День 28 декабря

Аз таъсиси Филармонияи давлатӣ то Рӯзи кормандони амният: имрӯз дар таърих

201
(Таҷдидшуда 21:11 27.12.2020)
Рӯзи бисту ҳаштуми декабр дар Тоҷикистон – Рӯзи кормандони мақомоти амнияти миллӣ буда, Рӯзи байналмилалии кино ва дар Испания – Рӯзи ханда мебошад

Рӯзи 28 декабр дар ҷаҳон чӣ рух дод

Соли 1836 Испания  истиқлолияти Мексикаро эътироф кард.

Соли 1895  дар Порис  аввалин киносеанси оммавии пулакӣ баргузор гардид.

Соли 1908 дар ҷазираи Ситсилия (Италия) заминҷунбии шадид ба амал омад, ки дар натиҷа 75 ҳазор нафар ба ҳалокат расиданд.

Соли 1999 дар кароргоҳи СММ дар Ню-Йорк намояндагони Португалия ва Индонезия ҳуҷҷат оид ба барқарор намудани муносиботи дипломатиро ба имзо расониданд.

Соли 2007 Непал Ҷумҳурии Федеративӣ-Демократӣ эълон карда шуд.

Рӯзи 28 декабр дар Тоҷикистон чӣ рух дод

Соли 1926 – дар наздикии Душанбе (қаламрави ноҳияи Рӯдакӣ) корхонаи коркарди нахи пахтаи Айнӣ ба истифода дода шуд.

Соли 1938 – Таъсиси Филармонияи давлатии Тоҷикистон.

Государственная филармония им. А. Джураева
© Sputnik / Амир Исаев
Государственная филармония им. А. Джураева

Соли 1942 – Канали Калони Ҳисор ба истифода дода шуд.

Соли 1953 – Таъсиси Ҷамъияти ҷуғрофии Тоҷикистон – филиали Ҷамъияти ҷуғрофии умумииттифоқ.

День 15 декабря
© Sputnik/ Стас Этвеш/ Мария Вишнякова

Соли 1965 — Хонаи меъморони Тоҷикистон кушода шуд.

Соли 2010 дар шаҳри Душанбе миёни КВД «Талко» (Тоҷикистон), ширкати «Noble Resources Ltd» (Гонконг) ва «Det.AL Azeraluminium» (Озарбойҷон) шартномаи ҳамкорӣ ба имзо расид.

Соли 2010 дар Академияи илмҳои Тоҷикистон дар мавзӯи "Ибни Сино ва мушкилоти муосири фалсафа ва тиб" конфронси илмӣ – назариявӣ баргузор гардид. Конфронси мазкур ба муносибати 1030-солагии зодрӯзи олим ва файласуфи барҷастаи тоҷик, нобиғаи асримиёнагӣ Абӯалӣ ибни Сино баргузор карда шуд.

Соли 2013 Эмомалӣ Раҳмон қонунҳои Ҷумҳурии Тоҷикистон «Дар бораи таълиму тарбияи томактабӣ» ва «Дар бораи мубориза бар зидди ҷиноятҳои муташаккил»- ро имзо кард.

Соли 2015 Ҳукумати Ҷумҳурии Тоҷикистон Барномаи давлатии сармоягузориҳо барои солҳои 2016-2020-ро тасдиқ намуд.

Соли 2016 дар Маҷмааи кӯҳию лижаронии "Сафеддара" Эмомалӣ Раҳмон бо намояндагони ҷавонон ва варзишгарони мамлакат мулоқоти судманду самимӣ доир карданд.

Ҷашнҳои рӯзи 28 декабр

  • Дар Ҷумҳурии Тоҷикистон – Рӯзи кормандони мақомоти амнияти миллӣ.
  • Рӯзи байналмилалии кино.
  • Дар Испания –Рӯзи  ханда.

Рӯзи 28 декабр кӣ ба дунё омадааст

Соли 1908-1943 – олим забоншинос ва адабиётшинос, муҳаққиқи фолклор, иштирокчии Ҷанги Бузурги Ватанӣ Лутфулло Бузургзода.

Соли 1944 – шоири халқии Тоҷикистон Саидалӣ Маъмур.

Соли 1945 – шоир Мирзо Боқӣ.

Соли 1954 – олим Алимурод Тағоймуродов.

Соли 1962 – котиби матбуотии палатаи поёнии парлумони Тоҷикистон Муҳаммадато Султонов.

Соли 1969 – рӯзноманигор Муҳаммадалло Табарӣ.

201
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 11 декабр дар Тоҷикистон ва ҷаҳон
Ҷашнҳои рӯзи 12 декабр дар Тоҷикистон ва ҷаҳон
Ҷашнҳои рӯзи 13 декабр дар Тоҷикистон ва ҷаҳон
Ҷашнҳои рӯзи 14 декабр дар Тоҷикистон ва ҷаҳон
Ҷашнҳои рӯзи 15 декабр дар Тоҷикистон ва ҷаҳон
Морозы в Москве

Сардии то 30 дараҷа дар Саратов: дарси кӯдакони то синфи 6 лағв шуд

30
(Таҷдидшуда 18:06 17.01.2021)
Раёсати вазорати маорифи Саратов тасмим гирифтааст, ки дар робита ба сардиҳои шадиди ҳаво кӯдакони синфҳои аз 1 то 6 - ромуваққатан аз дарсҳо озод намояд

ДУШАНБЕ, 17 янв — Sputnik. Рӯзи душанбе бо сабаби сардиҳои шадид дарсҳои хонандагони синфҳои якум то шашуми мактабҳои Саратов лағв карда шуданд, хабар медиҳад кумитаи маорифи ҳукумати шаҳр.

"Бо сабаби сард шудани ҳаво дар рӯзи 18 январ, дарсҳо барои хонандагони синфҳои якум то шашуми бастҳои якум ва дуюми Саратов бекор карда шуданд. Ҳайати омӯзгорон тибқи ҷадвал кор мекунанд", - омадааст дар иттилоия.

Муайян карда шудааст, ки агар дарсҳо дар мактабҳо бекор карда шаванд, истифодаи технологияҳои фосилавӣ, манбаҳои интернетии муассисаҳо, инчунин гузаронидани дарсҳои инфиродӣ ё гурӯҳӣ бо кӯдаконе, ки волидонашон бинобар шуғли онҳо наметавонистанд онҳоро дар хона гузоранд.

Пешбинии ҳавошиносон аз тағйирёбии якбораи ҳаво дар охири январ: аз -35 дараҷа то -18

Тибқи иттилои ситоди минтақавии Вазорати ҳолатҳои фавқулода, дар вилояти Саратов шаби душанбе дар баъзе ҷойҳо ҳарорат то 25-30 дараҷа хунук, рӯзона то 15-20 дараҷа паст мешавад.

Айни замон дар Саратов дамои ҳаво 13 дараҷа хунук аст.

30
Барчаспҳо:
лағв, дарс, сардӣ, ҳаво, вилояти Саратови Русия
Президент Дональд Трамп

Трампро аз филми "Дар хона танҳо" ҳам хориҷ карданд - навор

377
(Таҷдидшуда 12:26 17.01.2021)
Қаблан дастрасии Доналд Трамп кишвардори Амрикоро ба чандин шабакаҳои иҷтимоӣ масдуд намуданду Конгресс ӯро импечмент кард. Илова бар ин нақше, ки ӯ дар филми "Дар хона танҳо" бозида буд, низ қайчӣ карда шуд

ДУШАНБЕ, 17 янв — Sputnik. Дар шабакаҳои иҷтимоӣ шакли таҳриршудаи филми машҳури "Дар хона танҳо" роҳ ёфт, ки лаҳзаи нақшофарии Доналд Трамп аз он ҷо қайчӣ шудааст.

Дар шакли аслии ин филм, қаҳрамони асосӣ вориди меҳмонхонаи Plaza шуда, аз Доналд Трамп пурсон мешавад, ки ба миёнасарой чӣ гуна роҳ ёбад.

Ҳоло, дар шакли таҳриршудаи филм, Трампро аз кадр тоза ва овозаш низ пахш шудааст. Ба назар чунин менамояд, ки Кевин бо одами ноаён сӯҳбат мекунад.

Худи қаҳрамони филм Маколей Калкин низ шакли навро дастгирӣ намуда, зери навори интишоршуда, "Офарин" навиштааст.

Ёдовар мешавем, ки дар Амрико пас аз эътирозҳо ва забти Капитолия аз ҷониби тарафдорони Трамп, мардум алайҳи ӯ ба шӯр хест.

Гузашта аз ин, Конгресс Доналд Трампро импечмент эълон кард.

Кишвардори феълӣ ҳарчанд яке аз номзадҳои калидӣ дар интихоботи раёсатҷумҳурии ин кишвар буд, аммо дар сабқат натавонист пирӯзӣ ба даст орад.

Трамп Кохи Сафедро субҳи рӯзи чаҳоршанбе тарк хоҳад кард

Ӯро Ҷо Байден бо ба даст овардани аксари орои мардум шикаст дод ва рӯзи 20 январ маросими савгандёдкунии ӯ баргузор мешавад.

377
Барчаспҳо:
навор, филм, Доналд Трамп
Человек держит мобильный телефон в руках, архивное фото

Хадамоти муҳоҷират замимаи мобилӣ ва сомонаи нав омода кардааст

0
(Таҷдидшуда 18:29 17.01.2021)
Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон аз таҳияи замимаи нав зери унвони “Роҳнамои муҳоҷир” ва сомонаи нави ин ниҳод хабар додааст

ДУШАНБЕ, 17 янв — Sputnik. Тибқи иттилои Хадамоти муҳоҷират, замима дар ҳамкорӣ бо ташкилоти ҷамъиятии “Ҳайати Шафқат” таҳия шудааст.

Манбаъ таъкид кардааст, ки замимаи мобилӣ фарогири муҳимтарин маълумот ва ахбор барои муҳоҷирон буда, аз се қисми таркибӣ иборат аст.

Маълумот дар гуруҳбандии “Қабл аз муҳоҷират”, “Дар давраи муҳоҷират” ва “Баъд аз муҳоҷират” ироа шудааст.

“Ҳамагӣ бо як бор ройгон боргирӣ намудани замимаи мобилӣ  муҳоҷир метавонад онро дар тамоми раванди муҳоҷират истифода барад, зеро он ивазкунандаи буклету варақаҳои таблиғотӣ, китобчаҳову шарҳи қонунҳои ба ин самт тааллуқдошта мебошад”, - омадааст дар иттилоия.

Манбаъ инчунин хабар додааст, ки сомонаи нави Хадамоти муҳоҷират дар суроғаи “infomuhojir.tj” фаъол аст ва он нисбат ба замимаи мобилӣ маводи бештарро дар бар мегирад.

0
Барчаспҳо:
муҳоҷират, Тоҷикистон