Чайхана Рохат, архивное фото

Борон меборад: пешгӯии ҳавошиносон барои имрӯз

192
(Таҷдидшуда 14:04 08.02.2021)
Ожонси обуҳавошиносӣ мегӯяд, имрӯз дар баъзе ноҳияҳо боришоти борон ва барф дар назар аст. Аз ҷумла дар шарқи ВМКБ барф меборад

ДУШАНБЕ, 8 фев — Sputnik. Ҳавои Тоҷикистон имрӯз абрнок ва боронӣ мешавад. Дар аксар ноҳияҳо бошад барф меборад, хабар медиҳад агентии "Ховар" бо такя ба маълумоти Ожонси обуҳавошиносӣ.

Ба иттилои манбаъ, дар Вилояти Мухтори Кӯҳистони Бадахшон ҳаво абрнок шуда, дар ноҳияҳои алоҳидаи ғарбии вилоят бориши борон ва барф ба амал меояд. Дар шарқи вилоят боридани барф др назар аст. Ҳаво дар ғарби вилоят шабона 1-6 дараҷа хунук ва  рӯзона 2+7 дараҷа гарм мешавад. Дар шарқи вилоят ҳаво  шабона 14-19 ва рӯзона  4-9 дараҷа  хунук мешавад.

Ҳаво дар вилояти Суғд  қисман абрнок шуда, дар баъзе ноҳияҳои водибуда борон меборад, дар ноҳияҳои алоҳидаи кӯҳӣ бориши борон ва барф дар назар аст.  Ҳаво дар водиҳо шабона 2+7 дараҷа гарм ва рӯзона 9+14 дараҷа гарм мешавад. Дар ноҳияҳои кӯҳӣ ҳаво шабона 2-7 дараҷа хунук  ва рӯзона 2+7 дараҷа гарм  мешавад.

Дар вилояти Хатлон  ҳаво қисман абрнок шуда, дар водиҳо асосан бебориш ва дар ноҳияҳои доманакӯҳӣ борон меборад. Ҳаво дар водиҳо шабона 4+9 дараҷа гарм ва рӯзона 14+19 дараҷа гарм мешавад. Дар ноҳияҳои доманакӯҳӣ ҳаво шабона 2+7 дараҷа гарм ва рӯзона 10+15 дараҷа гарм мешавад.

Борону барфи тар: пешгӯии дақиқи ҳавошиносон барои имрӯз

Дар шаҳру ноҳияҳои тобеи марказ ҳаво қисман абрнок шуда, дар водиҳо борон меборад, дар ноҳияҳои алоҳидаи кӯҳӣ бориши борон ва барф ба амал меояд. Ҳаво  дар водиҳо  шабона 3+8 дараҷа гарм ва рӯзона 12+17 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм  ва рӯзона аз 2+7  дараҷа гарм мешавад.

Дар  шаҳри Душанбе ҳаво абрнок шуда, рӯзона баъзан ҳолатҳо борон меборад. Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво шабона  5+7 ва рӯзона 14+16дараҷа гарм мешавад.

192
Барчаспҳо:
Ожонси обуҳавошиносӣ, Тоҷикистон
Пункт пропуска на границе, архивное фото

Мулоқоти маҷозии Нозирӣ бо Арзиев: марзи Тоҷикистону Ӯзбекистон боз мешавад?

539
(Таҷдидшуда 20:29 26.02.2021)
Муовинони якуми вазирони корҳои хориҷии Тоҷикистон ва Ӯзбекистон зимни як конфронси видеоӣ ҳамкориҳои ду кишварро баррасӣ карданд

ДУШАНБЕ, 26 фев - Sputnik. Намояндагони вазоратҳои корҳои хориҷии Тоҷикистон ва Ӯзбекистон музокироти маҷозӣ гузаронданд, хабар медиҳад котиботи Вазорати умури хориҷаи Тоҷикистон.

Ба иттилои манбаъ, муовини якуми вазири корҳои хориҷии Тоҷикистон Хусрав Нозирӣ бо ҳамтои худ, муовини аввали вазири корҳои хориҷии Ӯзбекистон Фарҳод Арзиев мулоқот кард.

Дар ҷараёни мулоқот ҷонибҳо масъалаҳои ҳамкориҳои Тоҷикистону Ӯзбекистонро дар соҳаҳои сиёсӣ, тиҷоративу иқтисодӣ ва фарҳангию гуманитарӣ баррасӣ карданд.

Намояндагони шӯъбаҳои дипломатӣ инчунин оид ба ҳамкориҳои ду кишвар дар доираи созмонҳои байналмилалӣ ва минтақавӣ мубодилаи афкор карданд.

Қобили зикр аст, ки донишҷӯён аз 17 феврал иҷозаи убур аз марзи байни Ӯзбекистон ва Тоҷикистонро дарёфт карданд.

Қаблан донишҷӯёни ӯзбекистонӣ танҳо ба воситаи нуқтаҳои наздисарҳадии "Сариосиё", "Ойбек" ва "Сарбанд" вориди Тоҷикистон мешуданд. Мушаххас карда нашудааст, ки оё донишҷӯёни тоҷик аз ин гузаргоҳ ба Ӯзбекистон гузашта метавонанд ё не.

Чаро садҳо ронандаи худравҳои боркаш дар марзи Тоҷикистону Ӯзбекистон дар мондаанд?

Ёдовар мешавем, ки қабл аз ин гузаргоҳи "Ҷартепа" барои интиқоли колоҳо боз шуда буд. Аз моҳи январ мошинҳои боркаш метавонистанд аз он убур кунанд, аммо барои афрод убур ғайриимкон буд.

Бисёре аз гузаргоҳҳо дар замони пандемия баста шуда буданд. Бо мурури муътадил шудани вазъи эпидемиологӣ рафтуомади одамон миёни кишварҳо дубора барқарор шуда истодааст.

539
Барчаспҳо:
марз, Ӯзбекистон, Тоҷикистон
Ключи от квартиры, архивное фото

Соҳибкорони Регар ба ҳаммаҳали маъюбашон хона тақдим карданд

94
(Таҷдидшуда 20:28 26.02.2021)
Искандар Ҳасанов, ки маъюби гурӯҳи 2 - юм мебошад ба соҳибкорон сахӣ изҳори миннатдорӣ намудааст

ДУШАНБЕ, 26 фев — Sputnik. Соҳибкорони деҳоти Регар ба сокини шаҳри Турсунзода манзили сеҳуҷрагӣ тақдим намуданд, хабар медиҳад Мақомоти ҳокимияти иҷроияи шаҳри Турсунзода.

Ба иттилои манбаъ, соҳиби манзили нав искандар Ҳасанов мебошад, ки маъюби гурӯҳи 2 - юм мебошад.

Манбаъ меафзояд, иқдоми мазкур дар доираи дастуру супоришҳои кишардори Тоҷикистон, Эмомалӣ Раҳмон роҳандозӣ шудааст.

Гуфта мешавад, Ҳасанов бо ҷамъи хонаводаи худ ба раисҷумҳур ва соҳибкорони сахӣ изҳори миннатдорӣ намудааст.

Чанде пеш, соҳибкор ва роҳбари "Сарманзил" Маҳмудҷон Муродов ба як модари тоҷик, ки соҳиби 5 фарзанд аст, дар шаҳри Душанбе хона тақдим намуд.

Муродов ба ду оилаи дигари маъюб дар Душанбе хона дод-аксҳо

Хонаи тӯҳфакардаи Муродов ба модари серфарзанд бо тамоми шароити замонавӣ, аз ашёи рӯзгор,  хониш, таҷҳизот ва маводи мавриди ниёзи аввал таъмин карда шудааст.

94
Заместитель премьер-министра Таджикистана Азим Иброхим, архивное фото

Вазир дар бораи ифтитоҳи марзи Тоҷикистону Ӯзбекистон дар Наврӯз - мешавад ё не?

637
(Таҷдидшуда 21:01 26.02.2021)
Намояндагони мақомот тавзеҳ доданд, ки кай сокинони Тоҷикистону Ӯзбекистон метавонанд бе мамоният марзи ду кишварро убур кунанд

ДУШАНБЕ, 26 фев — Sputnik. Намояндагони вазоратҳои умури хориҷии Тоҷикистон ва Ӯзбекистон гуфтушунид баргузор карданд, ки дар рафти он масоили ҳамкориҳои ду кишвар баррасӣ шуд.

Дар расонаҳои маҳаллӣ пас аз ин мулоқот маълумот пайдо шуд, ки намояндаи вазорати корҳои хориҷии  Тоҷикистон Хусрав Нозирӣ ва муовини аввали вазири умури хориҷии Ӯзбекистон Фарҳод Арзиев масоили ифтитоҳи марзро баррасӣ карданд.

Аз ҷумла хабар дода мешавад, ки сарҳадҳои байни Тоҷикистон ва Ӯзбекистон эҳтимол дорад дар Наврӯз ифтитоҳ шавад.

Хабарнигори  Sputnik Тоҷикистон барои равшанӣ андохтан ба ин масъала, ба вазири нақлиёти кишвар Азим Иброҳим муроҷиат кард.

"Мо бо Ӯзбекистон муносибатҳои хубу наздик дорем. Дар соҳаи нақлиёт хело муносибати зич дорем ва феълан масоили мубрамро баррасӣ мекунем, аммо дар бораи ифтитоҳи гузаргоҳҳо гуфтушуниде анҷом надодаем", - изҳор дошт Азим Иброҳим.

Гузаргоҳи "Ҷартеппа" дар марзи Тоҷикистону Ӯзбекистон барои донишҷӯён боз шуд

Вазири нақлиёти Тоҷикистон афзуд, ки марзи байни Тоҷикистон ҳамон вақт ифтитоҳ мешавад, ки "пандемия ба анҷом расад, яъне вазъи мусоиди эпидемиологӣ ба вуҷуд ояд".

637
Барчаспҳо:
марз, Ӯзбекистон, Тоҷикистон