День 22 ноября

Пирӯзии Парвиз Собиров ва унвонгирии Майк Тайсон: ҷашнҳои 22 ноябр

237
(Таҷдидшуда 18:38 21.11.2020)
Рӯзи 22 ноябр Майк Тайсон унвони ҷавонтарин қаҳрамони ҷаҳон оид ба боксро ба даст оварду Парвиз Собиров миёни собиқадорон дар қаҳрамонии ҷаҳон мақоми аввалро соҳиб шуд

Рӯзи 22 ноябр дар ҷаҳон чӣ рух дод

Соли 1806 аввалин шумораи рӯзнома бо забони франкоӣ дар Канада "Ле Канадиен" нашр  шуд.

День 21 ноября
© Sputnik/ Стас Этвеш/ Мария Вишнякова

Соли 1966 Парлумони Испания Конститутсияи навро қабул намуд.

Соли 1967 Шӯрои амнияти СММ барои баровардани ҷангиёни Исроил аз ҳудуди забтшудаи арабҳо қарор қабул кард.

Соли 1986 Майк Тайсони 20-сола унвони ҷавонтарин қаҳрамони ҷаҳон оид ба боксро ба даст овард.

Боксер Майк Тайсон. Архивное фото
© AP / Jeff Robbins
Боксер Майк Тайсон. Архивное фото

Дар ин рӯзи соли 1993 Арманистон пули миллии худ – драмро ба муомилот баровард.

Рӯзи 22 ноябр дар Тоҷикистон чӣ рух дод

Соли 1962 Иттифоқи кинематографистони Тоҷикистон таъсис дода шудааст.

Соли 2002 дар "Конгресс-сентр"-и шаҳри Прага Эмомалӣ Раҳмон дар Саммити давлатҳои узви Шӯрои шарикии Урупою Атлантика, ки кишварҳои НАТО ва барномаи "Шарикӣ ба хотири сулҳ" (ҳамагӣ 46 кишвар) узви он мебошанд, суханронӣ кард.

Соли 2013 масоили ҳамкории Тоҷикистон ва ИМА дар самтҳои амният, ҳарбӣ – сиёсӣ, иқтисодӣ – иҷтимоӣ ва гуманитарӣ муҳокима карда шуданд.

Соли 2016 дар Қасри миллат Эмомалӣ Раҳмон аз 14 сафири Фавқулода ва Мухтори кишварҳои хориҷӣ дар Ҷумҳурии Тоҷикистон эътимоднома қабул намуд.

Соли 2016 паҳлавони маъруфи тоҷик Парвиз Собиров дар Қаҳрамонии ҷаҳон оид ба ҷудо миёни собиқадорон (Veterans World Judo Championships 2016),  ки дар шаҳри Форт-Лодердейли иёлоти Флоридаи Иёлоти Муттаҳидаи Амрико доир шуд, сазовори ҷои якум ва медали тилло  гардид.

Открытие спортивного клуба «Парвиз Собиров» в Фирдавсинском районе Душанбе
Открытие спортивного клуба «Парвиз Собиров» в Фирдавсинском районе Душанбе

Ҷашнҳои рӯзи 22 ноябр

  • Дар Арманистон – Рӯзи кормандони бонкдорӣ.
  • Дар Ливан – Рӯзи истиқлолият.
  • Дар Қирғизистон – Рӯзи кормандони прокуратура.

Рӯзи 22 ноябр дар Тоҷикистон кӣ ба дунё омадааст

Соли 1935  – композитор Саид Ҳамроев.

237
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Фрагмент мечети Юсуфа Хамадани (XVI в.) в древнем городе Мерве, Туркменистан

Дари масоҷид дар Туркманистон ҳамоно баста мемонад

43
(Таҷдидшуда 15:11 01.12.2020)
Ба хотири пешгирӣ аз густариши ҳамагирии коронавирус дар Туркманистон дари масоҷид то 1 январи соли 2021 баст боқӣ мемонад

ДУШАНБЕ, 1 дек — Sputnik. Дар Туркманистон, ки то ҳол расман вируси корона ба қайд гирифта нушадааст, дари масҷидҳо ва зиёратгоҳҳо "то охири сол" бо мақсади пешгирии паҳншавии бемориҳои сироятӣ "баста хоҳад буд", - менависад торномаи "Туркменпортал" бо истинод ба муфтиёти кишвар.

"Маҳдудиятҳо барои масҷидҳо ва зиёратгоҳҳои Туркманистон, ки бо мақсади пешгирии паҳншавии бемориҳои сироятӣ ҷорӣ карда шудаанд, то 1 январи соли 2021 тамдид карда мешаванд", - омадааст дар хабарнома.

Ҳамзамон дар масҷидҳо ҳар рӯз панҷ маротиба азон садо дода, мусалмононро барои адои намоз даъват мекунад.

Манбаъ таъкид мекунад, ки "ин чораҳо тибқи қарори Комиссияи Фавқулодаи Туркманистон оид ба мубориза бо бемориҳо аз 26 августи соли 2020 андешида шудаанд".

Масҷидҳо ва зиёратгоҳҳои Туркманистон ҳанӯз рӯзи 13 июл баста шуданд.

Тибқи гузориши ҳукумат, дар Туркманистон ягон ҳолати COVID-19 ба қайд гирифта нашудааст.

Ҳамзамон, дар кишвар пӯшидани ниқоб ҷорӣ шуда ва як қатор маҳдудиятҳо, аз ҷумла барои муассисаҳои динӣ ҷорӣ карда шудаанд.

43
Барчаспҳо:
вируси корона, маҳдудият, бастан, баста, масҷид, масҷид, Туркманистон
Зимистони Душанбе

Барфу борон: пешгӯии дақиқи ҳавошиносон барои имрӯз

223
(Таҷдидшуда 12:16 01.12.2020)
Имрӯз дар Тоҷикистон ҳаво абрнок ва дар баъзе ҳолатҳо тағйирёбанда шуда, борон меборад. Дар ноҳияҳои кӯҳӣ бориши барф дар назар аст

ДУШАНБЕ, 1 дек — Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок ва тағйирёбанда шуда, дар баъзе ноҳияҳо бориши борон ва барф ба амал меояд.

Бод аз сӯи ғарб бо суръати 3-8 метр дар як сония мевазад. Ҳаво дар ғарби вилоят шабона 1-6 дараҷа сард мешавад. Рӯзона ҳаво 1+6 дараҷа гарм мешавад. Дар  шарқи вилоят  ҳаво шабона 14-19 дараҷа хунук ва рӯзона  2-7 дараҷа хунук мешавад, хабар медиҳад АМИТ "Ховар" аз қавли Ожонс.

Ҳаво дар вилояти Суғд  абрнок шуда, дар баъзе ноҳияҳо борон ва барф меборад. Дар ноҳияҳои алоҳида туман мефарояд. Ҳаво  дар водиҳо шабона аз 2 дараҷа  хунук то 3 дараҷа гарм ва рӯзона 3+8 дараҷа гарм мешавад. Дар ноҳияҳои кӯҳӣ ҳаво шабона 1-6 дараҷа  хунук ва рӯзона  1+6 дараҷа  гарм мешавад.

Дар вилояти Хатлон  ҳаво абрнок ва тағйирёбанда шуда, дар ноҳияҳои водибуда борон меборад. Дар ноҳияҳои доманакӯҳӣ низ борон борида, туман мефарояд. Ҳаво дар водиҳо шабона 1+6 дараҷа гарм ва рӯзона 10+15 дараҷа  гарм  мешавад. Дар  доманакӯҳҳо ҳаво шабона 0+5  ва рӯзона 4+9 дараҷа гарм мешавад.

Дар шаҳру ноҳияҳои тобеи марказ ҳаво абрнок ва дар баъзе ноҳияҳо тағйирёбанда шуда, дар водиҳода борон меборад. Дар ноҳияҳои алоҳидаи кӯҳӣ бориши борон ва барф дар назар буда, дар баъзе ноҳияҳо туман мефарояд. Ҳаво  дар водиҳо  шабона 0+5 дараҷа гарм ва рӯзона 8+13 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм ва рӯзона 2+7 дараҷа гарм мешавад.

Дар  шаҳри Душанбе ҳаво абрнок ва  дар баъзе ҳолатҳо тағйирёбанда шуда, борони суст меборад. Ҳарорати ҳаво шабона 2+4 дараҷа гарм ва рӯзона  11+13 дараҷа гарм мешавад.

223
Барчаспҳо:
барф, борон, обу ҳаво, Тоҷикистон

Коронавирус дар Тоҷикистон: омори моҳи ноябр

0
(Таҷдидшуда 19:12 01.12.2020)
Моҳи ноябр дар Тоҷикистон гирифторони коронавирус рӯ ба афзоиш ниҳод. Дар ҳамин ҳол, шумораи ҳолатҳои ошкоргардида дар як рӯз назар ба моҳи гузашта кам шудааст
Коронавирус дар Тоҷикистон: омори ноябрӣ
© Sputnik

Бино бар иттилои Вазорати тандурустии Тоҷикистон шумораи гирифтори корнавирус дар кишвар дар як рӯз дар моҳи ноябр рӯ ба коҳиш ниҳодааст.

Рӯзҳои ахири ҳафта дар ҷумҳурӣ на зиёд аз 45 нафар бемор дар як рӯз ошкор мегардид. Дар ҳамин ҳол шумораи сиҳатёфтагон азCOVID-19 дар ҳар як рӯзи аввали моҳи ноябр аз 50 то 60 нафар гуфта мешуд, охирҳои моҳ ин нишондод то 40 кас кам гардид.

Ҳамчунин, дар як моҳи ахир аз коронавирус дар Тоҷикистон 4 кас ҳалок шуданд.

Ҳамагӣ аз оғози ҳамагирӣ аз инфексияи намуди нав дар Тоҷикистон 12 194 тан сироят ёфта, 11599 кас шифо ёфтаанд ва аз ин маризӣ 86 тан ҳалок шудаанд.

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

Ҷумҳурӣ чун пештара аз рӯи шумораи гирифторони коронавирус дар Осиёи Марказӣ ҷои чорумро мегирад. Дар ҷои авал Қазоқистон(131 659), дувум Қирғизистон (72 807), севум - Ӯзбекистон (72 920).

Туркманистон то ҳол ягона кишварест дар Осиёи Макразӣ, ки расман ягон ҳолати гирифторӣ ба коронавирус ба қайд гирифта нашудааст.

Дар Тоҷикистон маҳдудиятҳои ҷоришуда дар пайи пандемия идома доранд. Чанде пеш Сироди мубориза бо коронавирус қарор дод, ки таҷлили Соли нав дар кишвар лағв мешавад. 

Мурда зинда шуд: пирамарде пас аз "марг" аз коронавирус ба манзилаш баргашт

Дар ҳамин ҳол, моҳи ноябр дар зиндонҳои Тоҷикистон иҷозат шуд, ки маҳбусон бо наздиконашон дидор кунанд.

Аз 29 ноябр дар кишвар парвозҳои дохилӣ бақарор карда шуданд. Дар Русия бошад муҳоҷирон метавонад ба хатсайрҳои чартерӣ бидуни номнавис шудан аз нуқтаҳои билетфурӯшӣ озодона чипта харанд.

0