Ребенок плачет

Дар Тоҷикистон давоми як сол 9 кӯдак таҷовуз шуд

554
(Таҷдидшуда 12:22 17.02.2021)
Ҳилолбӣ Қурбонзода мегӯяд, ҳар бор пас аз шунидани ингуна хабарҳои мудҳиш ҳайрон мешавад, ки мард чигуна метавонад ба номуси як кӯдаки заиф дастдарозӣ кунад

ДУШАНБЕ, 17 фев – Sputnik. Раиси Кумитаи занон Ҳилолбӣ Қурбонзода имрӯз зимни нишасти хабарии ниҳоди зертобеяш гуфт, дар як соли гузашта дасти кам 9 ноболиғ дар Тоҷикистон мавриди таҷовуз қарор гирифтанд.

Ӯ гуфт, ҳар бор ҳайрон мешавад, ки мард чӣ гуна метавонад дар нисбат ба як кӯдак, ки тамоман заиф аст ва қобилияти худро муҳофизат кардан надорад, ингуна корҳои ваҳшиёнаро раво мебинад.

Зимнан, ӯ гуфт, ки ниҳоди зертобеяш нисбат ба ҳар як ҳодисаи таҷовузи кӯдак дар кишвар вокуниш нишон медиҳад ва фавран гурӯҳҳои кориро таъсис дода, ба макони ҳодиса сафарбар мекунад.

Раиси кумита аз он изҳори нигаронӣ кард, ки барои пешгирӣ намудани ингуна ҳолатҳо ҳарчанд ниҳоди онҳо пайваста чорабиниҳои маърифатию фаҳмондадиҳӣ дар ҳар як вилоят, шаҳру ноҳия доир мекунанд, вале бо вуҷуди ин ҳолатҳои нангин ҳамоно рух медиҳанд.

Қурбонзода илова намуд, ки ҳолатҳои таҷовузи ноболиғон давоми як соли гузашта, аз ҷумла дар шаҳри Турсунзода, навоҳии Кӯшониёну Шуғнон, шаҳри Норак, ноҳияи Рӯдакӣ, ноҳияи Данғара, шаҳрҳои Душанбе ва Ҳисор ва ҳамчунин ноҳияи Нуробод рух додааст.

Даҳшат: таҷовузи писарбача дар Ҳисор

Ба таъкиди раиси кумита, пас аз рух додани ин ҳолатҳо, гурӯҳи корӣ ба макони ҳодиса сафарбар ва бо ҷабрдидагон суҳбатҳо доир мекунад.

Ёдовар мешавем, ки таҷовузи духтари 12 - сола дар Ҳисор ва сипас ҳомиладор шудани ӯ дар ҷомеа сару садоҳои зиёде ба бор овард.

Ҳарчанд дастандаркори ин ҳодисаи даҳшатбор боздошт шуда буд, вале дар асоси афв ӯ ба озодӣ баромад.

Зимнан, чанд рӯз пеш низ дар ин минтақа ба номуси як писарбачаи ноболиғ дастдарозӣ шуд. Ба маълумоти дарёфтӣ, муттаҳами ин ҳодиса ҳоло дар боздошт аст ва нисбати ӯ парвандаи ҷиноятӣ оғоз гардидааст.

554
Барчаспҳо:
Кумитаи занон, ноболиғ, таҷовуз, Тоҷикистон
Глава Союза журналистов Таджикистана Зинатулло Исмоилзода

Эмомали Раҳмон ба Исмоилзода Зинатуллоҳ вазифаи нав дод

1499
(Таҷдидшуда 18:31 05.03.2021)
Исмоилзода Зинаттулоҳ Бурҳон, ки дар вазифаи мудири муассисаи давлатии "Академияи васоити ахбори оммаи Тоҷикистон" ифои вазифа мекард, бо қарори Эмомалӣ Раҳмон аз вазифа барканор шуд

ДУШАНБЕ, 5 мар— Sputnik. Раисиҷумҳури Тоҷикистон дар идомаи ҷобаҷогузории кадрҳо дар сохтору идораҳои давлатӣ, ҳамчунин мудири "Академияи ВАО- и Тоҷикистон" - ро низ барканор кард.

