Оҳупарварони Сибир, акс аз бойгонӣ

"Деҳаи ҳушманд" дар Ёқутистон фаъол мешавад

207
(Таҷдидшуда 20:52 18.12.2020)
Барои сокинони деҳаҳои Ҷумҳурии Саха – Ёқутистон хидматрасонии ҳушманд "Smart Village" таҳия карда мешавад

ДУШАНБЕ, 18 дек — Sputnik. Ахбор, блог ва низомҳои назорати муҳити зист, пешгирии сӯхтор, назорати видеоӣ ва инчунин маълумот дар бораи роҳбандиҳою таъмир дар як марказ дар ҳар маҳалли аҳолинишин ва ноҳияи Нами Ёқутистон ҷамъоварӣ хоҳад шуд.

Дар Вазорати фановариҳо, рушди рақамӣ ва технологияҳои иттилоотӣ-коммуникатсионии Ёқутистон ба РИА Новости дар бораи имкониятҳои "Smart Village" ва нақшаҳои таҳиягарон, ки фаротар аз ҳудуди Федератсияи Русия мебошанд, нақл карданд.

Лоиҳаи "Деҳаи ҳушманд" шабеҳи "Шаҳри ҳушманд" мебошад, ки ба нуқтаҳои аҳолинишини хурд мутобиқ карда шуда, бо назардошти буҷети шаҳрҳо ва аҳолӣ, он аз ҷониби маркази минтақавии иттилоотӣ назорату ҳамоҳанг карда мешавад. Таъсиси он ба баланд бардоштани сатҳи зиндагии шаҳрвандон нигаронида шудааст. Бо якҷо кардани технологияҳои иттилоотӣ ва коммуникатсионӣ, маъмурияти минтақа метавонад мустақиман бо ҷамоатҳо  ҳамкорӣ кунад, инфрасохторро назорат намояд. Арзёбӣ намояд, ки дар маҳалли аҳолинишин чӣ рӯй медиҳад, чӣ гуна рушд мекунад ва кадом усулҳо метавонанд сатҳи зиндагии шаҳрвандонро беҳтар кунанд.

"Марказҳои минтақавии технологияи иттилоотӣ барои он сохта мешаванд, ки фановариҳои иттилоотӣ ба рушди деҳот ва шаҳрҳои ҷумҳурӣ хидмат кунанд. Лоиҳаи "Деҳаи ҳушманд" ҳам аз ҷониби мақомоти маҳаллии ноҳияи Нам дастгирӣ ёфт, ки омодаанд онро фавран амалӣ кунанд ва ҳам таҳиягарони пойгоҳи идоракунии рақамӣ ҳавасмандиро баён карданд. Лоиҳа метавонад як таҷрибаи рақамикунонии шаҳраки деҳоти Ёқутистон гардад", - гуфт Анатолий Семёнов, вазири фановариҳо, рушди рақамӣ ва технологияҳои иттилоотӣ-коммуникатсионии Ёқутистон.

"Деҳаи ҳушманд" инчунин ба маъмурияти шаҳрҳо кӯмак хоҳад кард. Маҷмӯи зерсохторҳои иттилоотӣ, ки ба ҷамъоварӣ, назорат, таҳлили маълумот ва коркард равона шудаанд, имкон медиҳанд, ки нуқтаи аҳолинишин самараноктар идора карда шавад, муътақиданд дар Вазорат.

Масалан, низомҳои огоҳикунандаи бахши мудофиаи шаҳрвандӣ ва ҳолатҳои фавқулодда, ҳушдор аз сӯхтору обхезиҳо, назорати экологӣ дар масъалаҳои таъмини амният тағйироти мусбате хоҳанд шуд.

Маълумоти марбут ба коммуникатсияи муҳандисӣ, истгоҳҳои мобилӣ, хоҷагии манзилию коммуналӣ, шабакаҳои таъминоти барқ ​​ба ҳалли босифати масъалаҳои инфрасохтории маҳаллаҳои аҳолинишин мусоидат мекунад. Бахше, ки ба муассисаҳои фарҳангӣ, тиб ва сайёҳӣ бахшида шудааст, метавонад фаъолиятҳои иҷтимоию фарҳангии деҳотро ба сатҳи нав бардорад.

Технологияи асосие, ки барои татбиқи ин иқдом истифода мешавад, пойгоҳест, ки онро як ширкати мақараш дар парки технологию иттилоотии Якутск таҳия кардааст.

Ин як бастаи нармафзор дар шакли тарроҳ мебошад, ки барои ҳалли масоили васеъ равона шудааст.

Таҳиягарон мегӯянд, лоиҳаро ояндаи бузург интизор аст, чун ҳангоми эҷоди он мутахассисон аз усулҳо ва меъёрҳои байналмилалӣ истифода кардаанд, то минбаъд низом на танҳо дар Русия, балки берун аз он низ истифода шавад. Ба гуфтаи таҳиягарон, маҳалҳои аҳолинишини хурд дар хориҷа тавони хариди низомҳои гаронбаҳои худкорро надоранд. Қарор аст, "Деҳаи ҳушманд" аз семоҳаи аввали соли 2021 ба фаъолият оғоз кунад. Маблағгузорӣ барои татбиқи лоиҳа аз ҳисоби сармоягузории ширкати таҳиягарони лоиҳа ва инчунин пардохти абонентии ҳармоҳа тибқи модулҳои интихобшуда сурат мегирад.

207
Барчаспҳо:
иттилоотӣ, технология, Русия
День 16 января

Аввалин Чемпионати ҷаҳон оид ба футбол ва нашри Энсиклопедияи миллии тоҷик: имрӯзи таърих

57
(Таҷдидшуда 12:08 16.01.2021)
Рӯзи шонздаҳуми январ дар Тайланд Рӯзи омӯзгор, дар ИМА Рӯзи озодиҳои динӣ ва дар Ҷумҳурии демократии Конго Рӯзи қаҳрамонон ҷашн гирифта мешавад

Рӯзи 16 январ дар ҷаҳон чӣ рух дод

Соли 2016 Бонки осиёӣ-инфрасохтории сармоягузорӣ расман ба фаъолият оғоз намуд. Маросими кушодашавии бонк дар шаҳри Пекини Ҷумҳурии Мардумии Чин баргузор гардид

Соли 2002 Шӯрои Амнияти Созмони Милали Муттаҳид барои содир кардани таҳримҳо дар бораи созмони террористии Ал-Қоида ва ҳаракати Толибон, ки дар Афғонистон қарор доштанд, якдилона овоз дод.

Соли 1989 дар Бразилия аввалин маротиба Чемпионати ҷаҳон оид ба футболи хурд баргузор гардид.

Рӯзи 16 январ дар Тоҷикистон чӣ рух дод

Соли 2017 Президенти Ҷумҳурии Тоҷикистон Эмомалӣ Раҳмон дар робита ба суқути ҳавопаймои боркашони ширкати туркӣ дар маҳаллаи бӯстонсароҳо, ки сабаби марг ва ҷароҳат бардоштани даҳҳо нафар шаҳрвандон, аз ҷумла, кӯдакон ва хисороти хонаҳои истиқоматӣ дар атрофи шаҳри Бишкек гардид, ба Президенти вақти Ҷумҳурии Қирғизистон Алмосбек Отамбоев барқияи таслият ирсол намуданд.

Соли 2015 дар шаҳри Душанбе Созишномаи генералӣ байни Ҳукумати Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи  корфармоёни Тоҷикистон барои солҳои 2015-2017 ба имзо расид.

Соли 2018 масоили рушди ҳамкории дуҷонибаи Тоҷикистон ва Белорус муҳокима карда шуданд.

Соли 2009 дастаи "Регар"-ТадАЗ-и Турсунзода барои ширкат дар "Ҷоми мусобиқаи Иттиҳоди давлатҳои ИДМ ва Балтика" аз шаҳри Қазон ба шаҳри  Москваи Федератсия Россия рафт.

Соли 2015 ҷилди сеюми "Энсиклопедияи миллии тоҷик" бо теъдоди 5 ҳазор нусха нашр шуд.

Соли 2018 дар Сафорати Тоҷикистон дар Чин оид ба муносиботи дуҷонибаи ду кишвар брифинг баргузор гардид.

Ҷашнҳои рӯзи 16 январ 

  • Дар ИМА — Рӯзи озодиҳои динӣ.
  • Дар Ҷумҳурии Демократии Конго – Рӯзи қаҳрамонон.
  • Дар Тайланд - Рӯзи омӯзгорон

Рӯзи 16 январ кӣ ба дунё омадааст

Соли - 1899 аввалин Комиссари халқии Ҷумҳурии Автономии Советии Сотсиалистии Тоҷикистон (1924-1927), доктори илмҳои таърих, профессор Аббос Алиев.

57
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи "Сафеддара" то террор дар "Шарли Эбдо": имрӯзи таърих
Чор сол пеш Раҳмон ваъда дод, ки лимити барқ пурра бардошта мешавад: имрӯзи таърих
Аз зодрӯзи Муҳаммадрофеъ то ҳалокати 1400 кас дар заминҷунбии Кингстон: имрӯзи таърих
День 15 января

Ифтитоҳи неругоҳ дар Хоруғ ва кӯч додани оилаҳо аз Бадахшон ба Хатлон: имрӯзи таърих

200
(Таҷдидшуда 11:33 15.01.2021)
Бист сол пеш, кишвардори Тоҷикистон Эмомалӣ Раҳмон қарор дар мавриди кӯч додани оилаҳои ҷавон аз Вилояти Мухтори Кӯҳистони Бадахшон ба вилояти Хатлонро имзо кард

Рӯзи 15 январ дар ҷаҳон чӣ рух дод

Соли 1826 дар Порис аввалин шумораи рӯзномаи "LeFigaro" нашр шуд.

Соли 1892 омӯзгори канадагӣ-америкоӣ Ҷеймс Нейсмит аввалин маротиба қоидаҳои бозии баскетболро дар рӯзномаи мактабӣ ба нашр расонид.

 

Спартакиада в честь алмазного юбилея
© Sputnik Ситдиков Рамиль
Спартакиада в честь алмазного юбилея

 

Соли 1974 дар Юнон Конститутсияи соли 1952 барқарор карда шуд.

Соли 2001 "Википедия"- яъне Донишномаи озод ташкил шуд.

Соли 2011 раъйпурсӣ ба хотири истиқлолияти Судони Ҷанубӣ  ба охир расид, ки он 9 январ оғоз гардида буд.

Рӯзи 15 январ дар Тоҷикистон чӣ рух дод

Соли  1941 дар Вилояти Мухтори Кӯҳистони Бадахшон НБО "Хоруғ" ба истифода дода шуд.

 

Хорогская гидроэлектростанция, архивное фото
Хорогская гидроэлектростанция, архивное фото

 

Соли 2001 — Эмомалӣ Раҳмонов Қарор "Дар бораи давра ба давра кӯчонидани оилаҳои ҷавон аз ВМКБ ба ноҳияҳои Қубодиёну Бешкенти вилояти Хатлон"-ро ба имзо расонид.

Соли 2002 — Дар пойтахти Тоҷикистон сафоратхонаи Ҷопон кушода шуд.

Соли 2010 чемпиони Тоҷикистон оид ба футбол миёни дастаҳои лигаи Олӣ-клуби футболи "Вахш"-и Қӯрғонтеппа барои иштирок дар мусобиқоти XVIII байналмилалӣ оид ба футбол ва дарёфти "Ҷоми мусобиқаи Иттиҳоди давлатҳои ИДМ ва Балтика" ба шаҳри Маскав сафар кард.

Соли 2010 дар шаҳри Душанбе Эмомалӣ Раҳмон бо соҳибкорон вохӯрӣ доир намуд.

 

Гости и участники форума предпринимателей
© Официальная страница пресс-службы президента РТ в Facebook
Гости и участники форума предпринимателей

 

Соли 2013 дар маҷлиси васеи Ҳукумат Эмомалӣ Раҳмон дастур дод, ки рушди чорводорию парандапарварӣ ва дигар бахшҳои кишоварзӣ низ таъмин карда шавад.

Соли 2016 Рустами Эмомалӣ аз нав ба муҳлати чор сол президенти Федератсияи футболи Тоҷикистон интихоб карда шуд.

 

Мэр города Душанбе Рустам Эмомали
пресс-служба мэрии Душанбе
Мэр города Душанбе Рустам Эмомали

Соли 2018 масъалаҳои тақвият бахшидани ҳамкории Ҷумҳурии Тоҷикистон ва Ҷумҳурии Федеративии Германия  дар ҷодаи мубориза бар зидди ҷиноятҳои муташаккили фаромиллӣ, терроризм, экстремизм, гардиши ғайриқонунии маводи мухаддир ва таъмини амният мавриди баррасӣ қарор дода шуданд.

 

Ҷашнҳои рӯзи 15 январ

  • Дар Ҷопон – Рӯзи бузургсолон.
  • Рӯзи эътирофи байналмилалии Хорватия.
  • Дар Нигерия – Рӯзи қувваҳои мусаллаҳ ва Рӯзи хотирот.

Рӯзи 15 январ кӣ ба дунё омадааст

Соли 1962 — Давлатов Нусратулло Муқимович, раиси Кумитаи андози назди Ҳукумати Ҷумҳурии Тоҷикистон таваллуд шудааст.

200
Барчаспҳо:
ҷашн, ҷаҳон, Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон