Насвай. Архивное фото

Пешниҳоди манъи истеҳсолу фурӯши нос дар Ӯзбекистон: дар Тоҷикистон чӣ карданиянд?

281
(Таҷдидшуда 14:12 14.01.2021)
Тибқи маълумоти Созмони Ҷаҳонии Тандурустӣ, сатҳи истеъмоли тамоку дар байни наврасони 13-15-сола дар Ӯзбекистон аз ҳама баландтарин - ҳудуди 6 фоиз мебошад

ДУШАНБЕ, 14 январ - Sputnik. Дар Ӯзбекистон пешниҳод шудааст, ки фурӯш ва истеҳсоли  нос манъ карда шавад.

Ин дар лоиҳаи қонуни Агентии танзими бозори алкоголу тамоку ва рушди истеҳсоли шароб "Дар бораи танзими истеҳсол ва гардиши маҳсулоти спиртӣ ва тамоку" пешбинӣ шудааст.

Тибқи иттилои Вазорати тандурустӣ, лоиҳа барои баррасӣ ба ҳукумат пешниҳод шудааст.

Дар сурати қабули ин тарҳи қонун, фурӯш ва истеҳсоли  нос дар ин кишвар манъ карда мешавад.

Вазорати тандурустии Ӯзбекистон гуфтааст, ки истифодаи васеи носи худсохт ба саломатии аҳолӣ таъсири манфӣ мерасонад, ба иқтисодиёти кишвар зарар мерасонад.

Тибқи маълумоти Созмони Ҷаҳонии Тандурустӣ, сатҳи истеъмоли тамоку дар байни наврасони 13-15 солаи ӯзбекистонӣ аз ҳама баланд - 6 фоиз мебошад.

Ин нишондиҳанда дар Қирғизистон 5,1%, дар Тоҷикистон - 1,8%, дар Қазоқистон - 0,6% ва дар Туркманистон - 0,2% -ро ташкил медиҳад.

Манбаъ гуфтааст, арзиши арзон, дастрасии васеъ ва истеҳсоли дастӣ тамокукаширо зиёд кардааст. Тибқи таҳлилҳои соли 2014 онро 12% мардон ва 0,2% занон дар Ӯзбекистон ба носкашӣ майл доштаанд, ки нишондоди болотарин миёни дигар кишварҳои Осиёи Марказӣ гуфта мешавад.

Вазорати тандурустии Ӯзбекистон ҳамзамон гуфтааст, ки нос дастӣ истеҳсол шуда дар бозорҳо, кӯчаҳо ва назди муассисаҳои таълимӣ озодона фурӯхта мешавад. Дар натиҷа, нархи як халтачаи нос нисбат ба нархи сигорҳои филтрӣ тақрибан 4-5 маротиба арзонтар аст, ки ин барои ҷавонон хеле дастрас аст.

Навруз Ҷаъфаров, як масъули Вазорати тандурустии Тоҷикистон низ қаблан гуфта буд, ки барои муайян кардани таркиби нос, чанд намуди он аз ҳар минтақаи кишвар  ба Амрико ва Русия барои ташхис ва таҳқиқ фиристода шуд, пас аз ташхис муайян гардид, ки  он маводи кимёвие,  ки дар нос аст, ҳатто дар таркиби сигор вуҷуд надорад.

Пажуҳиш маълум кардааст, ки таркиби нос 10 маротиба бештар маводи кимёвии зараровару заҳролуд дорад. Металлҳои вазнине, ки дар таркиби нос мавҷуданд,  аз ҷумла; малибден, сурб, ишқорҳо  ва ғайра,  пардаи луобии даҳонро вайрон мекунанду металлҳои вазнин ба бемориҳои саратон  ва захми меъда оварда мерасонанд.

Дар Nоҷикистон истифодаи маҳсулоти тамоку дар ҷойҳои ҷамъиятӣ манъ карда шуда, аммо дар умум  чунин пешниҳодҳо барои истеҳсолу фуруши нос то ба ҳол нашудааст.

281
Барчаспҳо:
тарҳи қонун, пешниҳод, нос, Ӯзбекистон
Военный парад в Хороге по случаю приезда президента Таджикистана

Файзов дар машварати васеъ аз омодагӣ ба даъвати ҳарбӣ гуфт ва супориш ҳам дод

162
(Таҷдидшуда 14:15 21.01.2021)
Дар Вилояти Мухтори Кӯҳистони Бадахшон бо ҳузури раиси вилоят Ёдгор Файзов машварати калон баргузор гардид

ДУШАНБЕ, 21 янв— Sputnik. Дар баробари чанд масоил, ки дар машварати васеъ бо раиси вилоят муҳокима шуд, ҳамчунин масъалаи даъвати наваскарон ба сафи Қувваҳои мусаллаҳ низ мавриди баррасӣ қарор гирифт.

Ба иттилои котиботи раиси ВМКБ, дар мавриди омодагӣ ба маъракаи баҳорӣ, муовини коммисари ҳарбӣ Давлатбеки Абру ба Файзов ҳисобот дод.

Қарори нави раиси шаҳр: нақшаи даъвати баҳорӣ барои хизмати ҳарбӣ дар соли 2020 тасдиқ шуд

Зимнан, худи раиси вилоят ба роҳбарони шаҳру навоҳӣ ва ҳамчунин коммисариятҳои ҳарбӣ супориш дод, ки маъракаи даъвати ҳарбиро бо сифати баланд анҷом диҳанд.

Раиси вилоят таъкид намудааст, ки анъанаи дар рӯзҳои аввал иҷро гардидани нақшаи даъватро ҳамоно идома диҳанд.

Маврид ба зикр аст, ки дар ВМКБ давоми се соли охир​ даъвати ҷавонписарон ба сафи Қувваҳои мусаллаҳи мамалкат дар ҳудуди вилоят давоми 1 руз иҷро мегардад.

Навгониҳо дар хизмати ҳарбӣ

Рӯзи гузашта, тарҳи қонун "Дар бораи хизмати ҳарбӣ ва ӯҳдадориҳои ҳарбӣ" аз ҷониби Парлумони Тоҷикистон қабул гардид.

Акнун ҷавононе, ки дар синни хизмат қарор доранд, вале аз хизмат канор мемонанд, метавонанд бо пардохт намудани маблағ ва машқи якмоҳа дар ҳайати неруҳои захиравӣ, соҳиби билети ҳарбӣ шаванд.

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

Гузашта аз ин, ҷавононе, ки донишгоҳҳоро новобаста аз кафедраи ҳарбӣ доштанашон хатм мекунанд, танҳо пас аз як соли хизмати аскарӣ, соҳиби рутба мешаванд.

Ин дар ҳолест, ки қаблан донишҷӯёне, ки донишгоҳҳои дорои кафедраҳои ҳарбӣ доштаро хатм мекарданд, рутбаи афсари эҳтиётиро мегарифтанд ва аз хизмат озод буданд.

162
Барчаспҳо:
даъвати ҳарбӣ, супориш, ВМКБ

Вазъ дар Маскав беҳтар мешавад: Собянин як қатор маҳдудиятҳоро лағв кард

189
(Таҷдидшуда 12:30 21.01.2021)
Раиси шаҳри Маскав Сергей Собянин мегӯяд, вазъи коронавирус дар Маскав рӯ ба беҳбудӣ ниҳодааст ва аз ин рӯ як қатор маҳдудиятҳои ҷориро бекор мешаванд

ДУШАНБЕ, 21 янв— Sputnik. Сар аз 22 январ дар шаҳри Маскав аксар маҳдудиятҳое, ки дар робита ба паҳншавии маризии коронавирус ҷорӣ гардида буданд, бекор мешаванд. Дар ин бора раиси шаҳри Маскав Сергей Собянин хабар додааст.

Бо қарори Собянин, сар аз фардо кори муассисаҳои таълимӣ, маконҳои фароғатӣ ва муассисаҳои фарҳангӣ аз сар гирифта мешавад.

Ӯ мегӯяд, вазъи коронавирус дар пойтахти Русия хушбинкунанда аст, "аз ин рӯ метавонем маҳдудиятҳои мавҷударо ба таври назаррас коҳиш диҳем".

Ҳамин тариқ, аз 22 январ кори осорхонаву китобхонаҳо ва дигар муассисаҳои фарҳангӣ ҷоннок мешавад ва ба баргузории чорабиниҳои фароғатӣ низ иҷозат дода мешавад.

Собянин: сокинони Маскав бояд аз нав ба ҳаёти муқаррарӣ одат кунанд

Аммо шаҳрдор таъкид намудааст, ки шумораи тамошобинон набояд аз 50 дарсад зиёдтар бошад.

Зимнан, коллеҷҳо, муассисаҳои таҳсилоти иловагӣ, мактабҳои варзишӣ ва муассисаҳои истироҳати кӯдакон низ ба кори муқаррарӣ бармегарданд, вале донишҷӯёни донишгоҳҳои Маскав ҳамоно то 6 феврал ба таҳсили фосилавии худ идома медиҳанд.

Собянин изҳори умед намуд, ки дар ояндаи наздик вазъият боз ҳам беҳтар мешавад ва маҳдудиятҳо марҳила ба марҳила бекор мегарданд.

189
Барчаспҳо:
лағв, маҳдудият, Сергей Собянин, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Школьный класс новой средней школы № 102 в Шохмансурском районе

Ҷопон барои сохтмони ду мактаб дар Тоҷикистон пул ҷудо кард

0
(Таҷдидшуда 17:23 21.01.2021)
Сафири Ҷопон дар Душанбе эълом кард, бо кумаки молии давлати Токио ду мактаб бо ҳазинаи ду миллион сомонӣ дар Тоҷикистон сохта мешавад

ДУШАНБЕ, 21 янв— Sputnik. Tакаюки Миясита дар маросими имзои ин созишнома гуфтааст, ки то кунун бо кумаки ройгони Ҳукумати Ҷопон дар Тоҷикистон 50 мактаб сохта шуда, ин барнома идома хоҳад дошт, иттилоъ додааст сафорати Ҷопон дар Душанбе.

“Ду мактаби ҷадид дар ноҳияҳои Турсунзода ва Файзобод ҳар як бо ҳазинаи 1 миллион сомонии ройгони ҳукумати Ҷопон сохта ва таҷҳиз хоҳад шуд. Мо талош мекунем, ки ин ду мактаб бо таҷҳизоти пешрафтаи омӯзишӣ таъмин шаванд то донишомӯзони тоҷик битавонанд дар шароити матлуб улуми рӯзро фарогиранд”, - гуфт Tакаюки Миясита.

Ҳамзамон сафири Ҷопон таъкид доштааст, ки кишвараш дар чорчӯби ин барнома бо Вазорати маориф ва илми Тоҷикистон ҳамкории наздик дорад.

Гуфта мешавад аз соли 1996 ҳукумати Ҷопон барои иҷроӣ 421 тарҳи иҷтимоӣ ва омӯзишӣ дар Тоҷикистон 34 доллар кумаки ройгон ихтисос додааст.

0
Барчаспҳо:
пул, сохтмон, мактаб, Ҷопон, Тоҷикистон