Абдулло и Ясин Нематовы (слева) на награждении Кубка дзюдо ILIOUPOLIS 2015

Медалҳои тиллои Ёсин ва Абдуллоҳ Неъматовҳо дар Юнон

16
(Таҷдидшуда 16:35 25.05.2015)
Бародарон Абдуллоҳ ва Ёсин Неъматовҳо дар мусобиқаи байналмилалии дзюдо миёни наврасон, ки дар Юнон баргузор шуд, барандаи медалҳои тилло шуданд.

ДУШАНБЕ, 25 май — Sputnik. Дар мусобиқаи байналмилалии ILIOUPOLIS JUDO CUP 2015, ки дар шаҳри Афина — пойтахти Юнон баргузор шуд, бародарон Абдуллоҳ ва Ёсин Неъматовҳо медалҳои тиллои ин мусобиқаро касб карданд, менависад "Радиои Озодӣ".

Ёсин Неъматов дар ин сабқати байналмилалӣ дар вазни 66 килограмм дар даври аввал ҳарифонаш аз Украина ва Қибрис ва дар даври дувум варзишгари юнониро шикаст дод. Дар даври ниҳоӣ бошад, Ёсин Неъматов намояндаи Исроилро мағлуб кард ва барандаи ин мусобиқа эълон шуд. Абдулло Неъматов дар вазни то 60 килограмм байни наврасони солҳои таваллудашон 2000-2001 ҷои аввал гирифт.

Абдуллоҳ ва Ёсин писарони рӯзноманигор ва соҳибкори тоҷик Муҳаммадрозиқ Неъматов мебошанд, ки аз чанд сол ба ин сӯ дар Имороти Муттаҳидаи Араб кору зиндагӣ мекунад. Онҳо дар он ҷо мактаб мехонанд ва дар ин мусобиқа зери парчами Иморот баромад карданд.

Абдуллоҳ ва Ёсин Неъматовҳо аз ин қабл дар моҳи апрели соли ҷорӣ дар сабқати Копенҳаген миёни паҳлавонони соли таваллудашон 1998-2000 ва баъдан миёни ҳамсолони худ (2001) ду медали нуқра ба даст оварда буданд. Ёсин соҳиби медали биринҷӣ шудааст. Муҳаммадрозиқ Неъматов, падари Ёсин ва Абдуллоҳ мегӯяд, писаронаш аз ин пеш низ дар мусоқибаҳои дзюдо дар Арабистони Саудӣ ва Ҷопону Олмон низ иштирок кардаанд.

16
Барчаспҳо:
пирӯзӣ, медали тилло, мусобиқа, ҷои аввал, ILIOUPOLIS JUDO CUP 2015, Муҳаммадрозиқ Неъматов, Ёсин Неъматов, Абдуллоҳ, Имороти Муттаҳидаи Араб, Юнон
Юношеская сборная Таджикистана (U-17) в равной борьбе уступила сборной Аргентине

Тими милии футболи Тоҷикистон барои бозии дӯстона ба шаҳри Тошканд меравад

62
(Таҷдидшуда 17:00 08.07.2020)
Футболбозони тими милии футболи Тоҷикистон санаи 4 сентябр дар шаҳри Тошканд бо тими милии футболи Ӯзбекистон рақобат хоҳанд кард

ДУШАНБЕ, 8 июл — Sputnik. Федератсияи футболи Тоҷикистон (ФФТ) ва Ассотсиатсияи футболи Ӯзбекистон барои баргузор намудани бозии дӯстона байни ин ду кишвар ба мувофиқа расиданд, иттилоъ додааст сомонаи расмии ФФТ.

Бино бар иттилои манбаъ, бозии дӯстона миёни ду тими миллӣ санаи 4 сентябр соли равон дар  шаҳри Тошканд баргузор мешавад. 

Инчунин манбаъ зикр кардааст, ки бозии дӯстона байни дастаҳои  мунтахаби  Тоҷикистон ва Ӯзбекистон қарор буд 31  март баргузор мешуд, вале бинобар сабаби паҳншавии бемории   коронавирус вақти баргузории ин дидор мавқуф гузошта шуда буд.

Бояд қайд, кард дастаҳои  мунтахаби Тоҷикистон ва Ӯзбекистон то ин замон  миёни якдигар 8 вохӯрӣ баргуор карда буданд. Маротибаи охир дастаҳо 15 ноябри соли 2011 дар  шаҳри Тошканд бозӣ карда буданд.

62
Барчаспҳо:
рақобат, Ӯзбекистон, Тошканд, Футбол, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

79
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

79
День 9 июля

Ҷашнҳои рӯзи 9 июл дар Тоҷикистон ва ҷаҳон

0
(Таҷдидшуда 20:44 08.07.2020)
Рӯзи нӯҳуми июл Рӯзи байналмилалии теннис буда, дар Озарбойҷон – Рӯзи кормандони сохторҳои хизмати дипломатӣ, дар Аргентина — Рӯзи Истиқлолият ва дар Қазоқистон – Рӯзи Хадамоти андоз мебошад

Рӯзи 9 июл дар ҷаҳон чӣ рух дод

Соли  1788 Коннектикут Иёлати панҷуми ИМА шуд.

Соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.

День 8 июля
© Sputnik / Стас Этвеш / Вишнякова Мария

Соли 1952 Ҷумҳурии Демократии Германия  (ГДР) дар бораи таъсис додани сотсиализм қарор қабул кард.

Соли 1957 дар ҷадвали химиявии Менделеев 102-юмин  элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий»  номгузорӣ намуданд.

Соли 1961  Юнон дар бораи дохил шудан ба Иттиҳоди иқтисодии Аврупо қарор қабул кард.

Соли 1988  варзишгари немис  Габриэла Ранш барои партофтани гурз  ба масофаи 76 метру 80 сантиметр рекорди ҷаҳонӣ гузошт.

Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.

Соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.

Рӯзи 9 июл дар Тоҷикистон чӣ рух дод

Соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.

День 7 июля
© Sputnik / Стас Этвеш / Вишнякова Мария

Соли 2010 дар тарабхонаи «Суҳбати дӯстон»- и шаҳри Истаравшан бо ширкати  Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.

Соли 2012  Президент Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.

Соли 2015 дар шаҳри Уфа-пойтахти Ҷумҳурии Бошқирдистони Федератсияи Русия Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуд.

Ҷашнҳои рӯзи 9 июл

  • Рӯзи байналмилалии теннис.
  • Дар Озарбойҷон – Рӯзи кормандони сохторҳои хизмати дипломатӣ.
  • Дар Аргентина — Рӯзи Истиқлолият.
  • Дар Қазоқистон – Рӯзи Хадамоти андоз.

Рӯзи 9 июн кӣ ба дунё омадааст

1901 — Барбара Картленд (соли даргузашт. 2000), нависандаи пурмаҳсули англис дар асри  XX.

1931 — Андрей Капитса (соли даргузашт 2011), ҷуғрофдони рус, таҳқиқгари Антарктида, профессор, узви Академияи илмҳо.

1938 - Лия Ахеджакова, ҳунарпешаи театр ва синамо, ҳунарманди халқии Русия.

1950 — Виктор Янукович, сиёсатмадори украинӣ, президенти Украина дар солҳои (2010—2014).

1956 — Том Хэнкс, ҳунарманди амрикоӣ, коргардон, продюсер дорандаи ду ҷоизаи "Оскар" ва чаҳор  "Золотой глобус".

Рӯзи 9 июл дар Тоҷикистон кӣ ба дунё омадааст

1941-2008 – нависанда  Азиз Раҳим.

1954 – ҳавошинос, нависанда Александр Пиров.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон