Бозии Ироқ ва Баҳрайн дар гурӯҳи F. 6 октябри соли 2015

Тоҷикистон Молдивро бо ҳисоби бузурги 8:0 шикаст дод

11
(Таҷдидшуда 22:08 12.10.2015)
Тими мунтахаби ҷавонони Тоҷикистон аз ин пеш бо дастаи Ироқ бозиро бо ҳисоби 0:2 бохта, Баҳрайнро бо ҳисоби 3:2 шикаст дода буд.

Душанбе, 7 окт — Sputnik. Дастаи мунтахаби ҷавонони футболи Тоҷикистон (U-19) ба даври ниҳоии қаҳрамонии Осиё-2016 роҳхат гирифт, хабар медиҳад сомонаи ФФТ.

Ба иттилоъи манбаъ, тими яккачини ҷавонони футболи Тоҷикистон (U-19) дар даври севвум ва охирини сабқати интихобии қаҳрамонии футболи Осиё-2016 байни ҷавонони синашон зери 19-сола дар гурӯҳи «F» тими Молдивро бо ҳисоби бузурги 8:0 шикаст дода, ҳаққи ширкат дар финалро соҳиб гардиданд.

Ин бозӣ шоми рӯзи гузашта бо ширкати беш аз 4 ҳазор мухлис дар Варзишгоҳи марказии шаҳри Душанбе сурат пазируфт.

Қисми аввали бозӣ бо бартарии футболбозони ҷавони тоҷик ва бо ҳисоби 2:0 ба нафъи мунтахаби Тоҷикистон ба анҷом расид. Голҳоро Эҳсони Панҷшанбе дар дақиқаи 25-ум ва Саид Иброҳим дар дақиқаи 33-юм ба нишон  расонданд. Шаш голи дигарро Алишери Ҳотам (се гол дар дақиқаҳои 49, 68 ва 79), Эҳсони Панҷшанбе (58), Нуриддин Ҳамроқулов (61) ва Суннатулло Холов (87) ба ҳадаф расониданд.

Ҳайати мунтахаби ҷавонони Тоҷикистон дар бозӣ муқобили дастаи Молдив чунин буд: Беҳрӯз Хайриев, Табрези Давлатмир, Қувватбек Равшанбеков, Алишер Сафаров (капитани даста), Кароматулло Саидов, Худойдод Узоқов (Муҳаммадҷони Ҳасан, 31), Алишери Ҳотам,Эҳсони Панҷшанбе, Мунир Давлатбеков, Нуриддин Ҳамроқулов (Саидҷон Шарифов, 82), Амирҷон Сафаров (Суннатулло Холов, 74).

Ба ин тартиб, баъди натиҷагирии ҳамаи шаш бозии сабқати интихобии қаҳрамонии футболи Осиё-2016 дар гурӯҳи «F» мунтахаби Ироқ бо 9 имтиёз мақоми аввалро касб кард. Ироқиҳо ба қисми ниҳоии қаҳрамонии Осиё-2016 роҳ ёфтанд. Мунтахаби Тоҷикистон бо 6 имтиёз дувум шуд ва аз рӯи нишондодҳои беҳтаринаш дар байни дастаҳои ҷойҳои дувумро ишғолкарда ба ҳаққи ширкат дар қисми ниҳоӣ, ки соли 2016 дар Баҳрайн баргузор мешавад, мушарраф гашт.

Тими мунтахаби ҷавонони Тоҷикистон аз ин пеш бо дастаи Ироқ бозиро бо ҳисоби 0:2 бохта, Баҳрайнро бо ҳисоби 3:2 шикаст дода буд.

11
Барчаспҳо:
ғалабаи футболбозони ҷавони тоҷик, пирӯзӣ бо ҳисоби бузург, футбол, роҳхати Тоҷикистон ба даври ниҳоӣ, даври интихобии қаҳрамонии Осиё-2016, Дастаи мунтахаби ҷавонони футболи Тоҷикистон (U-19), Эҳсони Панҷшанбе, Алишери Ҳотам, Нуриддин Ҳамроқулов, Суннатулло Холов, Ироқ, Баҳрайн, Молдив, Душанбе, Тоҷикистон
Парвизҷон Умарбоев, нимҳимоятгари дастаи мунтахаби Тоҷикистон, бо тимаш Суперҷоми Булғористонро ба даст овард.

"Мессии тоҷик": Парвизҷон Умарбоев бо тимаш Суперҷоми Булғористонро соҳиб шуд

224
(Таҷдидшуда 11:15 04.08.2020)
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард

ДУШАНБЕ, 4 авг — Sputnik. Тибқи иттилои Федератсияи футболи Тоҷикистон, дар бозӣ барои Суперҷом “Локомотив” (Пловдив) қаҳрамони Булғористон “Лудогоертс”-ро бо ҳисоби 1:0 шикаст дод.

Ба иттилои манбаъ, умарбоев дар ҳайати “Локомотив” 90 дақиқа ҳунарнамоӣ кард.

Гуфта мешавад, ин сеюмин дастовардест, ки Парвизҷон Умарбоев дар ҳайати “Локомотив”-и Пловдив соҳиб шудааст.

Қабл аз ин футболбози тоҷик ду маротиба ҳамроҳ бо тимаш Ҷоми Булғористонро ба даст овардааст.

Дар ҳайати “Локомотив” Умарбоев имсол дар даври муқаддамотии Лигаи Аврупо-2020/2021 бозӣ хоҳад кард.

Ёдовар мешавем Парвизҷон Умарбоев сар аз соли 2016 дар ҳайати  “Локомотив” ҳунарнамоӣ карда, давоми ҷаҳор соли фаъолияташ дар беш аз 100 бозӣ ширкат кардааст.

Парвизҷон Умарбоев аз бозигарони шинохтаи кишвар буда миёни ҳаводоронаш бо "Мессии тоҷик" шинохта шудааст.

 

224
Пресс-секретарь Федерации футбола Таджикистана Фаридун Салиев

Чаро футболбозони тоҷик ба дастаҳои бузург роҳ намеёбанд?: шарҳи мутахассис

186
Фаридун Салиев, котиби матбуоти Федератсияи футболи Тоҷикистон шарҳ дод, ки чаро футболбозони тоҷик аз ҷониби клубҳои ҷаҳонӣ бо арзиши воқеии худ харида намешаванд ва ҳамзамон ба он дастаҳо роҳ намеёбанд

ДУШАНБЕ, 2 авг — Sputnik. Портали олмонии transfermarkt.de, ки маълумотҳоро оид ба гузариш ва нархномаи бозигарон нашр мекунад, маълумотро дар бораи арзиши бозигарон дар Лигаи олии Тоҷикистон нав кард. Тибқи нишондоди он, дар маҷмӯъ, айни ҳол, чемпионати Тоҷикистон тавонист нишондиҳандаи 18 миллион евроро паси сар кунад.

Ҳар як рейтинги варзишӣ шартӣ аст, гуфт Фаридун Салиев, котиби матбуоти Федератсияи футболи Тоҷикистон дар суҳбат бо Sputnik Тоҷикистон.

"Дар солҳои  гузашта, то ҳол чунин ҳолате рух надодааст, ки як бозигар аз клуби футболи Тоҷикистон ба маблағи 200 ҳазор евро ё 150 ҳазор евро гузариш карда бошад", - гуфт Салиев.

Ба гуфти ӯ, ҳамаи бозигарони тоҷик асосан ба ҳайси агенти озод интиқол дода мешаванд.

"Асосан, футболбозони мо ба чемпионатҳои Индонезия, Бангладеш, Малайзия мераванд: дар он ҷо ба онҳо маоши хуб пешниҳод карда мешавад. Чӣ қадаре ки бозигарон таҷрибаи бозӣ дар клубҳои хориҷиро доранд, тими миллии Тоҷикистон қавитар хоҳад буд", қайд кард коршинос.

Тошев дар бораи сатҳи омодагии мунтахаби миллии футболи Тоҷикистон гуфт: видео

Сухангӯи ФТФ гуфт, ки мушкили асосӣ ин набудани агентҳо дар бозори футболи тоҷик аст, ки бозингаронро ба Аврупо бурда тавонад.

186
Молоток судьи в суде, архивное фото

Се соли зиндон: суди Хуҷанд ҳукми корманди қалбакии идораи зидди фасодро эълон кард

0
(Таҷдидшуда 17:22 06.08.2020)
Суди шаҳри Хуҷанд нисбати Нуриддинов Анвархӯҷа Ҳайдарович, ки худро корманди Идораи мубориза бо коррупсия хонда аз мақомдорони давлатӣ бо ҳар баҳона пул меситонд, ҷазои маҳрум сохтан аз озодӣ таъин намудааст

ДУШАНБЕ, 6 авг – Sputnik. Суди шаҳри Хуҷанд дар рафти мурофияи додгоҳӣ се ҳолати қаллобии Нуриддиновро ошкор намуда, нисбати ӯ бар асоси Қонуни ҷинояии Тоҷикистон ҷазо таъин намудааст.

Ба иттилои Акбар Шарифӣ, сухангӯи Раёсати вазорати корҳои дохилӣ дар вилояти Суғд, дар ҷараёни маҷлиси судӣ таъкид шудааст, ки Нуриддинов Анвархӯҷа дар се ҳолат тариқи суҳбати телефонӣ худро корманди Идораи мубориза бо коррупсия муаррифӣ карда, аз як раиси ҷамоат ва ду хизматчии давлатии дигар барои гуё ифшо накардани камбудиҳои кориашон ҷамъ 9,2 ҳазор сомонӣ ситонидааст.

"Ҳаракатҳои мардумфиребона тавассути суҳбати телефонӣ сурат гирифта, баъди ба мувофиқа расидан Нуриддинов ба ҳайси шогирд ва иҷрокунандаи супориши роҳбар ба назди ҷабрдидаҳо омада, маблағи маслиҳатшударо ба даст меорад. Ҳол он, ки нафари сеюм вуҷуд надошт ва нафари дар телефон суҳбаткарда низ, худи ӯ мебошад", - иттилоъ медиҳад Шарифӣ.

Боздошти кормади ҳукумати Кӯлоб аз суи Ожонси зидди фасод бо ҷурми заминфурӯшӣ

Судшаванда Нуриддинов Анвархӯҷа Ҳайдарович, сокини 26 солаи шаҳри Хуҷанд буда, ягон ихтисоси касбӣ надорад ва дар ҳеҷ куҷо расман кор намекунад. Ӯ моҳи марти соли 2019 дар асоси моддаҳои 11 ва 237 и Кодекси ҷиноӣ суд шуда нисбаташ бо ҳукми суди шаҳри Хуҷанд ҷазо дар намуди ҷарима тадбиқ шудааст.

Қаблан дар нишасти матбуотӣ Шараф Аваззода, сардори Раёсати Агентии назорати давлатии мубориза бо коррупсия дар вилояти Суғд, гуфт дар ҳоле аз амалҳои ғайриқонунии ин сокини шаҳри Хуҷанд огоҳ шудаанд, ки ӯ худро корманди ниҳоди онҳо хонда ба ситонидани маблағи шаҳрвандон машғул шудааст.

Тафтиши саросарии "Агроинвестбонк": Ожонси зидди фасод пулҳои “гумшуда”-ро меҷӯяд

Суди шаҳри Хуҷанд ҳолатҳои айбдории Нуриддинов Анвархӯҷа Ҳайдаровичро бар асоси моддаи 247 қисми 2 бандҳои "а" ва "в" - и  асноди ҷиноӣ баррасӣ намуда, нисбати номбурда ҷазои маҳрум сохтан аз озодӣ ба муҳлати 3 сол бо адо кардани ҷазо дар Калонияи ислоҳии дорои низоми умумӣ бо ҳуқуқи маҳрум сохтан аз ишғоли мансабҳои муайян ва машғул шудан ба фаъолияти муайян таъин кардааст.

0
Барчаспҳо:
Ожонси зидди фасод, қалбакӣ, корманд, ҳукм, Хуҷанд, суд