Аз чап ба рост: Дилшод Восиев, Мубин Эргашев ва Хуршед Маҳмудов

“Варзиш-Спорт” Хуршед Маҳмудовро беҳтарин футболбози сол эълом кард

9
Се бозигари тими футболи «Истиқлол» – Дилшод Восиев, Нуриддин Давронов ва Хуршед Маҳмудов дар рӯйхати ин нашрия ҳамчун муддаиёни унвони беҳтарин бозигари сол шомил шуда буданд.

ДУШАНБЕ, 3 фев — Sputnik. Ниммуҳофизатгари «Истиқлол»-и Душанбе Хуршед Маҳмудов аз рӯи меъёри баҳогузории «Варзиш-Спорт» беҳтарин футболбози Тоҷикистон дар соли 2014 шинохта шуд, иттилоъ медиҳад сомонаи Федератсияи футболи Тоҷикистон.

Зимнан, дар тарабхонаи мавсум ба «Royal Pub» маросими эҳдои ҷоизаҳо ба беҳтарин варзишгарони соли гузаштаи Тоҷикистон баргузор гардид. Се нафар бозигарони «Истиқлол»-и пойтахт — Дилшод Восиев, Нуриддин Давронов ва Хуршед Маҳмудов дар рӯйхати хабаргузорӣ муддаиёни унвони беҳтарин бозигари сол шомил буданд, ки дар натиҷа Хуршед Маҳмудов ғолиб шуд.

Ба унвони беҳтарин мураббии сол сармураббии «Истиқлол» Мубин Эргашев, аз  «Далерон-Ӯротеппа» Маҳмадҷон Ҳабибуллоев ва аз «Хуҷанд» Нӯмонҷон Юсупов талабгор буданд. Аз рӯи натиҷаи овоздиҳии ОВИ «Варзиш-Спорт» Мубин Эргашев беҳтарин мураббии сол эътироф шуд. Зери роҳбарии ин сармураббӣ «Истиқлол»-и пойтахт дар мавсими футболи соли гузашта барандаи Суперҷому Ҷоми Тоҷикистон гардида, инчунин унвони қаҳрамониро низ ба даст даровард.

Ҳамлагари «Истиқлол» Дилшод Восиев ҷоизаи беҳтарин нишонзани сабқати қаҳрамонии соли гузаштаи футболи Тоҷикистонро соҳиб шуд.

Ҳамзамон, президенти Федератсияи футболи Тоҷикистон Рустами Эмомалӣ барои саҳми босазояш дар рушду инкишофи футболи кишвар бо ҷоизаи махсуси хабаргузории   «Варзиш-Спорт» мушарраф гардид.  

Дар номинатсияҳои дигар,  беҳтарин варзишгари наврас дар соли 2014-ум таэквондист  Ширин Набиева эътироф шуд. Гурзпарто Дилшод Назаров, ки ғолиби Бозиҳои Осиёӣ-2014 дар Инчхон гардида буд, беҳтарин варзишгари Тоҷикистон дар соли 2014 эълом шуд.

9
Барчаспҳо:
ниммуҳофизатгари Истиқлол, беҳтарин мураббии сол, беҳтарин футболбози сол, Варзиш-Спорт, ФФТ, Дилшод Назаров, Рустами Эмомалӣ, Хуршед Маҳмудов, Мубин Эргашев, Дилшод Восиев, Инчхон, Душанбе, Тоҷикистон
Футзал, архивное фото

Бошгоҳи "Истиқлол" клуби нав таъсис медиҳад: дар футзал низ нерӯ санҷиданист

54
(Таҷдидшуда 13:49 19.01.2021)
Роҳбарияти бошгоҳи футболи "Истиқлол" тасмим гирифт, ки ба футзал, ки дар Тоҷикистон рӯз то рӯз маъруфият пайдо мекунад, таваҷҷӯҳ зоҳир кунад

ДУШАНБЕ, 19 январ - Sputnik. Тими футболи "Истиқлол" -и Душанбе тасмим гирифт, ки дар заминаи даста клуби футзал таъсис диҳад.

Ба иттилои дафтари матбуотии бошгоҳи "Истиқлол", дар назар аст, дастаи навтаъсис аз мавсими нав дар чемпионати кишвар бозӣ кунад.

"Тартиби сабти номи дастаи нав тақрибан ба итмом расидааст, ҷалби футболбозон идома дорад ва ҳайати мураббиён ба зудӣ эълон хоҳад шуд",-афзудааст, манбаъ.

Гуфта мешавад, раванди тамрин ва бозиҳои хонагии даста дар маҷмааи варзишии Кумитаи андози ҷумҳурӣ баргузор мешавад.

Ду бозигари шинохтаи "Хатлон" ва "Истиқлол" ба Ӯзбекистон ва Малайзия мераванд

Ёдовар мешавем, ки "Истиқлол" -и Душанбе аввалин тими касбӣ дар Тоҷикистон аст, ки ҳам дар футболи калон ва ҳам футзал намояндагӣ хоҳад кард.

54
Барчаспҳо:
футзал, тими "Истиқлол", Тоҷикистон
Рустам Ходжаев стал новым главным тренером Панджшера

Ваъдаи пирӯзӣ дар ҳар бозӣ: тими "Хуҷанд" сармураббии навашро эълон кард

260
(Таҷдидшуда 11:58 19.01.2021)
Ба ҳайати тими Рустам Хоҷаев Фаррух Марофиев мураббии калон, Мансур Ҳакимов мураббии интихобӣ ва Алишер Тӯйчиев ҳамчун мураббии дарвозабонҳо шомил шудаанд

ДУШАНБЕ, 19 янв — Sputnik. Рӯзи 18 январ ноиби чемпиони Тоҷикистон, клуби футболи "Хуҷанд" номи сармураббии нави дастаро эълон кард. Бино ба иттилои дафтари матбуотии Федератсияи футболи Тоҷикистон ҳамакнун тими "Хуҷанд"-ро мутахассиси 48-сола Рустам Ҳоҷаев тамрин хоҳад дод, ки солҳои 2013 ва 2017 ба ҳайси мураббии беҳтарини Тоҷикистон шинохта шуда буд.

Ба ҳайати тими Рустам Хоҷаев Фаррух Марофиев мураббии калон, Мансур Ҳакимов мураббии интихобӣ ва Алишер Тӯйчиев ҳамчун мураббии дарвозабонҳо шомил шудаанд.

Рустам Хоҷаев аз соли 2017 то 2018 "Хуҷанд"-ро роҳбарӣ карда, бо клуб Ҷоми Тоҷикистон-2017-ро ба даст овард ва дар чемпионати соли 2017 медали нуқра гирифт.

Дар мавсими 2020, Хоҷаев ба ҳайати мураббиёни Никола Лазаревич дохил шуд, пас аз рафтанаш иҷрокунандаи вазифаи сармураббӣ буд ва бо омадани Ҳаким Фузайлов ёвари ӯ шуд.

"Ҳиссиёти махсус дорам, хеле шодам, ки бори дигар ба ин тими калон, ки дорои таърих ва анъанаҳои бой аст, боварӣ карданд. Мехоҳам ба роҳбарияти вилояти Суғд, муҳтарам Раҷаббой Аҳмадзод ва директори маҳфил Муроҷон Умаров барои эътимодашон ташаккур гӯям. Ман аз мавсими оянда интизориҳои хуб дорам, ба бозигаронам боварӣ дорам, мо тасмим гирифтаем, ки дар ҳар як бозӣ пирӯз шавем. Ва албатта, дар кори худ мо мунтазири дастгирии мухлисони "Хуҷанд" ҳастем".

Ҳаким Фузайлов сармураббии тими “Динамо”-и Самарқанд шуд

Ӯ гуфтааст, ҳамчун як футболбоз ба Хуҷанд омад, ин дастаро тамрин медод ва медонад, ки мардум дар ин ҷо ба таври хос тимро дӯст медоранд ва дастаи худро дастгирӣ мекунанд.

260
Барчаспҳо:
интихоби сармураббӣ, тими футболи "Хуҷанд", Тоҷикистон
Маруф Мухаммадзода

Таъйиноти кадрӣ дар ҳукумати Суғд: Маъруф Муҳаммадзода, вазифаи нав гирифт

64
(Таҷдидшуда 10:49 20.01.2021)
Маъруф Муҳаммадзода, собиқ раиси шаҳри Хуҷанд дар ҳукумати вилояти Суғд ба вазифаи нав таъйин шудааст

ДУШАНБЕ, 20 янв – Sputnik. Бино ба иттилоъи манобеи Sputnik Тоҷикистон бо қарори Раҷаббой Аҳмадзода раиси вилояти Суғд, Маъруф Муҳаммадзода мудири бахш оид ба сохтмон дар ҳукумати Суғд таъйин шудааст.

“Маросими муаррифии Муҳаммадзода ба мақоми нави вазифавӣ имрӯз дар ҳукумати вилояти Суғд доир шуд”, гуфт манбаъ.

Ба иттилоъи манбаъ, собиқ шаҳрдори Хуҷанд дар ин мақоми нави вазифавӣ дар ҳукумати Суғд, ба ҷойи Аминҷон Бобоҷонов таъйин шудааст.

Бо омадани Муҳаммадзода Бобоҷонов ба куҷо рафтааст, зимнан маълум нест. Маъруф Муҳаммадзода дар поёни соли 2017 раиси шаҳри Хуҷанд таъйин шуда то соли 2020 дар ин вазифа се сол кор кард.

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

Санаи 18 ноябри соли 2020, ӯ бо фармони раисиҷумҳур Эмомалӣ Раҳмон аз ин мақоми шаҳрдорӣ барканор гардид ва ба ҷои ӯ Фирдавс Шарифзода, иҷрокунандаи вазифаи раиси шаҳри Хуҷанд таъйин шуд.

64