Баёнхати тӯйдорон, манъи аксгирӣ ва иҷозаи 4 кас дар ЗАГС : қоидаҳои нави тӯй дар Хуҷанд

3252
(Таҷдидшуда 16:40 20.10.2020)
Масъулони ҳукумати шаҳри Хуҷанд зимни баргузории як ҷаласа иттилоъ додаанд, ки 45 % - и гирифторони коронавирус ҳангоми иштирок дар туйю маъракаҳо сироят шудаанд

ДУШАНБЕ, 20 окт – Sputnik. Ба ин далел Маъруф Муҳаммадзода, раиси шаҳри Хуҷанд дар ҷаласа аз масъулини сохторҳои ҳукумат тақозо намуд, ки ба хотири коҳиш ёфтани вазъи бемории COVID-19, баргузории маърака ва туйҳои арӯсию домодиро бештар ба назорат гиранд ва муқарраротҳои нав ҷорӣ намоянд.

"Гурӯҳҳои корӣ бинед, агар мардум тартибро риоя накунанд, маҷбур мешавем баргузории туйю маъракаҳоро манъ кунем. Дар вақти иҷозат додан ҳатман аз соҳибони туй баёнхат барои вайрон накардани танзими иштирокчиёни маъракаро гиред. Баъзеҳо бо 200 - 300 сомонӣ ҷарима халос мешавам гуфта, танзим дар замони пандемияро риоя намекунанд. Агар чунин рафтор кунанд, минбаъд ҷаримаро сахтар мекунем", - гуфт Муҳаммадзода.

Дар ҷаласае, ки дирӯз фаъолияти соҳаҳои хоҷагии халқи шаҳри Хуҷанд давоми нуҳ моҳи соли равон натиҷагирӣ мешуд, масъулин бештар сари мавзӯъи хуруҷи бемории ҳамагири COVID-19 тамаркуз карданд.

Дар ҷараёни иҷлосия аз ҷониби масъулини ҳукумат иттилоъ дода шуд, ки 45 % - и гирифторони коронавирус дар Хуҷанд, аз ҳисоби иштирок дар туйю маъракаҳо сироят ёфтаанд ва 28 % - и манбаъи беморон, аҳли хонаводаи онҳо маҳсуб мешаванд.

Масъулони ҳукумати Хуҷанд теъдоди гирифторони бемории "вируси карона" -  ро шарҳ дода, гуфтанд, ки аз оғози сабти пандемияи каронавирус то имрӯз дар шаҳри Хуҷанд, 4 ҳазору 650 мавриди сирояти беморӣ ба қайд гирифта шудааст, аз ин шумор 3114 нафар дар ду беморхонаи Суғд ва таваллудхонаи Хуҷанд табобат гирифта, ҳамзамон 1536 нафар дар зери муоинаи амбулатории духтурон қарор доштанд.

Бино ба иттилоъи Фирӯза Нуруллозода, муовини раиси шаҳри Хуҷанд, ҳоло 128 нафар бо сирояти илтиҳоби шадиди шуш дар беморхонаҳо, 64 нафар бо ҳамин гуна ташхиси беморӣ дар табобати амбулаторӣ ва 35 нафар бо аломати COVID-19 зери назорати амбулаторӣ қарор доранд.

Раиси шаҳри Хуҷанд ба масъулин дастур додааст, ки минбаъд дар вақти иҷозат додани баргузории маърака, аз соҳибони туй баёнхати риояи танзим гирифта, аксгирӣ ва оростани маросим дар паси толори САҲШ манъ карда шуда, маросими "ЗАГС" танҳо бо ширкати чор нафар иҷозат дода шавад.

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқаррароти нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам боширкати аз 40 то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Маъруф Муҳаммадзода ҳамчунин вазифагузорӣ намуд, ки фаъолияти марказҳои дилхушии шабона, бозорҳои шабона ва марказҳои савдое, ки қоидаҳои беҳдошт дар онҳо риоя намешавад, боз дошта шавад.

3252
Барчаспҳо:
аксгирӣ, тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон (869)
День 5 декабря

Ҷашнҳои рӯзи 5 декабр дар Тоҷикистон ва ҷаҳон

78
(Таҷдидшуда 20:10 04.12.2020)
Рӯзи панҷуми декабр, рӯзи байналмилалии волонтёрон (ихтиёриён) барои рушди иқтисодию иҷтимоӣ буда, дар Тайланд рӯзи падарон ва дар Украина рӯзи кормандони омор мебошад

Рӯзи 5 декабр дар ҷаҳон чӣ рух дод

Соли 1913 Бритониёи Кабир ворид намудани силоҳро ба Ирландия манъ кард.

Соли 1944 дар Олмон заноне, ки синнашон аз 18 боло аст,  ба артиш даъват карда шуданд.

Соли 1949  Байтулмуқаддас пойтахти Исроил эълон карда шуд.

Соли 1949 Ассамблеяи Генералии СММ аз кишварҳои аъзояш даъват кард, ки дар бораи мусаллаҳшавӣ ва қувваҳои мусаллаҳи худ маълумот пешниҳод намоянд.

Рӯзи 5 декабр дар Тоҷикистон чӣ рух дод

Соли 2005 Эмомалӣ Раҳмон барои ширкат дар иҷлосияи сеюми фавқулодаи сарони давлатҳои Созмони Конфронси Исломӣ ба шаҳри Маккаи Арабистони Саудӣ сафар кард.

День 4 декабря
© Sputnik/ Стас Этвеш/ Мария Вишнякова

Соли 2008 аввалин шумораи рӯзномаи "Шифобахш" нашр шуд. Он нашрияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Маркази ҷумҳуриявии ташаккули тарзи ҳаёти солим мебошад.

Соли 2008 дар Украина баъди анҷоми мулоқоти хосса Президенти Украина Виктор Юшенко Президенти Ҷумҳурии Тоҷикистон Эмомалӣ Раҳмонро бо мукофоти олии давлатӣ – Ордени княз Ярослави Ҳаким дараҷаи 1 сарфароз гардонид. 

Ҷашнҳои рӯзи 3 декабр дар Тоҷикистон ва ҷаҳон

Ҳамчунин Эмомалӣ Раҳмон Президенти Украина Виктор Юшенкоро бо ордени Исмоили Сомонӣ дараҷаи 1 сарфароз намуд.

Соли 2008 дар Украина Шартнома миёни Донишгоҳи Миллии Тоҷикистон ва Донишгоҳи Миллии Киев ба номи Тарас Шевченко оид ба ҳамкории илмӣ, таълимӣ ва фарҳангӣ ба имзо расид.

День 2 декабря
© Sputnik/ Стас Этвеш/ Мария Вишнякова

Соли 2012 дар шаҳри Ишқобод-пойтахти Туркманистон ҷаласаи навабатии Шӯрои сарони кишварҳои аъзои Иттиҳоди Давлатҳои Мустақил (ИДМ) баргузор гардид. Пас аз анҷоми ҷаласа Эъломияи сарони кишварҳои ИДМ оид ба рушди минбаъдаи ҳамкории ҳамаҷониба ба имзо расид.

Соли 2013 дар ҷаласаи навбатии сессияи панҷуми Парлумони Точикистон, даъвати чорум масъалаи ворид намудани тағйиру иловаҳо ба Қонуни Ҷумҳурии Тоҷикистон "Дар бораи энергетика" баррасӣ карда шуд.

Соли 2016 Эмомалӣ Раҳмон ба Президенти тозаинтихоби Ҷумҳурии Узбакистон Шавкат Мирзиёев дар иртибот ба пирӯзии баҳснопазираш дар интихоботи Президенти Ҷумҳурии Узбакистон барқияи табрикӣ ирсол намуд.

Ҷашнҳои рӯзи 5 декабр

  • Рӯзи байналмилалии волонтёрон (ихтиёриён) барои рушди иқтисодию иҷтимоӣ.
  • Рӯзи падарон дар Тайланд.
  • Рӯзи кормандони омор дар Украина.

Рӯзи 5 декабр дар Тоҷикистон кӣ таваллуд шуд

  • Фозил Абдураҳмонов (1930) – доктори илми тиб, профессор, Ходими шоистаи илми Тоҷикистон.
  • Азиза Азимова (1915 – 1997) – актрисаи балет, Ҳунарпешаи мардумии Тоҷикистон.
  • Мендел Биндер (1919 – 1991) – доктори илми ҳуқуқ, профессор.
    Хосият Бобоева (1923) – доктори илми таърих, профессор.
  • Холмурод Буйдоқов (1930-2011) – доктори илми педагогӣ, профессор.
  • Хушқадам Давлатқадамов (1924-1995)- арбоби давлатӣ, файласуф.
  • Зафар Абдулло (1976)- публисист.
  • Ботур Қобилов (1931) – навобардори кино ва ТВ, Ходими шоистаи ҳунари Тоҷикистон.
  • Хайриддин Қосимӣ (1954)- нависанда.
  • Озод Меликов (1964)- кинорежиссёр, кинооператор.
  • Файзалӣ Муродов (1936-2010)- доктори илми филологӣ.
  • Муҳаммадалӣ Шамс (1950)- шоир.
  • Сайқал (Самиев Қунғурот) (1939)- шоир.
  • Саодат Саломова (1967)- раққоса, Ҳунарпешаи шоистаи Тоҷикистон.
  • Барот Содиқов (1929)- актёри театр.
  • Солеҳзода Саодатхоҷа (1950) – нависанда.
  • Мерган Султонов (1922 - 1997) – журналист, Корманди шоистаи маданияти Тоҷикистон.
  • Ҳазрат Сабоҳӣ (1948)- санъатшинос (кино).
  • Ҳабибулло Холҷӯраев (1933) – доктори илми таърих, профессор.
  • Мӯсо Ҷумъаев (1927 – 1995) – доктори илми кишоварзӣ, профессор, Ходими шоистаи илми Тоҷикистон.
78
Барчаспҳо:
ҷашн, ҷаҳон, Тоҷикистон
Муҳаммадҷон Ҳусейнов, табибе, ки Эмомалӣ Раҳмон ба ӯ манзили дуҳуҷрагӣ ваъда дод

Муҳаммадҷон Ҳусейнов бо медали "Барои мубориза бо пандемия" қадрдонӣ шуд

755
(Таҷдидшуда 19:27 04.12.2020)
Муҳаммадҷон Ҳусейнов дар аввоили хуруҷи маризии коронавирус дар Тоҷикистон, пас аз нашри навори риққатангез шӯҳратёр гардид

ДУШАНБЕ, 4 дек — Sputnik. Намояндагони Ташкилоти умумирусиягии ҷамъияти собиқадорони "Бародарони ҷанг" Ҳусейновро бо медали "Барои мубориза бо пандемия" қадрдонӣ намуданд, хабар медиҳад агентии "Ховар".

Ба иттилои манбаъ, Саидаҳмад Давлатов намояндаи "Бародарони ҷанг" дар ҳудуди пойгоҳи низомии 201-и Федератсияи Русия дар Тоҷикистон ба Донишгоҳи давлатии тиббии Тоҷикистон рафта, дар вазъияти тантанавӣ медалро ба Муҳаммадҷон Ҳусейнов супорид.

Зимни маросим иброз гардид, ки ӯ дар Тоҷикистон аввалин нафарест, ки бо ин гуна медал сарфароз гардонида мешавад.

Муҳаммадҷон Ҳусейнов фелдшери шуъбаи "Ёрии таъҷилӣ" - и беморхонаи "Истиқлол" мебошад, ки пас аз мулоқот бо кишвардори Тоҷикистон, акнун донишҷӯи Донишгоҳи давлатии тиббии Тоҷикистон низ мебошад.

Раҳмон ба 53 қаҳрамони мубориза бо коронавирус мукофоти давлатӣ дод

Номбурда ҳанӯз моҳи май пас аз як муроҷиати видеоияш, ки аз табибони ҷасур изҳори сипос намуда, ҳамзамон бо афсӯсу надомат аз духтуроне интиқод кард, ки дар рӯзҳои сахт беморонро ба ҳоли худ партофта, бо ҳар баҳона ҷои корашонро тарк намудаанд, вирди забонҳо гардид.

Муроҷиати видеоии ӯро худи роҳбари давлат Эмомалӣ Раҳмон низ тамошо карда, дар як мулоқот бо намояндагони соҳаи тандурустӣ аз ӯ ёдовар шуд ва назди худ хонд.

Пас аз чанде, бо фармони роҳбари давлат Муҳаммадҷон Ҳусейнов бо медали "Шафқат" қадрдонӣ шуда, ҳамзамон ба ӯ калиди хонаро тақдим намуданд.

755
Мавзуҳо:
Пайомадҳои COVID-19 дар Тоҷикистон ва ҷаҳон (869)
Чемодан с деньгами, архивное фото

Чаро Бонки ҷаҳонӣ ба Тоҷикистон боз 6 миллион доллар дод?

0
(Таҷдидшуда 14:07 05.12.2020)
Бонки ҷаҳонӣ ба ҳукумати Тоҷикистон ба маблағи 6 миллион доллар маблағ ҷудо кардааст. Бонк ба идораи муосири молияи давлатӣ дар Тоҷикистон сармоягузорӣ мекунад

ДУШАНБЕ, 5 дек — Sputnik. Маблағҳои мазкур ба идораи муосири молияи давлатӣ дар Тоҷикистон равона шудааст

Бонки ҷаҳонӣ 2 декабр маблағгузории иловагиро ба маблағи 6 миллион доллари барои “Лоиҳаи дуввуми муосиргардонии идораи молияи давлатӣ” тасдиқ кард.

“Низоми самараноки идораи молияи давлатӣ (ИМД) имконияти ҳукуматро барои расонидани хадамоти босифат ба шаҳрвандон баланд мебардорад ва захираҳоро ба қонеъ гардонидани талаботи афзалиятнок, ба монанди тандурустӣ, маориф ва коҳиш додани сатҳи камбизоатӣ самаранок равона мекунад. махсусан, дар пасманзари коҳиш ёфтани даромади буҷетӣ бар асари буҳрон низоми устувори ИМД воситаи ҷудонашавандаи сиёсати тақсимоти самараноки захираҳои маҳдуд буда, имкон медиҳад, ки сиёсатгузорон ва шаҳрвандон дар бораи истифодаи захираҳои буҷетӣ барои қонеъ гардонидани талаботи рӯзафзун пурра огоҳ шаванд” — таъкид доштааст намояндаи доимии БҶ дар Тоҷикистон Жан-Питер Олтерс.

Бонки ҷаҳонӣ қайд кардааст, ки лоиҳа дар шакли гранти Ассотсиатсияи байналмилалии рушд маблағгузорӣ шудааст. 

Бонки ҷаҳонӣ қайд кардааст, ки бо маблағгузории иловагии имрӯз тасдиқёфта тавонмандии корхонаҳои алоҳидаи давлатиро дар риояи Меъёрҳои байналмилалии ҳисоботи молиявӣ ва амалияи муносиби идораи корпоративӣ тақвият медиҳад;

Ҳамчунин заминаи меъёрӣ ва институтсионалии хариди давлатиро таҳким мебахшад, татбиқи низоми хариди электрониро дастгирӣ менамояд ва инчунин иқтидори мувофиқро барои ташкилоти хариди давлатӣ муҳайё месозад, идораи сармоягузории давлатӣ ва амалиёти шарикии давлат ва бахши хусусиро тавассути таҳкими меъёрҳо, сиёсат, назорат ва мониторинги ин амалиёт такмил медиҳад ва аудити дохилии ташкилоти буҷетиро тақвият мебахшад.

Ҳадафи лоиҳа мусоидат ба Тоҷикистон дар баланд бардоштани самаранокии сармоягузории давлатӣ барои расидан ба рушди босуръат ва ба содирот нигаронидашуда мебошад.

Лоиҳа аз ҷониби Вазорати молия, Агентии хариди давлатии мол, кор ва хизматрасонӣ, Дастгоҳи иҷроияи Президенти ҶТ, Агентии хизмати давлатӣ ва Палатаи ҳисоб татбиқ мешавад. Лоиҳа соли 2024 ба итмом мерасад.

Бастаи фаъоли Бонки ҷаҳонӣ дар Тоҷикистон 16 лоиҳаи кишварӣ ва минтақавиро дар бар мегирад, ки уҳдадориҳои холиси онҳо беш аз 841 миллион долларро ташкил медиҳад.

0
Барчаспҳо:
сармоягузорӣ, маблағ, бонк, Бонки ҷаҳонӣ, Тоҷикистон