ДУШАНБЕ, 24 сен — Sputnik. Муовини вазири тандурустӣ ва ҳифзи иҷтимоии аҳолии Тоҷикистон нахустин бор мизони кумакҳои расондашуда ба хонаводаҳои фақирро эълом кард.
Тибқи хабаре, ки дар сомонаи расмии Вазорати тандурустӣ нашр шудааст, Шодихон Ҷамшед ахиран дар ҷаласаи ҳайати мушовираи вазорати тандурустӣ ва ҳифзи иҷтимоии аҳолии Тоҷикистон таъкид доштааст, ки танҳо дар ҳашт моҳи соли равон дар 40 ноҳияи ҷумҳурӣ ба 103 ҳазор хонаводаи фақир 16 дар ҳаҷми миллион сомонӣ кумаки молӣ расонда шуда аст.
Вай таъкид карда аст, ки дар шаш соли ахир дар чорчӯби барномаи ҳимоят аз қишҳои фақир дар Тоҷикистон ба аъзои 470 ҳазору 500 хонаводаи ниёзманд беш аз 138 миллион сомонӣ кумаки молӣ ироа шуда аст .
Бояд қайд кард, ки Бонки ҷаҳонӣ низ ба далели густариши вируси корона барномаи кумаки 50 миллиондолларӣ ба қишрҳои осебпазир дар Тоҷикистонро дар дастури кор қарор дода аст .