Ба иттилои котиботи раисҷумҳури Тоҷикстон, бо қарори роҳбари давлат Исмоилзода Зинатуллоҳ Бурҳон аз вазифаи ишғолнамудаи худ канор монд.

"Исмоилзода Зинатуллоҳ Бурҳон бинобар сабаби ба кори дигар гузаштан аз вазифаи директори муассисаи давлатии "Академияи воситаҳои ахбори оммаи Тоҷикистон" озод карда шуд, - таъйид мешавад дар матни қарори Эмомалӣ Раҳмон.

Зимнан, бо қарори кишвардори Тоҷикистон, Исмоилзода Зинатуллоҳ мудири муассисаи давлатии телевизиони "Илм ва табиат" таъйин гардид.

Курсии Исмоилзодаро дар Академияи ВАО Тоҷикистон, Саъдӣ Маҳдӣ аз худ кард.

Чун бо қарори дигари Эмомалӣ Раҳмон, Исматзода Саъдӣ Маҳдӣ директори муассисаи давлатии "Академияи воситаҳои ахбори оммаи Тоҷикистон" таъин карда шуд.

Раҳмон дар Вазорати энергетика ва "Барқи тоҷик" тағйироти кадрӣ гузаронд: кӣ рафту кӣ монд

Ёдовар мешавем, ки қаблан роҳбари давлат бо имзои чанд қарор дар Вазорати энергетика ва Ширкати "Барқи тоҷик" низ тағйироти кадрӣ анҷом дод.

1499
Барчаспҳо:
таъйиноти кадрӣ, Эмомалӣ Раҳмон
Мавзуҳо:
Тағйироти кадрӣ дар Тоҷикистон

Раҳмон дар Вазорати энергетика ва "Барқи тоҷик" тағйироти кадрӣ гузаронд: кӣ рафту кӣ монд

2543
(Таҷдидшуда 19:12 05.03.2021)
Кишвардори Тоҷикистон Эмомалӣ Раҳмон бо имзои чанд қарор дар Вазорати энергетика ва Ширкати холдингии "Барқи тоҷик" тағйироти кадрӣ гузаронд

ДУШАНБЕ, 5 мар— Sputnik. Дар Вазорати энергетика ва захираҳои обӣ тағйироти кадрӣ сурат гирифт.

Ба иттилои котиботи Президенти Тоҷикистон, рӯзи 5 март Эмомалӣ Раҳмон бо имзои чанд қарор дар ниҳоди мазкур ҷобаҷогузории кадрҳоро анҷом дод.

Бо қарори раисҷумҳури Тоҷикистон, Қурбонзода Абдулло аз вазифаи сардори Хадамоти давлатӣ оид ба назорат дар соҳаи энергетикаи вазорати мазкур сабукдӯш шуд.

Дар қарори Раҳмон сабаби аз вазифа рафтани Қурбонзода, гузаштан ба кори дигар арзёбӣ мешавад.

Зимнан, бо қарори дигари Эмомалӣ Раҳмон, Убайдуллозода Ғолиб Хонҷон ба вазифаи сардори Хадамоти давлатӣ оида ба назорат дар соҳаи энергетика таъин шуд.

Зиёзода пас аз се моҳи барканорӣ вазифаи нав гирифт

Ғолиб Хонҷон қаблан муовини раиси Ширкати "Барқи тоҷик" буд, ки бо қарори роҳбари давлат аз ин вазифа барканор шуд.

Қарори барканори Убайдуллозода имрӯз тасвиб шуд ва фавран қарори дигар оид ба такя задан ба вазифаи сардори Хадамоти давлатӣ оид ба назорат дар соҳаи энергетика ба имзо расид.

2543
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол