиносӣ як соҳаи илмии алоҳида буда вижагиҳои хоси худро дорад.

"Фарҳанг хоси худро дораду илми кайҳоншиносӣ хоси худро. Намешавад астрономияро ба соҳаи фарҳанг як кард. Масалан дар Планетария академияи наврасони кайҳоншинос таъсис дода шудааст, ки ба омӯзиш ва корҳои илмӣ – тадқиқотӣ дар ҷодаи ситорашиносӣ машғул ҳастанд, оё мешавад, ки ба онҳо як мутахассиси соҳаи фарҳанг дарс гуяд?, ин кори аз мантиқ берун мебошад", - иброз намуд Қосимов.

Коршиносони умури нуҷумшиносӣ ва ё астрономия дар шароити рушди фанновариҳои мусоир фаъол будани Планетарияро як амри зарур ва саривақтӣ мешуморанд. Ба гуфтаи мутахассисони соҳа, тамошои гумбази осомони ситоразор дар хотираи наврасон таъсири амиқ гузошта ва шавқи онҳоро ба омӯзиши илмҳои дақиқ, аз ҷумла астрономия меафзояд. Ахиран рӯзи 31 январи соли ҷорӣ бо судури фармони раисиҷумҳур солҳои 2020-2040 ро "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф" дар Тоҷикистон эълон карда шуд.

950
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

809
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

809
Барчаспҳо:
кумак, хона, Тоҷикистон
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

508
(Таҷдидшуда 15:58 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "тела" мекунад, менависад MedicalXpress бо такя ба маълумоти олимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол санҷиданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

508
Барчаспҳо:
марг, фарбеҳӣ, олимон
День 28 сентября

Ҷашнҳои рӯзи 28 сентябр дар Тоҷикистон ва ҷаҳон

0
(Таҷдидшуда 19:44 27.09.2020)
Рӯзи бисту ҳаштуми сентябр ҳамчун Рӯзи байналмилалии баҳр мебошад. Ҳамчунин Рӯзи умумиҷаҳонии мубориза бар зидди бадҷаҳлӣ низ 28 сентябр ҷашн гирифта мешавад

Рӯзи 28 сентябр дар ҷаҳон чӣ рух дод

Соли 1950 Индонезия ба ҳайати СММ шомил шуд.

Соли 1960 дар Созмони Шартномаи Атлантикаи Шимолӣ фармондеҳии ягонаи қувваҳои ҳарбӣ-ҳавоӣ таъсис дода шуд.

Соли 1992 аввалин маротиба маъракаи даъват ба сафи қувваҳои мусаллаҳи Русияоғоз гардид.

Рӯзи 28 сентябр дар Тоҷикистон чӣ рух дод

Соли 2002 дар шаҳри Душанбе комиссияи байниҳукуматии Тоҷикистону Ӯзбекистон оид ба тақсимот ва муайянкунии сарҳади давлатӣ ба кори худ оғоз кард, ки то 5 октябр давом ёфт.

День 26 сентября
© Sputnik / Стас Этвеш / Вишнякова Мария

Соли 2010 дар шаҳри Душанбе оид ба ҳамкории иқтисодӣ ва тиҷоратии Тоҷикистону Қазоқистон форуми тиҷоратӣ баргузор гардид.

Соли 2012 Президенти Тоҷикистон Эмомалӣ Раҳмон Лоиҳаи Қонуни конститутсионии Ҷумҳурии Тоҷикистон "Дар бораи тартиби ҳалли масъалаҳои сохти марзиву маъмурӣ" ва Қонуни Ҷумҳурии Тоҷикистон "Дар бораи фаъолияти савдо ва хизматрасонии маишӣ"-ро маъқул дониста, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод  карданд.

Ҷашнҳои рӯзи 25 сентябр дар Тоҷикистон ва ҷаҳон

Соли 2015 дар Иёлоти Муттаҳидаи Амрико Эмомалӣ Раҳмон  дар муколамаи интерактивии Саммити 2015 оид ба мавзӯи "Ба хотири ҳифзи сайёраи мо ва дар ҷодаи мубориза бо тағйирёбии иқлим" суханронӣ карда буданд.

Соли 2016 дар шаҳри Хуҷанд ҷаласаи 14-уми Кумитаи роҳбарони воҳидҳои ҳифзи ҳуқуқи Шӯрои роҳбарони Хадамоти гумруки кишварҳои аъзои Иттиҳоди Давлатҳои Мустақил баргузор гардид.

Соли 2017 дар Театри давлатии академии опера ва балети ба номи С.Айнӣ ба ифтихори 25 – солагии барқарорсозии муносиботи дипломатӣ байни ду давлат барномаи фарҳангии «Шоми дӯстии Тоҷикистону Корея» баргузор гардид.

Соли 2017 Барномаи рушди кино дар Ҷумҳурии Тоҷикистон қабул гардид.

Соли 2018 дар шаҳри Душанбе ҷаласаи Шӯрои сарони давлатҳои аъзои Иттиҳоди Давлатҳои Мустақил баргузор гардид.

Ҷашнҳои рӯзи 28 сентябр

  • Рӯзи байналмилалии баҳр.
  • Рӯзи умумиҷаҳонии мубориза бар зидди бадҷаҳлӣ.
  • Дар Русия – Рӯзи кормандони саноати атомӣ.

Рӯзи 28 сентябр дар Тоҷикистон кӣ ба дунё омадааст

Солҳои (1898-1940) Ходими давлатӣ Сурен Шадунс.

Соли 1951 Риёзидон  Сайфулло Бобоев.

Соли 1954 доктори илмҳои таърих, профессор Музаффар Олимов.

Соли 1957 Ходими намоёни давлатӣ Муҳаммад Шарифов.

0
Барчаспҳо:
ҷашн, ҷаҳон, Тоҷикистон