Шабакаи Russia Today, акс аз бойгонӣ

Телевизиони RT 15 - сола шуд

85
(Таҷдидшуда 13:08 10.12.2020)
Дар рӯзи 15-солагии худ, RT навореро таҳти унвони "Таҳдиди сабз", ки бо услуби филмҳои таълимии мудофиаи шаҳрвандии Амрико дар даврони Ҷанги Сард таҳия шудааст, пахш кард

ДУШАНБЕ,  10 дек — Sputnik. Шабакаи RT нахустин бор 10 декабри соли 2005 аз як студия дар Маскав пахш шуд. Дар тӯли 15 соли фаъолият RT, ки феълан дар шакли телевизион ва онлайн бо шаш забон дастрас аст, ба яке аз маъруфтарин шабакаҳои байналмилалии ҷаҳон табдил ёфт. 

Ин шабака аз ҷониби ҳакамони Ҷоизаи Байналмилалии Эмми ва шахсиятҳои маъруфи замон, аз ҷумла Амир Кустуритса, Роҷер Уотерс ва Оливер Стоун эътироф шудааст.

"Мо 15 - сола шудем. Хадамоти ҷаҳон, нафасатонро бароред. Дар рӯзи зодрӯз мо ваъда медиҳем, ки ба чизе дахолат намекунем", - гуфт сармуҳаррири RT Маргарита Симонян.

Дар рӯзи 15 - солагии худ RT навореро таҳти унвони "Таҳдиди сабз", ки бо услуби филмҳои таълимии мудофиаи шаҳрвандии Амрико дар даврони Ҷанги Сард таҳия шудааст, пахш кард. Навори кинояомез нақл мекунад, ки чӣ гуна бояд худро аз мавҷҳои RT муҳофизат кард. Дар остонаи солгарди худ, RT инчунин навореро нашр кард, ки дар он бо истифода аз технологияи "дипфейк", нишон дод, ки чӣ гуна пешвоёни ҷаҳон "шефта" - и шабакаи телевизионии Русия ҳастанд.

Шабакаи RT - ро ҳар ҳафта 100 млн одам дар 47 кишвари ҷаҳон (таҳлилҳои ширкати байналмилалии IPSOS) тамошо мекунад. RT нахустин шабакаи телевизионӣ пурхонандатарин дар шабакаи Youtube шуд ва дар ин росто аз BBC, CNN, Al Jazeera, Euronews, FOX News пеш гузашт.

Дар давоми 15 - соли фаъолияти шабакаи RT бо президентҳо ва шахсони аввал мусоҳиба сабт кардааст. Ҳамин тавр шабака бо кишвардорони Русия, Сербия, Словения, сурия, Боливия, Венесуэлла, Аргентина, Эквадор ва дигар кишварҳо мусоҳиба оростааст. Дар RT шоуи эксклюзивӣ бо журналисти машҳури телевизион  - Ларри Кинг, барномаҳои дорандаи Ҷоизаи Пулитсер - Крис Хеджес, президенти собиқи Эквадор Рафаэл Корреа ва собиқ сарвазири Штландия Алекс Салмонд нашр мешаванд.

RT ғолиби нӯҳкаратаи бонуфузтарини ҷоизаи телевизионии ҷаҳон Emmy мебошад. RT дар ҷашнвораи телевизионии Монте Карло дар бахши "Беҳтарин барномаи хабарии 24-соатӣ" тилло ба даст овард. Дар маҷмӯъ, шабака дар соҳаи медиа ва телевизион садҳо ҷоизаҳои байналмилалиро соҳиб шудааст.

Беҳтарин тележурналист Ларри Кинг: "RT - ро дар сраосари дунё тамошо мекунанд, яъне мо ҳамдигарро ёфтем".

Коргардони сербиягӣ Эмир Кустуритса: "Шабакаи телевизионии RT - намунаи хуби чӣ гуна будани телевизион аст дар қиёс бо BBC ва CNN, ки хабарҳоро якҷониба пахш мекунанд".

Манъи пахши RT: Ғарб чӣ тавр алайҳи Русия мубориза мебарад

Асосгузори Pink Floyd Роджер Уотерс: "Дар саросари ҷаҳон шабакаҳои муғризона вуҷуд дорад ва сабабаш гуногун аст. Бо хушнудӣ метавонам бигӯям, ки аксари хабарҳоро ман аз RT дастрас мекунам".

Коргардони амрикоӣ Оливер Стоун: "Ман танҳо ахбори шабакаи RT - ро тамошо мекунам. Ман дар қиёс бо шабакаҳои Амрикои Шимолӣ, ки таблиғоти холӣ аст, ба ин шабака бештар эътимод дорам".

Нависандаи шотландӣ Ирвин Уэлш: "RT одилона ба мутаассибии BBC ишора мекунад. Маълум аст, ки "телевизиони ҷамъиятӣ" - и мо ғарқи фасод аст ва барои ҳамин якыониба аст. Чӣ гуна маълумот, ахбор ва фароғат?! Барои ҳамин сафсата шумо маблағ пардохт мекунед".

85
Барчаспҳо:
солагӣ, зодрӯз, телевизиони "RT"
День 25 февраля нац

Ҷашнҳои рӯзи 25 феврал дар Тоҷикистон ва ҷаҳон

60
(Таҷдидшуда 18:49 24.02.2021)
Рӯзи бисту панҷуми феврал дар Ҷумҳурии Доминикан Рӯзи Қувваҳои мусаллаҳ ва дар Кувайт аз Рӯзи миллӣ ҷашн гирифта мешавад

Рӯзи 25 феврал дар ҷаҳон чӣ рух дод

Соли 1990 дар ИМА дар тамоми хатсайрҳои дохилӣ кашидани тамоку манъ карда шуд.

Соли 1994 миёни Ҷумҳурии Қазоқистон ва Шоҳигарии Камбоҷа муносиботи дипломатӣ барқарор карда шуданд.

Рӯзи 25 феврал дар Тоҷикистон чӣ рух дод

Соли 2010  Ҷоизаи ба номи Абуабдуллоҳи Рӯдакӣ ба шарқшиноси барҷаста,  Корманди хизматнишондодаи илми Тоҷикистон, профессори Донишгоҳи Ленинград Николаев Александр Болдирович, ки ҳаёти худро ба омӯзиши адабиёти тоҷикӣ-форсӣ ва тарбияи  шарқшиносони тоҷик бахшидааст, дода шуд.

День 22 января
© Sputnik/ Стас Этвеш/ Мария Вишнякова

Соли 2011 дар қароргоҳи ЮНЕСКО дар Париж ба муносибати 50-солагии Иттифоқи байналмилалии илмҳои геологӣ семинари байналмилалии геологӣ баргузор гардид, ки дар он сардори вақти Саридораи геологияи  назди Ҳукумати Ҷумҳурии Тоҷикистон Азим Иброҳим иштирок намуд.

Соли 2013 дар Боку ҷаласаи XVI Шӯрои роҳбарони агентиҳои давлатии иттилоотии ИДМ баргузор гардид. Ба ҳайати Шӯрои мазкур агентиҳои иттилоотии Арманистон, Беларус, Қазоқистон, Қирғизистон, Молдова, Озарбойҷон, Русия ва Тоҷикистон шомил мебошанд.

Ҷашнҳои рӯзи 25 феврал дар Тоҷикистон ва ҷаҳон

Соли 2013 раиси шаҳри Душанбе ба шаҳрванди 8- миллионумини Тоҷикистон- Сумая хонаи дуҳуҷрагӣ туҳфа намуд.

Соли 2015 дар Душанбе масоили ҳамкории иқтисодии Тоҷикистон ва Ҳиндустон баррасӣ шуданд.

Соли 2015 масъалаҳои ҳамкории мутақобилан судманди Тоҷикистон ва Қазоқистон муҳокима гардиданд.

Соли 2015 вакилони Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон "Дар бораи рӯзҳои ид" тағйиру иловаҳо ворид намуданд, ки тибқи он ҳамасола 14 октябр дар Тоҷикистон Рӯзи соҳибкорон таҷлил карда мешавад.

Ҷашнҳои рӯзи 25 феврал

  • Дар Ҷумҳурии Доминикан – Рӯзи қувваҳои мусаллаҳ.
  • Дар Кувайт – Рӯзи миллӣ.
60
Барчаспҳо:
ҷашн, ҷаҳон, Тоҷикистон
Мэр Душанбе Рустам Эмомали

Қарори Ҳукумат: "лимит"-и нав дар теъдоди тими Рустами Эмомалӣ

7912
(Таҷдидшуда 15:50 23.02.2021)
Эмомалӣ Раҳмон, раисиҷумҳури Тоҷикистон бо имзои қарори Ҳукумат лимити шумораи хизматчиёни давлатӣ дар ҳукумати Душанберо 213 нафар муқаррар намуд

ДУШАНБЕ, 23 фев — Sputnik. Бар асоси қарори ҷадиди Ҳукумат, теъдоди кормандони дастгоҳи раиси шаҳри Душанбе зиёдтар шуда, 89 нафар муқаррар гардид. Қаблан чунин тағйирот дар дастгоҳи раисони шаҳру навоҳии дигар низ сурат гирифта буд.

Бештар шудани шумораи ниҳоии кормандон дар шаҳрдории Душанбе дар ҳолест, ки соли гузашта на ҳамаи бастҳои корӣ банд буданд.

Рустами Эмомалӣ, раиси Душанбе, зимни гузориш ба вакилон дар бораи фаъолияти як соли охир иттилоъ дод, ки дар маҷмӯъ дар мақомоти шаҳрдорӣ тайи давраи ҳисоботӣ 195 нафар хизматчиёни давлатӣ фаъолият доштанд.

“Аз шумораи умумии хизматчиёни давлатии дар мақомот фаъолияткунанда 52 нафарро занҳо - 26,7фоиз ва 143 нафарро мардон - 73,3фоиз ташкил медиҳанд”, - изҳор дошта буд Рустами Эмомалӣ.

Нимаи моҳи равон шаҳрдории Душанбе барои ҷалби кормандони нав озмун эълон кард, ки маош аз 800 то 1300 сомониро ташкил медиҳад. Дар маҷмуъ 15 ҷойи кори холӣ пешниҳоди довталабон гардидааст, ки бахшҳои гуногуни фаъолияти шаҳрдорӣ, аз сармоягузорӣ то ҳуқуқу кор бо ҷомеаро фаро мегиранд.

7912
Барчаспҳо:
Рустами Эмомалӣ, кормандон, Тоҷикистон
Таджикские сомони и рубли, архивное фото

Ҷаҳиши рубл дар бозори асъори Тоҷикистон: сомонӣ заиф мешавад

0
(Таҷдидшуда 00:01 25.02.2021)
Тағйироти назаррас дар қурби асъор аз охири ҳафтаи гузашта то ҳол дар Тоҷикистон ин болоравии якбораи рублу доллару евро дар баробари сомонӣ мебошад

ДУШАНБЕ, 25 фев - Sputnik. Бонки миллии Тоҷикистон қурби асъори хориҷиро нисбат ба сомонӣ барои имрӯз эълон кард, ки тибқи нишондод асъори миллӣ дар ҳоли заифшавист.

Қурби рубл, ки чанде қабл поин рафта буд, давоми ҳафтаи равон ба таври назаррас боло рафт.

Тибқи нишондоди Бонки миллии кишвар, арзиши рубл танҳо давоми як шабонарӯз беш аз 3 сомонӣ гарон шуд. Ҳоло барои 1000 рубл дар кишвар 155 сомону 30 дирам муқаррар шудааст.

Доллар низ пас аз каме боло рафтан дорад ба нишондоди аввали худ бармегардад ва имрӯз як доллар дар Тоҷикистон 11,3045 сомонӣ арзиш дорад.

Дар мавриди қурби асъори Аврупо бошад, он тули чанд муддат аст, ки калобанда дар марзи 13,6500 то 13,7500 қарор мегирад. Ин ниҳод қурби як евро барои 25 феврал 13,7169 сомонӣ муқаррар кардааст.

Дар мавриди поинравии асъори миллӣ Наврӯз Валиев, сардори шӯъбаи минтақавии Бонки миллӣ дар Хуҷанд мегӯяд, то замони тағйир наёфтани тавозуни савдо ва зиёд нашудани ҳаҷми содироти мол, вазъи бозори асъор осебпазир ва фишор ба қурби пули миллӣ эҳсосшаванда боқӣ мемонад.

Чаҳор бонки мушкилдори Тоҷикистон назди амонатгузорон ҳудуди 90 миллион доллар қарздоранд

Ёдовар мешавем, ки дар Тоҷикистон тамоми амалиёти мубодила танҳо дар бонкҳо ва филиалҳои онҳо, ташкилотҳои қарзӣ, нуқтаҳои махсус, нуқтаҳои интиқоли пул, банкоматҳо ва терминалҳо иҷозат дода мешавад.

Дар сурати риоя накардани меъёрҳо, вайронкунандагон ба ҷавобгарии маъмурӣ кашида мешаванд.

0