Сохтмони маҷмаъаи варзишӣ. Акс аз бойгонӣ

Дар Душанбе нахустини "Кохи зимистона"-и варзиширо бунёд мекунанд

7
(Таҷдидшуда 17:25 06.02.2015)
Маҷмаъи варзишии “Пойтахт-90”, ки интизор меравад соли 2016 мавриди истифода қарор бигирад, аз варзишгоҳи теннис, шиноварӣ ва кохи ях иборат аст.

ДУШАНБЕ, 6 фев — Sputnik. Маҷмаъаи варзишии гуногунҳадаф барои баргузории мусобиқоти маҳаллӣ ва ҳамчунин барои баргузории бозиҳои Олимпӣ соли 2016 мавриди истифода қарор мегирад, омадааст дар хабари сойти Федератсияи миллии шиноварии Тоҷикистон (ФМШТ).

Маҷмаъаи гуногунҳадафи варзишии "Пойтахт-90", ки тӯли ду соли ахир дар хиёбони Карамови шаҳри Душанбе бунёд мешавад, аз кохи теннис бо 3 ҳазор ҷойи нишасти тамошочиён ва кохи намудҳои варзиши обӣ бо 2 ҳазор ҷойи нишасти тамошобинон иборат аст.

"Маҷмаъа аз кохи варзиши кушода ва нимкушода, майдончаҳои бозии теннис, ҳавзҳои бузург ва кӯчак барои баргузории мусобиқоти мухталифи варзиши обӣ ва кохи ях иборат мешавад", — омадааст дар хабар.

Ҳар яке аз кохҳои варзишӣ барои аз 150 то 3000 ҷойи нишасти тамошочиён пешбинӣ шудааст. Ҳавзҳои чуқуриаш андак ва то 3 метр бо таъсисоти ҷаҳиш ба об бо баландии аз 1,5 метр то 3, 7 ва 10 метр муҷҷаҳаз мешаванд.

Умури сохтмонӣ аз сӯйи ширкати "Ростовгипрошахт" анҷом дода таҳияи ин маҷмаъа аз сӯйи ширкати русиягии "ТехноЛогика" омода шудааст.

Тибқи иттилоъи сойти "Ростовгипрошахт" маҷмаъаи бунёдшаванда барои баргузории тамринот ва мусобиқоти бозии теннис, ҳамчунин мусобиқоти байналмиллалии бозии теннис ва ҳамзамон барои баргузории мусобиқот ва омӯзишу тамрини намудҳои дигари варзиш, назири баскетбол, волейбол, мини футбол, гандбол, тенниси рӯйи миз, гӯштинггирӣ, гимнастикаи варзишӣ пешбинӣ шудааст.

7
Барчаспҳо:
омодагии нахустин кохи варзишии зимистона, "ТехноЛогика", "Ростовгипрошахт", маҷмаъаи "Пойтахт-90", Душанбе, Тоҷикистон
Мавзуъ
“Варзиш-Спорт” Хуршед Маҳмудовро беҳтарин футболбози сол эълом кард

Гейҷӣ ҳангоми гиряи Ҳабиб дар майдон ба ӯ чӣ гуфт?

3947
(Таҷдидшуда 15:18 25.10.2020)
Ҷастин Гейҷӣ, размикори амрикоӣ нақл кард, ки ҳангоми гиряи Ҳабиб Нурмуҳаммадов дар майдон бо кадом суханҳо ӯро дилбардорӣ кард

ДУШАНБЕ, 25 окт — Sputnik.  Гейҷӣ гуфт, баъди анҷоми сабқт ҳангоми гиряи Ҳабиб Нурмуҳаммадов ӯ ба қаҳрамони UFC дар вазни сабук изҳори ҳамдардӣ кард.

Гейҷӣ ба Нурмуҳаммадов гуфтааст, ки қаблан имкони муроҷиат кардан ба ӯро надоштаст ва илова намудааст, хеле мутаассиф аст, ки Ҳабиб падарашро аз даст дод.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

“Ту дар ҳамин лаҳзаҳо падарро водор кардӣ, ки бо ту ифтихор дошта бошад”, - тавзеҳ дод Гейҷӣ суханҳои гуфтааш дар майдонро ба BT Sport.

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Лаззат бар: Ҷонс ҷои аввалро дар рейтинги UFC ба Нурмуҳаммадов дод

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

Pound-for-pound – нисбати размикоре кор бурда мешавад, ки новобаста аз вазн беҳтарини беҳтаринҳо эътироф шудааст.

3947
Барчаспҳо:
Ҳабиб Нурмуҳаммадов, сабқат, Русия

Шарҳи Кремл дар бораи пирӯзӣ ва тасмими тарки майдон кардани Ҳабиб

2943
(Таҷдидшуда 15:25 25.10.2020)
Дар Кремл сабқати Ҳабиб Нурмуҳаммадов, размикори русиягӣ ва рақиби амрикоияш Ҷастин Гейҷиро шарҳ доданд

ДУШАНБЕ, 25 окт — Sputnik. Дмитрий Песков, сухангӯи раисиҷумҳури Русия, Ҳабиб Нурмуҳаммадов, қаҳрамони UFC дар вазни сабукро бо пирӯзияш бар Ҷастин Гейҷӣ шодбош гуфт.

Ӯ ҳамчунин дар мавриди изҳороти Нурмуҳаммадов дар бораи хатми ҳунарнамоиҳояш дар майдон гуфт, ин интихоби шахсии ӯ мебошад.

“Мо аз пирӯзияш шодем, ӯро шодбош мегӯем. Боқӣ дигар интихоби худи ӯст”, - таъкид кард сухангӯи раисиҷумҳури Русия.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

2943
Барчаспҳо:
Кремл, пирӯзӣ, Ҳабиб Нурмуҳаммадов, Русия
Люди в защитных масках в Душанбе, архивное фото

Чанд иштибоҳи асосӣ ҳангоми пӯшидани ниқоби тиббӣ

0
Коршиносон чанд иштибоҳ ҳангоми пӯшидани ниқоби тиббиро номбар карданд, ки дар натиҷа пӯшидани ниқоб барабас хоҳад рафт

ДУШАНБЕ, 25 окт — Sputnik. Барои пешгирӣ аз коронавирус бояд пеш аз ҳама ниқоби тиббиро дуруст ба рӯй пӯшид, мегӯяд коршинос, номзади илмҳои тиббӣ Владимир Зайтсев.

Ба гуфтаи вай, ниқобро ҳеҷ вақт набояд ба манаҳ пӯшид. Ӯ таъкид кард, ки он бояд ҳатман даҳон ва биниро пӯшонад.

Пизишк қайд кард, ки бархе шаҳрвандон як ниқобро рӯзҳо ва ҳатто ҳафтаҳо мепӯшанд. Одамон онро на барои муҳофизат аз коронавирус, балки барои ҷарима нашудан дар нақлиёт ё мағозаҳо ба рӯй мекашанд.

Коршинос таъкид кард, ки ин амал тамоман нодуруст аст. Ба гуфтаи вай, як ниқобро бояд якчанд соат ифтифода карду халос. 

Ҷаримаи беш аз 100 сокини Хуҷанд: бе ниқоб гашта, фосилаи иҷтимоиро риоя накардаанд

Табиб ҳамчунин ёдрас шуд, ки пас аз расидани дастон ба ашёҳои гуногун чи дар ҷои кор ва чи нақлиёт қапидани рӯй мамнӯъ аст. 

Зайтсов таъкид кард, ки роҳи беҳтарини муҳофизат аз коронаиврус нигоҳ доштани фосилаи якним, думетрӣ дар ҷойҳои ҷамъиятӣ аст.

0