Калиди хона, акс аз бойгонӣ

Набераи калонии Президент ба модару духтари муҳтоҷ 2 хона дод-видео

2103
(Таҷдидшуда 13:45 13.10.2020)
Исмоили Маҳмадзоҳири 20-сола, набераи калонии Эмомалӣ Раҳмон, раисиҷумҳури Тоҷикистон ба модару духтари муҳтоҷ дар шаҳри Турсунзода, ки гуфтанд аз чунин зиндагӣ безор шудаанд, ду хона тақдим кардааст

ДУШАНБЕ, 13 окт — Sputnik. Мақомоти шаҳри Турсунзода мегӯянд, бо дастгирии соҳибкори ҷавон, Исмоили Маҳмадзоҳир ба модари муҳтоҷ Муҳаррам Очилова ва духтараш Ирода Осимова хонаҳо тақдим гардиданд.

Масъулини шаҳри Турсунзода дар гузориши видеоии таҳиякардаи сомонаи “Оила” изҳор доштанд, ки ба Муҳаррам Очилова манзили иборат аз се ҳуҷра ва бахши ёрирасон ва ба духтараш манзили иборат аз ду ҳуҷра тақдим карда шуд.

Хонаҳо дар ҷамоати деҳоти Турсун Тӯйчӣ, деҳаҳои Саркор ва Коммуна ҷойгир мебошанд.

Қаблан сомонаи “Оила” аз ҳоли зори Муҳаррам ва духтараш Ирода хабар дода буд, ки дар як ферма зиндагӣ мекарданд. Муҳаррам Очилова бо нақл аз зиндагии тоқатфарсояш изҳор дошта буд, ки дигар аз ҷонаш сер шудааст ва ҳушдор дод, ки метавонад қасди ҷони худ кунад.

Дар пайи нашри навор ба гуфтаи аъзои ин оила,  нафарони зиёде, аз ҷумла муҳоҷирон ба кумаки ин хонавода шитофтаанд.

Исмоили Маҳмадзоҳир, фарзанди духтари калонии Президент,  Фирӯза Раҳмонова ва Маҳмадзоҳир Соибов мебошад, ки 20 сол дошта, тайи моҳҳои охир аз хайрҳои кардааш дар шабакаҳои иҷтимоӣ чандин гузориш нашр шуданд. Аз ҷумла иттилоъ дода шуд, ки дар замони пандемия ба беш аз 2 ҳазор оила маводи ғизоӣ кумак кардааст.

2103
Барчаспҳо:
кумак, Тоҷикистон
Президент Кыргызстана Сооронбай Жээнбеков и премьер-министр Садыр Жапаров на внеочередном заседании Жогорку Кенеша в госрезиденции Ала-Арча. Архивное фото

Жээнбеков аз тарс истеъфо дод? ҷавоби Ҷопаров

110
(Таҷдидшуда 00:24 21.10.2020)
Содир Ҷопаров ба хабарнигори Al Jazerra дар бораи иттиҳомоте, ки гӯё ӯ ва тарафдоронаш бо роҳи тарсонидан сари қудрат расидаанд, тавзеҳ дод

ДУШАНБЕ, 20 окт — Sputnik. Иҷрокунандаи вазифаи Президенти Ҷумҳурии Қирғизистон Содир Ҷапаров дар мусоҳиба бо шабакаи телевизионии Ал Ҷазерра гуфт, ки ҳеҷ кас собиқ кишвардор - Сооронбай Жээнбековро барои истеъфо натарсонда буд.

 

Сооронбой Жээнбеков истеъфо дод: вакилон қарсак заданд

Хабарнигор аз Ҷапаров дархост намуд, ки иттиҳомот алайҳи ӯ ва тарафдорона, ки гӯё бо роҳи тарсондан сари қудрат омаданд, тавзеҳ диҳад.

"Сару садоҳо дар мавриди он ки, гӯё ман бо роҳи таҳдиду зӯроварӣ сари қудрат омадам, нодуруст аст. Агар мо метарсондем ва таҳдид мекардем, президенти фирорӣ Жээнбеков барнамегашт. Мо ба ӯ пешниҳод кардем то биёяд ва мушкилиро аз роҳи қонунӣ ҳал кунем, нагузорем, ки корхонаҳо аз кор монанд ва иқтисодиёт сукут кунад.... Ҳамаи кор бо музокирот анҷоми. Касе дасту пойи ӯро тоб надода буд", - шарҳ дод Ҷопаров.

Сарвазир ҳамчунин таъкид намуд, ки баъзе одамон дидаву дониста маълумоти бардурӯғ паҳн мекарданд, ки гӯё ҷонибдорони ӯ аснои эътирозҳо сангу шиша ҳаво медоданд.

Ёдовар мешавем, дар Қирғизистон пас аз интихоботи парлумонӣ, ноамниҳо сар заданд ва дар фарҷом кишвардор Сооронбой Жээнбеков истеъфо дод.

110
Барчаспҳо:
истеъфо, Сооронбой Жээнбеков

Баёнхати тӯйдорон, манъи аксгирӣ ва иҷозаи 4 кас дар ЗАГС : қоидаҳои нави тӯй дар Хуҷанд

1927
(Таҷдидшуда 16:40 20.10.2020)
Масъулони ҳукумати шаҳри Хуҷанд зимни баргузории як ҷаласа иттилоъ додаанд, ки 45 % - и гирифторони коронавирус ҳангоми иштирок дар туйю маъракаҳо сироят шудаанд

ДУШАНБЕ, 20 окт – Sputnik. Ба ин далел Маъруф Муҳаммадзода, раиси шаҳри Хуҷанд дар ҷаласа аз масъулини сохторҳои ҳукумат тақозо намуд, ки ба хотири коҳиш ёфтани вазъи бемории COVID-19, баргузории маърака ва туйҳои арӯсию домодиро бештар ба назорат гиранд ва муқарраротҳои нав ҷорӣ намоянд.

"Гурӯҳҳои корӣ бинед, агар мардум тартибро риоя накунанд, маҷбур мешавем баргузории туйю маъракаҳоро манъ кунем. Дар вақти иҷозат додан ҳатман аз соҳибони туй баёнхат барои вайрон накардани танзими иштирокчиёни маъракаро гиред. Баъзеҳо бо 200 - 300 сомонӣ ҷарима халос мешавам гуфта, танзим дар замони пандемияро риоя намекунанд. Агар чунин рафтор кунанд, минбаъд ҷаримаро сахтар мекунем", - гуфт Муҳаммадзода.

Дар ҷаласае, ки дирӯз фаъолияти соҳаҳои хоҷагии халқи шаҳри Хуҷанд давоми нуҳ моҳи соли равон натиҷагирӣ мешуд, масъулин бештар сари мавзӯъи хуруҷи бемории ҳамагири COVID-19 тамаркуз карданд.

Дар ҷараёни иҷлосия аз ҷониби масъулини ҳукумат иттилоъ дода шуд, ки 45 % - и гирифторони коронавирус дар Хуҷанд, аз ҳисоби иштирок дар туйю маъракаҳо сироят ёфтаанд ва 28 % - и манбаъи беморон, аҳли хонаводаи онҳо маҳсуб мешаванд.

Масъулони ҳукумати Хуҷанд теъдоди гирифторони бемории "вируси карона" -  ро шарҳ дода, гуфтанд, ки аз оғози сабти пандемияи каронавирус то имрӯз дар шаҳри Хуҷанд, 4 ҳазору 650 мавриди сирояти беморӣ ба қайд гирифта шудааст, аз ин шумор 3114 нафар дар ду беморхонаи Суғд ва таваллудхонаи Хуҷанд табобат гирифта, ҳамзамон 1536 нафар дар зери муоинаи амбулатории духтурон қарор доштанд.

Бино ба иттилоъи Фирӯза Нуруллозода, муовини раиси шаҳри Хуҷанд, ҳоло 128 нафар бо сирояти илтиҳоби шадиди шуш дар беморхонаҳо, 64 нафар бо ҳамин гуна ташхиси беморӣ дар табобати амбулаторӣ ва 35 нафар бо аломати COVID-19 зери назорати амбулаторӣ қарор доранд.

Раиси шаҳри Хуҷанд ба масъулин дастур додааст, ки минбаъд дар вақти иҷозат додани баргузории маърака, аз соҳибони туй баёнхати риояи танзим гирифта, аксгирӣ ва оростани маросим дар паси толори САҲШ манъ карда шуда, маросими "ЗАГС" танҳо бо ширкати чор нафар иҷозат дода шавад.

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқаррароти нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам боширкати аз 40 то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Маъруф Муҳаммадзода ҳамчунин вазифагузорӣ намуд, ки фаъолияти марказҳои дилхушии шабона, бозорҳои шабона ва марказҳои савдое, ки қоидаҳои беҳдошт дар онҳо риоя намешавад, боз дошта шавад.

1927
Барчаспҳо:
аксгирӣ, тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон