Бозигарони тими Истиқлол-и Душанбе. Акс аз бойгонӣ

“Истиқлол” бо “Нефтчӣ”-и Фарғона ва “Амкар”-и Перм бозӣ мекунад

6
Рақибони навбатии тими “Истиқлол”-и Душанбе дар тамриноти санҷишии Туркия маълум шуданд.

ДУШАНБЕ, 13 фев — Sputnik. Дастаи "Истиқлол"-и  Душанбе дар чорчӯби тамриноти санҷишӣ дар Туркия бо қаҳрамони панҷкаратаи футболи Ӯзбакистон- тими "Нефтчӣ"-и Фарғона рақобат мекунад, иттилоъ медиҳад сомонаи Федератсияи футболи Тоҷикистон.

Ба қавли манбаъ, интизор меравад "Истиқлол" боз як бозии дигари санҷишӣ низ дар Туркия баргузор намояд. Ҳарифи навбатии клуби Душанбе дастаи ҷавонони "Амкар"-и Перм хоҳад буд.

Сабқати "Истиқлол" бо "Нефтчӣ" соати 20:00 вақти маҳаллӣ, рӯзи 13 феврал дар варзишгоҳи "Аркадий" баргузор мешавад. Бозии санҷишии охирини "Истиқлол" рӯзи 16 феврал бо тими "Амкар" дар назар аст.

Бозии дуввуми санҷишӣ миёни "Истиқлол"-и Душанбе ва тими "Нойштрелитс"-и Олмон рӯзи 10-уми феврал мусовӣ анҷом шуд. Нахуст дар дақиқаи 35-уми бозӣ футболбозони олмонӣ дар пайи зарбаи ҷаримавии ёздаҳметра ба дарвозаи тими Душанбе тӯб заданд.Баъди таннафус дастаҳо рақобатро идома дода ва дар дақиқаи 70-ум бозигарони "Истиқлол" ҳамлаи навбатӣ карданд ва Дилшод Восиев тӯбро вориди дарвозаи тими олмонӣ кард.

6
Барчаспҳо:
футбол, рақобат, бозии санҷишӣ, бозиҳои тамринотӣ, "Амкар", "Нефтчӣ", "Истиқлол", Дилшод Восиев, Туркия
Мавзуъ
“Истиқлол” бозиро бо “Нойштрелитс”-и Олмон мусовӣ кард
Бохти “Истиқлол” дар нахустин бозии санҷишӣ дар Анталия
“Истиқлол” бо “Элверсберг” ва “Шахтёр” рақобат мекунад
Комроншох Устопирён

Коронавирус: Сомон ва Комроншоҳ ба мусобиқаи Grand Slam нарафтанд

154
(Таҷдидшуда 00:05 23.10.2020)
Сафари ҳарду низ ба ин мусобиқаи пурнуфуз лағв шудааст. Яке бо далели набудани парвоз ва дигаре бо сабаби коронавирус натавонистанд дар сабқат ширкат кунад

ДУШАНБЕ, 22 окт — Sputnik. Комроншоҳ Устопириён ва Сомон Маҳмадбеков, ду варзишкори тоҷик, ки бояд Тоҷикистонро дар озмуни Grand Slam Hungary дар Венгрия намояндагӣ мекарданд, дар сабқат иштирок намекунанд.

Ин хабарро ба АМИТ "Ховар" аз Федератсияи ҷудои Тоҷикистон тасдиқ кардаанд.

Бино бар иттилои манбаъ, Комроншоҳи Устопириён бо сабаби лағви парвозҳои ҳавоӣ ба макони баргузории мусобиқа сафар карда натавонист.

"Инчунин бинобар сабаби ошкор шудани бемории COVID-19 дар бадани мураббии Сомон Маҳмадбеков ба ӯ низ иҷозат дода нашуд, то дар мусобиқа иштирок кунад", - омадааст дар иттилои манбаъ.

Ҳамин тавр аввалин мусобиқа оид ба ҷудо  баъд аз эҳёи рақобатҳо аз намуди ҷудо бе иштироки паҳлавонон аз Ҷумҳурии Тоҷикистон сурат мегирад.

Мавқеи Сомон ва Комроншоҳ дар радабандии ҷаҳонӣ як зина поён шуд

Тибқи маълумоти сомонаи расмии Федератсияи байналмилалии  ҷудо, дар Гранд Слами Будапешт 459 варзишгар аз 69 давлат барои дарёфти роҳхати олимпӣ иштирок хоҳанд кард.

Президенти Федератсияи байналмилалии ҷудо, Мариус Визер баргузории мусобиқаи  Гранд Сламро  рӯйдоди таърихӣ хондааст.

Чунин мусобиқаи рейтингӣ 11-13  декабр дар шаҳри Токиои Япония бо номи Tokyo Grand Slam 2020 доир мегардад. Пас аз чанд моҳи маҳдудият ниҳоят ҷаҳон дари худро ба сӯи оянда боз мекунад ва варзиш барои оғози марҳилаи нав беҳтарин тадбир мебошад.

154
Город Душанбе

Душанбе мизбони се мусобиқа мешавад

226
(Таҷдидшуда 00:15 23.10.2020)
Мусобиқа миёни ҷавонон аз рӯи се равия – керуги, пумсэ, даставӣ, мусобиқа миёни наврасон аз рӯи ду равия – керуги, пумсэ ва мусобиқаи кушоди федератсия аз рӯи равияи керугӣ доир мегарданд

ДУШАНБЕ, 22 окт – Sputnik. Аз 24 то 26 октябр дар шаҳри Душанбе се мусобиқа оид ба таеквондои ҷаҳонӣ (WT) баргузор мешавад, хабар медиҳад Кумитаи миллии олимпии Тоҷикистон.

Ҳунарнамоии тими мунтахаби ҶТ дар марҳалаи selfdefence
Федератсияи миллии таэквондо ва кикбоксинги Тоҷикистон

Манбаъ аз қавли раиси Федератсияи таеквондо (ВТФ)-и Тоҷикистон Ҷаҳонзеб Қармишев иттилоъ медиҳад, ки давоми се рӯз дар Мактаби ҷумҳуриявии маҳорати олии варзишӣ оид ба намудҳои таеквондо баргузории мусобиқаи ҷумҳуриявӣ оид ба таеквондо ВТФ байни ҷавонони соли таваллудашон 2003-2005; мусобиқаи кушоди Федератсияи таеквондо ВТФ-и Ҷумҳурии Тоҷикистон баргузор мешавад.

Ҳамчунин баргузории мусобиқаи ҷумҳуриявӣ оид ба таеквондо ВТФ байни наврасони соли таваллудашон 2009-2013 бахшида ба "Солҳои рушди деҳот, сайёҳӣ ва ҳунарҳои мардумӣ" дар назар аст.

Мусобиқа миёни ҷавонон аз рӯи се равия – керуги, пумсэ, даставӣ, мусобиқа миёни наврасон аз рӯи ду равия – керуги, пумсэ ва мусобиқаи кушоди федератсия аз рӯи равияи керугӣ доир мегарданд.

Гуфта мешавад, мақсад аз баргузор кардани мусобиқаҳо, муайян кардани беҳтарин варзишгарон ва ҷалби наврасону ҷавонон ба варзиш, хусусан намуди олимпии таеквондо мебошад.

226

Тавсифи Зеленский аз Раҳмон: сазоворед

0
(Таҷдидшуда 23:54 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи раисиҷумҳур, ҳамчунин аз номи резиденти Венгрия, Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

0