День 26 августа

Ҷашнҳои рӯзи 26 август дар Тоҷикистон ва ҷаҳон

105
(Таҷдидшуда 11:18 26.08.2020)
Рӯзи 26 август дар Аргентина — Рӯзи ҳунарпешагон, дар Намибия – Рӯзи қаҳрамонон, дар ИМА – Рӯзи баробарҳуқуқии занону мардон ва Рӯзи истиқлолият дар Ҷумҳурии Абхозистон, Малайзия, Осетияи Ҷанубӣ мебошад

Рӯзи 26 август дар ҷаҳон чӣ рух дод

Соли 1867  дар Порис аввалин конгресси байналмилалии тиббӣ баргузор гардид.

День 25 августа
© Sputnik / Стас Этвеш / Вишнякова Мария

Соли 1926 дар Италия клуби футболи «Фиорентина» таъсис дода шуд.

Соли 1955 шабакаи телевизионии NBC аввалин маротиба дар ҷаҳон пахши рангаи гузориш аз мусобиқаи теннисро ба роҳ монд.

Соли 1982 дар Аргентина манъи фаъолияти ҳизбҳои сиёсӣ бекор карда шуд.

Соли 1991 Парлумони Молдова декларатсия оид ба истиқлолияти ин кишварро қабул намуд.

Рӯзи 26 август дар Тоҷикистон чӣ рух дод

Соли 1964 дар Душанбе аввалин маротиба консерти ансамбли эстрадии “Гулшан” баргузор шуд.

День 24 августа
© Sputnik / Стас Этвеш / Вишнякова Мария

Соли 2007 Президенти Тоҷикистон Эмомалӣ Раҳмон, Президенти вақти Ҷумҳурии Исломии Афғонистон Ҳомид Карзай ва ҳайати расмии Иёлоти Муттаҳидаи Америка пули азими миёни Тоҷикистону Афғонистонро расман ифтитоҳ намуд.

Соли 2008 дар ҷашни 1150-солагии асосгузори адабиёти форсу тоҷик Абӯабдуллоҳи Рӯдакӣ дар шаҳри Душанбе бо иштироки Эмомалӣ Раҳмон, президенти кишвар “Боғи устод Рӯдакӣ” баъд аз таҷдид кушода шуд.

Соли 2011 бо иштироки Э. Раҳмон роҳи мошингарди Душанбе-Рашт-Ҷиргатол-Саритош, ки Тоҷикистон ва Қирғизистонро бо ҳам мепайвандад, кушода шуд.

Соли 2016  Эмомалӣ Раҳмон варзишгари номдори мамлакат Дилшод Назаровро, ки баъди иштирок ва ба даст овардани медали тиллои Бозиҳои ХХХI – тобистонаи олимпии Рио-де- Жанейро -2016 дар бахши гурзандозӣ ба Душанбе баргашт, ба ҳузур пазируфта,  ба ӯ 300 000 (сесад ҳазор) сомонӣ тақдим намуд.

Эмомали Рахмон встретился с чемпионом ОИ Дильшодом Назаровым
© Официальная страница пресс-службы президента РТ в Facebook.
Эмомали Рахмон встретился с чемпионом ОИ Дильшодом Назаровым

Соли 2016   Президенти Ҷумҳурии Тоҷикистон  дар вазъияти тантанавӣ Дилшод Назаровро барои саҳми намоён дар рушди варзиш ва дастоварди бузурги варзишӣ дар Бозиҳои ХХХI – тобистонаи олимпии Рио-де- Жанейро -2016 бо мукофоти давлатӣ- Ордени Шараф дараҷаи I сарфароз гардонид.

Ҷашнҳои рӯзи 26 август

  •  Дар Аргентина — Рӯзи ҳунарпешагон.
  • Дар Намибия – Рӯзи қаҳрамонон.
  • Дар ИМА – Рӯзи баробарҳуқуқии занону мардон.
  • Рӯзи кормандони соҳаи куҳканӣ.
  • Рӯзи истиқлолият дар Ҷумҳурии Абхозистон, Малайзия, Осетияи Ҷанубӣ.
  • Рӯзи қувваҳои мусаллаҳ дар Туркия.

Рӯзи 26 август дар Тоҷикистон кӣ ба дунё омадааст

Соҳибдавлат Алиназарова (1954)- актрисаи театр.

Сергей Баласанян (1902 – 1982) – оҳангсоз, профессор, Ҳунарпешаи мардумии Тоҷикистон.

Бурибек Бурибеков (1958)- нависанда.

Хуршедҷон Зиёев (1963) – доктори илми фалсафа, профессор.

Исломқул Икромов (1958) – доктори илми кишоварзӣ, профессор.

Имомназар Келдиев (1933) – доктори илми таърих, профессор, Ходими шоистаи илми Тоҷикистон.

Файзалӣ Комилов (1956) – доктори илмҳои физикаю математика.

Бахтиёр Қодиров (1963)- доктори илми педагогӣ.

Маҳмуд Маликов (1939) – доктори илми таърих, профессор.

Владимир Молдовер (1930) – журналист, Корманди шоистаи маданияти Тоҷикистон.

Комил Пўлодов (1936)- арбоби ҳизбию давлатӣ.

Дилбар Умарова (1949) – актрисаи театру кино, Ҳунарпешаи мардумии Тоҷикистон.

Зафар Усмонов (1937) – доктори илмҳои физикаю математика, академики АИ Тоҷикистон, Ходими шоистаи илми ҷумҳурӣ.

105
Барчаспҳо:
Тоҷикистон, Ҷаҳон, ҷашн
Эмомали Рахмон встретился с Абдулазизом Кодировым , ветераном ВОВ

"Гила" - и сокини 101 - солаи Шаҳринав аз Эмомалӣ Раҳмон - навор

1215
(Таҷдидшуда 15:05 01.10.2020)
Абдулазиз Қодиров, собиқабодори меҳнат, иштирокчии 2 ҷанг, ҳангоми ташриф овардани кишвардори Тоҷикистон ба ноҳияи Шаҳринав назди ӯ баромад намуда, дар фарҷоми суханронияш гуфт, ки аз сарвари давлат гила дорад

ДУШАНБЕ, 1 окт – Sputnik. Раисҷумҳури Тоҷикистон Эмомалӣ Раҳмон дар ноҳияи Шаҳринав низ бо фаъолони ин минтақа мулоқот баргузор намуд.

Барои хушомадгӯии кишвардор ба ноҳияи мазкур, назди баландгӯяк сокини 101 - солаи Шаҳринав, Абдулазиз Қодиров омада, баромад намуд, ки саҳнаи суханронии ӯ ба шабакаҳои иҷтимоӣ роҳ ёфт.

Мӯйсафеди нуронӣ аз иштирок кардани худ дар ду ҷанг ёдовар шуда, гуфт талхӣ ва ширинии ин дунёро бисёр чашидаст.

 Қодиров аз он изҳори хушнудӣ намуд, ки солҳои охир симои Тоҷикистон бо суръати тез замонавӣ ва бисёр зебо гашта истодаст. Дар пешрафти давлати тоҷикон, номбурда саҳми кишвардор - Эмомалӣ Раҳмонро таъкид карда, барои заҳмати шабонарӯзӣ ба сарвари давлат изҳори сипосу миннатдорӣ баён кард.

Рӯймол зеби модарони тоҷик аст: тавсифи Раҳмон аз рӯймолбандии зани кӯлобӣ - навор

Зимнан, Қодиров дар фарҷоми суханаш, пас аз дуои падарона додан ба Эмомалӣ Раҳмон гуфт, ки аз Президент гиламанд ҳам аст.

Ин ҳарфи мӯйсафед ҳамаро то як андоза ҳайратзада кард. Аммо гилаи Қодиров аз Раҳмон ин будаст, ки Президент ба ин ноҳия кам ташриф меовардаст.

Собиқадори меҳнат аз Президенти Тоҷикистон даъват намуд, ки ба ноҳияи Шаҳринав зуд - зуд сафар кунанд, "зеро ташрифи  кишвардор ба ноҳия фаровониро меорад", - мегӯяд Абдулазизи 101 - сола.

1215
Барчаспҳо:
Шаҳринав, Эмомали Раҳмон
Новорожденный

Даҳшат: сокини Хоразм аз бехонагӣ ва бепулӣ кӯдаки 2 - моҳаашро дар бозор партофту рафт

320
(Таҷдидшуда 14:06 01.10.2020)
Модари ин кӯдак қаблан барои ҷангу нофаҳмиҳо бо ҳамсараш, онҳоро тарк карда, ба самти номаълум рафтаст. Падар бошад, худро маст карда фарзанди 2 - моҳаашро дар бозор партофта, фирор кард

ДУШАНБЕ, 1 окт – Sputnik. Дар Тошканд ҷавони 32 - сола, ки сокини Хоразм мебошад, дар ҳолати мастӣ духтарчаи 2 - моҳаашро дар бозор партофта, фирор кардаст, хабар медиҳад Sputnik  Ӯзбекистон.

Ба иттилои манбаъ, ҳодисаи даҳшатбор дар бозори "Чиланзар" рух додааст. 

Манбаъ аз қавли намояндагони пулис хабар медиҳад, ки оилаи ҷавон аз зодгоҳи худ барои дарёфти кор ва зиндаги хуб ба Тошканд кӯчиданд. Аммо бехонагӣ ва дарёфт накардани ҷойи кор, оилаи ҷавонро аз ҳам ҷудо кард.

Дар Қазоқистон 6 толибилми мактаб гирифтори коронавирус шуданд

Модари кӯдак барои муноқиша ва ҷангҳои пайваста бо ҳамсараш,фарзандашро партофта, ба самти номаълум фирор кардаст.

Зимнан, падари хонавода, дар бозори "Чиланзор" машруботи спиртиро истеъмол намуда, кӯдакашро назди фурӯшандаҳои бозор гузошта, ба самти номаълум ғайб зад.

Манбаъ меафзояд, кормандони пулис ҳар ду волидони кӯдакро пайдо карда, бо дархости модари навзод ӯву фарзандашро ба вилояти Сурхандарё, назди волидонаш гусел карданд.

320
Барчаспҳо:
кӯдак, Ӯзбекистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

0
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

0
Барчаспҳо:
боздошт, ноболиғ, дуздӣ, Истаравшан