Варзишгари  каратэ. Акс аз бойгонӣ

Нахустин мусобиқоти қаҳрамонии минтақавӣ дар Хуҷанд баргузор шуд

5
(Таҷдидшуда 17:01 26.02.2015)
Варзишгарони панҷ кишвар дар нахустин мусобиқоти қаҳрамонии Осиёи Марказӣ аз рӯйи варзиши каратэ-до дар маркази маъмурии вилояти Суғд ширкат карданд ва соҳибони мусобиқот ҷойи аввал ва севвумро ба ҳисоби тимӣ сарфароз шуданд.

ДУШАНБЕ, 26 фев — Sputnik. Нахустин мусобиқоти қаҳрамонии кушодаи Осиёи Марказӣ аз рӯйи варзиши каратэ-до тибқи шеваи WSKU дар Хуҷанд анҷом шуд, менависад рӯзи панҷшанбе хабаргузории "Авеста".

Дар ин мусобиқот, ки дар кохи варзишии "Шоҳин" баргузор шуд, варзишгарон аз Қирғизистон, Ӯзбакистон, Туркманистон, Русия ва Тоҷикистон, ки ба ин қаҳрамонӣ якбора бо се тим муаррифӣ шуд, ширкат карданд.

Дар ниҳояти мусобиқот ҷойгоҳи аввалро бо миқдори бештари медалҳои тиллоӣ дар рақобати тимӣ гурӯҳи "Тоҷикистон-1", ҷойгоҳи дуввумро тими Қирғизистон ва ҷойгоҳи севвумро тими "Тоҷикистон-2" соҳиб шуданд.

Дар ин қаҳрамонӣ беш аз 400 варзишгари аз 6 то 60-сола ширкат карданд, гуфт ба хабаргузорӣ раиси Федератсияи каратэ-до ва годзю-рюи Тоҷикистон Темурхон Қаюмов.

Ин мусобиқот ба ибтикори Кумитаи ҷавонон, варзиш ва сайёҳӣ якҷо бо Федератсияи каратэ-до бо мусоидати мақомоти маҳаллӣ баргузор шуд.

5
Барчаспҳо:
аз 6 то 60-сола, варзишкорон, мусобиқоти қаҳрамонии минтақавии каратэ-до, Федератсияи каратэ-до, Темурхон Қаюмов, Хуҷанд, Қирғизистон, Тоҷикистон
Юношеская лига Таджикистана U-17

Маълум шуд, ки мавсими нав дар лигаи якуми футболи Тоҷикистон кай сар мешавад

32
(Таҷдидшуда 10:17 18.01.2021)
Қарорҳои мазбури Кумита оид ба мусобиқоти ФФТ бояд дар ҷаласаи Кумитаи иҷроияи Федератсияи футболи Тоҷикистон тасвиб ва тасдиқ карда шаванд

ДУШАНБЕ, 18 янв — Sputnik. Кумита оид ба мусобиқоти Федератсияи футболи Тоҷикистон формулаи чемпионати кишварро байни дастаҳои лигаи якум барои соли равон тасдиқ кард.

Тавре  Федератсияи футболи Тоҷикистон хабар медиҳад, бо қарори Кумита, бозиҳо дар лигаи якуми Тоҷикистон дар мавсими соли 2021 дар ду давра  гузаронда мешаванд.

"Шумораи дақиқи дастаҳо аз рӯи натиҷаҳои расмиёти литсензия муайян  хоҳад гардид. Тахминан, мавсими нав дар лигаи якум 22 апрел оғоз меёбад", - менависад манбаъ.

Ду дастаи аввали лигаи якуми Тоҷикистон ҳуқуқи бозӣ дар лигаи олиро дар соли оянда  ба даст меоранд.

Гаронарзиштарин футболбози рус 20 миллион евро мегирад: ӯ кист?

Бояд зикр кард, ки қарорҳои мазбури Кумита оид ба мусобиқоти ФФТ бояд дар ҷаласаи Кумитаи иҷроияи Федератсияи футболи Тоҷикистон тасвиб ва тасдиқ карда шаванд.

32
Сергей Харитонов, архивное фото

Харитонов мегӯяд, Нурмуҳаммадовро танҳо пул метавонад ба UFC баргардонад

166
(Таҷдидшуда 14:33 17.01.2021)
Размикор Сергей Харитонов бар ин бовар аст, ки Ҳабиб Нурмуҳаммадовро танҳо пули калон метавонад ба UFC баргардонад

ДУШАНБЕ, 17 янв — Sputnik. Қаҳрамони феълии UFC дар вазни сабук, Хабиб Нурмуҳаммадов танҳо барои маблағ метавонад фаъолияташро дубора барқарор кунад, мегӯяд Сергей Харитонов.

Шарте, ки Ҳабиб барои баргаштан ба октагон гузошт: чиро дархост кард?

Рӯзи шанбе сарвари UFC Дана Уайт эълом дошт, ки Нурмуҳаммадов пас аз набарди Дустин Пуэри амрикоӣ ва Конор Макгрегори ирландӣ, ки дар доираи UFC 257 рӯзи 24 январ дар Файт Айленд дар Абу-Даби баргузор мешавад, тасмим мегирад, ки карераро аз сар гирад ё хайр.

"Ин кори шахсии ҳар кас аст, новобаста аз он, ки ягон қарор қабул кунад ё не. Ҳар кас амбицияи худро дорад, ҳама чизи дилхоҳашро карда метавонад. Ҳавасмандии асосӣ пул аст, аз ин рӯ танҳо пул метавонад Хабибро баргардонад", - гуфтааст Харитонов ба РИА Новости.

Нурмагомедов 24 октябри соли гузашта ҳарифи амрикоии худ Ҷастин Гэдҷиро бо роҳи буғӣ кардан, мағлуб кард ва бори сеюм унвони қаҳрамонии UFC-ро ҳифз кард.

Дарҳол пас аз анҷоми набард, размикори 32 - солаи доғистонӣ эълон кард, ки барои ҳамешагӣ октагонро тарк мекунад. Аммо чанде баъд, роҳбари UFC аз эҳтимоли бозгашти Ҳабиб Нурмуҳаммадов хабар дода буд. Размикори доғистонӣ аз 29 муҳорибае, ки баргузор кард, дар ягон набард мағлуб нашудааст.

166

Хароҷоти буҷаи Тоҷикистон дар соли 2021

0
Хароҷоти умумии буҷаи давлатии Тоҷикистон дар соли 2021 аз 27,6 миллиард сомонӣ зиёд хоҳад шуд. Маблағҳо ба куҷо масраф мешаванд: аз тасвирбаёни Sputnik Тоҷикистон бинед
Хароҷоти буҷаи Тоҷикистон дар соли 2021
© Sputnik

Тибқи маълумоти Вазорати молияи Тоҷикистон, дар соли 2021 қисми хароҷоти буҷаи давлатӣ нисбат ба соли 2020 6,1% зиёдтар аст.

Манбаъҳои ташаккули буҷети давлатии Тоҷикистон дар соли 2021 андозҳо (18,8 миллиард сомонӣ), даромадҳои ғайриандозӣ (1,39 миллиард сомонӣ), грантҳои ташкилотҳои байналмилалии молиявӣ (0,3 миллиард сомонӣ), қарзҳо ба лоиҳаҳои сармоягузории давлатӣ (4,87 миллиард сомонӣ), маблағҳои махсуси муассисаҳои буҷетӣ (2,26 млрд. сомонӣ) ташкил медиҳанд.

Дар соли 2021 ба бахши иҷтимоии иқтисод 13,16 миллиард сомонӣ ва ба бахши воқеии иқтисод 8,38 миллиард сомонӣ равона мешавад.

Хароҷоти буҷет соли - 2020: кадом бахшҳо муҳиманд

Аз буҷаи давлат барои бахши қудрат ва идоракунии давлатӣ 1,43 миллиард ва барои мудофиа ва ҳифзи ҳуқуқ 2 миллиард сомонӣ ҷудо карда мешавад. Ғайр аз ин, 2 миллиард сомонӣ барои пӯшонидани ӯҳдадориҳои қарзӣ равона хоҳад шуд.

Тибқи гузориши пешниҳодшуда, имсол ба нақша гирифта шудааст, ки қисми зиёди маблағҳо ба соҳаи маориф - 5,59 миллиард сомонӣ равона карда шаванд.

Аз даромад то каср: буҷети шаҳрвандӣ барои соли 2020

Барои суғуртаи иҷтимоӣ ва ҳифзи аҳолӣ 4,1 миллиард сомонӣ сарф карда мешавад. Қариб ҳамин миқдор маблағ дар Тоҷикистон барои рушди комплекси энергетикӣ ва сӯзишворӣ равона мегардад. Ҳамзамон, касри буҷа 0,5% ё 463 миллион сомонӣ пешбинӣ шудааст.

0
Барчаспҳо:
буҷа, Тоҷикистон