Баргҳо, акс аз бойгонӣ

Ҳушдори идораи экология аз ҷарима барои сӯзондани барги дарахтон

178
(Таҷдидшуда 18:45 14.11.2020)
Идораи ҳифзи муҳити зист дар шаҳри Хуҷанд бо нашри як иттилоия аз ҷарима барои сӯзондани барги дарахтон ҳушдор медиҳад

ДУШАНБЕ, 14 ноя – Sputnik.  Азизҷон Дӯстматов, сардори шуъбаи ҳифзи муҳити зисти шаҳри Хуҷанд, дар суҳбат ба Sputnik Тоҷикистон гуфт,  мушоҳидаи мавридҳои сӯзонидани барги дарахтон аз ҷониби сокинон дар фасли тирамоҳ, онҳоро водор намудааст, ки бо нашри як навори  тарғиботӣ дар бораи паёмадҳои манфии чунин амал ва ҷаримабандӣ огоҳ  кунанд.

“Дуди аз ҳисоби сӯзонидани барги дарахтон ҳосилшуда ҳавои атмосфериро олуда намуда, мӯҷиби бемориҳои сироятию  саратонӣ гардида, имунитетро заиф ва бемориҳои роҳи нафасро шиддат бахшида, ба дарди гулӯ ва сар гирифтор мекунад”,-  таъкид намуд Дӯстматов.

Сардори шӯъбаи экология гуфт, аз ин лиҳоз сӯзонидани барги дарахтон дар маҳаллаҳои Хуҷанд манъ буда, дар ҳоли ошкор шудани чунин амал татбиқи ҷарима ногузир аст.

Дӯстматов иброз намуд, ки мавридҳои сӯзонидани барги дарахтон тибқи моддаи Кодекси ҳуқуқвайронкунии маъмурӣ банду баст шуда то 11 ҳазору 600 сомонӣ ҷаримаро пешбинӣ мекунад.

“Барои сӯзонидани барги дарахтон ба шахсони воқеӣ ба андозаи аз як то се, ба шахсони мансабдор аз сӣ то чил ва ба шахсони ҳуқуқӣ аз сад то дусад нишондиҳанда барои ҳисобҳо ҷарима таъйин карда мешавад”,-гуфт сардори идораи экологияи Хуҷанд.

Масъулони идораи ҳифзи муҳити зист мегӯянд, барги дарахтон бояд ҳамчун маводи ғизодиҳанда дар киштзорҳо самаронок истифода шавад.

178
Барчаспҳо:
ҷарима, Суғд, Тоҷикистон
Перинатальный центр в Тамбове

Дар Тоҷикистон сатҳи таваллуду фавти кӯдакон зиёд шудааст

67
(Таҷдидшуда 19:08 30.11.2020)
Давоми 10 моҳи гузаштаи соли ҷорӣ, дар тамоми минтақаҳои Тоҷикистон афзоиши таваллуд ба ҳисоби миёна 2,4% мушоҳида шудааст

ДУШАНБЕ, 24 ноя — Sputnik. Аз моҳи январ то октябри соли 2020 дар Тоҷикистон афзоиши сатҳи таваллуд нисбат ба ҳамин давраи соли 2019 ба қайд гирифта шуд, хабар медиҳад Агентии омори назди президенти ҷумҳурӣ.

Тибқи иттилои ин ниҳод, давоми 10 моҳ дар кишвар 166,6 ҳазор кӯдак таваллуд шудааст. Дар ҳама вилояту минтақаҳо кишвар бақайдгирии таваллуд дар давраи муқарраркардаи қонун 2,4% афзудааст.

Тибқи ҳисобҳои пешакӣ, сатҳи таваллуд ва фавт ба ҳисоби миёна ба 1000 нафар аҳолӣ 23,7 ва 4,1 буд.

Оҷонсӣ афзудааст, ки шумораи фавти кӯдакон дар Тоҷикистон низ афзудааст. Аз аввали соли 2020 дар кишвар 28,9 ҳазор нафар фавтидаанд, ки 1,6 ҳазор нафарашон кӯдакони то яксола мебошанд.

Бақайдгирии фавтҳо дар ҳама минтақаҳо 15,7 фоиз афзуда, 28,9 ҳазор нафарро ташкил додааст.

Ёдовар мешавем, ки то аввали моҳи ноябр аҳолии Тоҷикистон аз 9,4 миллион нафар гузашт, ки ин нисбат ба 10 моҳи соли гузашта 2% зиёдтар аст.

Афзоиши аҳолӣ дар кишварҳои Осиёи Миёна

Минтақаи сераҳолии ҷумҳурӣ вилояти Хатлон буда, дар он ҷо зиёда аз 3,4 миллион нафар зиндагӣ мекунанд. Дар вилояти Суғд бошад беш аз 2,7 миллион, дар ВМКБ - 230,4 ҳазор, дар ноҳияҳои тобеи марказ - беш аз 2,2 миллион ва дар Душанбе - 871,6 ҳазор нафар зиндагӣ мекунанд.

 

67
Барчаспҳо:
фавт, таваллуд, аҳолӣ, Тоҷикистон
Ширин Амонзода, вазири меҳнат, муҳоҷират ва шуғли аҳолии Тоҷикистон

Қабули қонуни нав: вазири меҳнат гуфт, мутахассисони бозоргир омода мешаванд

326
(Таҷдидшуда 17:02 30.11.2020)
Ширин Амонзода, вазири нави меҳнат, муҳоҷират ва шуғли аҳолии Тоҷикистон, мегӯяд, дар кишвар қонуне қабул шуд, ки алоқамандии бозори меҳнат ва таҳсилоти касбиро пурзӯр месозад

ДУШАНБЕ, 30 ноя — Sputnik. Маҷлиси намояндагони Тоҷикистон дар ҷаласаи ахир қонун “Дар бораи тайёр намудани мутахассисон бо назардошти талаботи бозори меҳнат”-ро қабул кард.

Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, мутобиқи қонуни мазкур ҷалби соҳаҳои иқтисодиёт, аз ҷумла корфармоён ва вазорату идораҳои соҳавӣ ба раванди тайёр кардани мутахассисон пешбинӣ шудаст.

Вазир гуфт, корфармоёну вазоратҳои соҳавӣ бевосита дар таҳияи Таснифоти миллии тахассусҳо, стандартҳои ҳар як касб, баҳодиҳӣ ва шаҳодатномакунии малакаи касбии мутахассисони омодашаванда иштирок менамоянд, ки ин алоқамандии бозори меҳнат ва низоми таҳсилоти касбиро қавӣ мегардонад.

“Илова бар ин, ҷорӣ намудани Низоми миллии тахассусҳо барои фаъолияти босамари минбаъдаи мутахассисони дараҷаи гуногун дар дохил ва хориҷи кишвар мусоидат менамояд”, - хабар дод нашрияи парлумонии “Садои мардум” аз қавли Амонзода.

Ӯ илова намуд, ки бо васеъшавӣ ва амиқгардии дониш ва фаҳмиши функсионалии таснифоти тахассусӣ,  имконоти ҳамкории Тоҷикистон бо давлатҳои дигар зиёд мешавад.

326
Барчаспҳо:
ҷалби мутахассисони ҷавон, бозори меҳнат, Тоҷикистон
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон