Похороны в Таджикистане, архивное фото

Вазорат гуфт 41 693 шаҳрванди Тоҷикистон соли гузашта фавтиданд: аз кадом маризиҳо?

414
(Таҷдидшуда 13:53 02.02.2021)
Соли 2020 барои Тоҷикистон соли фалокатбор будааст, зеро дар ин сол фавти 41ҳазору 693 нафар ба қайд гирифта шудааст, ки нисбати соли гузашта беш аз 8 ҳазор ҳолат зиёдтар аст

ДУШАНБЕ, 1 фев - Sputnik. Саодатбибӣ Сироҷзода, сардори Раёсати сабти асноди ҳолати шаҳрвандии Вазорати адлияи Тоҷикистон зимни нишасти матбуотӣ омори фавти шаҳрвандонро дар як соли гузашта эълон кард.

Ба иттилои Сироҷзода, соли гузашта дасти кам 41 ҳазору 693 нафар аз оризаҳои ҳархела ҷон аз даст доданд.

Коршинос дар бораи тестҳо ва маргу мир аз илтиҳоби шуш дар Тоҷикистон

Аз ҳама беш, ба таъкиди сардори сабти асноди ҳолатҳои шаҳрвандӣ, фавт аз бемории қалб ба қайд гирифта шудааст.

Дар ҳамин ҳол, муайян гардидааст, ки маргу мир дар Тоҷикистон нисбат ба соли 2019, 8 ҳазору 643 ҳолат афзоиш ёфтааст.

Ба эҳтимоли зиёд, ба ҷараёни фавти шаҳрвандон дар соли 2020 пандемияи коронавирус низ таъсиргузор бошад.

Танҳо ба маълумотҳои расмӣ, аз 30 апрел то моҳи декабри соли гузашта, 90 нафар қурбони бемории коронаиврус гардиданд.

Сесад ҳазор бемор: омори охири маргу мир аз коронавирус дар ҷаҳон

Намояндаи Вазорати адлия дар идомаи нишасти матбуотӣ хабар дод, ки дар Муассисаҳои иҷрои ҷазои ҷиноӣ 11 маҳбус аз маризии илтиҳоби шуш ба ҳалокат расиданд.

414
Барчаспҳо:
Вазорати адлияи ҶТ, марг, омор, Тоҷикистон
День 2 марта

Тоҷикистон ба узвияти СММ пайваст: имрӯзи таърих

60
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

60
Барчаспҳо:
ҷашн, ҷаҳон, Тоҷикистон
Қодири Қосим, ноиби раиси Маҷлиси намояндагони Тоҷикистон, акс аз бойгонӣ

Оила ё шаҳрванди бе телефонро мешиносед? Ноиби раиси парлумон туҳфа медиҳад

2191
(Таҷдидшуда 19:41 01.03.2021)
Қодири Қосим, ноиби раиси парлумони Тоҷикистон аз рушди иқтисодию иҷтимоии ҷумҳурӣ тавсиф карда, изҳор дошт, ба касе, ки оила ё шаҳрванди бе телефонро дар кишвар нишон диҳад, мукофот хоҳад дод

ДУШАНБЕ, 1 мар — Sputnik. Қодири Қосим, ноиби раиси Маҷлиси намояндагони Тоҷикистон, рушди иқтисодиву иҷтимоии ҷумҳуриро муъҷизавор хонда, афзудааст, ки ин омил дар шабакаҳои иҷтимоӣ аз ҳама беш боиси хашму ғазаби мухолифин мегардад.

Ӯ зимни исботи рушди Тоҷикистон изҳор дошт, ки то соли 1991 ҳар 14-умин оила соҳиби мошин буд.

“Ҳоло ба ҳар панҷумин шаҳрванд як мошин рост меояд. Касе оила ё шаҳрванди бе телефони мобилиро нишон диҳад, мукофот хоҳам дод”, - таъкид кард вакил.

Ӯ бо нашри як матлаб дар “Ховар” илова намудааст, ки барои ташхиси томографӣ одамон фақат ба Маскав ва Тошканд мерафтанд. Ҳоло фақат дар шаҳри Душанбе 123 ташхисгоҳи муҷаҳҳази дар Осиёи Марказӣ беҳтарин кор мекунад, афзуд ӯ.

“Соли 1988 як мурдаро тавассути роҳи вилоятҳои Суғд, Ош ва шаҳри Хоруғ ба ноҳияи Ванҷ дар ду ҳафта расониданд. Ҳоло дар 5 соат аз Душанбе ба ноҳияҳои ВМКБ озод ба манзил мерасем”, - мисоли дигар овардааст Қодири Қосим.

Ожонсии зидди фасод тафсилоти ҷурми "Илҳом Командир" ва шарикашро ифшо кард

Ӯ изҳор дошт, ки рӯзе шаҳри Душанберо давр зада, ҳисоб кард, ки то соли 1990 дар Душанбе 34 бинои баландошёна ва 1 меҳмонхонаи ситорадор мавҷуд буд. Танҳо солҳои охир садҳо бинои баландошёна ва 12 меҳмонхонаи 5 - ситорадор бунёд гардидааст, таъкид намуд ноиби раиси парлумон.

2191
Барчаспҳо:
мухолифин, шаҳрвандон, мулоқот, Тоҷикистон
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

0
(Таҷдидшуда 00:23 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.8100 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

0