Бозигарони дастаҳои футболи Истиқлол ва Равшан. Акс аз бойгонӣ

“Истиқлол” бори панҷум барандаи Ҷоми олии футболи Тоҷикистон гардид

7
(Таҷдидшуда 09:04 06.04.2015)
Вақти асосии бозӣ ва замони иловагӣ низ ғолибро муайян карда натавонист, дастаҳо барои задани силсилаи пеналтиҳо омода шуданд. Дар иҷрои он душанбегиҳо дастболо гардиданд.

ДУШАНБЕ, 6 апр — Sputnik. Тими "Истиқлол"-и Душанбе барои панҷумин бор ғолиби Ҷоми олии Тоҷикисттон шуд, менависад сайти Федератсияи футболи Тоҷикистон.

Бозӣ барои Ҷоми олӣ ё Cуперҷоми Тоҷикистон-2015 оид ба футбол шоми якшанбеи 5-уми апрел дар Варзишгоҳи марказии пойтахти кишвар баргузор шуд.  Дар ин бозӣ дастаи «Истиқлол»-и Душанбе, қаҳрамони феълӣ ва барандаи Ҷоми Тоҷикистон-2014, бар тими «Хайр»-и Ваҳдат, барандаи медалҳои нуқраи мусобиқаи порсолаи қаҳрамонии кишвар, аз рӯи силсилаи пеналтӣ бо ҳисоби 4-3 ғалаба кард.

Ба иттилоъи манбаъ, замони асосӣ бо ҳисоби мусовии 2:2 хотима ёфт. Ба ду голи "Истиқлол", ки дар нимаи аввали бозӣ Хуршед Маҳмудов (дақиқаи 40-ум) ва Фатҳулло Фатҳуллоев (дақиқаи 44-ум) заданд, бозигари "Хайр" Меҳроҷиддин Музаффаров дар нимаи дувум (дақиқаҳои 69-ум ва 87-ум) бо ду гол посух дод. Дар 30 дақиқаи замони изофӣ низ ғолиб муайян нашуд.

"Дар задани силсилаи пеналтӣ кори футболбозони "Истиқлол" омад кард ва онҳо бо ҳисоби 4:3 ғолиб омаданд",- менависад сарчашмаи хабар.

Маврид ба ёдоварист, Ҷоми олииТоҷикистон сар аз соли 2010 барои бори шашум баргузор шуд. «Истиқлол» барандаи аввалин ва феълии ин ҷом аст. Дастаи футболи душанбегиҳо панҷ маротиба (солҳои 2010, 2011, 2012, 2014 ва 2015) ва «Равшан»-и Кӯлоб як маротиба (соли 2013) Ҷоми олии Тоҷикистонро ба даст овардаанд.

 

7
Барчаспҳо:
дафъаи панҷум, пирӯзии "Истиқлол" дар Суперҷом, бозии дастаҳои Хайр ва Истиқлол, Суперҷоми Тоҷикистон, Ҷоми олии футбол, Варзишгоҳи марказии пойтахт, "Хайр", "Истиқлол", Меҳроҷиддин Музаффаров, Фатҳулло Фатҳуллоев, Хуршед Маҳмудов, Душанбе, Тоҷикистон

"Боз як Ҳабиб дар UFC": рекорди нави варзишгар дар 17 сония - видео

356
(Таҷдидшуда 14:41 20.09.2020)
Дар Лас-Вегас бозии UFC Fight Night 178 баргузор гардид, ки дар он варзишкори чеченӣ дар ин намуди варзиш рекорди нав гузошт

ДУШАНБЕ, 20 сен — Sputnik. Размикори чеченӣ Ҳамзат Чимаев, ки аз номи Шветсия мусобиқа мекунад, торафт машҳур мешавад.

Чанде пеш дар Лас-Вегасе мусобиқаи UFC Fight Night 178 баргузор гардид, ки дар он варзишкор бори нуҳум паиҳам пирӯз шуд.

Чимаев бо варзишкори амрикоӣ Ҷералд Миршерт ба майдон баромад. Ин бозии басо тезутунд, танҳо чанд сония давом карду халос.

Чимаев бозиро бо худбоварии хос сар кард ва дар зарбаи якум ҳарифашро беҳуш намуд. Ва ин дар сонияи 17-уми мусобиқа!

Ин пирӯзӣ барои Чимаеве, ки торафт номитар мешавад, дар ММА 9-ум ва дар UFC 3-ум буд.

Ин тактикаи ғайримаъмулии Чимаевро дар муҳорибаҳои омехта бо Ҳабиб муқоиса намуда, ӯро боз як Нурмуҳаммедов дар саҳнаи UFC меноманд.

356

Тавсифи Трамп аз Нурмуҳаммадов: беҳтарин размикори ҷаҳон аст

1356
(Таҷдидшуда 08:50 17.09.2020)
Кишвардори Амрико Доналд Трамп изҳор доштаст, ки новобаста аз серкорӣ, муҳорибаи Ҳабиб Нурмуҳаммадов ва Ҷастин Гейтҷиро ҳатман тамошо хоҳад кард

ДУШАНБЕ, 17 сен — Sputnik. Ба изҳори раисҷумҳури Амрико Доналд Трамп, размикори доғистонӣ Ҳабиб Нурмуҳаммадов беҳтарин варзишгари ҷаҳон дар муҳорибаи омехта новобаста аз вазн, ба ҳисоб меравад, хабар медиҳад Russia Today. 

Трамп мегӯяд, новобаста аз он ки, дар арафаи интихоботи президентӣ бисёр серкор аст, бо вуҷуди ин ҳам, муҳорибаи размикори доғистонӣ бо ҳамтои амрикоии ӯро ҳатман тамошо мекунад.

Филме, ки аз зиндагиномаи Абдулманап Нурмуҳаммадов қисса мекунад, нашр шуд - видео

"Гейтҷиро муҳорибаи вазнин дар пеш аст, зеро бо беҳтарин размикори ҷаҳон вориди рақобат мешавад. Ин як муҳорибаи бебаҳо хоҳад буд ва ман онро ҳатман тамошо мекунам", - изҳор доштааст Трамп.

Ёдовар мешавем, муҳорибаи Ҳабиб Нурмуҳаммадов ва Ҷастин Гейтҷи рӯзи 24 - уми октябр дар АМА баргузор мешавад. Гейтҷии 31 - сола аз 22 муҳорибаи худ танҳо дар ду маврид бохтааст.

Ҳарифи ӯ, размикори доғистонӣ Ҳабиб Нурмуҳаммадов бошад, ҳамаи 28 рақобати худро бидунӣ мағлубият анҷом додааст.

Бояд гуфт, ки Нурмуҳаммадов дар рейтинги UFC пас аз Ҷон Ҷонс дар мақоми дуюм қарор дорад.

1356
Барчаспҳо:
тавсиф, Ҳабиб Нурмуҳаммадов, Доналд Трамп

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0