Идиев гуфт, "Тоҷикматлубот" дар арафаи ид ба мардум чӣ армуғон меорад
(Таҷдидшуда 16:15 09.02.2021)
Ҳусайн Идиев фаъолияти як солаи Раёсати Иттифоқи "Тоҷикматлубот" - ро ҷамъбаст намуда, аз нақшаҳои ниҳодаш барои соли ҷорӣ маълум додДУШАНБЕ, 9 фев — Sputnik. Роҳбари Иттифоқи "Тоҷикматлубот" Ҳусайн Идиев имрӯз дар ҳузури хабарнигорон аз нақшаҳои ниҳоди худ барои омодагӣ ба 30 - юмин солгарди Истиқлолияти давлатии Тоҷикистон хабар дод.
дафтари матбуоти раисиҷумҳури Тоҷикистон
Идиев гуфт, нахустин коре, ки анҷом медиҳанд, ин зиёд намудани ҳаҷми даромад буда, инчунин кӯшиши мекунанд, ки ба аҳолии Тоҷикистон босифат хазматрасонӣ намоянд.
Ба таъкиди Идиев, онҳо нақша доранд, то таъмиру азнавсозии бозори идораи маҳсулоттайёркунии ноҳияи Ховалингро то ҷашни мазкур ба анҷом расонанд.
Гузашта аз ин, то ин сана бояд дар ноҳияи Мастчоҳ бозор созанд ва ҳамчунин корҳои сохтмонӣ дар бозори замонавии ноҳияи Носири Хусравро анҷом диҳанд.
Ба итмом расондани сохтмони бозори ҷамъияти матлуботи ноҳияи Мӯъминобод ва сохтмони "Марказҳи савдо" - и дуошёна дар ноҳияи Восеъ, аз ҳадафҳои дигари Раёсати "Тоҷикматлубот" гуфта мешавад.
Орд 220 ва гӯшт 55 сомонӣ: дар бозори Душанбе ярмаркаи маҳсулоти арзон ташкил шуд
Ҳасайн Идиев тавзеҳ дод, ки барои амалӣ намудани ҳамаи ин корҳо тақрибан 11 миллион сомонӣ равона гардидаст.
Барчаспҳо:
Ҷашнҳои рӯзи 25 феврал дар Тоҷикистон ва ҷаҳон
(Таҷдидшуда 18:49 24.02.2021)
Рӯзи бисту панҷуми феврал дар Ҷумҳурии Доминикан Рӯзи Қувваҳои мусаллаҳ ва дар Кувайт аз Рӯзи миллӣ ҷашн гирифта мешавадРӯзи 25 феврал дар ҷаҳон чӣ рух дод
Соли 1990 дар ИМА дар тамоми хатсайрҳои дохилӣ кашидани тамоку манъ карда шуд.
Соли 1994 миёни Ҷумҳурии Қазоқистон ва Шоҳигарии Камбоҷа муносиботи дипломатӣ барқарор карда шуданд.
Рӯзи 25 феврал дар Тоҷикистон чӣ рух дод
Соли 2010 Ҷоизаи ба номи Абуабдуллоҳи Рӯдакӣ ба шарқшиноси барҷаста, Корманди хизматнишондодаи илми Тоҷикистон, профессори Донишгоҳи Ленинград Николаев Александр Болдирович, ки ҳаёти худро ба омӯзиши адабиёти тоҷикӣ-форсӣ ва тарбияи шарқшиносони тоҷик бахшидааст, дода шуд.
Соли 2011 дар қароргоҳи ЮНЕСКО дар Париж ба муносибати 50-солагии Иттифоқи байналмилалии илмҳои геологӣ семинари байналмилалии геологӣ баргузор гардид, ки дар он сардори вақти Саридораи геологияи назди Ҳукумати Ҷумҳурии Тоҷикистон Азим Иброҳим иштирок намуд.
Соли 2013 дар Боку ҷаласаи XVI Шӯрои роҳбарони агентиҳои давлатии иттилоотии ИДМ баргузор гардид. Ба ҳайати Шӯрои мазкур агентиҳои иттилоотии Арманистон, Беларус, Қазоқистон, Қирғизистон, Молдова, Озарбойҷон, Русия ва Тоҷикистон шомил мебошанд.
Ҷашнҳои рӯзи 25 феврал дар Тоҷикистон ва ҷаҳон
Соли 2013 раиси шаҳри Душанбе ба шаҳрванди 8- миллионумини Тоҷикистон- Сумая хонаи дуҳуҷрагӣ туҳфа намуд.
Соли 2015 дар Душанбе масоили ҳамкории иқтисодии Тоҷикистон ва Ҳиндустон баррасӣ шуданд.
Соли 2015 масъалаҳои ҳамкории мутақобилан судманди Тоҷикистон ва Қазоқистон муҳокима гардиданд.
Соли 2015 вакилони Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон "Дар бораи рӯзҳои ид" тағйиру иловаҳо ворид намуданд, ки тибқи он ҳамасола 14 октябр дар Тоҷикистон Рӯзи соҳибкорон таҷлил карда мешавад.
Ҷашнҳои рӯзи 25 феврал
- Дар Ҷумҳурии Доминикан – Рӯзи қувваҳои мусаллаҳ.
- Дар Кувайт – Рӯзи миллӣ.
Барчаспҳо:
Қарори Ҳукумат: "лимит"-и нав дар теъдоди тими Рустами Эмомалӣ
(Таҷдидшуда 15:50 23.02.2021)
Эмомалӣ Раҳмон, раисиҷумҳури Тоҷикистон бо имзои қарори Ҳукумат лимити шумораи хизматчиёни давлатӣ дар ҳукумати Душанберо 213 нафар муқаррар намудДУШАНБЕ, 23 фев — Sputnik. Бар асоси қарори ҷадиди Ҳукумат, теъдоди кормандони дастгоҳи раиси шаҳри Душанбе зиёдтар шуда, 89 нафар муқаррар гардид. Қаблан чунин тағйирот дар дастгоҳи раисони шаҳру навоҳии дигар низ сурат гирифта буд.
Бештар шудани шумораи ниҳоии кормандон дар шаҳрдории Душанбе дар ҳолест, ки соли гузашта на ҳамаи бастҳои корӣ банд буданд.
Рустами Эмомалӣ, раиси Душанбе, зимни гузориш ба вакилон дар бораи фаъолияти як соли охир иттилоъ дод, ки дар маҷмӯъ дар мақомоти шаҳрдорӣ тайи давраи ҳисоботӣ 195 нафар хизматчиёни давлатӣ фаъолият доштанд.
“Аз шумораи умумии хизматчиёни давлатии дар мақомот фаъолияткунанда 52 нафарро занҳо - 26,7фоиз ва 143 нафарро мардон - 73,3фоиз ташкил медиҳанд”, - изҳор дошта буд Рустами Эмомалӣ.
Нимаи моҳи равон шаҳрдории Душанбе барои ҷалби кормандони нав озмун эълон кард, ки маош аз 800 то 1300 сомониро ташкил медиҳад. Дар маҷмуъ 15 ҷойи кори холӣ пешниҳоди довталабон гардидааст, ки бахшҳои гуногуни фаъолияти шаҳрдорӣ, аз сармоягузорӣ то ҳуқуқу кор бо ҷомеаро фаро мегиранд.
Барчаспҳо:
Сабти боз як заминларзаи дигар дар Тоҷикистон
ДУШАНБЕ, 25 феврал - Sputnik. Дар Тоҷикистон субҳи барвақт заминларза рух дод, хабар медиҳад Маркази ҷумҳуриявии мониторинги пешгӯии сейсмикии Вазорати ҳолатҳои фавқулодаи Ӯзбекистон.
Ларзиш соати 07: 11-и вақти Душанбе ба қайд гирифта шудаанд.
Қувваи заминҷунбӣ 4,1 баллро ташкил дод, он дар умқи 151 километр рӯй додааст.
Кумитаи ҳолатҳои фавқулодда ва мудофиаи граждании Тоҷикистон дар бораи заминларзаи навбатӣ ҳоло шарҳ надодааст.
Ҳамзамон дар бораи хисорот ва ё талафот хабаре нест.
Инчунин маълум аст, ки қувваи заминларза дар қаламрави Ӯзбекистон эҳсос нашудааст, масофа аз маркази зилзила то Тошканд дар самти ҷанубу шарқ 497 километрро ташкил додааст.
35 километр дуртар аз Мурғоб: тафсилоти заминларзаи шоми дирӯз дар Тоҷикистон
Ёдовар мешавем, ки ин аввалин заминларзае нест, ки дар давоми ин моҳ аз ҷониби пойгоҳҳои сейсмикӣ ба қайд гирифта шудааст. Дар маҷмӯъ, дар моҳи феврал тақрибан 10 чунин ларзиш рух дод.