Тими наврасони футболи Тоҷикистон. Акс аз бойгонӣ

Наврасони тоҷик барои Ҷоми раиси ҷумҳури Қазоқистон рақобат мекунанд

9
(Таҷдидшуда 16:40 03.06.2015)
Тими мунтахаби наврасони футболи Тоҷикистон имкон доранд натоиҷи бозиҳои соли гузаштаи худ барои Ҷоми раиси ҷумҳури Қазоқистонро беҳбуд бахшанд, зеро қаблан дар ин мусобиқот ҷойгоҳи севвумро касб карда буданд.

ДУШАНБЕ, 3 июн — Sputnik. Тими мунтахаби наврасони Тоҷикистон (U-16) дар гурӯҳи "А" дар мусобиқоти байналмиллалии футбол барои дарёфти Ҷоми раиси ҷумҳури Қазоқистон бо ҳамтоёни худ аз Испания, Қазоқистон ва Қирғизистон рақобат мекунанд, хабар медиҳад сомонаи Федератсияи футболи кишвар.

Ба гурӯҳи "Б" тимҳои Русия-2, Белорус, Озарбойҷон ва Гурҷистон шомил ҳастанд.

"Дар бозиҳои гурӯҳӣ тимҳо як маротиба бо ҳам рақобат мекунанд. Тимҳои пирӯз дар гурӯҳҳо бо ҳамдигар бозӣ мекунанд ва тимҳои дигар барои ҷойгоҳҳои боқимонда вориди сабқат мешаванд", — омадааст дар хабар.

Мусобиқоти байналмиллалӣ барои дарёфти Ҷоми раиси ҷумҳури Қазоқистон аз 22 то 26 июн дар Остона баргузор мешавад. Ҳазинаи ҷавоизи ин мусобиқот 20 ҳазор доллар муқаррар шудааст. Тими пирӯз соҳиби 10 ҳазор доллар, барандаи ҷойи дуввум 6 ҳазор доллар ва соҳиби мақоми севвум 4 ҳазор доллар ба даст меоранд.

Соли гузашта тими наврасони Тоҷикистон таҳти сарпарастии Салоҳиддин Ғафуров дар ин мусобиқоти байналмиллалӣ ҷойгоҳи севвумро касб карда буд. Дар соли ҷорӣ тими мунтахабро Зайниддин Раҳимов сарпарастӣ мекунад.

9
Барчаспҳо:
ширкати тими наврасони тоҷик дар мусобиқоти Ҷоми раиси ҷумҳури Қазоқистон, ФФТ, Зайниддин Раҳимов, Салоҳиддин Ғафуров, Қазоқистон, Тоҷикистон
Мавзуъ
Сабқати мини-футбол дар Душанбе ба ифтихори Рӯзи Ғалаба
“Ласточка”- ғолиби мусобиқаи футбол бахшида ба 8 март
Мудири кулли тими “Энергетик” умрбод аз футбол дур карда шуд
Рақибони мунтахаби ҷавонони ҶТ оид ба футбол маълум шуданд
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

19
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

19
Барчаспҳо:
тоҷик, усто, туҳфа, Бозиҳои олимпӣ
Парвизҷон Умарбоев, нимҳимоятгари дастаи мунтахаби Тоҷикистон, бо тимаш Суперҷоми Булғористонро ба даст овард.

"Мессии тоҷик": Парвизҷон Умарбоев бо тимаш Суперҷоми Булғористонро соҳиб шуд

224
(Таҷдидшуда 11:15 04.08.2020)
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард

ДУШАНБЕ, 4 авг — Sputnik. Тибқи иттилои Федератсияи футболи Тоҷикистон, дар бозӣ барои Суперҷом “Локомотив” (Пловдив) қаҳрамони Булғористон “Лудогоертс”-ро бо ҳисоби 1:0 шикаст дод.

Ба иттилои манбаъ, умарбоев дар ҳайати “Локомотив” 90 дақиқа ҳунарнамоӣ кард.

Гуфта мешавад, ин сеюмин дастовардест, ки Парвизҷон Умарбоев дар ҳайати “Локомотив”-и Пловдив соҳиб шудааст.

Қабл аз ин футболбози тоҷик ду маротиба ҳамроҳ бо тимаш Ҷоми Булғористонро ба даст овардааст.

Дар ҳайати “Локомотив” Умарбоев имсол дар даври муқаддамотии Лигаи Аврупо-2020/2021 бозӣ хоҳад кард.

Ёдовар мешавем Парвизҷон Умарбоев сар аз соли 2016 дар ҳайати  “Локомотив” ҳунарнамоӣ карда, давоми ҷаҳор соли фаъолияташ дар беш аз 100 бозӣ ширкат кардааст.

Парвизҷон Умарбоев аз бозигарони шинохтаи кишвар буда миёни ҳаводоронаш бо "Мессии тоҷик" шинохта шудааст.

 

224