Душанбе, архивное фото

Боз хунукӣ меояд: КҲФ аз боронгариҳо ва резиши барф ҳушдор медиҳад

848
(Таҷдидшуда 10:06 20.02.2021)
Моҳи феврал дар Тоҷикистон ҳаво ба мисли фасли баҳор гарм буд ва дар аксар минтақаҳо дарахтони зардолу гул кард, вале КҲФ боз аз сардшавии ҳаво ҳушдор медиҳад

ДУШАНБЕ, 19 фев — Sputnik. Аз 20 то 23 - юми феврал ҳавои Тоҷикистон ноустувор мешавад. Кумитаи ҳолатҳои фавқулода аз боронгариҳо ва ҳамчунин боришоти шадиди барф дар аксар минтақаҳои кӯҳӣ ҳушдор медиҳад.

Дар робита ба ин, Кумитаи ҳолатҳои фавқулода ҳушдор медиҳад, ки шиддатнокии шадиди боришот дар ноҳияҳои кӯҳӣ боиси шуста бурдани хок мешавад.

Ҳамчунин сатҳи об дар дарёҳо, обанборҳо афзоиш ёфта, боиси хароб кардани соҳилҳои дарёҳо ва кӯлҳо мегардад.

Манбаъ меафзояд, дар натиҷаи боришот, хатари фаромадани тарма, сел ва сангрезӣ низ мавҷуд аст. Обу ҳавои ноустувор, ҳамзамон ба чаронидани чорво дар чарогоҳҳо душвор месозад.

Илова бар ин, боришоти зиёд  боиси болоравии шадиди сатҳи об дар болооби дарёҳои кӯҳӣ ва ҷараёнҳои хурд мегардад. Боришоти зиёд метавонад боиси обхезӣ дар ҷойҳои нисбатан пасттар, заминҳои кишт, шустани қитъаҳои роҳ ва ҳамчунин ба хароб намудани пулҳо ва сарбандҳо оварда расонад.

Ба ҳамин минвол, КҲФ аз тамоми шаҳрвандон ва меҳмонон хоҳиш мекунад, ки дар чунин ҳавои номусоид аз сайругашт дар кӯҳҳо, ҷамъоварии ҳезум худдорӣ кунанд.

Кумитаи ҳолатҳои фавқулода аз аҳолӣ хоҳиш мекунад, ки тамоми ҷӯйборҳои обёрӣ, қубурҳо ва ҷӯйборҳоро, ки дар назди хонаҳояшон ҷойгиранд, тоза кунанд.

Бо мақсади пешгирии садамаҳои нақлиётӣ дар роҳҳо, хусусан ҳангоми истифодаи роҳҳо ва ағбаҳои кӯҳистон, КҲФ аз ронандагон даъват мекунад, ки ҳаракаташонро, хусусан шабона маҳдуд кунанд.

848
Барчаспҳо:
КҲФ, обу ҳаво, Тоҷикистон
Ширин Амонзода

Пайдо кардани шуғл мушкил нест: вазир мушкили асосии занон дар мардикорбозорро гуфт

606
(Таҷдидшуда 19:06 28.02.2021)
Ширин Амонзода, вазири меҳнат муҳоҷират ва шуғли аҳолии Тоҷикистон, зимни изҳори бардошташ аз суҳбат бо занон дар мардикорбозори Бохтар изҳор дошт, ки қабл аз ҳама бояд бо зеҳнияти ин нафарон кор кунем

ДУШАНБЕ, 28 фев – Sputnik. Амонзода мегӯяд, аслан, пайдо кардани шуғл мушкил нест, балки душворӣ дар роҳҳои расидан ба он ҷой дорад, ки аз ҳар инсон донишҳои зеҳниро тақозо мекунад.

“Нафаре, ки наметавонад нависад, хонад ва ё намехоҳад кореро ба таври муназзам ва тахассусӣ омӯзад, мушкилоти асосии ӯ мебошад. Бинобар ин, мо тасмим гирифтем, ки, қабл аз ҳама, бо зеҳнияти ин нафарон кор гирем ва онҳоро соҳибихтисос гардонем”, - изҳор дошт вазир зимни баёни бардошташ аз мулоқот бо занон дар мардикорбозори Бохтар.

Ӯ дар суҳбат бо нашрияи “Ҷумҳурият” зикр намудаст, ки вохӯрӣ берун аз нақшаи сафари корӣ ҳангоми бозгашт аз ноҳияи Қубодиён ба миён омад.

“Ман ҳангоми суҳбат ба онҳо шахсияти худро маълум накардам, чунки хостам ба мушкилоти онҳо аз наздик ошно шавам. Баъд аз дидору суҳбатҳо, ба хулосае омадам, ки мушкили асосии онҳо дар надоштани донишу тахассуси муайян ва илова бар ин, талош накарданашон барои соҳибтахассус шудан аст”, - изҳор дошт вазир.

Вазир мушаххасан гуфт, ки баъди ин мулоқот чӣ кор кард

Ӯ афзуд, баъди чанд рӯзи ин шиносоӣ, тавассути сохторҳои маҳаллии вазорат дар вилояти Хатлон ярмаркаи ҷойҳои кори холӣ ва вазифаҳои озод баргузор гардида, 48 нафар бо кори доимӣ таъмин ва 280 нафар ба курсҳои кӯтоҳмуддати тахассусӣ аз рӯйи талаботи бозори меҳнат ҷалб шуданд.

“Ба онҳо ихтиёран дар як ҳафта се рӯз барои кор ва се рӯз ба омӯзиши касбу ҳунар пешниҳод шуд. Ин тарзи барномарезӣ ҳам мушкилоти касбомӯзии онҳоро бартараф менамояд, ҳам даромади оилаашонро то андозае таъмин мекунад. Баъди муддати муайяни омӯзиш, онҳо соҳиби ҳуҷҷати расмӣ гашта, давра ба давра бо кор таъмин мегарданд”, - таъкид кардааст вазири меҳнат.

606
Барчаспҳо:
мардикор, кор, Тоҷикистон
Хабаргириии Раҷаббой Аҳмадзода, раиси вилояти Суғд аз ҳоли сарбозон дар Конибодом

Раиси Суғд аз ҳоли сарбозону собиқадорон ва сохтмонҳо хабар гирифт

76
Раҷаббой Аҳмадзода, раиси вилояти Суғд, зимни сафари корӣ дар шаҳри Конибодом аз ҳоли сарбозону собиқадорони меҳнат хабар гирифт

ДУШАНБЕ, 28 фев – Sputnik. Тибқи иттилои котиботи ҳукумати Суғд, Аҳмадзода нахуст аз комендатураи мустақар дар Ҷамоати деҳоти ба номи Лоҳутӣ боздид намуда, бо шароити буду боши сарбозону афсарон шинос гардид. Раҷаббой Аҳмадзода афсарону сарбозонро бо иди гузашта шодбош гуфта, барои иҷрои вазифаҳои хизматӣ барору комёбиҳо таманно кардааст.

Инчунин Раҷаббой Аҳмадзода собиқадори меҳнат Меҳриҷон Ориповаи 90-сола ва маъюби гуруҳи якум Исмон Раҳмоновро аёдат намуда, ба онҳо кӯмакҳои моддӣ расондаст.

Манбаъ афзуд, ки раиси вилоят аз ҷумла бо сохтмони Минтақаи истироҳатӣ барои кӯдакону наврасони болаёқат дар деҳаи Ҷаҳонзеб, бинои нави боғчаи бачагонаи №10 дар деҳаи Лоҳутӣ, маркази савдо ва сехи дӯзандагӣ дар деҳаи Ниёзбек, майдони Парчами давлатӣ дар деҳаи Ниёзбек шинос шудааст.

Аҳмадзода инчунин бо ҷараёни сохтмони бинои муассисаи таҳсилоти миёнаи умумии рақами 7, гулгашти ба номи Камоли Хуҷандӣ ва таҷдиду навсозии Боғи фарҳангию фароғатии шаҳр шинос шуда, ҷиҳати бо сифати баланд ба итмом расонидани корҳо ва густариши корҳои ободониву хуррамгардонӣ ба роҳбарияти шаҳр супоришҳо дод.

Раиси Суғд таъкид кардааст, ки сокинони шаҳри Конибодом аҳлона меҳнат намуда, ҷашни бузурги миллӣ – 30-солагии Истиқлоли давлатиро бо дастовардҳои арзанда истиқбол хоҳанд гирифт.

76
Барчаспҳо:
хабаргирӣ, Суғд, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон